Morgunblaðið - 11.04.2005, Blaðsíða 2

2 MÁNUDAGUR 11. APRÍL 2005 MORGUNBLAÐIÐ
FRÉTTIR
EFTIRLIT YFIR
LANDAMÆRI
Eftirlit með alþjóðlegri starfsemi
stóru íslensku viðskiptabankanna er
eitt af stærri verkefnum Fjármála-
eftirlitsins. Gerðir hafa verið sam-
starfssamningar við eftirlitsstofn-
anir á nokkrum Norðurlandanna og
mun Fjármálaeftirlitið taka þátt í
vettvangseftirliti í dótturfyrir-
tækjum banka í öðrum löndum, að
öllum líkindum þegar á þessu ári.
Hlutafélag um flugmál
Tillögur stýrihóps sem sam-
gönguráðherra skipaði til að móta
tillögur um nýskipan flugmála gera
ráð fyrir að þjónusta á sviði flug-
leiðsögu, flugvalla og flugörygg-
ismála verði færð í hlutafélag og
þar með skilin frá Flugmálastjórn
Íslands.
Hún muni eftir sem áður hafa á
sinni könnu stjórnsýslu flugmála og
heyra undir samgönguráðuneytið.
Mótmæli gegn Japan í Kína
Allt að 20.000 manns tóku þátt í
mótmælum gegn Japan á götum
tveggja borga í sunnanverðu Kína
í gær og stjórn Japans krafðist
þess að Kínverjar bæðust afsök-
unar á mótmælum fyrir utan jap-
anska sendiráðið í Peking á laug-
ardag. Byggingin var þá grýtt og
rúður brotnar í fjölmennustu mót-
mælum í kínversku höfuðborginni
frá 1999.
Mótmæli gyðinga hindruð
Lögreglan í Ísrael kom í veg fyr-
ir að bókstafstrúaðir gyðingar
kæmust upp á Musterishæðina í
Jerúsalem eftir að allt að 10.000
Palestínumenn höfðu safnast þar
saman til að vernda al-Aqsa mosk-
una. Gyðingarnir hugðust halda
bænasamkomu á hæðinni til að
mótmæla áformum um að leggja
niður byggðir gyðinga á Gaza-
svæðinu.
Grimmileg árás í Darfur
Yfir 350 vígamenn eyðilögðu þorp
í Darfur-héraði í Súdan í vikunni
sem leið, að sögn sendimanna Sam-
einuðu þjóðanna og Afríku-
sambandsins.
Vígamennirnir „æddu um þorpið,
drápu, brenndu og gereyðilögðu allt
sem fyrir var, hlífðu aðeins mosku
og skóla þorpsins“, sagði í yfirlýs-
ingu sendimannanna.
Y f i r l i t
Í dag
Sigmund 8 Minningar 26/31
Fréttaskýring 8 Dagbók 32/35
Vesturland 14 Myndasögur 32
Viðskipti 15 Víkverji 34
Erlent 16/17 Staður og stund 33
Listir 20 Leikhús 36
Daglegt líf 18/19 Bíó 38/41
Umræðan 21/25 Ljósvakar 42
Bréf 25 Veður 43
Forystugrein 22 Staksteinar 43
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Skarphéðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkju-
starf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
UM 350 björgunarsveitarmenn úr á fjórða tug
björgunarsveita alls staðar af landinu, auk
150 starfsmanna og aðstoðarmanna, tóku þátt
í umfangsmikilli björgunaræfingu á Austur-
landi á laugardag.
„Þarna voru sett á svið öll möguleg verk-
efni sem tengjast leit og björgun, bæði á landi
og sjó; stórslys, snjóflóðaverkefni, leitarverk-
efni, rústabjörgunarverkefni, sjóbjörg-
unarverkefni og flugslys,“ segir Jón Gunn-
arsson, framkvæmdastjóri Landsbjargar.
Æfingin hófst kl. 4.30 á laugardagsmorgun
og stóð fram til kl. 18 um kvöldið. Hún tókst
vel þótt einhverjir hnökrar hafi komið í ljós,“
segir Jón. Svo stórar æfingar eru að jafnaði
haldnar á tveggja ára fresti, og hefur und-
irbúningur fyrir þessa æfingu staðið í u.þ.b.
