Morgunblaðið - 09.10.2004, Blaðsíða 20
20 LAUGARDAGUR 9. OKTÓBER 2004 MORGUNBLAÐIÐ
MINNSTAÐUR
AKUREYRI
Fræðsluerindi um hvali | Sam-
tök um náttúruvernd á Norður-
landi, Sunn, halda aðalfund í
Hvalamiðstöðinni á Húsavík
sunnudaginn 10. október kl. 16.
Fræðsluerindi fundarins á
Húsavík ber heitið „Hið stóra
hjarta“. Í því fjallar Ásbjörn
Björgvinsson, forstöðumaður
Hvalamiðstöðvarinnar á Húsavík,
um hvali, hvalveiðar og hvala-
skoðun.
Á aðalfundinum leggur stjórnin
fram skýrslu sína um sl. tvö ár.
Þar kemur fram að SUNN hafa
tekið þátt í samstarfi frjálsra fé-
lagasamtaka innbyrðis, m.a. um
Dag umhverfisins einu sinni á
ári. Þau hafa einnig tekið þátt í
samstarfi við umhverfisráðu-
neytið sem felst í misserislegum
fundum o.fl.
Samtökin hafa sent frá sér 20
fréttatilkynningar, umsagnir um
lagafrumvörp og athugasemdir
við matsskýrslur vegna umhverf-
isáhrifa. Þá hafa samtökin staðið
fyrir umfangsmikilli endurheimt
votlendis í Mývatnssveit. Allir eru
velkomnir á fræðsluerindið. Nýir
félagar eru boðnir velkomnir í
samtökin.
Dagsbrún yfir austurleið |
Stefna, félag vinstri manna, heldur
fund á Skipagötu 14, 2. hæð, í dag,
laugardag, kl. 14. Þar flytur Að-
alheiður Steingrímsdóttir sagn-
fræðingur erindi sem hún nefnir:
Dagsbrún yfir austurleið. Þar
fjallar hún um Elísabetu Eiríks-
dóttur, ævi hennar og störf.
Elísabet flutti til Akureyrar 1921
og tók virkan þátt í verkalýðs-
málum, varð formaður verka-
kvennafélagsins Einingar. Hún
starfaði einnig fyrir Komm-
únistaflokkinn og Sósíalistaflokk-
inn og varð bæjarfulltrúi fyrir Al-
þýðuflokk.
Elísabet stofnaði og rak lengi
ungbarnaskóla og tileinkaði sér
framsæknar kennsluhugmyndir
kenndar við Maríu Montessori.
Á ellidögum gáfu hún og systkini
hennar verkalýðsfélaginu Einingu
hús sitt að Þingvallastræti 14.
Fundurinn er öllum opinn.
Eyjafjarðarsveit | Framkvæmdir við
lagningu reiðleiðar frá Akureyri að
Melgerðismelum eru í fullum gangi.
Það eru hestamannafélögin Funi í
Eyjafjarðarsveit og Léttir á Akureyri
sem standa að framkvæmdunum en
heildarkostnaður er áætlaður um 15–
20 milljónir króna. Félögin hafa jafn-
framt staðið sameiginlega að upp-
byggingu svæðisins á Melgerðismel-
um og þar er aðstaða til mótahalds
mjög góð.
Kjartan Helgason, formaður Létt-
is, sagði stefnt að því að ljúka fram-
kvæmdum við reiðleiðina árið 2006 en
Funi og Léttir hafa sótt um að fá að
halda Landsmót hestamanna á Mel-
gerðismelum sumarið 2006. „Við ger-
um okkur vonir um að geta riðið
þessa leið á Landsmótið 2006 og að þá
verði jafnframt risin reiðhöll á Akur-
eyri.“ Ekki hefur þó verið gengið frá
því að Landsmótið 2006 verði haldið á
Melgerðismelum.
Lega reiðleiðar að Melgerðismel-
um hefur lengi verið deilumál og hafa
hestamenn barist fyrir því í um 40 ár
að fá örugga reiðleið á svæðið. Það
hillir því undir að langþráður draum-
ur rætist. Kjartan sagði að mikill upp-
gangur væri í hestamennskunni og að
það færðist í vöxt að fjölskyldur væru
saman í þessari skemmtilegu íþrótt.
Sveitarstjórn Eyjafjarðarsveitar
samþykkti í sumar tillögu að aðal-
skipulagsbreytingu, þar sem gert er
ráð fyrir að reiðleiðin frá Akureyri að
Melgerðismelum verði á austurbakka
Eyjafjarðarár. Gengið hefur verið frá
samningi við alla landeigendur á þess-
ari leið utan einn. „Við gerum okkur
vonir um að því máli ljúki sem fyrst,“
sagði Kjartan.
Hestamenn hafa einnig verið að
vinna við reiðleið frá hesthúsabyggð-
unum á Akureyri og norður í Skjald-
arvík en þar verður útreiðarsvæði
opnað síðar í haust.
Lagningu reiðleiðar að Melgerðismelum ljúki fyrir Landsmót 2006
40 ára barátta að baki
Morgunblaðið/Kristján
Brosmildir Örn Viðar Birgisson t.v. og Sverrir Viðar Pálmason, sem sæti
eiga í reiðveganefnd, ásamt Kjartani Helgasyni, formanni Léttis, á reið-
brúnni yfir á Melgerðismela. Nýi reiðvegurinn verður á austurbakka Eyja-
fjarðarár og mun meðal annars liggja um svæðið fyrir aftan þá félaga.
