24 stundir - 07.06.2008, Page 20

Hlynur ORRI Stefánsson heitir
ungur blaðamaður hjá 24 stundum
sem samfellt hefur haldið uppi
ógeðfelldum og svertandi mál-
flutningi gegn borgarstjóranum í
Reykjavík frá því að hann tók við
embætti. Samstarfsmenn borgar-
stjórans hafa heldur ekki farið var-
hluta af slíkum skrifum.
Um þverbak keyrði í fyrri viku
þegar blað var brotið í íslenskri
blaðamennsku og skattaskuld ný-
ráðins miðborgarstjóra gerð að
forsíðufrétt.
Slík fréttamennska hefur til
þessa ekki viðgengist á Íslandi enda
hafa hróp verið gerð að á netinu og
víðar. Meira að segja DV hneyksl-
ast á slíkum vinnubrögðum og
kallar þau aðför.
Þegar nánar er að gáð kemur í
ljós hvað raunverulega býr að baki
þessari rætnu ORRA-hríð: Blaða-
maðurinn Hlynur ORRI Stefáns-
son er sonur varamanns Dags Egg-
ertssonar í borgarstjórn, Stefáns
Jóhanns Stefánssonar, nefndar-
manns og varaborgarfulltrúa Sam-
fylkingarinnar í Reykjavík!
Hér er þó síst um einsdæmi að
ræða í fjarstýringu Dags Eggerts-
sonar og félaga á börnum sínum
eða vandamönnum í þágu „mál-
staðarins“. Skemmst er að minnast
smölunar þeirra á barnungu
vandafólki á palla Ráðhússins í jan-
úar sl. í þeirri viðleitni að kæfa með
hávaða embættistöku Ólafs F.
Magnússonar, en þessi misnotkun
á pólitískt ómeðvituðum börnum
og unglingum varð Samfylking-
unni til ævarandi skammar.
Um síðustu helgi var Hallgrími
Helgasyni, manni Oddnýjar
Sturludóttur borgarfulltrúa, att á
foraðið með áður óþekktum reik-
nikúnstum í þágu „málstaðarins“.
Illkvittnastur hefur þó Illugi Jök-
ulsson verið í níði sínu gegn borg-
arstjóra. Í ljósi ofangreindra fjar-
stýringa og ORRA-hríða þyrfti að
kanna hvort blóðbönd Illuga við
Samfylkinguna séu virkilega ekki
nánari en að tilheyra bara frænd-
garði Össurar Skarphéðinssonar.
Augljós fingraför Dags Eggerts-
sonar og illkvittinna vopnabræðra
hans í brölti þessu öllu eru Sam-
fylkingunni eingöngu til háðungar
og minnkunar.
Höfundur er 1. varaþingmaður Frjáls-
lynda flokksins í Reykjavík suður
Athugasemd ritstjóra
Ritstjóri vísar því alfarið á
bug að 24 stundum sé beitt í
áróðursskyni gegn ákveðnum
mönnum eða flokkum. Rit-
stjórnin starfar af heilindum.
Varðandi frétt um skattaskuld
embættismanns borgarstjóra
telur ritstjóri sér bera skylda til
að upplýsa slíkt, þar sem
stjórnmála- og embættismenn
taka ákvörðun um hvernig eyða
á skattpeningum almennings.
ORRA-hríð Samfylk-
ingar-fjölskyldunnar
UMRÆÐAN aKjartan Eggertsson
Augljós
fingraför
Dags Egg-
ertssonar og
illkvittinna
vopnabræðra
hans í brölti
þessu öllu eru Samfylk-
ingunni eingöngu til háð-
ungar og minnkunar.
20 LAUGARDAGUR 7. JÚNÍ 2008 24stundir













Betra gengi -
miklu betra verð!
Verðlækkun á takmörkuðu magni af ferðavögnum.
Tryggðu þér topp-græju núna. Höfum náð að lækka verð verulega á
hjólhýsum og húsbílum frá Dethleffs og bjóðum einnig mjög góð tilboð á
Camp-let tjaldvögnum og Starcraft fellihýsum.
Settu þig í samband við sveigjanlega sölumenn okkar núna!
- lífið er leikur
Mótormax - Kletthálsi 13 - Sími 563-4400www.motormax.is
VER
ULE
G
verðl
ækku
n!
Starcraft fellihýsi frá 1.299.000.
Hjólhýsi frá 2.150.000.
Camp-let tjaldvagn frá 699.000
og frá 7.990.000 fyrir lúxus
Dethleffs-húsbíl!
Opið á
lauga
rdag
12–16
VERÐDÆMI
Fljóthuga fólki veitist létt að sjá
fjölmenningarsamfélag nútímans
sem einhverskonar andstæðu þjóð-
rækins þjóðríkis. Í slíkum þanka-
gangi er fólginn mikill misskilnin-
ur. Misskilningur svipaður þeim að
aldrei megi tala um sérkenni mis-
munandi menningarheima af ótta
við að hafa þá lagt minnihlutahópa
í einelti. Land okkar á vitaskuld að
vera sem opnast fyrir innflutningi
útlendinga en til þess að slík opnun
sé farsæl verðum við að þora að
tala um og við þá sem hingað
koma. Naívistar hvers konar og
allskonar öfgaskoðanir sem rang-
lega kenna sig við trúleysi og um-
burðarlyndi þvælast hér fyrir.
Líkt og þögnin elur af sér úlfúð
og tortryggni mun afneitun á tilvist
þjóðríkisins og hefðum þess aldrei
færa okkur annað en bælingu, reiði
og átök. Gott dæmi um þessa af-
neitun eru nýlegar árásir á íslensku
kirkjuna. Nú er sá sem hér skrifar
ekki meðlimur í því félagi og full-
kominn efahyggjumaður í trúmál-
um.
