Morgunblaðið - 17.05.2004, Síða 10

Morgunblaðið/Árni Torfason
Ráðherrar fylgjast með umræðum
á Alþingi á laugardag.
BJÖRN Bjarnason dómsmálaráð-
herra gerði umfjöllun fjölmiðla um
fjármál stjórnmálaflokkanna að
umtalsefni við umræður um fjöl-
miðlafrumvarpið á Alþingi sl. laug-
ardag.
Las hann upp tölvupóst sem
Þröstur Emilsson blaðamaður
sendi Stefáni Jóni Hafstein, for-
manni framkvæmdastjórnar Sam-
fylkingarinnar, vorið 2002 um sam-
skipti bréfritara við Jón Ólafsson
(þáverandi stjórnarformann Norð-
urljósa) og um fjármál forystu-
manna Reykjavíkurlistans.
Þingmenn Samfylkingarinnar
komu í ræðustól og gagnrýndu
dómsmálaráðherra fyrir lestur
bréfsins.
Tala hér um siðferði
og fjármál flokka
Björn sagði m.a. að það hefði
komið á óvart, í þessari umfjöllun
fjölmiðla um fjármál stjórnmála-
flokkanna, að blaðamaður Frétta-
blaðsins hefði ekki greint frá upp-
lýsingum sem fram kæmu í
tölvupósti, sem hann hefði sent
Birni, árið 2003, en tölvupósturinn
væri póstur sem sendur hefði verið
til Stefáns Jóns Hafstein. Björn
sagði: „Það gerðist þannig að þessi
blaðamaður, Þröstur Emilsson, í
kosningabaráttunni fyrir borgar-
stjórnarkosningarnar 2002, hafði
tal af mér og sagði mér frá sam-
skiptum sínum við Jón Ólafsson,
sem kenndur er við Skífuna. Síðan
sendi hann mér þetta bréf og ég
ætla að lesa það með leyfi forseta,
fyrst ég hef verið beðinn um það,“
sagði Björn.
Las hann bréfið í heild sinni og
sagði síðan m.a. „Ég hef grennslast
fyrir um það frá Stefáni Jóni Haf-
stein, sem fékk þetta bréf, og hann
segist minnast þess að hafa séð
þetta eða svipað bréf vorið 2002, en
hann hafi ekki tekið það alvarlega.
En hvers vegna taka menn svona
bréf ekki alvarlega? Hvers vegna
er það svo að menn tala hér um sið-
ferði og fjármál flokka og segja að
allt sé uppi á borðinu og allt liggi
ljóst fyrir og taka svona mál ekki
alvarlega þegar á það er bent?“
Einfaldlega rangt
Bryndís Hlöðversdóttir, þing-
flokksformaður Samfylkingarinn-
ar, sagði við umræðurnar að bréfið
ætti ekkert erindi inn í þessa um-
ræðu.
Björgvin G. Sigurðsson, þing-
maður Samfylkingarinnar, kom því
næst upp í pontu til að bera af sér
sakir. „Eins og fram kom í tölvu-
bréfi sem hæstvirtur dómsmála-
ráðherra las hér upp fyrir
skömmu, var vitnað til tveggja og
hálfs–þriggja ára gamals samtals
sem ég átti í síma við þriðja aðila,
bréfritara, sem hæstvirtur dóms-
málaráðherra vitnaði til. Og þar er
þar haft eftir mér og mér lagt það
til, að ég hafi einhverja vitneskju
um fjármál forystumanna Reykja-
víkurlistans og hafi látið það út úr
mér, að ég vissi eitthvað um þau.
Það er einfaldlega rangt sem þar
kemur fram. Ég hef aldrei haft
neina vitneskju um fjármála
Reykjavíkurlistans. Ég hef aldrei
haft neina innsýn inn í fjármál
Reykjavíkurlistans. Aldrei nokkra
einustu, hvorki vitneskju né innsýn
eða aðkomu að rekstri Reykjavík-
urlistans. Þar hef ég aldrei komið
að borðum. Framganga ráðherra
hæstvirts er því eingöngu honum
til skammar og meira að segja fyr-
ir neðan hans virðingu.“
Björn Bjarnason dómsmálaráðherra
Hvers vegna taka
menn svona bréf
ekki alvarlega?
FRÉTTIR
10 MÁNUDAGUR 17. MAÍ 2004 MORGUNBLAÐIÐ
BJÖRN Bjarnason dómsmálaráð-
herra las úr ræðustól á á Alþingi sl.
laugardag bréf Þrastar Emilssonar
blaðamanns til Stefáns Jóns Haf-
stein, formanns framkvæmdastjórn-
ar Samfylkingarinnar, frá 13. maí
2002. Bréfið var einnig birt á vefsíðu
Björns í gær og fer hér á eftir í heild
sinni:
„Heill og sæll,
ég rita þér þessar línur í þeirri von
að svör fáist frá þér.
Ég hef reynt að senda tölvupóst á
ISG [Ingibjörg Sólrún Gísladóttur]
vegna málsins en annað tveggja skil-
ar pósturinn sér ekki eða ISG kýs að
svara ekki erindinu.
