Pressan - 22.07.1993, Qupperneq 30

s
30 PRESSAN
Fimmtudagurinn 22. júlí 1993
SJÓNVARPIÐ
Sjáið:
• Ó, Carmela Ay, Carmela á Stöð 2 á fimmtudagskvöld. Hröð,
fyndin og spænsk.
• Sophie á völina Sophie's Choice á RÚV á föstu-
dagskvöld. Þægilega væmin og hugljúf á sumar-
kvöldi.
9 Frankie og Johnny á Stöð 2 laugardagskvöld.
AIls ekki slæm Hollywood glansmynd.
• Áróður We Have Ways of Makirtg You Think á
Stöð 2 á sunnudagskvöld. Þáttur um áhrifamátt
sjónvarpsins. Verðugt umhugsunarefhi.
• MTV kynningarútsending allar helgarnætur á
Stöð 2. Yes!
Varist:
• Hjúkkur ★ Nurses á Stöð 2 á föstudagskvöld. Óbærilegt.
• Endurkoma ófreskju ★ The Return of the Swamp Thing á
föstudagskvöld á Stöð 2. Enn og aftur sannar Kanninn hversu
makalaust hugmyndasnauður hann getur verið.
• Lífið er enginn leikur ★ Sweet 15 á RÚV laugardagskvöld.
Óspennandi bandarískt sosíal drama.
• Slett úr klaufunum ★ á RÚV sunnudagseftirmiðdag. Endur-
sýndur vitleysisgangur.
KVIKMYNDIR
Algjört möst:
9 Á ystu nöf ★★★ Cliffhanger Frábærar tæknibrellur og bráð-
skemmtileg mynd. Það er bara galli að efn-
ið sjálft er botnlaus þvæla. Stjörnubíói og
Háskólabíói.
O Dagtuinn langi ★★★ Groundhog Day
Brilljant handrit og Bill Murray háréttur
maður í réttri mynd. Sætur boðskapur
sleppur undan að verða væminn. Stjömu-
bíói.
• Mýs og menn ★★★ O/ mice and men
Nú fer hver að verða síðastur að sjá þessa
útgáfu af sögu Steinbecks. Mestmegnis laus
við væmni og John Malcovich fer á kost-
um. Háskólabíói.
9 Damage ★★★ Damage Jeremy Irons
leikur af feiknakrafti þingmann sem ríður
sig út af þingi. Helst til langar kynlífssenur
nema fyrir þá sem hafa byggt upp mikið
þol. Regnboganum
• Dagsverk ★★★ Nýstárleg heimildar-
mynd. Áhorfandinn verður þó að hafa
gaman af skáldinu til að njóta.
í leiðindum:
• Ósiðlegt tilboð ★★ Indecent Proposal Svo hæg að það er
varla að hún festist í minni. Demi Moore bjargar því sem bjarg-
að verður. Bíóhöllinni og Háskólabíói.
9 Tveir ýktir ★ National Lampoon’s Loaded Weapon. Alveg á
mörkunum að fá stjörnu. Sundbola-
drottningunni Kathy Ireland er svo fýrir
að þakka að myndin er ekki algjör
bömmer. Regnboganum.
• Hvarfið ★★ The Vanishing Átakalítil
fyrir hlé en mjög góður leikur Jeff Bridges
bjargar tilþrifalitlum söguþræði. Sögubíó
9 Lifandi ★★ Alive Atakanleg saga, en
persónusköpun er engin og mannátið
eins huggulegt og kostur er. Háskólabíói.
Bömmer:
• Elskan ég stækkaði bamið ★ Honey I blew up the kid. Lærðu
af mistökum þeirra sem sáu fýrri myndina og haltu þig heima.
Sögubíói.
9 Villt ást ★ Wide Sargasso Sea Mynd sem lætur alla ósnortna.
Erótíkin gefur eina stjörnu. Laugarásbíó.
9 3 Ninjar ★ Three Ninjas Blessuð látið ekki krakkana plata
ykkur á þessa dellu því hún er ekki 350 kr. virði. Þið finnið ykk-
ur örugglega eitthvað skemmtilegra að gera. Bíóhöllintii.
9 Meistaramir ★ Hún hékk ekki lengi í stórum sal á besta sýn-
ingartíma þessi. Og það þrátt fýrir að stúlknagullið Emilio Este-
vez sé í aðalhlutverki. Sögubíói.
Stöð 2 hefur sótt um leyfi fyrir
gervihnattasendingar á ellefu
rásum til útvarpsréttamefndar.
Undir stjórnvöldum er komið
hvort leyfið verður veitt en
Stöðvarmönnum er ekkert að
varibúnaði að hefja útsendingar
þar sem þegar hafa verið gerðir
samningar við erlenda aðila.
