Morgunblaðið - 31.08.2004, Blaðsíða 4

FRÉTTIR
4 ÞRIÐJUDAGUR 31. ÁGÚST 2004 MORGUNBLAÐIÐ
ÁFORM eru uppi um að endurheimta svonefnda
Brimnesskóga í Skagafirði, sem sagt er frá í Land-
námabók Ara fróða, en landið er skógvana í dag.
Að sögn Steins Kárasonar, framkvæmdastjóra
samstarfshóps um endurheimt skóganna, er stefnt
að því að planta í að minnsta kosti 100 hektara
lands á næstu tíu árum, samtals um 350.000
plöntum og verða fyrstu plönturnar, á áttunda þús-
und birkiplöntur og á sjötta hundrað gulvíðilöntur,
gróðursettar á föstudag af nemendum grunnskóla
í Skagafirði.
Að sögn Steins er markmiðið að þar rísi mynd-
arskógur á nokkrum áratugum sem renni stoðum
undir vistvæna- og menningartengda ferðaþjón-
ustu og vistvæna skógrækt.
Verkefnið þykir ekki síst merkilegt fyrir þær
sakir að ætlunin er að endurheimta skógana með
upprunalegu birki, reyni og gulvíði sem nú vex í
Hrolleifsdal og Austurdal í Skagafirði og hefur
ágræðslu- og kynbótabirki m.a. verið komið fyrir í
Gróðrarstöðinni í Mörk í Fossvogsdal auk gul-
víðis.
Land Brimnesskóga í Skagafirði er í eigu
þriggja aðila, þ.á m. sveitarfélagsins Skaga-
fjarðar, en sjálfseignarstofnunin Kolkuós hefur af-
notarétt að hluta landsins. Í stjórn Kolkuóss eru
auk annarra Vigdís Finnbogadóttir, fyrrum forseti
Íslands, sem átti hugmyndina að því að börn úr
Skagafirði yrðu fengin til að gróðursetja fyrstu
plönturnar. Mun Yrkjusjóður að hluta leggja til fé
til plöntukaupa í ár og fjölmörg fyrirtæki hafa sýnt
áhuga á að liðsinna verkefninu.
Steinn segir þó ljóst að áætlanir hans um end-
urheimt skóganna séu djarfar og framtíð verkefn-
isins velti á viðtökunum og hvernig gangi að afla
fjármagns.
Morgunblaðið/Þorkell
Vigdís Finnbogadóttir, Steinn Kárason garðyrkjumeistari og Guðmundur Vernharðsson, eigandi gróðrastöðvarinnar Markar, skoða birkiplöntur úr
Skagafirði sem verða frægjafar fyrir þúsundir birkiplantna sem planta á í Brimnesskógum á komandi árum.
Brimnesskógar vaktir til lífsins
ÓBYGGÐANEFND hefur veitt
fjármálaráðherra lengri frest til að
lýsa kröfum íslenska ríkisins um
þjóðlendur á Norðausturlandi. Átti
fresturinn að renna út 1. ágúst sl.
en hefur nú verið framlengdur til
15. október næstkomandi.
Ástæða frestunar er einkum sú
að væntanlegur er dómur í Hæsta-
rétti um þjóðlendur í uppsveitum
Árnessýslu, þ.e. fyrsta svæðinu
sem óbyggðanefnd úrskurðaði um
á sínum tíma. Ríkið sætti sig ekki
við þann úrskurð og höfðaði einka-
mál á hendur nokkrum landeig-
endum. Var úrskurðurinn staðfest-
ur að langmestu leyti í
Héraðsdómi Suðurlands í nóvem-
ber 2003 og áfrýjaði ríkið þeim
dómi til Hæstaréttar.
Málflutningur fer fram í næstu
viku, þegar Hæstiréttur tekur til
starfa að loknu réttarhléi. Á vef
óbyggðanefndar er vitnað í bréf
lögmanns ríkisins þegar óskað var
eftir lengri fresti vegna Norðaust-
urlands.
Segir lögmaðurinn að í vænt-
anlegum dómi Hæstaréttar verði
skorið úr um lögfræðileg álitaefni
sem geti reynt á við kröfugerð á
Norðausturlandi.
Óbyggðanefnd framlengir
frest vegna Norðausturlands
tækjum niður í sjóinn sem tengist
síðan duflinu sem er ofan á íshell-
unni og rekur með henni suður á
bóginn. Oft fara svona dufl ein-
hverjar krúsídúllur, en þetta dufl
fer beina leið. Þetta ferðalag er
óvenju hratt.“
JÓN Ólafsson haffræðingur á Haf-
rannsóknastofnun gekk fram á
dufl í fjörunni í göngu-
ferð um land Fells í
Sléttuhlíð á dögunum.
Reyndist duflið vera
japanskt rannsókn-
ardufl sem ætlað er að
rannsaka hafstrauma
og rek íshellu Norður-
íshafsins.
„Ég var að skoða
þetta svæði þar sem
langafi minn Sveinn
Árnason í Felli reri áð-
ur fyrr þegar við rák-
umst á þetta dufl í Gjávík í landi
Fells,“ segir Jón, sem gerði jap-
önsku rannsóknarstofnuninni
JAMSTEC undir eins viðvart um
fund duflsins.
„Þeir brugðust snöggt við og
ætla að senda hingað vísindamann
til að sækja duflið.“
Vísindamaðurinn, dr.
Takashi Kikuchi, kemur
hingað til lands á næstu
dögum og mun Jón
fylgja honum norður í
Gjávík.
„Eggert bóndi á Felli
ætlar að hjálpa okkur
að koma duflinu áleiðis
á veginn þar sem það
fer á flutningabíl til
Reykjavíkur, en frá
Reykjavík fer það til
Alaska,“ segir Jón.
„Þetta er nokkuð þungt, eitt-
hvað yfir 200 kíló hugsa ég. Það
er mikið fyrirtæki að fara með
þetta í flugvél á heimskautaísinn.
Þeir bora gat og leggja tvö
hundruð metra kapal með mæli-