Þetta snýst um fullyrðingar fram-
kvæmdastjóra Samfylkingar sem
lúta að fjárstuðningi Jóns Ólafssonar
við ISG/R-listann.
Forsagan í stuttu máli er sú að í
aðdraganda formannskjörs Sam-
fylkingar fyrir nokkru, lét ég tilleið-
ast og gekk í Samfylkinguna og fékk
þar með atkvæðisrétt, allt af greiða-
semi við ÖS [Össur Skarphéðinsson].
Ekkert til að skammast sín fyrir og
algengt hjá þeim sem í slíku standa,
þ.e. að smala.
Þegar formannskjör var yfirstað-
ið, dróst hjá mér að segja mig úr
flokknum, því ekki stóð til að vera
þar áfram af vissum ástæðum.
Þegar svo í aðdraganda kosninga
nú fóru að berast bréf og gíróseðlar
o.fl. ákvað ég að senda framkvæmda-
stjóra Samfylkingarinnar formlega
úrsögn. Þar setti ég fram ákveðnar
skýringar sem tengjast Jóni Ólafs-
syni og meintum fjárstuðningi hans
við stjórnmálaaflið. Skýringar sem
líka tengjast störfum mínum fyrir
fyrirtæki Jóns Ólafssonar og svikum
hans.
Framkvæmdastjóri Samfylking-
arinnar [Björgvin G. Sigurðsson nú-
verandi alþingismaður] hafði sam-
band við mig í síma um leið og
honum barst úrsögnin og kvaðst
vilja leiðrétta þetta bull í mér, eins
og það var orðað, Samfylkingin hefði
ekki fengið krónu frá Jóni Ólafssyni
og oftar en einu sinni afþakkað allan
stuðning úr þeirri áttinni. Fram-
kvæmdastjóri Samfylkingarinnar
fullyrti hins vegar þegar ég maldaði í
móinn að ISG hefði jú vissulega þeg-
ið umtalsverða fjármuni úr vasa
Jóns Ólafssonar. En hún kæmi Sam-
fylkingunni og þar með R-listanum
ekkert við og mætti alls ekki setja
það undir sama hattinn í þessu máli,
þ.e. umfjöllun um borgarstjórnar-
kosningar og fjármál.
Gott og vel en ljótt ef satt er – hafi
ISG þegið verulega fjármuni úr vasa
Jóns Ólafssonar þá þykir mér það
undarlegt. Þessi sami Jón Ólafsson
er nefnilega að svína á fyrrverandi
starfsfólki sínu, hefur ekki staðið skil
á launum eða öðru slíku svo mán-
uðum skiptir, eða frá því í september
2001. Vitaskuld eru allir gengnir út,
allt klabbið komið í lögfræðiinn-
heimtu og þar tefur sá hinn sami Jón
Ólafsson málið með öllum tækum
ráðum.
Síðasta útspil hans og jafnframt
það subbulegasta sem ég hefi heyrt
um dagana er tilboð til lúkningar
kröfum. Þeir settust nefnilega niður
félagarnir Jón Ólafsson, Kristján
Jónsson og Sigurður G. Guðjónsson
og reiknuðu út hve mikið Ábyrgð-
arsjóður launa greiddi ef þeir létu
fyrirtækið, sem ég og fleiri unnum
hjá, fara í gjaldþrot. Þá sömu tölu og
þeir fengu út buðust þeir til að
greiða mér og ekki krónu meir eins
og það var orðað. Þetta er siðferðið
sem þar er stundað. Svo þú sjáir
hver munur er á „tilboði“ Jóns Ólafs-
sonar og raunverulegri kröfu minni
þá stóð hún í 3,3 milljónum króna um
miðjan mars en „tilboðið“ hljóðaði
upp á að greidd yrði rösklega 1,1
milljón.
Skýrt liggur fyrir að engum lið
kröfunnar hefur verið mótmælt og
því ekki hægt að lækka hana af þeim
sökum.
Nú kanntu að velta því fyrir þér
hvers vegna þú fáir þessar upplýs-
ingar. Jú, þetta snýst um siðferði og
heiðarleika. ISG hefur, eftir því sem
framkvæmdastjóri Samfylkingar-
innar fullyrti, þegið umtalsverðar
fjárhæðir beint frá Jóni Ólafssyni á
sama tíma og hann stundar slíkt at-
hæfi eins og ég lýsti, ekki einasta að
hann svíni á starfsfólki sínu heldur
gerir maðurinn út á Ábyrgðarsjóð
launa.
Er þetta það siðferði sem þið hjá
R-listanum samþykkið og teljið til
eftirbreytni?
Að halda eftir launum starfs-
manna eins fyrirtækis Jóns Ólafs-
sonar og setja a.m.k. þá upphæð í
kosningasjóð hjá R-listanum er að
mínu mati afar undarlegt framferði,
svo ekki sé meira sagt.
Svo er auðvitað allt annað mál og
alvarlegra þegar kemur að þiggjend-
um fjárins. Vill eitthvert stjórnmála-
afl binda trúss sitt við slíkan hæl, svo
ekki sé fastar að orði kveðið?