„Þeir bíða jafn óþreyjufullir og
trið að hefja útsendingar en við
höfum þegar hafið kynningarút-
sendingar á hluta þess efnis
sem áætlað er að verði á dag-
skrá. Með þessu viljum við auka
fjölbreytni okkar og þjónustu
auk þess að nýta okkur mögu-
leika tækninnar,“ segir Jónas R.
Jónsson, dagskrárstjóri á Stöð
2.
Sótt hefur verið um leyfi fyrir
eliefu ráair. Sex þeirra verða í
nokkurs konar samfloti en hin-
ar fimm verður að panta sér-
staklega í gegnum áskriftakerfi
Stöðvar 2. Til að ná rásunum
ellefu í framtíðinni verður að
sjálfsögðu að greiða ákveðið
gjald en auk þess þarf að setja
upp sérstakt loftnet. „Áskrifend-
ur Stöðvar 2 njóta góðs af þjón-
ustunni en til að ná gervihnatta-
útsendingum þarf að nota af-
ruglara. Við munum reyna að
halda kostnaði í lágmarki en
ekki hefur verið gengið end-
anlega frá smáatriðum og
því hyggilegt að segja fátt að
sinni," segir Jónas. „Útlit er
þó fyrir að þeir sem ekki eru
áskrifendur nú þegar verði
að greiða einhvern grunn-
kostnað aukalega.“
Ef allt gengur að óskum ætti
því, áður en langt um líður,
að vera hægt að horfa á
MTV, Eurosport, Cartoon
Channel, Discovery Channel,
Learning Channel og frétta-
skýringar Sky News, BBC
World Service og CNN án
þess að eiga móttökudisk fyr-
ir gervihnattasendingar.
Höftum þýðingarskyldunnar
mun einnig vera aflétt en
með aðild að Evrópska efna-
hagssvæðinu (EES), en
samningurinn (þegar og ef
hann verður að veruleika)
gerir ráð fyrir að útsending-
um á sjónvarpsefni sé ætlað
að komast yfir landamæri til
neytenda án hindrana. Það
má því með sanni segja að
við fljúgum með nokkrum
hraði inn í sjónvarpstækni
81. áldarinnar. Og það án að-
stoðar Ríkisútvarpsins.
Ef útvarpsréttarnefnd samþykkir umsókn
Stödvar 2 um gervihnattasendingar í sjónvarpi
veröur hægt að horfa á ellefu résir én sérstaks
móttökudisks. „ Viö viljum auka fjölbreytni okk-
ar og þjónustu auk þess að nýta okkur mögu-
leika tækninnar, “ segir Jónas R. Jónsson, dag-
skrérstjóri é Stöö 2.
TV Kristín
Fortíðarljómi og
foreldrastund
Krístín Ólafsdóttir er fráfarandi
pólitíkus og fjölmiðlakona.
16:00 Fortíðarijómi. Gamlar
kvikmyndir eða annaö
efni samkvæmt óskum
eldri borgara. Aö þessu
sinni Casablanca með
Bergman og Bogart.
17:30 Yngstu áhorfendumir.
Efni fyrir böm að 10 ára
aldri.
18:00 Táningatíminn. Innlent
og erlent efni.
19:00 Hlé.
20:00 Fréttir.
20:30 Foreldrastundin. Dagleg-
ur þáttur með ráðlegging
um og hvatningum til
uppalenda.
20:40 Vaxtarbroddar. Frétta-
menn forvitnast um nýj-
ungar í íslensku atvinnu-
og menningariífi.
21:10 Á kostum. Stöðvarmenn
eöa þeirra jafnokar gant-
ast með jjað sem er
efet á baugi.
21:50 Andlega leitin. Þáttur um
eilífðarmál og dulspeki.
Á dagskrá aðra hverja
viku.
22:30 Carmen eftir spænska
leikstjórann Carios
Saura.
24:00 Tryllirinn. Splunkuný
spennukvikmynd í gæða-
flokki The Crying Game
og Fatal Attraction.
01:30 Dagskráriok.
KVIKMYNDIR
Róbert Redford missir marks
Við árbakkann
A river runs through it
(Háskólabíó)
★★
•••••••••••••••••••••••••••
„All good things come by
grace, and grace comes by art,
and art does not come easy.“
Norman Maclean
Tveir bræður læra flugu-
veiði af föður sínum í Big
Blackfoot River í Montana.
Faðirinn, skoskur að upp-
runa, er prestur í presbyterian
söínuði og notar taktmæli til
þess að kenna sonum sínum
rétta hrynjandi í að kasta lín-
unni. Fluguveiði er þeim list-
grein: „Hinu góða fylgir tign,
en tignin kemur með listinni
og listin er aldrei auðveld11
(svo reynt sé að snara mottói
sögunnar, þar sem hið marg-
brotna orð grace veldur
vanda, gæti eins verið hin tig-
inborna náð, náð drottins).
