NT - 21.06.1984, Síða 2
jff Fimmtudagur 21. júní 1984 2
lil Fréftir
Fundur í Eyjum með sjávarútvegsráðherra:
Missa þeir kvótann
næsta ár sem sel ja?
■ Hvað verður um aflamögu-
leika þeirra skipa á næsta ári
sem selja kvóta sína í ár? Um
þetta mál hafa löngum verið
skiptar skoðanir sem vonlcgt
er. Til eru þeir sem vilja úthluta
sömu kvótum aftur á næsta ári
en aðrir halda því fram að
kvótar næsta árs eigi að byggjast
að stórum hluta á aflanum í ár,
enda ótækt að menn geti selt
sama kvótann ár eftir ár.
Halldór Ásgrímsson sjávar-
útvergsráðherra sagði á fundi í
Vestmannaeyjum í gærkvöldi,
að erfitt yrði að hafa sama kvóta
á næsta ári og gilt hefði í ár, en
einhvers konar kvóti á næsta ári
yrði þó óhjákvæmilegur. Algert
frelsi myndi ekki leiða til þess
að stofnarnir byggðust upp.
í máli sjávarútvegsráðherraá
íundinum kom ennfremur fram
að erfiðlega hefði gengið að
selja karfa og ufsa úr landi og
bentu nú allar líkur til að um
næstu áramót yrðu til í landinu
birgðir af karfa að verðmæti um
sex hundruð milljónir króna.
I NT á morgun verður nánar
skýrt frá fundinum í Vest-
mannaeyjum.
Samtökin Níu líf og umhverf ismálaráð borgarinnar:
Harma niðurrifið
á Fjalakettinum
■ Samtökin Níu líf og um-
hverfismálaráð Reykjavíkur-
borgar harma fyrirhuguð
áform um niðurrif Fjalakatt-
arins, sem NT skýrði frá í
gær, en þegar er byrjað að
safna saman og henda drasl-
inu úr húsinu, sem Þorkcll
Valdimarsson eigandi Fjala-
kattarins hefur afsalað í
hendur Harðar Runólfssonar
til niðurrifs.
Umhverfismálaráð harm-
ar að ekki skuli hafa náðst
samkomulag milli Þorkels og
samtakanna Níu líf um varð-
veislu hússins, og skorar
jafnframt á Þorkel að sjá til
þess að möguleiki verði á
'endurbyggingu gamla bíósal-
arins í Fjalakettinum, ef af
niðurrifinu verður.
Samtökin Níu líf taka und-
ir þetta og hvetur stjórn
þeirra borgarbúa jafnframt
til fylgjast með þróun málsins
og vonast til að þannig verði
staðið að málum að Köttur-
inn öðlist nýtt líf. Segja sam-
tökin í yfirlýsingu sinni að
fram hafi komið í viðræðum
við Þorkel Valdimarsson að
Fjalakötturinn væri ekki til
sölu einn og scr frekar en
aðrar eignir þeirra systkina í
Grjótaþorpi. Ekki væri til
umræðu annað en að selja
þær allar saman.
Óánægja er
með úrskurð
kjaranefndar
■ Kennarar, símamenn og
starfsmenn útvarpsog sjónvarps
eru ekki ánægðir ineð úrskurð
kjaranefndar í sérkröfum starfs-
mannafélaganna, sem þau
fengu í fyrradag.
Grunnskólakennarar með
kennsluréttindi fá nú launa-
flokkshækkanir eftir 3 og 6 ára
starf, en þær voru áður eftir 4 og
8 ár. Aftur á móti felst í
úrskurðinum launalækkun fyrir
þá kennara í hlutastarfi, sem
annast gæslu á heimavistum.
Gæslan verður greidd með dag-
vinnukaupi, með álagi eftir kl.
17, en var áður öll greidd með
yfirvinnukaupi. Loks er smá
lagfæring fyrir kennara, sem
hafa nemendur með sérþarfir í
almennum bekkjardeildum.
Símamenn í 19. launaflokki
og neðar fengu aldurshækkun
eftir 6 ára starf, þ.e. þeir, sem
ekki höfðu fengið þær áður. Þá
fengu starfsmenn í 5.-10. flokki
hækkun eftir 3 ára starf í stað 4
áður.
Tæknimenn sjónvarps og
starfsmenn leikmyndadeildar,
sem eru um miðbik launastig-
ans, fengu eins flokks hækkun.
Textavélritarar fengu tveggja
flokka hækkun og fréttamenn
fóru upp um einn. Einstaka
menn úr öðrum dcildum fengu
einnig einhverja lciðréttingu.
Hjá útvarpi fengu fréttamenn
Itækkun upp á einn flokk og
smá lagfæringar voru gerðar
hjá ákveðnum hópi skrifstofu-
fólks. Þá fengu allir nema tækni-
menn launaflokkshækkun eftir
sex ára starf.
2% hækkun á
húsaleigunni
■ Um næstu mánaðamót
verður 2% hækkun á leigu fyrir
íbúðar- og atvinnuhúsnæði þar
sem leigt er samkvæmt leigu-
samningi sem byggist á bráða-
birgðalögum nr. 62 frá árinu
1984, um hækkun leiguupphæð-
ar, samkvæmt tilkynningu Hag-
stofunnar. Vekur Hagstofan
sérstaka athygli á að hækkun
þessi snertir ekki aðra húsa-
leigu. Júlíleigan - samkvæmt
framansögðu - skal síðan hald-
ast óbreytt mánuðina ágúst og
september n.k.