18 mánuði, segir Jón. „Þátttakan var mjög
góð, aðstæður allar mjög ákjósanlegar og
veðrið gott, smáfrost og hvítt yfir. Þetta gekk
vel og við erum mjög ánægð.“
Morgunblaðið/Steinunn Ásmundsdóttir
Skýli fyrir fyrstuhjálp var sett upp utan við Heilsugæslustöðina á Egils-
stöðum og slasaðir fluttir þangað á meðan sjúkradeildir voru rýmdar.
Morgunblaðið/Jón Sigurðarson
Æfa þurfti hvernig gera á að ýmiss konar sárum á fólki.
Viðamikil björgunaræfing á Austurlandi
UMFERÐARSTOFU hafa borist
athugasemdir frá almenningi vegna
auglýsingaherferðar á þeirra vegum
þar sem drengur á leikskólaaldri ap-
ar eftir slæma hegðun fullorðins
manns í umferðinni og kallar stelpu
á leikskólanum illum nöfnum.
„Við höfum fengið viðbrögð við
þessum auglýsingum, en það er rétt
að taka fram að við fáum alltaf ein-
hver viðbrögð við þeim auglýsingum
sem við gerum,“ segir Einar Magn-
ús Magnússon, upplýsingafulltrúi
Umferðarstofu, sem segir að at-
hugasemdirnar hafi bæði verið já-
kvæðar og neikvæðar.
„Við höfum heyrt um þetta talað
og það hefur verið haft samband við
okkur vegna þess að fólki ofbýður
skiljanlega sá talsmáti sem er við-
hafður. Þeim bregður helst sem
þekkja ekki svona hegðan, og eðli-
legt að þeim bregði mest. En því
miður er það svo að það er ansi al-
gengt að fólk hegði sér svona.“
Einar segir rétt að hafa af því
áhyggjur að verið sé að ala upp
slæma hegðan í ökumönnum fram-
tíðarinnar. „Það er ekki bara tals-
mátinn sem við viðhöfum, það er líka
hvernig við hegðum okkur í umferð-
inni, jafnvel þó við gerum það þegj-
andi. Það er það sem við erum að
reyna að fá fólk til að hugsa um, og
ef fólk setur ekki bara punktinn á
eftir talsmáta barnsins heldur hugs-
ar málið aðeins lengra er ég þess
fullviss að þau skilaboð komast skýrt
til skila.“
„Svona gerir maður ekki“
Spurður hvort ekki sé óviðeigandi
að sýna auglýsingarnar á þeim tím-
um sem börn eru gjarnan nálægt
sjónvarpstækjunum, segir Einar að
tíminn í kringum fréttatíma sjón-
varpsstöðvanna sé sá tími sem best
sé að ná til ökumanna.
„Fjöldi barna verður vitni að
svona hegðan víðs vegar. Við gætum
alveg eins gert tilkall til þess að fjöl-
miðlar hætti að fjalla um fíkniefna-
neyslu og ofbeldi vegna þess að
börnin gætu farið að apa það eftir.
Ég vona að allir foreldrar hafi dóm-
greind og burði til þess að setjast
niður með barninu sínu og segja
„svona gerir maður ekki“, að maður
viðhafi ekki þetta eða hitt sem ekki
er til fyrirmyndar en fjallað er um í
fréttum og víðar,“ segir Einar.
Umferðarstofa fær athugasemdir vegna nýrrar auglýsingaherferðar
Ofbýður talsmáti leikskóla-
drengsins í auglýsingunum
Eftir Brján Jónasson
brjann@mbl.is
KAFARI sem fór niður að flaki
Guðrúnar Gísladóttur KE, sem
liggur á hafsbotni við Lófót í Nor-
egi, tók myndir af flakinu og á þeim
sést að leki er frá því.
Norska ríkisútvarpið NRK segir
á fréttavef sínum, að Svein Ludvig-
sen, sjávarútvegsráðherra Noregs,
hafi fengið að sjá myndirnar og lýst
yfir miklum áhyggjum af málinu.
Togarinn strandaði og sökk í
kjölfarið fyrir tæpum þremur ár-
um. Ekki hefur tekist að ná flakinu
upp á yfirborðið þrátt fyrir ítrek-
aðar tilraunir og var ákveðið í októ-
ber á síðasta ári að reyna ekki frek-
ar.
