Morgunblaðið - 18.05.2004, Side 44

ÍÞRÓTTIR
44 ÞRIÐJUDAGUR 18. MAÍ 2004 MORGUNBLAÐIÐ
TÓLF leikmenn stigu sín fyrstu skref í efstu deild
um helgina þegar fyrsta umferð Íslandsmótsins í
knattspyrnu var leikin. Nýliðar Víkings áttu sex
þeirra. Þá voru tólf aðrir nýir leikmenn í deildinni
sem koma allir að utan.
Víkingarnir sex sem hófu feril sinn í efstu deild í
tapleiknum gegn Fram, 3:0, voru þeir Grétar S.
Sigurðarson, Steinþór Gíslason, Kári Árnason, Vikt-
or Bjarki Arnarsson, Stefán Örn Arnarson og Þor-
valdur Már Guðmundsson.
KA var með tvo nýliða gegn Keflavík, Hauk I.
Sigurbergsson og Jón Gunnar Eysteinsson, sem báð-
ir koma frá Neskaupstað, Fram var með þá Heiðar
Geir Júlíusson og Andra Stein Birgisson og KR með
Sigmund Kristjánsson og Gunnar Kristjánsson.
Níu af tíu liðum deildarinnar tefldu fram tólf nýj-
um leikmönnum sem koma frá öðrum löndum. Ellefu
erlendum leikmönnum, ásamt Atla Sveini Þórarins-
syni hjá KA. Aðeins Fylkir stillti upp „alíslensku“
liði.
Sex nýliðar léku
í liði Víkings
SAMTALS mættu 7.196 áhorfendur á leikina fimm í
fyrstu umferð Íslandsmótsins í knattspyrnu um
helgina. Að meðaltali voru því 1.439 áhorfendur á
hverjum leik. Þetta er besta aðsókn á leiki í fyrstu um-
ferðinni í sextán ár, eða frá árinu 1988, en þá komu
7.366 áhorfendur á leikina fimm, eða 1.473 að meðaltali
á leik. Flestir komu á KR-völlinn en 2.108 sáu Íslands-
meistarana tapa fyrir FH. Á Akranesi voru 2.020
manns á leik ÍA og Fylkis en það hefur ekki áður gerst
að yfir 2.000 manns mæti á tvo leiki í fyrstu umferðinni.
Þá voru 1.418 áhorfendur á Laugardalsvellinum þegar
Fram mætti Víkingi, á Akureyri sáu 853 leik KA og
Keflavíkur og loks voru 800 manns í Grindavík á leik
heimamanna gegn ÍBV.
Í fyrra komu 6.488 áhorfendur á leiki fyrstu umferð-
ar, 7.019 árið 2002 og 6.912 árið 2001.
Árið 1988 sáu 1.017 áhorfendur leik Keflavíkur og
Völsungs, 1.040 sáu Leiftur mæta ÍA, 1.602 sáu Akur-
eyrarslag KA og Þórs, 1.676 sáu KR leika við Víking og
flestir fylgdust með viðureign Fram og Vals, 2.031.
Besta aðsókn á
fyrstu leikina í 16 ár
KAREN Burke, hin reynda enska
knattspyrnukona, getur ekki
leikið alla leiki ÍBV í sumar
vegna atvinnu sinnar í Englandi.
Hún rekur veitingastað og gisti-
heimili í Liverpool ásamt bróður
sínum og er að hluta til bundin
yfir þeim rekstri vegna sumar-
fría.
„Það er ljóst að Karen spilar
tvo fyrstu leikina, gegn Breiða-
bliki og FH, en síðan kemur hún
til með að missa eitthvað úr. Ég
býst þó við að hún verði með okk-
ur í meirihluta leikjanna og þetta
verður ekki þannig að hún fljúgi
bara á milli í leikina,“ sagði
Heimir Hallgrímsson, þjálfari
ÍBV, við Morgunblaðið.
Karen Burke er 33 ára og hef-
ur spilað um 70 landsleiki fyrir
Englands hönd. Hún hefur leikið
með Fulham í ensku úrvalsdeild-
inni í vetur og þá var hún kölluð
inn í enska landsliðið á ný um
tíma en hún var annars hætt að
leika með því. Karen lék 11 leiki
með ÍBV síðasta sumar og skor-
aði 5 mörk en áður spilaði hún
með Eyjaliðinu árin 1999 og 2000.
Vinnur í Liverpool
og spilar með ÍBV

STEINAR Adolfsson, fyrrverandi
landsliðsmaður í knattspyrnu, sem
lagði skóna á hilluna fyrir þremur ár-
um vegna meiðsla, er genginn til liðs
við 3. deildar lið Skallagríms. Þar
spilar hann við hlið Ólafs, bróður síns
og fyrrverandi landsliðsmanns úr ÍA,
sem þjálfar Borgnesinga og leikur
með þeim.

