Morgunblaðið - 31.08.2004, Side 25

UMRÆÐAN
MORGUNBLAÐIÐ ÞRIÐJUDAGUR 31. ÁGÚST 2004 25
BRÉF TIL BLAÐSINS
Morgunblaðið Kringlunni 1 103 Reykjavík  Bréf til blaðsins | mbl.is
ÞAÐ VAR kallað vorið í Prag, þegar
eldhressir hugjónamenn risu upp
gegn þrúgandi kerfisköllum síns
tíma og boðuðu jafnrétti og framfar-
ir. Nú er vorið komið til Reykjavík-
ur. Loftið iðar af pilsaþyt framsókn-
arkvenna, og nú eru það flauelspilsin
sem sveiflast í sólskininu og andi
flauelsbyltinga svífur í loftinu.
Það hefur ávallt verið siður á Ís-
landi, að karlana setti hljóða, þegar
húsfreyjan talaði, enda eins gott.
Þannig sagði frá í gömlu kennslu-
bókinni minni, að vinnumaður, sem
seinna minntist æsku Jóns Sigurðs-
sonar, hefði betur þolað tíu skamm-
aryrði frá húsbóndanum á Hrafns-
eyri en eitt frá húsfreyju. Já,
íslenskar konur eru ekki bara þær
fallegustu í heiminum.
Þess vegna spyr ég; Þegar konur
eru loks að taka það sæti í samfélag-
inu sem þeim ber við hlið karl-
mannsins, eru þær ekki áfram kon-
ur? Verður kona sem á sæti í
ríkisráði allt í einu herra?
Frá því Hallveig Fróðadóttir og
Ingólfur Arnarson reistu sér bæ í
Reykjavík til okkar daga hefur
virðuleiki fylgt nafninu húsfreyja,
Og þegar frumherjar í flugi á Íslandi
réðu konur til starfa í farkostum sín-
um, þá voru þær nefndar flug-
freyjur, titill sem þær hafa borið
með sóma um allan heim, Þess
vegna vil ég einnig spyrja; Af hverju
eiga ekki ráðfreyjur sæti í hinu ís-
lenska ríkisráði? Af hverju er ekki
ráðfreyja menntamála mennta-
málaráðfreyja? Væri ekki réttara að
tala um ríkisráðssæti en ráðherra-
sæti?
KRISTJÁN HALL,
Langholtsvegi 160,
104 Reykjavík.
Herrar og frúr,
og frúherrar
Frá Kristjáni Hall:
Eftirfarandi greinar eru á
mbl.is:
Jón Steinsson: „Það er engin
tilviljun að hlutabréfamarkað-
urinn í Bandaríkjunum er öfl-
ugri en hlutabréfamarkaðir
annarra landa.“
Regína Ásvaldsdóttir: „Eitt
af markmiðum með stofnun
þjónustumiðstöðva er bætt að-
gengi í þjónustu borgaranna.“
Jónas Gunnar Einarsson:
„Áhrifalaus og mikill meirihluti
jarðarbúa, svokallaður almenn-
ingur þjóðanna, unir jafnan
misjafnlega þolinmóður við
sitt.“
Jakob Björnsson: „Mörg rök
hníga að því að raforka úr
vatnsorku til álframleiðslu
verði í framtíðinni fyrst og
fremst unnin í tiltölulega fá-
mennum, en vatnsorkuauðug-
um, löndum...“
Tryggvi Felixson: „Mikil
ábyrgð hvílir því á þeim sem
taka ákvörðun um að spilla
þessum mikilvægu verðmætum
fyrir meinta hagsæld vegna
frekari álbræðslu.“
Stefán Örn Stefánsson: „Ég
hvet alla Seltirninga til að
kynna sér ítarlega fyrirliggj-
andi skipulagstillögu bæjaryf-
irvalda ...“
Gunnar Finnsson: „Hins veg-
ar er ljóst að núverandi kerfi
hefur runnið sitt skeið og
grundvallarbreytinga er
þörf...“
Eyjólfur Sæmundsson og
Hanna Kristín Stefánsdóttir:
„Öryggismál í landbúnaði falla
undir vinnuverndarlög og þar
með verksvið Vinnueftirlits-
ins.“
Jakob Björnsson: „Með þvílík-
um vinnubrögðum er auðvitað
lítil von um sættir.“
Á mbl.is
Aðsendar greinar
ÖFUGMÆLAVÍSUR eru þáttur í
þjóðararfinum, til dæmis þessi:
Séð hef ég köttinn syngja á bók,
selinn spinna hör á rokk,
skötuna elta skinn í brók,
skúminn prjóna smábarnssokk.