Lekur úr flaki
Guðrúnar
Gísladóttur
BÆÐI kennarar og stjórnendur við
Landakotsskóla neita aðild að aug-
lýsingu sem birtist í atvinnuauglýs-
ingum Morgunblaðsins í gær undir
fyrirsögninni Landakotsskóli. Í
auglýsingunni kemur fram að kaþ-
ólski biskupinn á Íslandi hafi ákveð-
ið að loka Landakotsskóla eða
hætta kennslu í 8., 9. og 10. bekk og
því leiti kennarar skólans að vinnu.
Furða talsmenn bæði kennara og
stjórnenda sig á auglýsingunni og
er nú leitað að þeim sem ber
ábyrgð á henni.
Engin umræða innan kennara-
hópsins að sækja um störf
Í tilkynningu frá trúnaðarmanni
kennara við Landakotsskóla segir
að auglýsingin hafi ekki verið birt
að frumkvæði kennaranna, hvað þá
að hún sé á þeirra vegum. „Engin
umræða hefur verið innan kenn-
arahóps skólans um að sækja um
störf annars staðar, eins og texti
auglýsingarinnar gefur til kynna,
enda liggur engin ákvörðun fyrir
um að leggja skólann niður eða
breyta stórfelldlega starfsemi
hans,“ segir í tilkynningunni.
Lýsa kennarar ennfremur undr-
un sinni yfir auglýsingunni og
kveða erfitt að sjá hvaða hvatir
liggi að baki hennar.
Sr. Hjalti Þorkelsson, skólastjóri
í Landakotsskóla, sagðist undrast
auglýsinguna og hún hafi komið öll-
um í opna skjöldu. „Aðstoðarskóla-
stjóri hafði samband við auglýs-
ingadeild Morgunblaðsins og spurði
í hvers nafni auglýsingin hefði verið
birt og við væntum þess að fá upp-
lýsingar um það í fyrramálið,“ sagði
Hjalti í gær og bætir við að hvorki
stjórnendur skólans né kirkjan hafi
staðið fyrir auglýsingunni.
„Engin ákvörðun hefur verið tek-
in um að loka skólanum eða deild-
um hans. Við höfum verið í við-
ræðum við Reykjavíkurborg um
hvernig borgin kæmi áfram að
stuðningi við sjálfstæðu skólana og
ýmsar hugmyndir í gangi en ekkert
formlegt hefur þó komið út úr því
enn þá. Ég leyfi mér að vera bjart-
sýnn, því ég hef enga ástæðu til að
ætla að Reykjavíkurborg vilji að
þessir skólar verði lagðir niður,
þvert á móti,“ sagði Hjalti að lok-
um.
Kannast ekki við
auglýsingu vegna
Landakotsskóla
SJÓMAÐUR um borð í Snorra
Sturlusyni fékk þungt högg á
brjóstkassann þegar vír slóst í hann
þar sem togarinn var staddur um
50 sjómílur vestur af Vest-
mannaeyjum í fyrrinótt. Þyrla
varnarliðsins var kölluð til þar sem
þyrla Landhelgisgæslunnar var við
æfingar á Austurlandi. Vel gekk að
ná sjómanninum um borð í þyrlu
varnarliðsins, og var maðurinn
fluttur á sjúkrahús í Reykjavík. Að
sögn læknis er maðurinn ekki í lífs-
hættu, en hann hlaut einhver bein-
brot og innvortis meiðsli.
Þyrla sótti sjómann
LAGÐAR eru til ákveðnar
skipulagsbreytingar á Náms-
flokkum Reykjavíkur, í niður-
stöðum nefndar um framtíðar-
skipulag Námsflokkanna, segir
Stefán Jón Hafstein, formaður
menntamálaráðs Reykjavíkur-
borgar. Hann segist ekki geta
tjáð sig nánar um breytingartil-
lögurnar, að svo stöddu, þar
sem niðurstöður nefndarinnar
séu trúnaðarmál á meðan verið
sé að ræða þær við starfsmenn
Námsflokkanna.
„Þetta er í umræðunni og
engar ákvarðanir hafa verið
teknar,“ segir hann. Ekki sé þó
verið að leggja það til að Náms-
flokkarnir verði lagðir niður.
Stefán býst við því að tillögur
um framtíðarskipulag Náms-
flokkanna verði lagðar fram á
fundi menntamálaráðs í þar-
næstu viku.
Á vefnum namsflokkar.is
segir að þeir séu elsta fullorð-
insfræðslustofnun landsins,
hafi verið stofnaðir árið 1939 og
séu í eigu Reykjavíkurborgar.
Skipulags-
breytingar
hjá Náms-
flokkunum