Eintak - 07.07.1994, Qupperneq 17

Er eithvað varið í að ferðast á Islandi ef maður hefur engan sérstakan
áhuga á landslagi? Stöðugt er verið að hvetja fólk til að sækja ísland
heim og talað um að hér sé fjölbreytt náttúra og skemmtilegt fólk.
Er eitthvað til í því? Loftur Atli Eiríksson athugaði það.
Ævintýraferðir fyrir ísienska ofurhuga
Undanfarið hefur verið mikill
áróður í gangi í auglýsingum
varðandi ferðalög innan-
lands. Margir halda að hið eina,
sem hægt er að gera, sé að horfa á
landið í gegnum bílglugga af hring-
veginum eða fara í göngutúra og
berjamó. Þótt það sé ágætt út af
fyrir sig er slíkur ferðamáti lítt
skemmtilegur til lengdar og nýir og
spennandi ferðamöguleikar eru því
farnir að skjóta upp kollinum í
auknum mæli. Víða um land eru
nú boðnar ýmis konar ævintýra-
ferðir fyrir þá, sem vilja vera þátt-
takendur, en ekki bara áhorfendur
í ferðum sínum. EINTAK kannaði
nokkra af þessunt nýju ferðamögu-
leikum.
Sjóstangaveiði er vinsælt sport
erlendis, en þrátt fyrir að allt sé
vaðandi í fiski í kringunt okk-
ur eru einungis örfá ár síðan sport-
veiðimenn fóru að renna í hafið.
Stemmningin úti í Faxaflóa er
engu lík, að sögn þeirra sem það
hafa reynt og fáir koma tómhentir
heim eftir slíka veiðiferð.
Ferðabær býður upp á sjóstanga-
veiði í Faxaflóa, en lagt er upp frá
Reykjavíkurhöfn fjórum sinnum í
viku kl. 16.00. Ferðin tekur um 3
1/2 klst. og kostar kr. 4.800. Það
þarf ekki að taka veiðigræjur með
sér, því notkun á þeim og kaffiveit-
ingar eru innifaldar í verðinu.
Lundinn er algengasti fugl á Is-
landi, en Lundey er norðan við
Viðey. Mikið fuglalíf er í eyj-
unni og siglingar um sundin blá á
vegum Ferðabæjar njóta sífellt
meiri vinsælda. Siglt er í kringum
eyjarnar og stoppað stutt í Viðey
og kostar tveggja tíma túr kr.
2.900.
egar líða tekur á sumarið kem-
ur hvalurinn nær ströndinni
og frá miðjum júlí er hægt að
fara í þriggja stunda hvalaskoðun-
arferðir út á Faxaflóa. Þar má sjá
hrefnu og hnísu og þegar utar
dregur glittir off í stórhveli á borð
við steypireyði. Fyrst við megum
ekki skjóta er tilvalið að skoða
þessar tilkomumiklu skepnur í
skemmtisiglingu sem tekur um 3
klst. og kostar það kr. 2.900.
Hjólreiðar njóta aukinna vin-
sælda og Hjólaferðir eru með
skemmtilegar ferðir um Suð-
urnes fyrir þá, sem vilja skilja
blikkbeljuna eftir heima og njóta
nátúrufegurðar Reykjaness á fjalla-
hjólum. Ferðin hefst við skiptistöð
Almenningsvagna í miðbæ Hafn-
arfjarðar og endar í Bláa lóninu.
Hún kostar 4.000 kr. fyrir mann-
inn en Hjólaferðir leggja til tvær
stærðir af fjallahjólum, regnföt og
hjálma. Léttur málsverður að Vig-
dísarvöllum er innifalinn í verðinu.
Fylgdarbíl er með hjólreiðarmönn-
unum, sem flytur farangur þáttak-
enda og einnig er hægt að hvíla sig
í hönum ef menn fara að lýjast.
Leiðin er 51 km og reiknað er með
að hún taki um 6 klst. Farið er um
Djúpavatnsleið og Grindavík þar
sem landslag er einstaklega fjöl-
breytilegt og hentugt til fjallahjól-
reiðar. I Bláa lóninu gefst ferðálún-
um hjólreiðagörpum tækifæri til
að hvílast í fögru umhverfí Svart-
engis, en að þvi loknu er þeim ekið
aftur til Hafnarfjarðar.