Eyjafjörður:
Gott hljóð í
kartöflubændum
■ Kartöflubændur við Eyja-
fjörðinn leika við hvern sinn
fingur í veðurblíðunni.
„Það er mjög gott hljóð í
okkur. Þetta fór vel af stað og
við ættum að geta vænst góðrar
uppskeru í haust,“ sagði Svein-
berg Laxdal bóndi á Túnsbergi
á Svalbarðsströnd í samtali við
NT í gær.
Sveinberg sagði, að kartöflu-
bændur hefðu sett niður í kring-
um 10.-15. maí og væri það
mánuði fyrr en á síðasta ári.
Bændur nyrðra reka líka
verksmiðju, sem framleiðir tvær
tegundir franskra kartaflna og
gengur það mjög vel.
„Verksmiðjan er orðin styrk-
asta stoðin undir rekstri kaup-
félagsins á Svalbarðseyri og
bændur þurfa nú ekki að vera
hræddir um að losna ekki við
uppskeruna," sagði Sveinberg.
■ Yfirnefnd Verðlagsráðs sjávarútvegsins hafði ekki árangur sem erfiði á stuttum fundi í gær, en hvað gerist í dag?
NT-mynd Róbert
Fiskverðs-
ákvörðun
í burðar-
liðnum:
■ Nú þykir trúlegt að físk-
vcrðshækkun verði ákveðin í
dag og verði um 6% að meöal-
tali. Mikil pressa er nú á yfir-
nefnd Verðlagsráðs sjávarút-
vegsins að ákveða fiskverð áður
en Halldór Asgrímsson sjávar-
útvegsráðherra heldur til So-
vétríkjanna á morgun. Hefur
fundur verið boðaður í nefnd-
inni kl. 18 í kvöld og þar verður
trúlega „hert á þumalskrúfun-
Fiskverðið nið-
urgreitt um 3%?
um“ eins og einn heimildar-
manna blaðsins orðaði það.
Eins og NT skýröi frá í gær
sýna útreikningar Þjóðhags-
stofnunar að verðið þyrfti að
hækka á bilinu 9-13% til að
útgerðin yrði rekin hallalaust.
Ef slík fiskverðshækkun yrði
látin ná fram að ganga eru hins
vegar allar líkur á að færi að
styttast í gengisfellingu. Það
mun því trúlega verða að ráði
að hækka fiskverð nokkru
minna eða á bilinu 5-7% en
leysa afganginn af rekstrar-
vanda útgerðarinnar með hlið-
arráðstöfunum og þá væntan-
lega fyrst og fremst með tæplega
3% verðuppbót til útgerðarinn-
ar.
Jón Sigurðsson, fram-
kvæmdastjóri Þjóðhagsstofnun-
ar sagðist í gær stefna að því að
ná samkomulagi um fiskverð
sem gilt gæti til áramóta. Aðrar
heimildir NT herma að mjög sé
vafasamt að það takist.
Ef fiskverð verður ákveðið í
dag verður það trúlega gert með
atkvæðum oddamanns og at-
kvæðum seljenda, enda er með
þessu móti gengið allverulega
til móts við kröfur þeirra.
Fíkniefni:
SIBROTAMENN
TEKNIR MED EFNI
TIL NEYSLU
■ Þrír menn voru hand-
teknir í Reykjavík í fyrrinótt
með fíkniefni. Mennirnireru
að sögn lögreglunnar síbrota-
menrn Þeir voru með amfeta-
mín og hass í fórum sínum,
en að sögn lögreglu aðeins
lítið magn. til eigin nota.
Mennirnir gistu fanga-
geymslur lögreglu um nótt-
ina og þegar haft var sam-
band við fíkniefnadeild lög-
reglunnar í gær voru tveir
mannanna enn til yfir-
heyrslu. Þeir voru, að sögn
lögreglu, illa farnir af neyslu
lyfja.
Mönnunum verður boðin
dómssátt.
Arnarvatnsheiði:
Veiðiþjófar valda
náttúruspjöllum
■ Flest bendir til að lögreglan
sé nú komin á slóð veiðijijóf-
anna á Arnarvatnsheiði. I gær
var þess beðið að veiðiþjófarnir
kæmu til byggða, en lögreglan
hafði þá skoðað bíla þeirra úr
þyrlu. Að sögn Jóns ísberg
sýsluntanns á Blönduósi, niunu
viðurlög ekki vera þung fyrir
brot af því tagi sem sennilega er
hér um að ræða. „Alvarlegasti
hluturinn er sá, að menn valda
spjöllum með því að vera þarna
á ferli á stórum bílum, með
stórum dekkjum" sagði Jón.
Lögreglan í Reykjavík mun
væntanlega senda skýrslu um
ntálið til sýslumannsins á
Blönduósi innan tíðar, og þá mun
þetta mál skoðað nánar.
Morgunblaðshúsið:
Teknir með ávísanir
■ Tveir ungir menn voru
handteknir rétt eftir 4 í gær-
morgun bak við Morgunblaðs-
húsið. í fórum þeirra voru tvær
ávísanir, sem báðar hljóðuðu
upp á 50.000 krónur. Ávísanirn-
ar voru báðar með stimpli fyrir-
tækis. Piltarnir játuðu fljótlega
að hafa brotist inn í tvö fyrirtæki
vestur á Granda. Eftir yfir-
heyrslur í gær voru þeir látnir
lausir.