24 stundir - 11.03.2008, Blaðsíða 34

34 ÞRIÐJUDAGUR 11. MARS 2008 24stundir
Ferðaskrifstofurnar reyna sífellt
að brydda upp á nýjungum fyrir
ferðaþyrsta Íslendinga. Heimsferð-
ir bjóða upp á tvær ferðir til Barba-
dos í Karíbahafi í haust í beinu
flugi.
Barbados hefur lengi verið ein
helsta ferðamannaparadís Karíba-
hafsins þar sem eru hvítar fallegar
strendur með pálmatrjám við
grænbláan tæran sjóinn.
Nýlega var Barbados kosið í
annað sæti yfir þá staði sem best
væri að fara til í brúðkaupsferðalag
af ferðavefnum expedia.co.uk. Í
fyrsta sæti voru Bahamaeyjar sem
einnig eru í Karíbahafi og Máritíus
í Indlandshafi í því þriðja. Til gam-
ans má geta þess að Reykjavík var
númer fimm á listanum.
Barbados hefur lengi verið
ferðamannaparadís og þangað
koma mörg skemmtiferðaskip dag-
lega, enda eyjan vinsæll viðkomu-
staður þeirra.
Fyrir þá sem hafa gaman af því
að kafa er eyjan mjög eftirsótt þar
sem litríkt sjávarlíf er allt um kring.
Einnig er gaman að fara í dagssigl-
ingar.
Golfarar geta einnig átt góða
daga á eyjunni því að golfvellir eru
fjölmargir. Veðurblíðan gerir eyj-
una eftirsóknarverða því hitastig er
rétt undir 30 stigum allt árið.
Barbados var ensk nýlenda og
íbúarnir eru margir hverjir afkom-
endur þræla og indíána. Eyjan er
oft kölluð „Litla-England Karíba-
hafsins“ og er enska töluð þar.
Höfuðborgin nefnist Bridgetown
en þar eru margar fallegar bygg-
ingar frá nýlendutímabilinu. Oft
eru markaðir þar í gangi sem
skemmtilegt er fyrir ferðamenn að
kíkja á. Glæpatíðni er lág svo að
fólk ætti að vera öruggt á þessum
slóðum.
Eyjan er fríhöfn og þar er hægt
að kaupa tollfrjálsar vörur eins og
skartgripi, raftæki, ilmvötn, áfengi
og tóbak svo eitthvað sé nefnt.
Á Barbados búa 264 þúsund
manns en íbúafjöldinn er ávallt
mun hærri vegna mikils fjölda
ferðamanna.
Mörg veitingahús eru mjög góð
en hægt er að forvitnast um nokk-
ur þeirra á heimasíðunni visitbar-
bados.org.
Næturlífið er líka fjölbreytt og
hægt er að velja um hina ýmsu
skemmtistaði, bari, næturklúbba,
djassklúbba, diskótek, karókí-staði
og staði þar sem dansaðir eru
suðuramerískir dansar.
Heimsferðir bjóða upp á fjögur
hótel til að velja úr og eru þrjú
þeirra með allt innifalið í verði.
Barbados, nýr viðkomustaður Heimsferða
Ljúf Karíbastemning
LÍFSSTÍLLFERÐIR
ferdir@24stundir.is a
Svo er þessi hjólaleið að mestu leyti nið-
ur í móti eða á jafnsléttu auk þess sem
við skipulögðum ferðina þannig að við hjól-
uðum samtals um 40 kílómetra á dag.
Eftir Hildi Eddu Einarsdóttur
hilduredda@24stundir.is
Hjónin Sesselja Traustadóttir og
Kjartan Guðnason fóru í sann-
kallaða ævintýraferð síðasta sum-
ar ásamt börnum sínum fjórum
þar sem fjölskyldan hjólaði sam-
an meðfram Dóná frá Passau í
Þýskalandi til Vínarborgar í Aust-
urríki. Um er að ræða eina elstu
og þekktustu hjólaleið Evrópu
sem er að sögn Sesselju bæði fal-
leg og greiðfær. „Við vorum með
fjögur börn og sú yngsta var ein-
ungis 9 ára gömul og skipulögð-
um ferðina með hliðsjón af því.
