Morgunblaðið - 04.09.2004, Qupperneq 22

Reykjanesbær | Menningardagskrá Ljós-
anætur hefur aldrei verið umfangsmeiri eða
fjölbreyttari en í ár. Menningarfulltrúi bæj-
arins segir að um fimmtíu hljómsveitir komi
fram og þrjátíu uppákomur séu tengdar mynd-
list þá fjóra daga sem hátíðin stendur yfir. Í
gær var opnuð sýning á verkum Ásu Ólafs-
dóttur myndlistarmanns í Listasafni Reykja-
nesbæjar.
Þegar Valgerður telur sýningarnar vill hún
frekar tala um uppákomur tengdar myndlist
en myndlistarsýningar. Veigamesti myndlist-
aratburðinn er að hennar mati opnun á sýn-
ingu á verkum Ástu Ólafsdóttur í Duushúsum.
Valgerður segir að Ása sé búin að sýna víða um
heim en sé nú í fyrsta skipti að sýna í Keflavík,
sínum gamla heimabæ. Mikill fengur sé að því.
Skref á listabrautinni
„Mig hefur lengi langað til að sýna hér
heima en það vantaði alltaf aðstöðuna,“ segir
Ása Ólafsdóttir. Er þetta fyrsta sýning hennar
í Keflavík þar sem hún fæddist og ólst upp.
Þetta breyttist með Listasafninu sem hún seg-
ir að sé mikill sómi af. Ása segir að sýningin sé
skref á listabrautinni sem hún hefði ekki viljað
missa af að taka.
Ása sýnir myndir frá árunum 1991 til 2004
og þar gefst gestum tækifæri til að fylgjast
með þróun hennar í vefnaði, málun, útsaumi,
klippiverkum og þrívíðum verkum.
Valgerður nefnir að tveir áhugaverðir hópar
ungra myndlistarmanna haldi sýningar og ung
listakona á tímamótum sé með gjörning. Þá sé
fjöldi heimamanna með myndlistarsýningar
um allan bæ enda sé mikil gróska í myndlist-
arstarfi í Reykjanesbæ.
Um fimmtíu hljómsveitir koma fram á
Ljósanótt. Valgerður nefnir sérstaklega að á
morgun, sunnudag, verði tónleikar í Listasafn-
inu þar sem frumflutt verði verk fjögurra kefl-
vískra tónsmiða. Öll verkin hafi verið samin
sérstaklega fyrir Ljósanótt. Auk þessa fá ýms-
ar aðrar listgreinar að njóta sín. Sem dæmi má
nefna að Sumarleikhúsið er með fólk á ferð um
bæinn til að skemmta fólki alla helgina.
50 hljómsveitir og 30 myndlistarsýningar
Morgunblaðið/Helgi Bjarnason
Opnun: Ása Ólafsdóttir myndlistarmaður, til hægri, ásamt Soffíu Þorkelsdóttur, móður sinni,
og Valgerði Guðmundsdóttur menningarfulltrúa við opnun sýningarinnar í Duushúsum.
Ása sýnir í fyrsta
skipti á heimaslóðum
MINNSTAÐUR
22 LAUGARDAGUR 4. SEPTEMBER 2004 MORGUNBLAÐIÐ
AKUREYRI
SUÐURNES
FRAMKVÆMDUM við end-
urgerð Hafnargötu í Keflavík
er lokið. Gatan er aðalversl-
unargatan í Reykjanesbæ.
Fulltrúar Reykjanesbæjar og
verktakanna klipptu á borða við
Vatnsnestorg í fyrradag af því
tilefni. Á torgið verður settur
mikill gosbrunnur í vor.
Vorið 2003 samdi Reykjanes-
bær við sex verktakafyrirtæki á
svæðinu um að taka Hafnargöt-
una í gegn en það hafði lengi
staðið til. Tóku verktakarnir
framkvæmdina að sér undir
forystu Nesprýði hf. og fjár-
mögnuðu hana, því þótt verkið
sé unnið á sautján mánuðum er
það greitt á lengri tíma. Hefur
gatan verið endurnýjuð í áföng-
um og nú hefur efsti hluti
hennar og sá síðasti verið tek-
inn í notkun. Allan tímann var
við það miðað að fram-
kvæmdum lyki fyrir Ljósanótt
2004. Einhver frágangsvinna er
þó eftir.
Gosbrunnur
á Vatnsnestorg
Hafnargata er um 1150 metr-
ar á milli Duustorgs og
Vatnsnestorgs og kostaði um 380 milljónir að
endurnýja hana. Viðar Már Aðalsteinsson,
framkvæmdastjóri umhverfis- og skipulags-
sviðs Reykjanesbæjar, er ánæður með hvern-
ig til hefur tekist. „Gatan er orðin eins og við
sáum hana fyrir okkur í upphafi. Og hún er
að virka,“ segir hann. Á götunni er nú 30
kílómetra hámarkshraði og lítil hringtorg
hafa verið sett í stað umferðarljósa. Þá hefur
þungaumferð verið bönnuð og flutningabílum
vísað á Ægisgötu sem er meðfram sjónum.