Eldri bróðirinn er iðjusamur
og hlýðinn, hann verður pró-
fessor í móðurmáli sínu við
háskólann í Chicago. Sá yngri
er óhlýðin og gerist sukksam-
ur, hann hlýtur ömurleg ör-
lög.
Þessi einfalda saga er í raun
saknaðarljóð, sem eldri bróð-
irinn Norman Maclean skrif-
ar á áttræðisaldri um þann
yngri en verður um leið eins-
konar sjálfsævisaga. Jafnffamt
er sagan saknaðarljóð um
æskustöðvarnar og náttúru-
Lífþeirra er slétt og
fellt og höfun-
durinn skrifar
þessa sögu sjálfum
sér ogfortíð sinni
til dýrðar.
Kvikmyndin ber
botnlausri sjálf-
sánœgju Roberts
Redfords fagurt
vitni.
fegurðina við Big Blackfood
River. Kvikmyndin er þó ekki
tekin þar, leikstjórinn og nátt-
úruverndarsinninn Robert
Redford taldi hana of spjall-
aða til að geta komið frarn í
kvikmynd. Það er því Gallatin
River sem leikur Big
Blackfood River og ferst það
einkar vel úr hendi. Við gerð
þessarar myndar er framúr-
skarandi vel að verki staðið og
leikur með ágætum og hefur
kvikmyndatakan verið sér-
staklega rómuð. Samt er eitt-
hvað að þessari mynd.
Robert Redford reis hæst
þegar hann túlkaði „The great
Gatsby“ auk þess að hafa leik-
ið ffábærlega í myndum eins
og „The Sting“ og „Butch
Cassidy and the Sundance
IGd“. Sem leikstjóra eru hon-
um afar mislagðar hendur.
Fyrsta myndin sem hann leik-
stýrði, „Ordinary People“, var
ekki góð og sú næsta „The
Milargo Beanfield War“
reyndist fullkomið rugl. Það
er eins með Robert Redford,
Birgitte Bardot og marga auð-
uga listamenn, þá langar svo
mikið til þess að hafa ein-
hveija skoðun til þess að beita
sér fýrir. Þeim nægir ekki að
hafa náð árangri á sínu sviði
eins og Redford hefur tví-
mælalaust gert, þá langar líka
til þess að vera hugsuði og
prédikara, stundum með
hörmulegum afleiðingum
eins og í dæmi Bardott.
Nú virðist saga Norman
Maclean vera hugljúfar end-
urminningar venjulegs ffam-
sóknarmanns úr sveitinni og
ekki nema gott um það að
segja. Robert Redford reynir
hins vegar að túlka söguna á
þann veg, að hún fjalli um
erfiðleika fólks við að tala
saman og veita hvort öðru
hjálp fýrr en það er um sein-
an. Þarna misskilur leikstjór-
inn örlög yngri bróðursins
Paul Maclean gersamlega.
Það er sama hve miklum
guðsótta og góðum siðum
hefði verið hellt yfir Paul í
æsku, sama hve marga hjálp-
arleiðangra þeir feðgar hefðu
gert út tÖ þess að hjálpa Paul,
það hefði lítil áhrif haft á leið
hans og örlög. Þetta vita þeir
sem gengið hafa götu Pauls,
þeir sem kynnst hafa myrk-
um djúpum mannlegs lífs en
snúið affur. Þeir sem snúa til
baka úr djúpunum og geta
lagt sjálfan sig ffam sem vitn-
isburð, þeir geta kannski
hjálpað öðrum úr djúpunum.
Sálfræðingar, prestar og hæg-
látir háskólaprófessorar eru
sjálfsagt gagnlegir á einhveij-
um sviðum og geta vonandi
gert einhverjum gott, en einn
mun hver maður heygja sitt
stríð þegar nóg er lifað.
Undir lok myndarinnar
fjallar klerkurinn, faðir þeirra
bræðra, um mikilvægi ná-
ungakærleikans og manni
skilst að þar eigi hann sérstak-
lega við Paul, hans örlög
hefður orðið önnur ef þeim
feðgum hefði þótt vænna um
hann. Þessi boðskapur missir
eiginlega marks því Paul er
gerður glæsilegur, hugrakkur
og fagur, það elska hann allir,
meira að segja lögreglumenn-
irnir sem eru alltaf að stinga
honum í steininn. í raun eru
menn sem komast á stig
Pauls í drykkjusýki viðbjóðs-
legir og það er einmitt þess
vegna sem það er svo erfitt að
þykja væntu um þá. (Sbr. t.d.
miklu betri mynd, Járngresi)
En þeir feðgar eiga ekki í
neinum erfiðleikum. Líf
þeirra er slétt og fellt og höf-
undurinn skrifar þessa sögu
sjálfum sér og fortíð sinni til
dýrðar. Kvikmyndin ber
botnlausari sjálfsánægju Ro-
berts Redford fagurt vitni. Og
satt er það, vel er hún gerð, en
„art does not come easy“.