Morgunblaðið - 12.05.2004, Blaðsíða 21

SUÐURNES
MORGUNBLAÐIÐ MIÐVIKUDAGUR 12. MAÍ 2004 21
Hólmavík | Handverk og föndur
hefur verið ómissandi þáttur í fé-
lagsstarfi eldri borgara á Hólma-
vík og nágrenni í nokkur ár.
Hólmavíkurhreppur leggur föndr-
inu lið með því að ráða tvo leið-
beinendur til aðstoðar. Um
helgina gaf að líta afrakstur þess
á sýningu sem haldin var í kven-
félagshúsinu á Hólmavík. Krukku-
málun og keramik hefur greini-
lega átt mestum vinsældum að
fagna. Annars var fjölbreytnin
óendanleg og greinilegt að ekki
vantar hugmyndaflugið þegar
föndrið er annars vegar.
Af öðru félagsstarfi eldri borg-
ara í vetur má nefna veglegt
bingó sem haldið var rétt fyrir
páska og gönguhóp sem er
óþreytandi við að ganga sér til
heilsubótar. Auk þess er gjarnan
tekið í spil og teflt í félagsaðstöð-
unni sem er til húsa í flugskýlinu
á Hólmavík.
Á sumrin hafa svo eldri borg-
arar fjölmennt í ferðir á vegum fé-
lags eldri borgara í Strandasýslu
sem starfað hefur í nokkur ár.
Handverk og fönd-
ur á Hólmavík
Morgunblaðið/Kristín Sigurrós
Krukkumálun og keramik: Ester
Sigfúsdóttir leiðbeindi í föndrinu.
Sýningargestir eru Sigríður
Einarsdóttir og Hjálmar Orri
Björnsson.
Laugarvatn | Vélstjórafélag Ís-
lands hefur látið útbúa kort sem
kallast – Gönguleið um Laugarvatn
– sem gestir og gangandi geta
gengið með um
byggðarkjarn-
ann á Laug-
arvatni og kynnt
sér sögu og
menningu svæð-
isins.
Félagið hélt
kynningarfund í
veitingahúsinu
Lindinni á Laug-
arvatni sl. föstudag í tilefni af útgáf-
unni. Þar röktu Helgi Laxdal for-
maður Vélstjórafélagsins og Kristín
Anna Hjálmarsdóttir, útgáfu- og
kynningarfulltrúi, aðdragandann að
útgáfunni sem á sér langa sögu. Ár-
ið 1967 festi Vélstjórafélag Íslands
kaup á landi undir orlofshús við
Laugarvatn. Fljótlega var hafist
handa við skipulagningu landsins
og nú eru þar 16 orlofshús, flest í
eigu Vélstjórafélagsins.
Það hefur lengi verið á döfinni að
bjóða félagsmönnum upp á kynn-
ingu á svæðinu og á liðnu sumri
bauð félagið félagsmönnum og gest-
um þeirra upp á gönguferðir um
Laugarvatn undir leiðsögn Kristins
Kristmundssonar, fyrrverandi
skólameistara Menntaskólans á
Laugarvatni. Gengið var um byggð-
arkjarna Laugarvatns og saga og
menning staðarins reifuð. Kortið er
byggt á þessari göngu og er gefið út
að frumkvæði Vélstjórafélagsins og
kostað af félaginu með styrk frá
Hótel Eddu, Sparisjóði vélstjóra,
Bláskógabyggð, ML, KHÍ og fyr-
irtækjum og félagasamtökum sem
eiga og reka orlofshús í nágrenninu.
Með útgáfu og dreifingu kortsins
vill Vélstjórafélag Íslands leggja
sitt af mörkum við kynningu á sögu
Laugarvatns og menningarsvæð-
isins. Kortinu verður dreift á helstu
ferðamannastaði og upplýsinga-
miðstöðvar í nágrenninu.
Vélstjórar gefa
út göngukort af
Laugarvatni
Helgi Laxdal
Reykjanesbær | Bæjarráð Reykja-
nesbæjar hefur falið Árna Sigfús-
syni bæjarstjóra að leiða viðræður
við ríkisvaldið um að Reykjanes-
bær taki að sér sem tilraunasveit-
arfélag, að annast rekstur Fé-
lagsstofu Reykjaness, öðru nafni
Velferðarstofu. Markmiðið er að
bæta og samræma sem flesta þætti
félagsþjónustu í sveitarfélaginu og
fjölga störfum.