Að vísu eru krakkarnir allir mjög
vanir því að hjóla og við vorum
öll búin að æfa okkur vel á Íslandi
áður en við fórum út. Svo er þessi
hjólaleið að mestu leyti niður í
móti eða á jafnsléttu auk þess sem
við skipulögðum ferðina þannig
að við hjóluðum samtals um 40
kílómetra á dag, en það tekur um
fjóra daga að hjóla þá vegalengd.
Að vísu fórum við yfirleitt eitt-
hvað út af leiðinni á hverjum degi
ásamt því sem við stoppuðum í
hvert skipti sem við rákumst á
eitthvað skemmtilegt að sjá eða
gera. Við vorum til dæmis alltaf
með sundföt og handklæði með-
ferðis, en farangurinn létum við
aðra sjá um að flytja á milli gisti-
staða,“ segir hún, en ferðin var öll
skipulögð í samstarfi við ferða-
skrifstofur með áralanga reynslu
af þjónustu við hjólaferðalanga.
„Þetta var alveg frábært. Við flug-
um til München í Þýskalandi og
tókum þaðan lest til Passau. Þar
fengum við hjólin sem við tókum
á leigu afhent, og farangurinn var
alltaf fluttur fyrir okkur með
öruggum hætti á milli gististaða.
Svo skiluðum við hjólunum í Vín
þar sem við stoppuðum í nokkra
daga í lok ferðar,“ bætir hún við.
Aðspurð segir Sesselja fjöl-
skylduna aldrei hafa hugleitt að
taka bílaleigubíl og ferðast þann-
ig. „Síður en svo! Maður upplifir
náttúruna og umhverfið á allt
annan hátt á hjóli, fyrir utan hvað
það er skemmtilegt fyrir bæði
börn og fullorðna.“
Hún segist ekki vera í nokkrum
vafa um að fjölskyldan eigi eftir
að fara í fleiri hjólaferðir erlendis,
en á komandi sumri fara hjónin
ásamt meðlimum Íslenska fjalla-
hjólaklúbbsins hjólandi frá Kaup-
mannahöfn til Berlínar. „Þá verða
börnin reyndar ekki með, enda er
stefnan að hjóla meira en 60 kíló-
metra á dag án hvíldar.“
Sex manna íslensk fjölskylda hjólaði meðfram Dóná í fyrrasumar
Hjólhestaferð í toppklassa
Á milli Passau í Þýska-
landi og Vín í Austurríki,
meðfram Dóná, er ægi-
fögur og þægileg hjóla-
leið eins og fjölskylda ein
komst að í fyrrasumar.
Vösk fjölskylda Sexmenn-
ingarnir á fjallahjólunum.➤ Sesselja og Kjartan eru í vara-stjórn Íslenska fjallahjóla-
klúbbsins.
➤ Börnin eru á aldrinum 10 til15 ára og heita Ásgeir Bogi,
Sólrún Mjöll, Gréta Sóley og
Hugrún Britta.
FJÖLSKYLDAN
Það skiptir vissulega máli þegar
fólk er á ferðlagi hvar það fær
mest fyrir peningana. Gjaldeyr-
isskiptafyrirtækið X-Change ger-
ir könnun tvisvar á ári og sam-
kvæmt þeirri nýjustu er ferðalag
til Malasíu ódýrast. Könnunin
sýnir hvað það kostar að vera í
fríi í 53 ólíkum löndum.
Nokkur Asíulönd eru ofarlega á
listanum en einnig Evrópulönd á
borð við Búlgaríu og Liháen.
Þótt það sé kannski dýrt að fljúga
til Malasíu þá sparast stórar fjár-
hæðir þegar til landsins er komið
í uppihaldi. Malasía er ákaflega
spennandi land að heimsækja.
Númer tvö á listanum eru Fil-
ippseyjar en íbúar þar eru sagðir
ákaflega gestrisnir og taka vel á
móti ferðamönnum. Í þriðja sæti
er Afríkulandið Kenýa, þar sem
hægt er að fara í spennandi saf-
aríferðir. Skoða má fleiri lönd á
dönsku ferðasíðunni turengaar-
til.dk.
Ódýrast að
dvelja í Malasíu