Hestaleigan í Laxnesi í Mos-
fellssveit er steinsnar frá
Reykjavík, en þaðan eru
skipulagðir reiðtúrar kl. 10.15 og
14.15 daglega. Oftast er riðið að
Fjallfossi, sem er annálaður fyrir
fegurð sína og tekur reiðtúrinn
tæpa 3 tíma. Þeir sem eru óvanir
þurfa ekkert að óttast því framboð-
ið á hestum er fjölbreytilegt, allt frá
úrvalsgæðingum til hinna mestu
róiyndisskepna. Kostnaðurinn á
mann er kr. 2.500, en hægt er að fá
verulegan afslátt ef fjölskyldur eru
saman á ferð.
vítá er ein af fallegustu og
kraftmestu ám landsins og
kjörin til siglinga á gúmbát-
um. Skammt frá Gullfossi og Geysi
eru Drumboddsstaðir en þar hafa
Hvítárferðir aðsetur sitt. Farið er
niður 7 kíjörhetra langan kafla í
ánni í 9 til 15 manna bátum og tek-
ur ferðin um cinn klukkutíma. Áð-
ur en lagt er af stað er farið yfir
helstu öryggisatriði og þáttakendur
fá lánaða fíotgalla til fararinnar.
Vanur ræðari, sem þekkir ána vel,
er með í ferðum, en þátttakendur
geta ráðið hvort þeir taka þátt í
róðrinum eða sitja bara og njóta
fararinnar um stórbrotin gljúfur
árinnar. I ánni skiptast á flúðir og
lygnur, en eftir ferðina er boðið
upp á kaffi og meðlæti. Verð á
manninn er kr. 3.500 en kr. 3.000
ef átta eða fleiri eru um borð í
bátnum.
Fljótasiglingar hafa lengi verið
með vinsælustu ævintýraferðum
erlendis, en mikið af íslendihgum
sækja í þessar ferðir á Hvítá.
Hvítá rennur úr Hvítárvatni
undir LangjökJi, en nýlega var farið
að skipuleggja siglingar um vatnið.
Notaðir eru stórir og hraðskreiðir
gúmbátar og 18 til 20 fúllorðnir
komast fyrir í hverri ferð. Siglt er
frá brúnni yfir Hvítá og á leiðinni
yfir vatnið eru helstu ísjakar skoð-
aðir. Náttúrufegurð er stórbrotin á
þessum slóðum og jökullinn er
glæsilegur að sjá af vatninu. Stálið,
sem siglt er upp að við Norðurjök-
ulinn, er 20 til 30 metra hátt og
þáttakendur sjá hvemig molnar úr
því og hrynur ofan í Vatnið, Ferðin
tekur um éina og hálfa klukku-
stund og kostar á bilinu kr. 1.300 til
kr. 1.600 eftir fjölda þátttakenda.
Glæsileg aðstaða til ferða og
gistinga býðst nú á Vatna-
jökli. Hægt er að fara í dags-
ferð á jökulinn með flugi frá
Reykjavík til Hafnar í Hornafirði,
en þaðan er ekið að jöklinum, þar
sem tekið á móti farþegum við
skála Jöklaferða á Hálsaskeri við
Skálafellsjökul. Þaðan er farið með
vélsleðum eða snjóbíl í eins til
tveggja tíma ferðir að Miðfellsegg.
og inn að Birnudalstindum, sem
eru í 1.345 metra hæð, og að Grjót-
botni. Staldrað er við á jöklinum í
um það bil 3 klukkustundir þar
sem þáttakendur geta byggt snjó-
karla, leikið golf og þegið hressingu
í skálanum, en þar er boðið upp á
alls kyns veitingar. Frá skálanum er
ekið að Jökulsárlóni á Breiðamerk-
ursandi og farið í siglingu á milli
jakanna á lóninu. Jökulsárlón er
eitt af merkustu náttúruundrum
Suðausturlands og þar eru einstak-
ir möguleikar til myndatöku.
Flogið er aftur til Reykjavíkur frá
Höfn, en allur pakkinn kostar
24.400 kr. Ef flugfarinu er sleppt er
hægt að fara í sömu ferð frá Skafta-
felli, Kirkjubæjarklaustri og Höfn
fyrir 9.700 kr. Jöklaferðir eru einn-
ig með lengri ferðir á Vatnajökul,
en gistirými fyrir 30 manns er í
Jöklaseli. Þáttakendum í ferðum
Jöklaferða er séð fýrir öllum út-
búnaði ogþað eina sem þeir þurfa
að taka með sér eru sólgleraugu.
rá Akranesi er hægt að fara í
ýmsar spennandi sjóferðir með
Andreu 3. Gunnar Leifur,
eigandi bátsins, er ekki af baki
dottinn þótt hann hafi misst glæsi-
legan sjóstangveiðibát í bruna rétt
fyrir utan Reykjayík í vetur, en
með honum var hægt að fara á sjó-
skíði. Gunnar á ennþá skíðin og
segir að ef sjóskíðabakterían sé að
drepa einhvern hljóti að vera hægt
að koma slíku við af Skaganum.