„Þarna er nú hæg en vel fljótandi umferð,
eins og til er ætlast,“ segir Viðar Már og er
einnig ánægður með hvernig til hefur tekist
með útlit götunnar.
Á Vatnsnestorgi sem er við Flughótel
verður settur upp mikill gosbrunnur á kom-
andi vori. Viðar Már segir gert ráð fyrir að
fimm til sjö fjögurra metra vatnsstrókar
verði í gosbrunninum og hann verði lýstur
upp. Vonast hann til að brunnurinn verði
bæjarprýði.
Reykjanesbær er farinn að huga að fram-
haldinu. Viðar Már segir að áfram verði unn-
ið að lagfæringum á hliðargötum Hafnargöt-
unnar til að þess að svæðið fái heildstætt
yfirbragð í anda Hafnargötunnar. Þá verði
unnið að áframhaldi Hafnargötunnar upp eft-
ir Njarðarbraut og inn á Fitjar, eftir Lífæð
bæjarins sem svo hefur verið kölluð. Byrjað
er á gróðursetningu trjáa meðfram götunni
og áfram verður unnið að því svo og við
hellulagnir og fleira til þess að gera aðkom-
una að bænum skemmtilegri.
Endurgerð Hafnargata tekin formlega í notkun
Ljósmynd/Dagný Gísladóttir
Verkfæri: Björk Guðjónsdóttir notaði verklegar klippur
þegar hún klippti á Hafnargötuborðann en Árni Ingi Stef-
ánsson frá Íslenskum aðalverktökum notaði lítil sauma-
skæri. Viðar Már Aðalsteinsson fylgdist hugsi með.
Þungaumferð er bönnuð
KIRKJA var grafin upp í forn-
leifauppgreftri við verslunarstaðinn
Gása nú í sumar, sem og einnig garð-
urinn umhverfis hana. Lítið var vitað
um kirkjuna á Gásum úr rituðum
heimildum annað en að nefnt er í
annálabroti frá Skálholti að hún hafi
brotnað í óveðri árið 1359. Upp-
greftri að Gásum lýkur nú í vikunni,
en þetta er fjórða sumarið sem unnið
er að fornleifauppgreftri á svæðinu.
Sædís Gunnarsdóttir fornleifa-
fræðingur hjá Fornleifastofnun Ís-
lands sagði þegar afrakstur vinnu
sumarins var kynntur að stærð
kirkjunnar hafi komið mönnum á
óvart, en um væri að ræða næst
stærstu kirkju sem grafin hefði verið
upp á Íslandi. Hún er alls 16x5 metr-
ar að stærð og einnig hefur nú komið
í ljós að kirkjuturninn hefur verið
mjög hár, allt að 7–8 metrar. Þá
benda niðurstöður til að kirkjan hafi
verið byggð eftir 1300, sennilega á
blómaskeiði kaupstaðarins og þykir
líklegt að hún hafi aðeins staðið í
nokkra áratugi. Lítið eða ekkert hef-
ur fundist þar af gröfum.
Uppgröftur að Gásum stóð yfir í
10 vikur í sumar og auk þess sem
kirkjan var grafin upp var einnig
haldið áfram rannsóknum á sama
svæði og grafið var upp í fyrrasum-
ar. Svipaðar minjar komu í ljós í
sumar og hin fyrri ár, m.a. margar
gerðir leirkera, s.s. steinleir frá
Þýskalandi og rauðleir með grænum
glerungi, líklega frá austurhluta
Yorkshire á Englandi. Einnig hafa
fundist vel varðveittar klæða- og leð-
urleifar, þar af að minnsta kosti
þrennir skór. Brot hafa fundist af
bökunarhellum, brýni, mikið af kop-
ar-, brons- og járnhlutum, nöglum
og gjalli. Loks má nefna lóð eða inn-
sigli úr kopar.
Kaupstaðurinn var byggður upp á
þyrpingu samtengdra búða, sem
voru niðurgrafnar en torfveggir
byggðir inn í þeim til að stúka þær
af. Gólfin voru þunn og á þeim flest-
um eldstæði, sem notuð hafa verið í
lengri eða skemmri tíma. Í tveimur
búðanna fundust leifar af setum úr
torfi, sem voru bekkir meðfram
veggjum.
Búðirnar notaðar aftur og aftur
Í öllum búðunum eru ummerki um
að þær hafi verið notaðar aftur og
aftur, væntanlega í skamman tíma
að sumarlagi og þá sumar eftir sum-
ar. Þá kom í ljós að búðirnar sem
grafnar voru upp í sumar hafa verið
notaðar til íbúðar, geymslu og sem
iðnaðar- og verslunarrými. Einnig
komu í ljós holur í þremur búðum,
þær dýpstu um einn metri. Líklegast
er talið að þær hafi verið notaðar til
að geyma varning.