Farsæl ríkiskirkja
En hin íslenska þjóðkirkja hefur
ekki staðið að árásum á fólk af öðr-
um trúarbrögðum. Hún hefur ver-
ið afar umburðarlynd og hófsöm
hreyfing sem vinnur gott starf fyrir
bæði trúaða og okkur hin. Búdd-
istar, múslímar og kaþólikkar sem
hingað flytjast vita að þeir eru að
setjast að í landi þar sem er rík-
iskirkja og þess verður reyndar ekki
vart að þeir telji sig þjakaða af til-
vist hennar. Við höfum til þessa
leyft kirkjunnar þjónum að heim-
sækja skóla, sjúkrahús og fangelsi.
Nú bregður svo við að hópur
manna sem kennir sig við trúleysi
stendur upp og mótmælir því að
prestar komi inn í skólahús. Í
blaðagreinum má jafnvel lesa þá
firru að prestar landsins hafi í
gegnum söguna verið andsnúnir
menntun og uppbyggingu hennar.
Ofstæki af þessu tagi kallar aðeins á
það sama. Það er ekki til liðs hin-
um hófsömu, skynsömu ríkisprest-
um okkar. Það er til liðs hinum,
þeim örfáu prestum og fjölmörgu
trúboðum heittrúarsafnaða sem
lifa á því að eiga sér andstæðinga.
Kenna þá svo við púka vítis.
Bæling leiðir af sér öfgar
Staðreyndin er að þjóðkirkjur og
trúfrelsi hafa þrifist mjög vel sam-
hliða. Það sem einkennir samfélög
með ríkiskirkjum eins og Ísland,
Norðurlöndin, Bretland og fleiri
lönd er ákveðin farsæld í trúmál-
um. Til samanburðar höfum við
lönd hins meinta trúfrelsis eins og
Bandaríki Norður-Ameríku þar
sem kirkjur starfa á markaðs-
grundvelli sem leiðir til mun meiri
öfga í trúarlífi.
Talsmenn hins meinta umburð-
arlyndis hafa alla jafna horn í síðu
þjóðræknislegra viðhorfa. Sér í lagi
þeirra sem tilheyra frumbyggjum
svæðisins, Íslendinga á Íslandi,
Norðmanna í Noregi o.s.frv. Slíkar
firrur hafa lengi gagntekið þann
hugsjónaskóla sem sækir magt sína
í Evrópusambandið. Bæling þjóð-
rækninnar leiðir aðeins eitt af sér.
Upprisu hennar í öfgafullri mynd.
Við höfum dæmið fyrir okkur í
Júgóslavíu þar sem þjóðir risu hver
upp á móti annarri í lok Tító-kúg-
unar og sambærilegri hlutir, þó
meinlausari séu, eiga sér í stað í
höfuðborg Evrópusambandsins,
Brussel millum Flæmingja og Val-
lóna.
Prestar allra guða
Með viðurkenningu og gagn-
kvæmri virðingu þjóðlegra ein-
kenna einstakra hópa má forðast
átök af þessu tagi. En það verður
ekki gert nema allir leggi eitthvað
af mörkum. Við hinir trúlausu
verðum að hafa umburðarlyndi
gagnvart því að prestar komi í
skólana og börn sem ekki vilja
hlusta á þeirra boðskap eru ekki
verr sett en þau sem til dæmis hafa
ekki áhuga á keppnisíþróttum sem
samt eru fyrirferðarmiklar í skóla-
starfi. Vitaskuld fá búddamunkur
eða múslímaprestur líka að koma
inn í skóla í landi okkar svo lengi
sem heilbrigt umburðarlyndi ræð-
ur hér ríkjum.
Eitt einkenni hins óheilbrigða og
meinta umburðarlyndis er krafan
um að allt megi alls staðar og ekk-
ert skuli heilagt. Aldrei megi virð-
ing skerða frelsi. Vissulega eiga
skáld og listamenn að hafa slíkt
frelsi að ákveðnu marki, – svokall-
að skáldaleyfi. En okkur er öllum
hollt að hafa aðgát í nærveru sálar
og þess sem sálum samborgara
okkar er heilagt.
Við kirkjustaðinn Stóra-Núp í
Hreppum gerðist það eitt sinn að
ráðsmaðurinn á bænum reið úr
hlaði um sama bil og hringt var inn
til messu. Brá þá svo við að jörð
opnaðist undir þeim báðum,
manni og hesti og hefur ekki til
þeirra spurst síðan. Spottakorn frá
kirkju má enn greina holu þá ljóta í
flagi sem heitir af atburði þessum
Ráðsmannshola. Nútímamönnum
er hollt að skoða hana og draga af
sögunni lærdóm svo sem þeir hafa
vit til.
Höfundur er alþingismaður
Fasismi hinna „umburðar-
lyndu“, þjóðin og kirkjan
UMRÆÐAN aBjarni Harðarson
Við hinir trú-
lausu verðum
að hafa um-
burðarlyndi
gagnvart því
að prestar
komi í
skólana og börn sem ekki
vilja hlusta á þeirra boð-
skap eru ekki verr sett en
þau sem til dæmis hafa
ekki áhuga á keppn-
isíþróttum sem samt eru
fyrirferðarmiklar í skóla-
starfi.
Umburðarlyndi En okk-
ur er öllum hollt að hafa
aðgát í nærveru sálar og
þess sem sálum sam-
borgara okkar er heilagt.