Sameining velferðarþjónustu við
einstaklinga er gamalt baráttumál
Hjálmars Árnasonar alþingis-
manns. Tillögur um þetta voru
teknar upp í tillögum nefndar um
eflingu sveitarstjórnarstigsins sem
Hjálmar var í forystu fyrir og nú
liggja fyrir ríkisstjórn.
Hugmynd Hjálmars gengur út á
það að koma upp þjónustuskrif-
stofu, sem hann vill nefna Velferð-
arstofu, sem tæki að sér með þjón-
ustusamningum að annast ýmsa
þjónustu fyrir stofnanir ríkis,
sveitarfélaga og ýmissa samtaka.
Einstaklingur sem þarf á aðstoð að
halda getur þá leitað til eins aðila,
þjónustufulltrúa síns hjá þessari
skrifstofu, sem hefði yfirsýn yfir
öll hans mál og gæti rekið erindi
hans. Fram kemur í samtali við
Hjálmar að einstaklingar þurfi að
leita á ótal staði nú til að fá þjón-
ustu og nefnir dæmi um að fatl-
aður maður þurfi að fara á fjórtan
mismunandi staði til að fá þjón-
ustu. Það myndi einfalda mjög
þjónustuna að hafa hana á einum
stað og gera hana ódýrari og skil-
virkari.
Hjálmar segir að ekki þurfi laga-
breytingu til að koma slíku sam-
starfi á og hefur hann fengið
stuðning fjölda stofnana og aðila á
Suðurnesjum til að standa að slíkri
tilraun í Reykjanesbæ. Þar er um
að ræða verkalýðsfélög, lífeyris-
sjóð, Svæðisvinnumiðlun Suður-
nesja, Svæðisskrifstofu um málefni
aldraðra á Reykjanesi, Heilbrigð-
isstofnun Suðurnesja, söfnuðina,
Þroskahjálp á Suðurnesjum og
Fjölskyldu- og félagsþjónustu
Reykjanesbæjar. Nú verður geng-
ið til samninga við ríkið um þátt-
töku stofnana þess.
Hjálmar tekur undir að fé-
lagsþjónusta sveitarfélagsins verði
kjarninn í Velferðarstofu Reykja-
ness en tekur fram að gert sé ráð
fyrir að hún hafi sjálfstæða stjórn.
Þótt stofan verði í upphafi aðeins
með verkefni í Reykjanesbæ segir
Hjálmar ekkert því til fyrirstöðu
að hún geri þjónustusamninga við
önnur sveitarfélög og samtök inn-
an þeirra um þjónustu.
Vilja koma upp
Velferðarstofu
„LÉTTLEIKI hefur verið leiðarljós
Víkinganna alveg frá fyrstu æfingu
og það er alltaf mikið hlegið á æfing-
um. Við erum ekkert að taka okkur
of hátíðlega, nema á tónleikum,“
sagði Bragi Einarsson, 1. bassi í
söngsveitinni Víkingunum, þegar
Morgunblaðið leit inn á æfingu sveit-
arinnar í Gerðaskóla í fyrrakvöld.
Það var lokaæfing fyrir hina árlegu
vortónleika Víkinganna sem verða í
Safnaðarheimilinu í Sandgerði ann-
að kvöld og í Listasafni Reykjanes-
bæjar á föstudagskvöld.
Söngsveitin Víkingarnir hefur
verið starfandi í tæp tíu ár og sá
kjarni sem myndaði kórinn í upphafi
er enn til staðar. Þeir hafa svo lokk-
að til sín fleiri meðlimi og á þeim
tæpu tíu árum sem Víkingarnir hafa
sungið saman hefur þeim fjölgað um
helming. Fyrirhugað er að halda
upp á áratuginn með stórtónleikum
á þorra 2005 og munu æfingar fyrir
þá hefjast að loknu sumarfríi.