Samhliða uppgreftrinum hafa
staðið yfir sérfræðirannsóknir á
gripum og efnum sem fundist hafa á
Gásum. Þeirra umfangsmestar eru
rannsóknir á brennisteini og mögu-
legri hreinsun hans á Gásum. Benda
fyrstu niðurstöður til að brenni-
steinn hafi verið hreinsaður á staðn-
um, líklega innlendur brennisteinn
ætlaður til útflutnings. Brenni-
steinninn frá Gásum var borinn sam-
an við leifar sem fundust í skipsflaki
í Eystrasalti og benda niðurstöður
til að um samskonar brennistein sé
að ræða. Þær niðurstöður gefa góða
vísbendingu um stöðu Gása í við-
skiptaneti Evrópu á miðöldum.
Fornleifarannsóknir á Gásum hóf-
ust árið 2001 og er gert ráð fyrir að
þeim ljúki sumarið 2006. Ætlunin er
að grafa upp innan við þriðjung að-
alrústasvæðisins, um 2.500 fm. Ann-
að verður geymt ósnert fyrir kom-
andi kynslóðir, en stefnt er að því að
skilja eftir vel varðveittar mann-
virkjaleifar frá mismunandi tímum
til varðveislu og sýningar.
Fornleifauppgreftri sumarsins er að ljúka á Gásum
Óvenju stór kirkja grafin upp
Innlendir og erlendir fornleifafræðingar og nemar hafa unnið verkið.
Morgunblaðið/Kristján
KVENFÉLAG Svalbarðsstrandar
gaf Valsárskóla píanó nú fyrir
skömmu eða þegar skólinn var settur.
„Það vantaði píanó í skólann,“ sagði
Guðrún Fjóla Helgadóttir formaður
kvenfélagsins, en tæplega 30 konur
eru í félaginu. „Það átti sér stað mikil
endurnýjun í félaginu á síðastliðnu
ári,“ sagði Guðrún Fjóla og að starfið
væri nokkuð öflugt.
Hún sagði að nú væri búið að
byggja við Valsárskóla, „og þar er nú
ágæt aðstaða til tónlistarkennslu, en
vantaði hljóðfæri.“
Kvenfélagskonur lögðu niður sjóð
sem stofnaður var í eina tíð til minn-
ingar um Helgu Níelsdóttur frá
Tungu og fengu þannig bróðurpart
þess fjár sem þurfti til kaupanna, en
einnig var bætt við úr öðrum sjóðum
kvenfélagsins og þá söfnuðu tónlist-
arnemar í skólanum líka peningum til
kaupanna. Helga Kvam píanókennari
í Valsárskóla valdi hljóðfærið. „Það á
eftir að koma sér vel, enginn efi á
því,“ sagði Guðrún Fjóla. Hún sagði
að nú opnaðist möguleiki á að halda
tónleika og söngskemmtanir í skól-
anum og efla þannig og auka sam-
kvæmislífið í sveitarfélaginu.
Gáfu skólanum píanó
Góð ávöxtun | Samkvæmt milli-
uppgjöri Lífeyrissjóðs Norðurlands
fyrir tímabilið 1. janúar – 30. júní
2004 var nafnávöxtun á árs-
grundvelli 24,7% og raunávöxtun
18,7%. Þessa góðu afkomu má fyrst
og fremst rekja til mikilla fjárfest-
ingartekna á tímabilinu, segir í
fréttatilkynningu en þær námu
3.864,3 milljónum króna en voru 936
milljónir króna á sama tíma í fyrra.
Skilyrði á fjármálamörkuðum hafa
verið mjög hagstæð og ávöxtun ver-
ið góð á innlendum hluta- og skulda-
bréfum. Hrein eign til greiðslu líf-
eyris í lok tímabilsins nam 36.547,1
milljónum króna og hafði hækkað
um 4.135,8 milljónir króna frá árs-
byrjun.
  
STÓR áfangi varð í fjarskiptamálum
við Eyjafjörð í vikunni þegar settir
voru upp tveir nýir endurvarpar.
Annar endurvarpinn er á nafnlaus-
um tindi nyrst á Svínárhnjúk sem er
við austanverðan Eyjafjörð. Sá end-
urvarpi nýtist vel á Látraströnd og
Fjörðum, auk þess á Ólafsfirði, Dal-
vík, Svarfaðardal og Skíðadal og
fleiri stöðum. Er hann á rás 46.
Hinn endurvarpinn fór á Ólafs-
fjarðarfjall og þjónar Ólafsfirði,
Lágheiði, Fljótum, Héðinsfirði og
jafnvel Siglufirði. Sá er á rás 4.
Fjölfarin svæði
Þessi svæði eru mjög fjölfarin
bæði sumar og vetur, en fjarskipti
hafa verið slæm. Félagar úr Súlum,
björgunarsveitinni á Akureyri, sáu
um að setja endurvarpann á Svín-
árhnjúk, og félagar úr Björgunar-
sveitinni Tindum á Ólafsfirði sáu um
Ólafsfjarðarfjall. Sveitirnar hafa
verið kallaðar út til leitar á þessu
svæði nokkrum sinnum. Mikil vinna
hefur verið lögð í að finna bestu
staðsetningarnar fyrir endurvarp-
ana, gengið á marga tinda og gerðar
tilraunir. Það er von björgunar-
sveita á svæðinu að nú verði fjar-
skipti betri.
Morgunblaðið/Helgi Jónsson
Nýir end-
urvarpar