Morgunblaðið - 11.04.2005, Blaðsíða 36

36 MÁNUDAGUR 11. APRÍL 2005 MORGUNBLAÐIÐ
4 600 200
leikfelag.is
Miðasölusími
Pakkið á móti
frumsýnt
15. Apríl
Pakkið á móti Eftir Henry Adams
Fös. 15.4 kl 20 Frums. UPPSELT
Lau. 16.4 kl 20 2. kortas. Örfá sæti laus
Fim. 21.4 kl 20 3. kortas. UPPSELT
Fös. 22.4 kl 20 4. kortas. UPPSELT
Lau. 23.4 kl 20 5. kortas. UPPSELT
Fös. 29.4 kl 20 6. kortas. UPPSELT
Lau. 30.4 kl 20 Nokkur sæti laus
Miðasalan er opin: frá kl 10:00 alla virka daga. Netfang: midasala@borgarleikhus.is
Miðasala í síma 568 8000 -
og á netinu: www.borgarleikhus.is
Apótekarinn eftir Haydn
Óperustúdíó Listaháskóla Íslands og Íslensku óperunnar
29. apríl kl. 20 - Frumsýning
1. maí kl. 20 - 2. sýn - 3. maí kl. 20 - 3. sýn
8. maí kl. 20 - 4. sýn - 10. maí kl. 20 - 5. sýn - Lokasýning
Ath. Aðgangur ókeypis
www.opera.is opera@opera.is Sími: 511 4200
Íslenska óperan v/Ingólfsstræti Pósthólf 1416 - 121 Reykjavík Sími: 511 6400
geggjað grínleikrit eftir DANIEL GUYTON
☎ 552 3000
www.loftkastalinn.is
SÍÐUSTU SÝNINGAR
Ekki missa af þessari sýningu!
• Föstudag 15/4 kl 20 LAUS SÆTI
ALLRA SÍÐASTA SÝNING
Loftkastalinn ✦ Seljavegi 2 ✦ 101 Reykjavík ✦ Miðasalan er opin frá 13-18
ÞEGAR tónskáldið John Cage kom
hingað á listahátíð fyrir rúmum
tuttugu árum hélt hann fyrirlestur
fyrir menningarelítuna en mun
hafa hneykslað alla með því að tala
bara um sveppi. Það var dæmigert
fyrir margt af því sem hann tók
upp á, enda var hann afar umdeild-
ur. Í dag virðist ríkja meiri sátt um
verk hans, eins og allmargir tón-
leikar á síðustu árum bera vitni
um. Slagverkshópurinn Benda hef-
ur t.d. verið duglegur að flytja tón-
smíðar eftir Cage og á mið-
vikudagskvöldið spilaði Susanne
Kessel, píanóleikari í Norræna hús-
inu, verk eftir hann, Vorið úr laga-
flokknum Árstíðirnar. Eins og
nafnið ber með sér er þetta litrík
tónlist, full af lífi og óvæntum
uppákomum sem Kessel útfærði á
afar sannfærandi hátt. Tæknileg
atriði vöfðust ekki fyrir og næmt
listrænt innsæi píanóleikarans var
auðheyrt í margbrotinni túlkuninni.
Á efnisskránni var fjöldinn allur
af verkum eftir tónskáld sem hafa
búið til lengri eða skemmri tíma í
Kaliforníu. Öllu ægði saman; þarna
var Rachmaninoff við hliðina á
Cage og Gershwin við hliðina á
Schoenberg;
kvikmynda-
tónlist, dinner-
tónlist, fram-
úrstefnutónlist
og hvað eina.
Kessel gerði
hverri einustu
tónsmíð skil með
viðeigandi til-
þrifum; róm-
antískar útsetningar Silotis á Bach
og Gluck voru notalega síróps-
kenndar, Rachmaninoff var þrung-
inn skáldlegri eftirsjá, tangóinn eft-
ir Stravinsky var skemmtilega
grófur, spænsk prelúdía Gershwins
var ástríðukennd og As Time Goes
By úr Casablanca var ljúft og un-
aðslegt.
Helst mátti finna að því að tón-
leikarnir voru í lengri kantinum;
rúmir tveir tímar sem hlýtur að
teljast frekar ríflegt, jafnvel fyrir
svo frumlega efnisskrá. Enda virt-
ist flygillinn ekki þola þetta, undir
lokin var hann a.m.k. orðinn óþægi-
lega falskur. Saknar maður þess
þegar píanóstillingamaður var
ávallt til taks á tónleikum Tónlist-
arfélagsins í gamla daga; hann sá
til þess að hljóðfærið væri hreint í
seinni hálfleik. Stundum var meira
að segja klappað fyrir honum þeg-
ar hann hafði lokið störfum. Af
hverju er það liðin tíð?
Skemmtilegir tónleikar
TÓNLIST
Norræna húsið
Sussane Kessel lék verk eftir tónskáld
sem búið hafa í Kaliforníu. Miðvikudagur
6. apríl.