Enn tíðkast þessi kveðskaparteg-
und, þó í breyttri mynd sé, og snúi
meira að mönnum og málefnum en
fyrrum. Eitt besta sýnishorn frá ný-
liðinni öld gæti verið þessi vísa Jak-
obs á Varmalæk í Borgarfirði:
Íslendingar Davíð dá,
dyggðir mannsins prísa,
en þetta er eins og allir sjá
öfugmælavísa.
Nú styttist óðum í forsætisráð-
herraskipti og því ekki óeðlilegt að
öfugmælavísnasmiðir fari að huga að
þeim sem við tekur.
Kosti Halldórs fáa finn,
fljótur í stríð að renna.
„Af honum lekur ólundin
eins og blek úr penna.“
Tekið skal fram að seinni partur
ofangreindrar vísu er „stolinn“ eins
og nú tíðkast mjög í íslenskum bók-
menntaheimi.
Sífelld styrjöld stjórnvalda við
aldraða, sjúka og fatlaða hefur orðið
kveikjan að mörgum (öfugmæla?)
vísum.
Undarleg er okkar stjórn,
ei má leyna slíku.
Snauða lætur færa fórn
fyrir hina ríku.
Upp á síðkastið hafa jafnréttismál
verið heitasta umræðuefnið, eftir að
dómsmálaráðherra þurfti að greiða
fyrir stólinn sinn með afar umdeildri
embættisveitingu.
Skelfing á nú bágt́ann Björn,
búinn marga að hvekkja.
Seinheppinn í sókn og vörn,
sjálfur tímaskekkja.
Og í rökréttu framhaldi.
Hæstiréttur hátind nær
sem heimsins undrið fína
ef þar Davíð inni fær
með alla frændur sína.
Gleðilegt sumar.
INDRIÐI AÐALSTEINSSON,
Skjaldfönn v/Djúp.
Öfugmælavísur?
Frá Indriða Aðalsteinssyni:
Í FRAMHALDI af bréfstúfi, sent í
bréf til Morgunblaðsins 1. júní síð-
astliðinn um sjávar- og hlunn-
indarétt sjávarjarða, vil ég bæta við
að fyrsta verk stjórnar Samtaka eig-
enda sjávarjarða var m.a. að rita Al-
þingi bréf þar sem tilkynnt var um
þau markmið samtakanna, að fá út-
ræðisrétt virtan á ný. Þessa vil ég
geta o.fl. hér á eftir, enda þótt ég sé
engan veginn hlunnindaráðunautur,
heldur eigandi hlunnindajarðar og
því áhugasamur um slík jarðaafnot.
Það er athyglisvert að landeigandi á
allan rétt á öllu sem flýtur og er
dautt. Rekamörk eru talin ná 300–
600 m frá landi. Netlögn nær 60
faðma (115 m) út frá stórstraums-
fjöruborði og innan þeirra á landeig-
andi allan rétt til allra nytja. Þetta
er munurinn á netamörkum og rek-
lögnum. Þetta gildir hér á landi frá
því fyrir stofnun Alþingis 930 og allt
fram á þennan dag. Ýmis önnur
hlunnindi fylgja þessum jörðum, svo
sem reki, þangvinnsla, dúntekja o.fl.
En stjórnvöld virða hvorki réttindi
sjávarjarða til sjávar né til landsins.
Og ennþá hafa stjórnvöld ekki við-
urkennt eignarrétt jarða á auðlind-
inni; að fá rétt á útræðisrétt sjáv-
arjarða virtan á ný og staðfestan
löglega. En samkvæmt stjórnarskrá
lýðveldisins eru eignarréttindi eign-
arlands jarða til útræðis óvéfengj-
anleg; slíkt er orðin hefð. En með
lögum nú er stjórn fiskveiða þannig
háttað að bændur fá ekki virtan rétt
til veiða og annarra sjávarnytja, og
er eignarrétturinn fyrtur.
