Morgunblaðið - 05.03.2005, Qupperneq 12

12 LAUGARDAGUR 5. MARS 2005 MORGUNBLAÐIÐ
FRÉTTIR
FRYSTING á loðnuhrognum er
hafin um borð í loðnuskipinu Hugin
VE frá Vestmannaeyjum en hrogn-
frysting úti á sjó hefur ekki verið
reynd hér við land um áraraðir.
Það var vélsmiðjan Þór í Vest-
mannaeyjum sem smíðaði hrogna-
vinnslubúnaðinn um borð í Hugin
og segir Guðmundur Huginn Guð-
mundsson, skipstjóri, að búnaður-
inn hafi reynst vel. „Við erum nú
rétt byrjaðir að prófa okkur áfram
með þetta en mér virðist þetta ætla
ganga vel. Loðnuhrognin eru rétt
núna að verða nægilega þroskuð til
vinnslu. Ætli við séum ekki búnir að
frysta um 50 tonn af hrognum en ég
er að vona að við getum byrjað
vinnsluna á fullu í þessari veiði-
ferð,“ sagði Guðmundur Huginn í
samtali við Morgunblaðið í gær en
hann var þá á leið á miðin út af Vest-
fjörðum. „Tilgangurinn er vitaskuld
að reyna að gera meiri verðmæti úr
aflanum. Til að byrja með frystum
við svokölluð iðnaðarhrogn en þeg-
ar hrognin verða orðin nægilega
þroskuð frystum við fyrir Japans-
markað sem borgar hærra verð.
Við erum búnir að frysta um 900
tonn af loðnu fyrir Japansmarkað á
vertíðinni en frystum aðeins um 300
tonn á síðustu vertíð. En núna er
ekki hægt að heilfrysta meira af
loðnu fyrir Japan, hrognin eru farin
að leka úr loðnunni og þá vill hann
ekki borða hana,“ sagði Guðmundur
Huginn.
Óvenjuleg vertíð
Guðmundur Huginn sagði að ver-
tíðin væri öll hin undarlegasta, lítið
hefði gengið af loðnu upp að suður-
ströndinni, vesturganga hefði kom-
ið mönnum að óvörum og núna væri
að veiðast loðna út af Norðurlandi.
„Ég man ekki eftir því að það hafi
veiðst loðna fyrir Norðurlandi á
vetrarvertíð. En þetta þýðir að við
eigum ennþá von til að ná loðnu-
kvótanum. Að minnsta kosti erum
við ekki búnir að gefa vertíðina upp
á bátinn,“ sagði Guðmundur Hug-
inn.
Frysta hrogn um
borð í Hugin VE
Morgunblaðið/JPÁ
Huginn VE Loðnuhrogn hafa fram til þess verið fryst í landi.
NOKKUR loðnuskip fengu í gær
afla út af Héðinsfirði en afar
óvenjulegt er að loðna veiðist fyrir
Norðurlandi á þessum árstíma.
Fram til þessa hefur loðna einkum
veiðst norður af landinu á sumar-
vertíð en á vetrarvertíð er veiðin
jafnan fyrir Suður- og Vesturlandi.
Hólmaborg SU var eitt þeirra
skipa sem fengu loðnu út af Héð-
insfirði í gær og sagði Þorsteinn
Kristjánsson skipstjóri veiðina
ganga upp og ofan. „Við höfum
fengið eitt 400 tonna kast og ann-
að 70 tonna kast í dag,“ sagði Þor-
steinn um miðjan dag í gær, en þá
var Hólmaborgin austur af Siglu-
nesi.
Þorsteinn sagði fimm önnur skip
á svæðinu og svo virtist sem allur
gangur væri á loðnuveiðinni við
landið. „Sumir eru að fá góð köst
og aðrir minna,“ sagði Þorsteinn.
Börkur var á sama tíma búinn að
fá 600 tonn í tveimur köstum á
svipuðum slóðum.
Ljósmynd/Steingrímur Kristinsson
Fyrir norðan Loðnuskip voru í gær að veiðum skammt austur af Siglunesi.
Nokkur loðnuskip fengu
afla út af Héðinsfirði
ÚR VERINU
Börnum
fækkar
 Allt stefnir í að
fólksfækkun verði með mest
krefjandi úrlausnarefnum
kynslóða framtíðarinnar.
á morgun
RÚM 40% Íslendinga telja sig vera
stuðningsmenn ríkisstjórnarinnar
og rúm 36% segjast vera andstæð-
ingar hennar samkvæmt könnun
sem Félagsvísindastofnun gerði fyr-
ir Morgunblaðið dagana 18.–24.
febrúar sl. Rúm 18% svarenda sögð-
ust hlutlausir. Ef einungis er skoð-
aðir þeir sem taka afstöðu, styðja
42,1% svarenda ríkisstjórnina, en
38,3% segjast vera andstæðingar
hennar. 3,2% neituðu að svara og
2,6% voru óvissir. Spurt var: Hvort
myndir þú segja að þú værir stuðn-
ingsmaður eða andstæðingur ríkis-
stjórnarinnar?
Í könnuninni var stuðst við 1.200
manna slembiúrtak úr þjóðskrá sem
náði til allra landsmanna á aldrinum
18 til 75 ára. Viðtölin voru tekin í
síma og alls svöruðu könnuninni 843
manns af þeim 1.200 sem voru í úr-
takinu. Brúttósvarhlutfall er 70,3%,
en nettósvarhlutfall er 71,7% þ.e.
svörun þegar búið er að draga frá þá
sem eru nýlega látnir, erlenda rík-
isborgara og fólk sem er búsett er-
lendis.
Rúm 40% styðja
ríkisstjórnina