Vænt þætti mér um að fá einhver
svör frá þér hið allra fyrsta. Ég tel
rétt að önnur framboð og sömuleiðis
almenningur viti af þessu máli og
öðrum sem tengjast Jóni Ólafssyni,
þar sem fyrir liggur að hann er veru-
lega stór styrktaraðili R-listans/ISG,
og vísast þar enn og aftur til fullyrð-
inga framkvæmdatsjóra Samfylk-
ingarinnar.
Virðingarfyllst,
Þröstur Emilsson“
Bréf Þrastar Emilssonar
Þröstur Emilsson
Undrast viðbrögð
Ingibjargar Sólrúnar
ÞRÖSTUR Emilsson blaðamaður
lýsir undrun sinni á að tölvupóstur
sá sem hann skrifaði fyrir nokkrum
árum til formanns framkvæmda-
stjóra Samfylkingarinnar, skuli
koma fram við þingumræður nú.
Segist hann vera mjög undrandi á
viðbrögðum Ingibjargar Sólrúnar
Gísladóttur, varaformanns Sam-
fylkingarinnar, í andsvörum hennar
við ræðu Björns Bjarnasonar
dómsmálaráðherra sem las umrætt
bréf upp á Alþingi á laugardaginn.
„Ég undrast mjög að þetta skuli
dregið fram núna. Þetta er orðið
þriggja ára gamalt bréf. Ég undrast
samt miklu meira viðbrögð Ingi-
bjargar Sólrúnar og það sem hún
sagði þarna á eftir [ræðu Björns
Bjarnasonar]. Það verður hún að
eiga við sig og flokkinn,“ segir Þröst-
ur.
Hann vildi að öðru leyti ekki tjá
sig frekar um málið.
Kannast ekki við tilboð
Þröstur ritstýrði á sínum tíma.
Sigurður segist aldrei hafa hitt
Þröst „til að semja um eitt eða
neitt“. Sér vitanlega hafi þessi vef-
ur ekki farið á hausinn og honum
hafi verið „bjargað“. Samningavið-
ræður hafi aðallega verið í hönd-
unum á Kristjáni Jónssyni og
Hilmari Sigurðssyni, þá fram-
kvæmdastjóra margmiðlunarfyrir-
tækisins Innn.
SIGURÐUR G. Guðjónsson, for-
stjóri Norðurljósa, segist ekki
kannast við það tilboð sem Þröstur
Emilsson segir í bréfinu til for-
manns framkvæmdastjórnar Sam-
fylkingarinnar að Sigurður, Jón
Ólafsson og Kristján Jónsson hafi
gert sér til lúkningar kröfum.
Án þess að það komi fram í bréfi
Þrastar telur Sigurður að hann
eigi við vefinn reykjavik.com, sem
Sigurður G. Guðjónsson
INGIBJÖRG Sólrún Gísladóttir,
varaformaður Samfylkingarinnar,
gagnrýndi dómsmálaráðherra harð-
lega í andsvörum við ræðu hans á Al-
þingi á laugardag, fyrir að lesa upp
tölvubréf Þrastar Emilssonar, með
algjörlega órökstuddum ávirðingum,
eins og hún orðaði það.
Ingibjörg Sólrún sagði m.a.: „Hér
var skjalavörðurinn Björn Bjarna-
son, hæstvirtur dómsmálaráðherra,
að verki, sem heldur vel utan um
gögn sín og m.a. utan um það bréf
sem hann las hér upp úr ræðustól áð-
an. Ég hef vitað lengi af því að hæst-
virtur dómsmálaráðherra Björn
Bjarnason hefði þetta bréf undir
höndum. Hann lét okkur vita af því, í
kosningabaráttunni í fyrra, að hann
hefði eitthvað slíkt í höndunum sem
væri aldeilis hægt að nota gegn okk-
ur ef honum hentaði svo. Hann veif-
aði þessu bréfi þá yfir hausamótun-
um á okkur þannig að við vissum vel
að bréfið væri í hans höndum. […]
En Björn Bjarnason sem veit bet-
ur, hann veit betur, heldur en hann
gefur í skyn hér í ræðustólnum.
Hann veit hvernig þetta er tilkomið,
þetta mál.“
Bætti Ingibjörg því við að Björn
kysi að koma hér upp í ræðustól og
lesa upp bréf einstaklings og algjör-
lega órökstuddar ávirðingar. Ekki
bara fyrir þing heldur þjóðina alla.
„Þvílík smekkvísi,“ sagði hún.
Síðar í umræðunni sagði Ingibjörg
að Björn hefði ekkert fyrir sér í
þessum efnum. „Hann hefur engan
rökstuðning. Hann hefur ekkert í
höndunum um það mál sem hann er
að tala um og veit sjálfur að þetta eru
órökstuddar ávirðingar, sem ég á að
reyna að svara hér á einni mínútu,
það segir mér auðvitað hvílík ör-
vænting er í þessu máli.“
Ingibjörg Sólrún Gísladóttir
Órökstuddar ávirðingar
Morgunblaðið/Árni Torfason
Annríki hefur verið á Alþingi undanfarna daga.