PÁLL G. HANNESSON,
Ægisíðu 86,
107 Reykjavík.
Erindi frá sjávarbónda
Frá Páli G. Hannessyni:
ast að heilbrigðisráðuneytinu og
stefnuleysi þess hvað varðar lausn
offituvandamálsins. Ekki virðast
hafa verið sett nein tímasett og
mælanleg markmið í þeim mála-
flokki né stefna mótuð í samráði við
hina ýmsu hagsmunaaðila (þar á
meðal framleiðendur matvæla og
drykkjarvara eða samtök þeirra).
Þegar sú stefnumótun liggur fyrir
er fyrst hægt að fara að ræða um
einstakar leiðir og reikna út áhrif
þeirra. Lýðheilsustöð er í raun að
byrja á kolröngum enda í þessu
máli, þ.e. hvaða áhrif fjármögnun
hennar sjálfrar hefði á buddu al-
mennings!
Hugmyndir forstjóra Lýð-
heilsustöðvar um samstarf við
hagsmunaaðila eru svo sér kapítuli
út af fyrir sig. Á heimsíðu stofn-
unarinnar 15. júlí sl. segir forstjór-
inn m.a., „Á almennum fundi hjá
Manneldisfélaginu kom fram ein-
dreginn vilji bæði Samtaka iðnaðar-
ins og Lýðheilsustöðvar um sam-
starf. Þess vegna leitar
Lýðheilsustöð til framleiðenda inn-
an Samtaka iðnaðarins um sam-
starf við útreikninga á áhrifum for-
varnargjalds á sykur á verð afurða
sinna … Það sýnir vel samráðsvilja
Lýðheilsustöðvar við framleið-
endur. – Ja, þvílíkt samstarf, því-
líkur samráðsvilji!
Það er m.a. hlutverk Lýð-
heilsustöðvar að vera stjórnvöldum
til ráðgjafar um stefnumótun á
sviði lýðheilsu. Fyrsta skrefið í
þeirri ráðgjöf hvað varðar offitu-
vandamálið ætti að vara að hvetja
til þess að stefna sé mótuð! Tryggja
þarf að lagt sé út í nauðsynlega
greiningarvinna, raunhæf, tímasett,
krefjandi og mælanleg markmið
séu sett, stefna mótuð og aðgerðir
ákveðnar í framhaldi af þeim.
Æskilegt er að sú vinna fari í gang
áður en Lýðheilsustöð hefur notað
allar auðlindir sínar í að kanna
áhrif mismunandi leiða á eigin fjár-
mögnun.
Höfundur er rekstrarhagfræðingur
og í fræðslunefnd Samtaka
auglýsenda.
Bílskúrshurðir
Iðnaðarhurðir
Sími 594 6000
Bæjarflöt 4, 112 R.vík
OPIN KERFI GROUP HF
Hluthafafundur
Boðað er til hluthafafundar í Opin Kerfi Group hf. í
fundarsal félagsins að Höfðabakka 9, Reykjavík,
þriðjudaginn 7. september 2004 klukkan 15:00.
Fundarefni:
1. Tillaga um að fella niður umboð stjórnar félagsins.
2. Kosning nýrrar stjórnar.
Stjórnin
Árangur sem sést. Líkaminn sannar það.
Nýtt. Body Performance
ANTI-CELLULITE visible contouring serum
Loksins er komið fram áhrifaríkt vopn í baráttunni gegn appelsínuhúðinni sem
gerir svo mörgum lífið leitt. Þetta fjölvirka sermi með einstökum hitavaka og
kröftugum jurtakjörnum austan úr Asíu hrekur burtu appelsínuhúðina, hreinlega
bræðir hana. Það styrkir og stinnir húðina og hjálpar til að koma í veg fyrir að
appelsínuáferðin birtist á ný.
Prófanir hafa sýnt konur grennast um allt að 2,5 sm á 4 vikum. Í neytenda-
könnunum reyndust allt að 83% kvenna verða minna varar við appelsínuhúð.
Prófaðu! Líkaminn sem kemur í ljós sannfærir þig.
Útsölustaðir: Debenhams snyrtivörudeild, Hagkaup Kringlunni, Hagkaup Smáralind, Hagkaup Skeifunni,
Hagkaup Spönginni, Hagkaup Akureyri, Lyfja Lágmúla, Lyfja Laugavegi, Lyfja Smáratorgi, Lyfja
Garðatorgi, Lyfja Setbergi, Lyf og heilsa Austurstræti, Lyf og heilsa Keflavík.