ÞÓRÐUR Birgisson, knattspyrnu-
maður úr ÍA, gekk til liðs við 2. deild-
ar lið KS frá Siglufirði um helgina.
Þórður, sem er Siglfirðingur og lék
tvo leiki með ÍA í úrvalsdeildinni í
fyrra, byrjaði vel með sínu gamla fé-
lagi því hann skoraði í sigurleik KS,
2:1, gegn KFS í fyrstu umferð 2.
deildarinnar í Vestmannaeyjum.

SILJA Úlfarsdóttir, hlaupadrottn-
ing úr FH, bætti tíma sinn í 400
metra grindahlaupi á laugardaginn á
móti í Bandaríkjunum. Hún rann
skeiðið á 58,10. Hún átti að keppa á
fimmtudaginn en það var blásið af
vegna óveðurs. Í 4x400 metra boð-
hlaupi hljóp Silja sinn sprett á 52,9
sekúndum og var ánægð með það.

ARSENE Wenger, knattspyrnu-
stjóri Arsenal, hefur staðfest að
Frakkinn Sylvain Wiltord hverfi á
braut frá Highbury í sumar en leik-
maðurinn hefur ekki léð máls á því að
gera nýjan samning við félagið. Ars-
enal greiddi 11 milljónir punda fyrir
Wiltord þegar hann gekk til liðs fé-
lagið fyrir fjórum árum en fær ekk-
ert fyrir hann í sumar.

THIERRY Henry, miðherji Arsen-
al, var í gær útnefndur leikmaður úr-
valsdeildarinnar í Englandi og þá
fékk hann einnig viðurkenningu fyrir
að vera markakóngur úrvalsdeildar-
innar – skoraði 30 mörk og fékk hann
þúsund pund fyrir hvert mark sem
hann skoraði. Þá var Arsena Wenger
útnefndur knattspyrnustjóri ársins.

STEVE Bruce, knattspyrnustjóri
Birmingham, vonast til að geta
gengið frá kaupum á Emile Heskey,
framherja Liverpool, í dag eða á
morgun. Birmingham hefur boðið
Liverpool 3,5 milljónir punda í Hesk-
ey, en Liverpool keypti hann frá
Leicester fyrir fjórum árum á 11
millj. punda.

HESKEY hefur skorað 60 mörk í
228 leikjum sínum fyrir Liverpool en
Liverpool hefur þegar tryggt sér
arftaka Heskeys, Frakkann Djibril
Cisse.

