24 stundir - 08.02.2008, Blaðsíða 29
24stundir FÖSTUDAGUR 8. FEBRÚAR 2008 29
MENNING
menning@24stundir.is a
Það er náttúrlega svolítið
svakalegt að vera til en hafa
engan tilgang lengur.
Eftir Hildi Eddu Einarsdóttur
hilduredda@24stundir.is
„Ég vinn með litla plasthluti sem
höfðu í upphafi merkilegt hlutverk
en hafa nú misst tilgang sinn,“ seg-
ir myndlistarkonan Hildigunnur
Birgisdóttir sem opnar sýninguna
Um tilgangsleysi allra hluta í Ný-
listasafninu í dag. „Ég valdi 16
hluti og vann úr þeim myndir í
grafík og skúlptúra úr postulíni, en
hvort tveggja hefur orðið útundan
í listheiminum og telst gjarnan
frekar til handverks en samtíma-
myndlistar og því þótti mér upp-
lagt að vinna verkin á þennan
hátt.“
Ekki allt þekkjanlegt
Á sýningunni veltir Hildigunnur
fyrir sér neyslusamfélaginu og
hvað verður um hluti sem tapa
notagildi sínu. „Það er náttúrlega
svolítið svakalegt að vera til en
hafa engan tilgang lengur. Slíkir
hlutir heilla mig mikið, enda er ég
hálfgerður safnari í mér. Þetta eru
ekki allt hlutir sem fólk þekkir við
fyrstu sýn, enda er til dæmis einn
af þeim tappi í slöngu sem pípu-
lagningamenn nota mjög mikið.
Þannig myndu aðrir en pípulagn-
ingamenn sjálfir ekki bera kennsl á
þá, en svo kannski sjá þeir hluta af
plastdóti sem þeir léku sér með í
æsku sem aðrir þekkja ekki. Þann-
ig fer það eftir reynsluheimi hvers
og eins hversu marga hluti hann
kannast við,“ segir hún. En það
eru ekki bara hlutirnir sjálfir sem
listakonan spáir í heldur einnig í
listina sjálfa og hvernig hlutir
breytast í listaverk. „Oft er hægt að
taka afganga eða úrgang og breyta
því í listaverk og það er mjög for-
vitnilegt ferli. Svo er líka oft eins
og hinn efnislegi heimur sé í blúss-
andi harmoníu og hringrás, en svo
verða alltaf einhverjar eftirstöðvar
af okkar samfélagskerfi og efnis-
hyggju Vesturlanda og mín verk
snúast einmitt um það sem verður
afgangs og útundan.“
Plasthaugur á sjónum
Hildigunnur rifjar upp ferðalag
sem hún fór í til Júgóslavíu á sín-
um tíma. „Þar sá ég markað þar
sem fólk var meðal annars að selja
varahluti í rafmagnsklær. Það
fannst mér mjög athyglisvert af því
að við erum svo vön því hér að
henda bara því sem er orðið bilað í
stað þess að endurnýta það eða
laga,“ bendir hún á. En þó svo að
hún velti upp spurningum í sýn-
ingunni um hvað verður um hluti
sem tapa tilgangi sínum er ekki
þar með sagt að hún fái aldrei svör
við þeim. „Um daginn var fjallað
um það í fréttum að stærsti rusla-
haugur mannkyns flyti á Kyrrahaf-
inu og stækkaði jafnt og þétt. Mest
af ruslinu er plast, sem brotnar
mjög hægt niður, og sumt af því er
talið vera allt að hálfrar aldar gam-
alt. Þetta frétti ég þegar ég var búin
að vinna verkin á sýningunni, en
það virðist oft vera þannig að um
leið og maður er búinn að velta
einhverju fyrir sér fær maður
óvænt svar,“ segir hún að lokum.
