NT - 21.06.1984, Side 17

Opnaðimeð
pomp og prakt
■Enn einn veitingastaðurinn hefur skotið upp kollinum
í borginni og var hann opnaður með pompi og prakt sl.
laugardag. Við sjávarsíðuna kalla eigendurnir afkvæmið
og er eins og vera ber nærri höfninni, nánar tiltekið á
Tryggvagötunni á jarðhæð hins umtalaða Hamarshúss.
Það eru tvenn ung hjón, Hólmfríður Pálsdóttir og
Garðar Halldórsson ásamt Guðbjörgu Vilhjálmsdóttur
og Agli Kristjánssyni, sem ráðist hafa í þetta stórvirki
og bjóða þau uppá rétti úr svokölluðu frönsku eldhúsi
og eru fiskréttir þar í meirihluta, eins og vera ber við
sjávarsíðuna. Með góðgætinu verður hægt að dreypa á
Ijúfum léttum vínum, hvítum og rauðum en ekkert
bjórsull verður að hafa þar á bæ. Bjart og létt er yflr
staðnum sem er smekklega og skemmtilega innréttaður
og lofar það góðu við fyrstu kynni. Margt var um
manninn á opnuninni og eins og myndirnar hans Arna
Bjarna bera með sér virtust allir vera hinir ánægðustu.
Fimmtudagur 21. júní 1984 17
■ Boðsgestirnir streyma að við opnun nýja veitingastaðarins á Tryggvagötunni, sem kenndur er viö sjávarsíðuna og frönsku línuna
í matargerðarlistinni.
■ Þreyttir, eftir að hafa staðið á haus undanfarnar nætur við undirbúning opnunarinnar, en
ánægðir með vel heppnað starf, stilltu eigéndur Við sjávarsíðuna sér upp fyrir Ijósmyndara NT.
Frá vinstri: Garðar, Fríða, Egill og Guðbjörg.
■ »Ég bý hérna rétt í nágrenninu, á Vesturgötunni, og hlakka mikið til að borða hér“, sagði
Bryndís Schram, en hún var mætt til að skoða nýja veitingastaðinn, ásamt manni sínum Jóni Baldvin
Hannibalssyni og Arndísi Björnsdóttur.
■ Þær brostu sínu blíðasta stúlkurnar tilArna Bjama þegar hann smellti af. Systurnar Margrét og Guðbjörg til vinstri, en hinar heita Lóa, Ástþóra og Margrét.