Pressan - 15.08.1991, Blaðsíða 25

25
LISTAPÓSTURINN
Tónlist
fyrir ketti!
Rauöa myllan uid Hlemm-
torg er að verða einn áhuga-
verðasti vettvangur tónlistar í
borginni. Á fimmtudags-
kvöldið kynnir NeðanHopp-
ið! svokallaða tónleika
tveggja hæfileikaríkra tón-
listarmanna: Halldórs Gylfa-
sonar og Heiðu. Halldór flyt-
ur frumsamið efni með kassa-
gítar og söng og mun í kaup-
bæti flytja nokkur ljóð. Tón-
list Halldórs mun í ætt við
Megas, The Pixies og The
Smiths — hvorki meira né
minna!
Heiða er einnig með frum-
samið efni, gítar og söng.
Hún vill lítið segja um áhrifa-
valda sína en þar mun kenna
margra grasa, allt frá Janis
heitinni Joplin til pönksins.
Tónleikarnir á Rauðu myll-
unni hefjast klukkan tíu í
kvöld og er aðgangur ókeyp-
is eins og jafnan á tónlistar-
viðburði NeðanHopps! Yfir-
skrift þessara tónleika er:
Tónlist fyrir ketti.
Illugi Jökulsson
gefur út ljóöabók
,,Það var tvenntsem ég var
sannfœrður um að ég œtti
aldrei eftir að gera: taka bíl-
próf og gefa út Ijóðabók. Nú
hef ég gert hvorttveggja,
þannig að ég veit ekki alveg
hvað ég geri nœst," sagði III-
ugi Jökulsson sem á dögun-
um laumaði út dálitlu Ijóða-
kveri sem heitir Hjartablóð
og hörpustrengir. „ Jú, nafnið
er óneitanlega tilkomumikið
enda fannst mér að ég gœti
ekki vikiö mér undan því að
gefa út bók eftir að hafa dott-
ið niður á þetta nafn."
Hjartablóð og hörpustreng-
ir ber undirtitilinn Ljóðasafn
1983—91 og hefur að geyma
tíu ljóð — öll ljóð sem Illugi
hefur ort um ævina, að und-
anskildum tveimur eða
þremur tækifærisvísum eins
og fram kemur í eftirmála
höfundar.
Tíu ljóð bera hreint ekki
vitni um mikil afköst. Orti 111-
ugi ekki einu sinni í mennta-
skóla?
„Nei, ég slapp alveg við
það sem betur fer. Þessi ljóð
hafa meira og minna orðið til
af tilviljun. Eg lít ekki á mig
sem ljóðskáld og ætla ekki að
verða það þegar ég verð stór!
En það er kannski dálítil
þversögn í því að ég tek öll
þessi tíu ljóð hátíðlega þótt
ég eigi enn sem komið er erf-
itt með að taka þetta litla
ljóðakver jafn hátíðlega."
í haust er fyrsta skáldsaga
Illuga væntanleg. Hvað vill
hann segja um söguna þá?
„Hún fjallar um það þraut-
reynda, þrautreynda efni
þegar ókunnur maður kemur
í lítið pláss: nokkuð sem ótelj-
andi höfundar hafa gert skil á
allan hugsanlegan hátt.
Sögumaðurinn er fógeti bæj-
arins sem reynir að grafast
fyrir um erindi mannsins —
og það tekst honum að lok-
um.“
Barnabók í fyrra, ljóð og
skáldsaga á þessu ári. Er
kannski leikrit í vinnslu líka?
„Já. Reyndar tvö.“
Orti sem betur fer ekkert í menntaskóla.
Gyröir Elíasson
Megas
Vigdís Grímsdóttir
Þórarinn Eldjárn
Ljóðskáldin komin á kreik
A nœstu vikum og mánuð-
um er von á mörgum forvitni-
legum Ijóðabókum, m.a. frá
ýmsum af þekktustu skáld-
um landsins.
Meðai bóka sem Mál og
menning gefur út eru Jarð-
munir Hannesar Sigfússonar,
og hefur að geyma bæði
frumsamin ljóð og þýdd. Frá
MM er líka að vænta bóka eft-
ir Gyrði Elíasson, Sjón og
Rögnu Sigurðardóttur. Þetta
er fyrsta ljóðabókin sem út
kemur eftir Sjón í fimm ár en
áður hafði hann sent frá sér
fjölmargar ljóðabækur á fá-
um árum. Bók Rögnu er í
senn ljóða- og listaverkabók
en hún hefur áður gefið út
eina ljóðabók.
Forlagið gefur út ljóðabæk-
ur Þórunnar Valdimarsdóttur
og Þórarins Eldjárns. Þórar-
inn er með þrennu þetta árið,
í vor kom Hin háfleyga mold-
varpa og í haust er auk þess
von á barnabók sem Sigrún
Eldjárn myndskreytir. Frá Ið-
unni er m.a. að vænta nýrrar
ljóðabókar Vigdísar Gríms-
dóttur. Hún hefur áður gefið
út tvö smásagnasöfn og tvær
skáldsögur en fyrsta ljóðabók
hennar kom út í fyrra. Ekki
eru öll kurl komin til grafar
með útgáfubækur Almenna
bókafélagsins en á þeim bæ
er m.a. áformuð útgáfa á
heildarsafni Megasar og ljóð-
um eftir Einar Má Guð-
mundsson.
Gísli Halldórsson stígur bensíniö í botn í einum sérstæöasta bílaeltingaleik sem sést hefur á hvíta tjaldinu.
Börn náttúrunnar á gódu róli
Keppir til verölauna á kvikmyndahátíöinni í Montreal
„Þetta hefur gengið framar
öllum vonum," sagði Friðrik
Þór Friðriksson kvikmynda-
gerðarmaður aðspurður um
aðsókn á Börn náttúrunnar.
Tvœr vikur eru liðnar frá
frumsýningu og á sjöunda
þúsund hafa séð myndina.
Alls þarf þrettán þúsund
áhorfendur til að myndin
standi undir sér.
Börn náttúrunnar hafa
hlotið einróma lof gagnrýn-
enda en myndin virðist líka
hafa spurst afar vel út á með-
al fólks enda hefur aðsóknin
heldur verið að vaxa en hitt.
„Já, þetta er mjög ánægju-
legt,“ sagði Friðrik og kvað
áhorfendur vera úr öllum átt-
um og á öllum aldri. „90% af
amerískum myndum eru
framleidd fyrir ákveðinn ald-
urshóp, fólk á aldrinum
15—25 ára. Eldra fólk er hins
vegar líka áhugasamt og það
er þakklátt þegar eitthvað er
sýnt við þess hæfi.“
Börn náttúrunnar verða
frumsýnd í Osló 22. ágúst og
sama dag hefst kvikmynda-
hátíðin í Montreal í Kanada
en þangað hefur Friðriki ver-
ið boðið með myndina í aðal-
keppni hátíðarinnar. „Það
var mjög mikilsvert að vera
boðið til Montreal. Það eru
svona fimm eða sex kvik-
myndahátíðir í heiminum
sem skipta verulegu máli á
hverju ári og þetta er ein
þeirra," sagði Friðrik.