Sýning á verkum Hildigunnar Birgisdóttur opnuð í Nýlistasafninu í dag
Úreltir hlutir úr plasti
verða að listaverkum
Í neyslusamfélögum nú-
tímans eru hlutir fljótir
að missa tilgang sinn og
enda margir þeirra á
ruslahaugum, hvort sem
það er á landi eða í sjó. Á
sýningunni Um tilgangs-
leysi allra hluta gefur
Hildigunnur Birgisdóttir
þessum hlutum nýtt hlut-
verk.
Safnari Hildigunnur gerir
úreltum plasthlutum skil.
➤ Útskrifaðist frá ListaháskólaÍslands árið 2003 og hefur
verið virk á ýmsum sviðum
listarinnar og meðal annars
stýrt Grasrótarsýningu Ný-
listasafnsins og setið í rit-
stjórn myndlistarritsins
Últramegatúrbó.
HILDIGUNNUR
Þjóðleikhúsið frumsýnir nýtt leikrit, Baðstofuna, eftir Hugleik Dags-
son á morgun. Verkið er sýnt í Kassanum, en Hugleikur heldur þar
áfram að kanna ástand íslensku þjóðarinnar. Baðstofan fullkomnar
þríleik höfundarins sem krufði samtímann í leikritinu Forðist okkur
og spáði í framtíðina í söngleiknum Legi. Baðstofan fjallar um fortíð-
ina og gerist árið sautján hundruð og súrkál.
Þríleikurinn fullkomnaður
Elín Anna Þórisdóttir opnar sýn-
ingu í nýju húsnæði Anima gall-
erís að Freyjugötu 27 í dag klukk-
an 17. Á sýningunni eru málverk
og skúlptúrar unnir með bland-
aðri tækni. Efniviðurinn í verkin
er meðal annars tré, svampur,
málning, sprey og snúðar.
Þetta er fjórða einkasýning El-
ínar, sem útskrifaðist með BA-
gráðu frá Listaháskóla Íslands ár-
ið 2004, en hún hefur einnig tekið
þátt í fjölda samsýninga hér á
landi sem erlendis.
Galleríið er opið fimmtudaga,
föstudaga og laugardaga klukkan
13 til 17 og stendur sýningin til
23. febrúar.
Anima gallerí í
nýju húsnæði
Bókaútgáfan
Salka gaf á síð-
asta ári út daga-
talsbók 2008 sem
ber heitið Konur
eiga orðið. Um er
að ræða hefð-
bundna dagatals-
bók með hugleið-
ingum eftir konur héðan og
þaðan úr þjóðfélaginu í byrjun
hverrar viku og mánaðar. Bókin
hefur selst vel og er upplagið nú á
þrotum, en hluti ágóða af sölunni
rennur til rannsókna á þunglyndi
kvenna og er notaður til að
styrkja samband þunglyndra
mæðra við börnin sín.
Konur
eiga orðið
Opið hús á Safnanótt
8. febrúar klukkan 19–01
Draugadagskrá
Kynngimagnað kvöld
í Þjóðminjasafni Íslands
Suðurgata 41 · 101 Reykjavík · sími 530 2200 · www.thjodminjasafn.is
Nýjar sýningar:
Til gagns og til fegurðar
Sjálfsmyndir í ljósmyndum og klæðnaði á Íslandi
1860–1960
Sýningarhöfundur: Æsa Sigurjónsdóttir
Tvö-þúsund-og-átta
Ljósmyndari: Vera Pálsdóttir
Aðalfundur félagsins verður miðvikudaginn 27. febrúar 2008.
Fundurinn er haldinn í húsnæði Samfylkingarinnar að
Hallveigarstíg 1 og hefst kl. 19:00. Vakin er athygli á því að
reglulegur félagsfundur hefst síðan á vegum félagsins kl. 20:30.
Á dagskrá eru venjuleg aðalfundarstörf.
AÐALFUNDUR SAMFYLKINGARFÉLAGSINS
Í REYKJAVÍK
Allir félagsmenn
velkomnir