Stofnaður í útilegu
Upphaf Víkinganna má rekja til
nokkurra söngglaðra Garðmanna
sem létu sér ekki nægja að syngja
saman í útilegum. „Þannig var að
sumarið 1994 voru níu Garðmenn
saman í útilegu að Hólum í Hjalta-
dal, ásamt fjölskyldum sínum. Eins
og gengur í útilegum var mikið
sungið og í framhaldi spunnust um-
ræður um að gaman yrði að stofna
söngsveit. Mennirnir létu ekki sitja
við orðin tóm og tveimur dögum áð-
ur en nýtt ár gekk í garð komu þeir
saman í þeim tilgangi að stofna
sveitina. Þeir höfðu þá í millitíðinni
fengið fleiri til liðs við sig, ásamt
stjórnanda og píanóleikara,“ sagði
Bragi í samtali við blaðamann, en
hann gekk til liðs við Víkingana á
haustmánuðum 1995 og er sá með-
limur sem haldið hefur utan um
sögu sveitarinnar.
Að sögn Braga á nafn sveit-
arinnar sé sögulega skýringu, en allt
fram yfir miðja síðustu öld var starf-
andi karlakór í Garðinum sem
nefndur var Karlakórinn Víkingar
undir stjórn síra Eiríks Brynjólfs-
sonar á Útskálum. „Það var uppá-
stunga frá einum kórmeðlimanna,
Kjartani heitnum Ásgeirssyni á
Bjarmalandi, að söngsveitin myndi
bera þetta nafn og það varð úr,
nema hvað við erum Víkingarnir,“
sagði Bragi. En þó Garðmenn hafi
verið upphafsmenn að stofnun sveit-
arinnar eru nokkrir frá Sandgerði,
Keflavík og Njarðvík, alls 28 ásamt
stjórnandanum Sigurði Sævarssyni.
Bragi nefndi að auk árlegra vor-
tónleika væru tveir fastir liðir í
starfsemi Víkinganna, annars vegar
konukvöld í kringum 1. maí og úti-
lega helgina eftir verslunarmanna-
helgi. „Það er alltaf mikill spenn-
ingur kringum konukvöldin. Þá
gerum við vel við konurnar og
skemmtum þeim og auðvitað okkur
sjálfum. Þar eins og annars staðar
þar sem Víkingarnir eru annars veg-
ar er léttleikinn í fyrirrúmi og allt er
látið flakka. Hver rödd kemur með
heimatilbúið skemmtiatriði og það
ríkir mikil eftirvænting í kringum
þau. Auk þess prufukeyrum við vor-
tónleikaprógrammið á þessum
kvöldum.“
Bragi sagði að styrkur sveit-
arinnar væri fyrst og fremst húm-
orinn og léttleikinn. Mikið sé hlegið
á æfingum og stundum svo mikið að
varla sé hægt að syngja. Það er því
enginn leiði í mönnum og þótt með-
limir komi úr mörgum starfsstéttum
og ýmsum þjóðfélagsstigum eigi
þeir góða andann sameiginlegan.
Bragi tekur þó skýrt fram að það sé
enginn fíflagangur á tónleikum,
enda fagmenn að verki.
Hvað varðar efnisskrá vortón-
leikanna verða sungin lög úr ýmsum
áttum, bæði íslensk og erlend. „Við
erum ekki að syngja dæmigerð
karlakóralög og þess vegna erum
við söngsveit,“ segir Bragi. Á tón-
leikunum leika með þeim Einar
Gunnarsson á harmonikku og Magn-
ús Sigurðsson á banjó.
Lokaæfing hjá söngsveitinni Víkingunum fyrir vortónleika
Morgunblaðið/Svanhildur Eiríksdóttir
Vaskir Víkingar: Skemmtilegt er á æfingum hjá Víkingunum og stundum varla hægt að syngja fyrir hlátri.
„Styrkur sveitarinnar er
húmorinn og léttleikinn“
Sandgerði | Slökkvilið Sandgerðis og Karl Taylor frá Eldvörnum ehf.
voru á dögunum með kynningu á brunavörnum í húsnæði Lyngsels sem
er skammtímavistun Þroskahjálpar. Eftir fræðslu inni í húsnæðinu fór
hópurinn út í norðanvindinn og þar fengu allir starfsmenn tækifæri til
að slökkva eld með handslökkvitæki. Karl Taylor kenndi meðal annars
Sigrúnu Sigurðardóttur réttu handtökin.
Morgunblaðið/Reynir Sveinsson
Kennd meðferð handslökkvitækja