Heimilistíminn - 07.03.1974, Blaðsíða 33

ekki meira við en heimili nágrannakonu
þinnar, og þú ætlar þér þó ekki að fara að
laga til i skúffunum hjá henni, er það?
Barnabörnin
Barnabörnin eru heldur ekki einkaeign
þin, þú átt svolitið i þeim, hin amman
lika, afar þeirra báðir, en foreldrar þeirra
eiga þó talsvert i þeim. Tengdadóttur
þinni finnst dásamlegt, að þú skulir vilja
lita eftir þeim, ef þú gerir það nokkurn
veginn eins og hún gerir sjálf. Varastu að
taka krakkaskinnin i gegn, krakkar una
sér bezt og haga sér bezt, ef þau finna, að
þau mega vera eins og heima hjá sér.
högmálið um sæði og uppskeru
Strangasta lögmál mannskepnunnar er
lögmálið um sæðið og uppskeruna. Maður
uppsker eins og maður sáir, og þetta
lögmál gildir lika um samband tengda-
mæðra og tengdadætra.
Með þetta lögmál i huga, að ógleymdum
nokkrum umferðarreglum ættu að vera
þó talsverðir möguleikar á, að vel fari á
með tengdamóður og tengdadóttur, og þá
eru lika talsverðir möguleikar á samhuga
fjölskyldulifi af betra taginu.
Sitthvað
um sítrónur
Þegar þið skerið sitrónu i báta, þá
gerið það þannig: Skerið fyrst litið
eitt af hvorum enda sitrónunnar, sið-
an helmingið þið hana langsum og
skerið hvita strenginn i miðjunni úr
með V-skurði. Þá er vandalaust að
skera hvorn helming i þrjá-fjora
fallega báta.
Nokkrir dropar af sitrónusafa gera
kraftaverk i vatnsglasinu, sem svo
hollt er að byrja hvern dag meö þvi
að drekka.
Það getur veriö erfitt að pressa
safann úr sitrónubáti við borðhaldið,
en hér er hin rétta aðferð: Stingið
gaffli i bátinn (mynd). Þá er eng-
innvandiað kreista allan þann safa
sem þörf er á, án þess að ata fing-
urna.
Safi úr hálfri sitrónu saman við
stifþeytta eggjahVitu. Þannig hljóð-
ar ævagömul uppskrift á andlits-
grimu fyrir þær sem hafa feita,
óhreina húð. En munið að setja
aldrei á finu húðina umhverfis aug-
un.
Þarf barnagæzla að vera vandamál?
Barnagæzla hefur löng-
um verið vandamál. og hér
hjá okkur mun vera al-
gengast að hafa innan
handar nokkrar unglings-
stúlkur og greiða þeim
ákveðna upphæð fyrir að
gæta barnanna. En slikt
getur orðið talsvert dýrt,
einkum þegar það leggst
ofan á verð aðgöngumiða
að kvikmynda- og leikhúsi,
og jafnvel leigubils að auki.
Afleiðingin verður lika sú,
að fólk fer alls ekki eins oft
út að lyfta sér upp, eins og
það langar til.
Nýlega fréttum við,
hvernig sumir hafa þetta i
London, og það er allt ööru-
vfsi. Kunningjafólk það,
sem hér um ræðir, býr i út-
hverfi borgarinnar, og þar
er það gildandi samningur
milli granna, að þeir gæti
barnanna hverjir fyrir
aðra, og þá ekki bara kven-
fólkið. Auðvitað kostar það
ekkert. Kvöldiðerþá notað
til að lesa góða bók eða
koma einhverri handa-
vinnu frá, sem fengið hefur
að bíða. Þetta hefur marg-
ar góðar hliðar, m.a. þá, að
börnin kynnast fullorðna
fólkinu i hverfinu mun bet-
ur en annars.
Gaman væri að vita.
hvort hægt er að koma
þessu fyrirkomulagi á hér.
Ef til vill er þetta svona
einhvers staðar, án þess að
við höfum frétt af því. Sú
tilfinning er þó dálitið áleit-
in, að við tslendingar séum
smeykir við að nálgast
hverjir aðra of mikið á
heimilum. Þaö væri gaman
að geta bætt úr þessu, og
hjálpað bæði sjálfum sér og
öðrum um leið. En til þess
þarf liklega talsverða hátt
visi af beggja hálfu... og ef
til vill eiga enskar fjöl-
skyldur hana i rikari mæli
en við hér heima.

33