NEWCASTLE hefur sett 50 millj-
ón punda verðmiða á varnarmanninn
sterka Jonathan Woodgate. Heyrst
hefur að Manchester United hafi
rennt hýru auga til Woodgate en Sir
Alex Ferguson, knattspyrnustjóri
United, hefur sagst ætla að styrkja
vörn sína fyrir næstu leiktíð. For-
ráðamenn Newcastle segjast ekkert
hafa heyrt frá United en þeir segja
að leikmaðurinn sé ekki falur fyrir
minna en 50 milljónr punda.
FÓLK
ÍBV er með sterka sveit erlendraleikmanna, þar sem þær Michelle
Barr og Mhairi Gilmour frá Skot-
landi og hin þraut-
reynda enska lands-
liðskona Karen
Burke eru öllum
hnútum kunnugar
hér á landi. Claire Johnstone, vara-
markvörður skoska landsliðsins,
leysir enska landsliðsmarkvörðinn
Rachel Brown af hólmi, og þá verður
Mary McVeigh frá Bandaríkjunum
með ÍBV fram í júlí en þegar hún fer
kemur landa hennar Rachel Kruze í
staðinn. Ekki má gleyma Elínu Önnu
Steinarsdóttur sem er komin til liðs
við Eyjakonur frá Breiðabliki, og
auk þess skartar liðið skæðasta
sóknardúett landsins, þeim Olgu
Færseth og Margréti Láru Viðars-
dóttur.
„Við erum ekkert að fela það að
við stefnum á þá titla sem í boði eru.
Við urðum í öðru sæti, bæði í deild og
bikar, í fyrra og þar sem við ætlum
að bæta okkur, eins og við höfum
gert ár frá ári, kemur ekkert annað
til greina en að horfa á efsta sætið.
Okkar lið er vel mannað, sterkt á
pappírunum þótt breiddin sé
kannski ekki alveg eins mikil og í
fyrra. En það er reyndar ekki nóg að
vera sterkir á pappírunum eins og
sannast hefur áþreifanlega með Real
Madrid,“ sagði Heimir við Morgun-
blaðið.
Fjögur lið berjast um titilinn
Miðað við vorleikina virðast ÍBV
og Valur vera með tvö bestu liðin,
enda er þeim spáð tveimur efstu sæt-
unum í deildinni. Heimir segir að
hann eigi samt alls ekki von á því að
keppnin muni þróast upp í einvígi
milli þessara tveggja liða.
„Nei, ég sé það engan veginn fyrir
mér því KR og Breiðablik eiga eftir
að taka þátt í þessari baráttu af full-
um krafti. Valsliðið er vissulega
firnasterkt, með nánast eingöngu
leikmenn úr A-landsliði og 21 árs
landsliði í sínu byrjunarliði. Þar að
auki er Katrín Jónsdóttir væntanleg
til liðs við Val í júní og það er gíf-
urlegur liðsauki, hún er bæði góður
leikmaður og sterkur karakter.
Þótt Hrefna Jóhannesdóttir og
þær Ásthildur og Þóra Helgadætur
séu farnar frá KR-ingum er lið
þeirra ekki síðra en undanfarin ár.
Guðlaug Jónsdóttir er komin heim
frá Danmörku og þær Guðrún Sóley
Gunnarsdóttir og Elín Jóna Þor-
steinsdóttir eru með á ný eftir
meiðsli, og það munar um minna. Þá
eru Elfa Björk Erlingsdóttir og
María B. Ágústsdóttir komnar frá
Stjörnunni, auk þess sem KR er með
margar mjög efnilegar stúlkur sem
hafa þegar fengið talsverða reynslu
með liðinu.
Breiðablik er komið með Erlu
Hendriksdóttur frá Danmörku og
hún er leiðtoginn sem liðið vantaði til
þess að blanda sér í toppslaginn. Ég
tel að það sé því alveg ljóst að þessi
fjögur lið muni berjast um titilinn og
það er liðin tíð að einungis tveir leik-
ir ráði því hvar Íslandsbikarinn
hafnar.“
Stjarnan getur reynst öllum
erfiður andstæðingur
Heimir telur að Stjarnan gæti
gert fjórum efstu liðunum lífið leitt.
„Já, ég hef trú á því að Stjörnustúlk-
urnar verði þeim öllum erfiður and-
stæðingur og komi til með að taka
stig og stig af þeim. Ég á hins vegar
von á því að FH, Þór/KA/KS og
Fjölnir verði í harðri fallbaráttu og
eigi ekki mikla möguleika gegn hin-
um. Það yrði að minnsta kosti mjög
óvænt ef þessi þrjú lið næðu stigum
af þeim.
Ég á von á því að þetta verði stór-
skemmtilegt Íslandsmót og deildin
hefur aldrei verið eins sterk og núna.
Öflugir leikmenn hafa snúið heim frá
útlöndum og breiddin hefur aukist
gífurlega. Það er nóg að horfa á
hvernig A-landsliðið okkar er skipað
í dag, það er byggt upp á ungum og
geysilega efnilegum stúlkum, nýrri
kynslóð sem er smám saman að taka
við. Það er fjöldinn allur af bráðefni-
legum stúlkum í deildinni, við erum
með Margréti Láru, KR með Hólm-
fríði Magnúsdóttur, Valur með Dór-
urnar tvær [Dóru Stefánsdóttur og
Dóru Maríu Lárusdóttur], Stjarnan
með Hörpu Þorsteinsdóttur og FH
með Sif Atladóttur. Þannig mætti
lengi telja og það er mjög bjart yfir
íslenskri kvennaknattspyrnu um
þessar mundir,“ segir Heimir Hall-
grímsson.
Fyrstu umferðinni lýkur á
fimmtudag en þá fara hinir þrír leik-
irnir fram. Þá mætast FH og Valur í
Kaplakrika, KR og Fjölnir á KR-
velli og Stjarnan tekur á móti Þór/
KA/KS í Garðabæ.
Morgunblaðið/Jim Smart
Olga Færseth, hinn marksækni leikmaður ÍBV, á hér í höggi við
tvo leikmenn Vals á Íslandsmótinu í fyrra.
Heimir Hallgrímsson, þjálfari ÍBV, um Íslandsmót kvenna sem hefst í kvöld
„Stefnum á þá titla
sem í boði eru“
ÍSLANDSMÓT kvenna í knattspyrnu hefst í kvöld með sannköll-
uðum stórleik. ÍBV tekur á móti Breiðabliki á Hásteinsvelli í Vest-
mannaeyjum en þessi tvö lið eru talin líkleg til að slást um topp-
sætin í sumar ásamt Íslandsmeisturum KR og bikarmeisturum Vals.
Horfur eru á tvísýnni keppni í sumar, hún gæti reynst jafnari en
nokkru sinni fyrr, en liði ÍBV er þó spáð bestu gengi í upphafi móts.
Útlit er fyrir að deildin verði tvískipt eins og áður og Stjarnan, FH,
Þór/KA/KS og Fjölnir heyi baráttuna í neðri hluta hennar.
Eftir
Víði
Sigurðsson
Heimir Hallgrímsson