Klukkutímalöng sjóskíðaferð kost-
ar um 3.000 kr, en þriggja tíma
tíma sjóstangaferð er á 4.000 kr.
Allur útbúnaður og veitingar eru
innifaldar í ferðinni.
Ef veiðimennirnir eru kátir og
léttir skellir Gunnar stundum litl-
um slöngubát fyrir tvo ofurhuga
aftan í vélbátinn, en það er meiri-
háttar ævintýri að skoppa á honum
yfir hafflötinn. Þeir sem vilja kynna
sér hvað er að finna undir yfir-
borðinu geta farið í ævintýralegar
köfunarferðir frá Akranesi og gefur
upplýsingamiðstöð ferðamanna í
bænum allar upplýsingar um þær.
átt er skemmtilegra en að
bruna á vélsleða yfir jökul-
breiður landsins. Fjöldi fyrir-
tækja eru starfræktur í námunda
við alla helstu jökla þar sem hægt
er að leigja vélsleða eða fara í ferðir
með snjóbílum á þá. Sumstaðar er
ágætis aðstaða til skíðaiðkunnár,
en mörguni skíðamönnum finnst
ekkert jafnast á við að fara á stutt-
buxum niður jöklanna. Algeng
leiga fyrir vélsleða er rúmlega 3.000
kr. á ldst.
jöldi smárra leiguflúgfélaga er
rekinn um land allt. Sum
þeirra bjóða skipulagðar út-
sýnisferðir fyrir hópa, en einnig er
hægt að leigja vél með flugmanni
fyrir ótrúlega lítinn pening. Vest-
urflug á Isafirði er t.d. með flug yfir
perlu íslenskrar náttúru á Horn-
ströndum fyrir 5.000 krónur en
ferðin tekur um einn klukkutíma.
jallaferðir og útivist njóta sífellt
meiri vinsælda meðal íslend-
inga. Þeir sem eru orðnir al-
varlega sjúkir af fjallgöngubakter-
íunni geta nú fengið leiðsögn til
klifúrs á hæstu tinda landsins hjá
vönum fjallamönnum. Islenskir
fjallaleiðsögumenn eru með
tveggja til 17 tíma gönguferðir fyrir
þriggja manna hópa og stærri frá
Skaftafelli. Verðið er frá 1.000 kr.
upp í 7.500 kr eftir því hvert farið
er. Lengsta ferðin er á Hvannadals-
hnúk og er göngugörpum séð fyrir
jöklalínum, mannbroddum og ís-
öxum.
Margir útlendingar sem koma
tii Islands segja áð toppur-
inn á ferðlaginu sé að fara í
Drangey. Jón Eiríksson, sem
stundum er kallaður Eyjarjarlinn,
sér um að koma ferðalöngum í eyj-
una, en hann hefur sigið þar í bjarg
í fjörtíu ár. Mikið er af fugli í eyj-
unni, en ferðin þangað tekur um 5
til 6 klukkustundir með uppgöngu.
Jón hefur gert miklar endurbætur á
lendingunni og gönguleiðinni upp
í eyna, en hún er þverhnípt og ekki
fyrir lofthrædda að freista þar upp-
göngu. Lagt er upp í ferðirnar frá
Sauðárkróki og Reykjum, en þar er
nú búið að hlaða upp grjóti í
kringum Grettislaug og vinsælt er
að feta í fótspor fornkappans og
baða sig í lauginni þegar komið er
til baka. Ferðin kostar 3.000 kr., en
Jón er til viðtals um helmings af-
slátt ef menn kjósa að synda til
lands.
Hér hefur verið stiklað á stóru í
sambandi við ýmiskonar æv-
intýraferðir víða um Iand.
Framboðið er orðið slíkt að sama
virðist hvar drepið er niður fæti á
landinu, alls staðar er hægt að fara
í óvenjulegar og spennandi ferðir,
sem þurfa ekki að kosta mikla pen-
inga. Island er á góðri leið með að
verða sú parádís 'ferðamannsins,
sem við viljum vera láta, en það er
engin ástæða til að láta alla þessa
nýju ferðamöguleika útlendingum
eftir. Ferðamálafulltrúar eru starf-
andi í.öllum landsfjórðungum og
ástæða er að hvetja fólk að leita til
þeirra eftir frekari upplýsingum. í
Reykjvík er rekin myndarleg upp-
lýsingamiðstöð fyrir ferðamenn í
Bankastræti 2 og starfsfólkið þar er
boðið og búið til að veita þeim
þjónustu sína jafnvel þótt þeir séu
Islendingar.O
FIMMTUDAGUR 7. JÚLÍ1994
17