 
 
  


! 
"
 


 
 !


"# $


" %"

 "#&"

'(&)* 
)  &
" %"

"# $

 %  #+
$'%!  
* )+! 



   "

 # ",$ 

Fundu japanskt dufl í
gönguferð í Sléttuhlíð
Jón Ólafsson
SJÖ sóttu um embætti hæstarétt-
ardómara en umsóknarfrestur
rann út sl. föstudag, 27. ágúst.
Umsækjendurnir voru:
Allan Vagn Magnússon héraðs-
dómari,
Eggert Óskarsson héraðsdómari,
Eiríkur Tómasson prófessor,
Hjördís Hákonardóttir dómstjóri,
Jón Steinar Gunnlaugsson pró-
fessor og hæstaréttarlögmaður,
Leó E. Löve hæstaréttarlögmað-
ur og Stefán Már Stefánsson pró-
fessor.
Samkvæmt lögum um dómstóla
skal dómsmálaráðherra, áður en
hann skipar hæstaréttardómara,
leita umsagnar dómsins um hæfi og
hæfni umsækjenda til að gegna
starfinu.
Sjö sóttu um
embætti hæsta-
réttardómara
STJÖRNU-ODDI og Hafrann-
sóknastofnun eru meðal níu fyr-
irtækja, stofnana og einstaklinga
sem tilnefnd eru til annarrar um-
ferðar til náttúru- og umhverf-
isverðlauna Norðurlandaráðs í ár
en ákvörðun um hver hlýtur verð-
launin verður tekin á fundi í Reykja-
vík 17. september næstkomandi.
Verðlaunin nema um fjórum
milljónum króna og sker þrettán
manna dómnefnd úr um hver fær
styrkinn.
Í dómnefndinni sitja tveir fulltrú-
ar frá Norðurlöndunum fimm en
sjálfstjórnarsvæðin Færeyjar,
Grænland og Álandseyjar eiga sinn
fulltrúann hvert.
Stjörnu-Oddi ehf. sérhæfir sig í
gerð rafeindamælitækja til fiski- og
hafrannsókna. Fyrirtækið var
stofnað árið 1985 og þróaði m.a. raf-
eindamerkið Data Storage Tag í
samvinnu við Hafrannsóknastofnun
en merkinu er komið fyrir í fiskum
og veitir það upplýsingar um far,
dreifingu og hegðun fisksins.
Stjörnu-Oddi og
Hafrannsókna-
stofnun tilnefnd
OPINBER heimsókn Halldórs Blön-
dals, forseta Alþingis, til Svíþjóðar
og Álandseyja hófst í gær en heim-
sóknin er í boði forseta sænska
þingsins, Björns von Sydow. Fund-
ur þingforsetanna verður í Sigtuna
en Halldór mun einnig heimsækja
háskólann í Uppsölum og ræða við
ýmsa forsvarsmenn skólans.
Frá Svíþjóð heldur Halldór til
Mariehamn á Álandseyjum til fund-
ar við forseta þings Álandseyja og
mun Halldór auk þess eiga fundi
með fulltrúum þingflokka og hitta
formann Álandseyjadeildar Norð-
urlandaráðs, að því er fram kemur í
fréttatilkynningu frá Alþingi.
Forseti Alþingis
heimsækir Svíþjóð
og Álandseyjar