Morgunblaðið - 21.12.2003, Blaðsíða 21

21.12.2003 | 21
L
istamannseðlið hefur blundað í honum frá blautu barnsbeini. Og
hann hefur vissulega fengið útrás fyrir sköpunarþörf sína í skúlp-
túrum, sem vakið hafa athygli. Í næstum hálfa öld hefur hann
stundað ábyrgðarmikil störf í þágu læknavísindanna í Bandaríkj-
unum, en um leið kunnað að lifa lífinu. Hann er sagður hafa verið
mikill lífskúnstner og ævintýramaður, er þrígiftur, á átta börn og nítján barnabörn
og segist taka fulla ábyrgð á öllu því sem fyrir hann hefur borið á lífsleiðinni. „Sér-
hver maður skapar sér sinn eigin raunveruleika og um leið sín eigin örlög,“ segir
hann.
Magnús Ágústsson, læknir og myndhöggvari, segist hafa alist upp við listræna
hugsun í föðurhúsum. Foreldrar hans voru Ágústa Magnúsdóttir og Ágúst Lár-
usson málarameistari. „Ég fæddist í húsi sem amma mín og afi, Málfríður Jóns-
dóttir og Lárus G. Lúðvígsson, skókaupmaður, byggðu á Ingólfsstræti 3 í Reykja-
vík. Á unga aldri lærði ég gildi listrænnar hugsunar og tjáningar. Pabbi var mikill
listamaður og sum verka hans standa enn í ýmsum kirkjum og byggingum á Ís-
landi, eins og til dæmis á Hótel Borg og í Íslensku óperunni, sem eitt sinn hét
Gamla bíó. Margir listamenn voru tíðir gestir á heimilinu og hjá einum þeirra fékk
ég fyrstu tilsögnina í teikningu. En hugur minn stóð frekar til þess að móta í form
en að mála og eftir að mér hafði verið gefinn leir vildi ég ekkert með teikningar eða
málverk gera lengur heldur sneri mér alfarið að því að móta í leir.“
Magnús varð stúdent frá Menntaskólanum í Reykjavík á hundrað ára afmæli
skólans árið 1946. Hann lauk kandídatsprófi í læknisfræði frá Háskóla Íslands á
fimm og hálfu ári, sem þótt vel af sér vikið í þá daga.
„Eldri bróðir minn, Hreiðar, var barnalæknir og það hefur sjálfsagt haft einhver
áhrif á að ég valdi læknisfræðina. Og þar sem hann var í Minneapolis þegar ég
lauk kandídatsprófi ákvað ég að fara í framhaldsnám þangað og vann í eitt ár sem
kandídat á spítala sem tengdist háskólanum þar. Það fóru margir læknar í fram-
haldsnám til Bandaríkjanna á þessum árum.“
Magnús stundaði sérnám í barnalækningum á Mayo Clinic í Rochester í Minne-
sota, sem er eitt þekktasta sjúkrahús sinnar tegundar í heiminum. „Ég var þarna í
þrjú ár og fór svo heim til Íslands. Þegar barnadeild Hringsins var sett á stofn á
Landspítalanum árið 1957 var ég ráðinn til að starfa með Kristbirni Tryggvasyni,
sem var fyrsti yfirlæknir á barnadeildinni. Kristbjörn veiktist stuttu eftir að ég kom
til starfa og var frá í nokkra mánuði. Ég var því einn á báti í hálft ár, nýkominn úr
námi, en fékk góðan stuðning frá læknum og starfsfólki spítalans og það fleytti
mér yfir erfiðasta hjallann.“
Útþráin blundaði í brjósti Magnúsar og hann langaði að læra meira í lækn-
isfræði. „Mig langaði að læra um hjartasjúkdóma og fór því aftur til Bandaríkjanna
síðla árs 1958 og lærði barnahjartalækningar á Mayo Clinic og tók ennfremur eitt
ár í lífeðlisfræði og vann að rannsóknum á því sviði. Svo skemmtilega vildi til að
þegar ég var að vinna að þessum rannsóknum voru þeir að hanna fyrstu hjarta-
lungnavélina, sem gerði það mögulegt að gera opna hjartauppskurði. Ég tók þátt í
þessari vinnu og lærði mikið af því og var heppinn að vera þarna á þessum tíma.
Síðan hef ég starfað í Bandaríkjunum, meðal annars á barnahjartadeild Cook-
county-háskólaspítalans í Chicago. Það er enginn smáspítali, með 2.700 sjúkra-
rúmum og þekktur úr sjónvarpsþáttunum Bráðavaktinni.“
Þrátt fyrir erilsamt og krefjandi starf sem barnahjartalæknir í Bandaríkjunum
gat Magnús stundum fundið tíma til að sinna höggmyndalistinni. Þær stundir
voru þó fáar framan af.
„Ég hafði svo mikið að gera í vinnunni að það gáfust fáar stundir til að sinna
L
jó
sm
yn
d:
G
ol
li
LÆKNIR OG LISTAMAÐUR
Magnús Ágústsson barnahjartalæknir í Bandaríkjunum gat fundið tíma til að sinna höggmyndalistinni
Eftir Svein Guðjónsson