 
   
   !"  #
$ !%&'


  HALLDÓR Ásgrímsson forsætis-
ráðherra ítrekaði á Alþingi á
fimmtudag að ekki kæmi til greina
að stöðva undirbúng við sölu Símans.
Jón Bjarnason, þingmaður Vinstri-
hreyfingarinnar – græns framboðs,
tók málið upp í byrjun þingfundar.
Hann sagði m.a. að í nýlegri könnun
Gallups kæmi fram að 46% lands-
manna væru andvíg sölu Símans. Þá
væru yfir 76% landsmanna andvíg
sölu grunnnets Símans. Vitnaði hann
í fleiri skoðanakannanir sem sýndu
svipaðar niðurstöður.
„Líta má svo á út frá þessum skoð-
anakönnunum að andstaða vaxi með-
al þjóðarinnar við sölu fjarskipta-
kerfis Símans,“ sagði þingmaðurinn
og spurði ráðherra hvort ekki væri
rétt að endurskoða ákvörðun um
sölu Símans.
„Svarið við því er nei,“ sagði Hall-
dór. „Það kemur ekki til greina. Fyr-
ir liggur heimild Alþingis frá árinu
2001 til að selja fyrirtækið í einu lagi
og sú ákvörðun grundvallaðist á áliti
og niðurstöðu fjölda sérfræðinga að
hvorki væri skynsamlegt né þörf á
að aðskilja grunnnetið frá öðrum
þjónustuþáttum fyrirtækisins. Þró-
unin á fjarskiptamarkaði frá þeim
tíma hefur einungis styrkt stjórn-
völd í þeirri trú að rétt sé að selja
fyrirtækið í heilu lagi.“
Kemur ekki
til greina
að stöðva
sölu Símans
INGVI Guðmundsson, fram-
kvæmdastjóri Spar í Bæjarlind, vildi
koma á framfæri athugasemd í kjöl-
far verðkönnunar sem gerð var sl.
föstudag í lágvöruverðsverslunum.
„Það er ekki sanngjarnt að bera
okkur saman við svokallaðar lág-
vöruverðsverslanir sem eru með
mjög takmarkað vöruval og litla
þjónustu þó svo að við höfum komið
vel út í verðkönnunum í samanburði
við þær. Við teljum okkur hinsvegar
vera í flokki þjónustuverslana á við
Nóatún en bjóðum mun lægra verð
en slíkar verslanir.
Hinsvegar bjóðum við upp á mikið
vöruval og þjónustustig hjá okkur er
hátt, við erum með mjög gott opið
kjötborð þar sem við erum eina
verslunin á Íslandi sem selur flokkað
lambakjöt.“
Ingvi segir að verslunin hafi ekki
bolmagn til að selja ótal vörur langt
undir kostnaðarverði og t.d. er
mögulega lægsta kostnaðarverð á
einum lítra af mjólk 76.65 krónur
með virðisaukaskatti á meðan verið
er að selja hana á 35 krónur með
virðisaukaskatti.
Þetta er einungis eitt dæmi af
mörgum sem hægt er að tína til.
„Verðkannanirnar eru orðnar einn
skrípaleikur og eins og kemur fram í
verðkönnun Morgunblaðsins sl.
fimmtudag er verið að breyta
verði á meðan á verðkönnun stendur
til þess eins að slá ryki í augu við-
skiptavinarins.“
Spar er ekki lág-
vöruverðsverslun
Morgunblaðið/Þorkell
Verslunin Spar í Kópavogi er ekki skilgreind sem lágvöruverðsverslun.