AKUREYRARMÓT Siglingaklúbbsins
Nökkva og jafnframt lokamót siglinga-
manna á þessu ári var haldið á dög-
unum í hæglætisveðri. Bíða þurfti í um
2 klukkustundir eftir að mótið gæti
byrjað þar sem enginn vindur var fyrir
hádegi en svo loksins kom svolítill norð-
anvindur og keppnin gat hafist. Sig-
urvegari í opnum flokki varð Hörður
Finnbogason en fast í kjölfarið fylgdi
Valgeir Torfason og þriðji varð Arnar
Birkisson. Í Optimist-flokki, sem eru
minnstu keppnisbátarnir, varð sigurveg-
ari Hugi Hlynsson, í öðru sæti varð
Björn Heiðar Rúnarsson og Gauti Arn-
arsson í því þriðja. Góð þátttaka hefur
verið hjá siglingaklúbbnum í sumar og
hafa siglingamenn frá Akureyri verið
sigursælir á flestum mótum sumarsins
bæði á höfuðborgarsvæðinu og hér
heima á Akureyri.
Morgunblaðið/Rúnar Þór
Svifið seglum þöndum Hörður Finnbogason á siglingu og rétt undan er Valgeir Torfason, báðir á Laser.
Beðið eftir byr
SUÐURNES
Reykjanesbær | „Það er mikil saga í bænum
og ég hef fengið nýja sýn á ýmsa hluti þegar
ég fer hér um,“ segir Sigrún Grétarsdóttir,
leiðbeinandi í leikskólanum Heiðarseli í Kefla-
vík. Hún er aðalsöguhöfundur bókarinnar
Goggi og Valli á ferð og flugi um Reykja-
nesbæ.
Hópur starfsfólks Heiðarsels hefur unnið að
þessu verkefni í hálft annað ár. Það byrjaði
með því að einn kennari skólans fór með hóp
barna í vettvangsferð út að Nónvörðu sem er í
nágrenni Heiðarsels. „Kennarinn reyndi að
skýra út hvaða tilgangi varðan hefði gegnt hér
áður fyrr en börnin vissu ekkert um hvað hann
var að tala,“ segir Ólöf K. Guðmundsdóttir
leikskólakennari. Þá kviknaði sú hugmynd að
taka saman fróðleik fyrir börn um útilistaverk
og minnismerki sem eru fjölmörg í Reykja-
nesbæ. „Einn kennari hér byrjaði að teikna
myndir sem áttu að vera til heimabrúks en svo
vaknaði sú hugmynd að gera meira úr þessu,“
segir Sigrún.
Fróðari um Reykjanesbæ
Manngildissjóður Reykjanesbæjar auglýsti
eftir verkefnum til að styrkja og fór Ólöf, sem
þá var að leysa af sem leikskólastjóri, á fund
Árna Sigfússonar bæjarstjóra og nefndi þessa
hugmynd við hann. „Bæjarstjórinn tók þessu
vel og hjólin fóru að rúlla,“ segir Ólöf.
Þrír starfsmenn teiknuðu myndir og vatns-
lituðu en Unnur Guðný Björnsdóttir á flestar
myndirnar. Síðan tóku þrír aðrir starfsmenn
við og sömdu söguna út frá myndunum undir
forystu Sigrúnar Grétarsdóttur. Ólöf hefur
stýrt verkefninu frá upphafi.
Í bókinni er 25 minnismerkjum og úti-
listaverkum í Reykjanesbæ gerð skil. Sagan
byrjar á því að Valli víkingur kemur til
Reykjanesbæjar að leita að víkingaskipi sem
hann hafði orðið að skilja eftir. Goggi, sem er
önd á Njarðvíkurfitjum, tekur á móti honum
og býðst til að sýna honum bæinn um leið og
þeir leiti að skipinu. „Í lokin finnur hann skipið
en er um leið orðinn fróðari um Reykjanesbæ
– og börnin og við líka,“ segir Sigrún.
Þetta er fyrsta verk Sigrúnar sem kemur
fyrir almenningssjónir. Hún segist hafa gam-
an af sögum og ljóðum og öllu skapandi starfi.
„Ég leyfði hugmyndafluginu að njóta sín.
Hver hugmyndin kviknaði á fætur annarri og
þannig vatt þessu fram,“ segir hún.
Boðin leikskólum og grunnskólum
Nú hefur bókin verið prentuð og gefin út
með stuðningi ýmissa fyrirtækja. Í gær, á fjór-
tán ára afmælisdegi Heiðarsels, var fyrsta ein-
takið afhent Guðríði Helgadóttur, leikskóla-
fulltrúa Reykjanesbæjar, við hátíðlega athöfn.
Bókin getur staðið á borði þannig að börnin
geti skoðað myndirnar en á bakhliðinni, sem
snýr að kennaranum, er sá hluti sögunnar sem
tengist viðkomandi mynd og auk þess ýmis
fróðleikur um minnismerkin og útilistaverkin.
Ólöf segir að hugmyndin sé að nota bókina
við kennslu efstu bekkja Heiðarsels. Hún gefi
tækifæri til ýmissa verkefna. Hún verði einn-
ig boðin öðrum leikskólum og grunnskólum
enda henti hún einnig vel til kennslu tveggja
yngstu bekkja grunnskólanna.
Starfsmenn leikskólans Heiðarsels gera bók um útilistaverk og minnismerki í Reykjanesbæ
„Hef fengið nýja
sýn á ýmsa hluti“
Morgunblaðið/Helgi Bjarnason
Fyrst til að skoða Börnin í leikskólanum Heiðarseli fengu að njóta þess að kennarar þeirra
sömdu bókina um Gogga og Valla þegar Ólöf K. Guðmundsdóttir og Sigrún Grétarsdóttir
sýndu þeim bókina. Útgáfu bókarinnar var fagnað í gær, á fjórtán ára afmæli Heiðarsels.