Píanótónleikar
Susanne Kessel
Jónas Sen
HINIR árlegu vortónleikar Fóst-
bræðra verða haldnir í Langholts-
kirkju þriðjudaginn 12. og miðviku-
daginn 13. apríl kl. 20.00, en
laugardaginn 16. apríl kl. 15.00. Auk
þess heldur kórinn að venju eina tón-
leika í Hafnarborg í Hafnarfirði
föstudaginn 15. apríl kl. 20.00.
Á efnisskránni bregður fyrir úrvali
íslenskra laga. Einsöngvarar á tón-
leikunum eru fimm og koma þeir allir
úr röðum kórmanna. Þeir eru Davíð
Ólafsson, Stefán Helgi Stefánsson,
Þorsteinn Guðnason, Þráinn Sigurðs-
son og Friðrik Snorrason. Takast
þeir á við ýmis lög, m.a. Hamraborg-
ina, en hún verður flutt í nýrri útsetn-
ingu Árna Harðarsonar tónskálds.
Píanóleikur verður í höndum Stein-
unnar Birnu Ragnarsdóttur.
Seinni hluti tónleikanna er að
mestu tileinkaður breskum lögum, en
þar verður einnig að finna lög eins og
Hraustir menn, en einsöng með kórn-
um í því lagi syngur Davíð Ólafsson
bassi, sem undanfarin ár hefur verið
fastráðinn við Íslensku óperuna.
Níræður á næsta ári
Karlakórinn Fóstbræður fagnar á
næsta ári 90 ára afmæli sínu og er
undirbúningur afmælishalds í fullum
gangi. Framundan eru fjölmörg
verkefni, en kórinn mun í lok þessa
mánaðar taka þátt í flutningi með
Sinfóníuhljómsveit Íslands og Óperu-
kórnum á verkinu Fordæming
Fausts eftir H. Berlioz undir stjórn
Rumon Gamba.
Af þeim verkefnum sem fram-
undan eru, ber þó hæst þátttöku
kórsins í afmælistónleikum Samein-
uðu þjóðanna sem fram fara í Royal
Albert Hall þann 16. október nk., þar
sem kórinn verður fulltrúi Norður-
landanna á tónleikum þar sem fram
koma listamenn úr öllum heimsálfum.
Tónleikunum verður sjónvarpað
beint á vegum BBC og verða valdir
kaflar þeirra sýndir á helstu sjón-
varpsstöðvum heims. Þá verða tón-
leikarnir teknir upp af SONY og seld-
ir á DVD-diskum um allan heim til
styrktar góðgerðarmálum í þágu
barna í þróunarríkjum.
Hinn 28. október munu Fóst-
bræður taka þátt í tónleikum í Hall-
grímskirkju með einum fremsta
karlakór heims, finnska karlakórnum
YL sem sækir Fóstbræður heim.
Stjórnandi YL er Dr. Matti Hyökki,
en hann varð fyrstur Finna til að
hljóta útnefninguna doktor í kór-
stjórn við Sibeliusarakademiuna.
Hinn 29. október taka Fóstbræður
þátt í söngmóti Sambands íslenskra
karlakóra sem er landsmót karlakóra
og fer fram í Hafnarfirði.
Stjórnandi Fóstbræðra er Árni
Harðarson.
Fóstbræður með
mörg járn í eldinum
Morgunblaðið/Þorkell
Karlakórinn Fóstbræður: Vortónleikarnir hefjast á morgun.
Dansleikhús/samkeppni Leik-
félags Reykjavíkur og Íslenska
dansflokksins verður haldin í
þriðja sinn í júní næstkomandi.
Fyrir jólin var auglýst eftir
hugmyndum að tíu mínútna
dansverkum og barst hátt á
fjórða tug hugmynda. Fimm-
tán þeirra voru valdar til frek-
ari útfærslu og níu höfundar
síðan valdir til þess að semja
tíu mínútna verk fyrir leikara
og dansara. Höfundarnir sem
taka þátt í keppninni að þessu
sinni eru:
Álfrún Örnólfsdóttir og Frið-
rik Friðriksson, Bryndís Ein-
arsdóttir, Eva Rún og Halla
Ólafsdóttir, Halldóra Geir-
harðsdóttir, Ingvar E. Sigurðs-
son, Peter Anderson, Tinna
Lind Gunnarsdóttir, Valgerður
Rúnarsdóttir og Vignir Rafn
Valþórsson, Vatnadansmeyja-
félagið (Guðlaug Elísabet
Ólafsdóttir, Halla Margrét Jó-
hannsdóttir, Katrín Þorkels-
dóttir, Margrét Vilhjálms-
dóttir, Sigrún Sól.)
Dansleikhús/samkeppnin
verður haldin á Stóra sviði
Borgarleikhússins fimmtudag-
inn 9. júní. Þrenn aðalverðlaun
eru í boði og að auki velja
áhorfendur þá sýningu sem
þeim finnst best og hlýtur hún
einnig verðlaun. Formaður
dómnefndar verður Sean Feld-
mann frá Bretlandi.
Þar sem þetta er samkeppni
er þetta einstakur viðburður og
verður ekki endurtekinn.
Keppnin er haldin með
stuðningi SPRON.
Dansleik-
hús/sam-
keppni
LR og ÍD
FÁIR Íslendingar eru eins þekktir
í Þýskalandi og rithöfundurinn
Jón Sveinsson – Nonni. Nonnabæk-
urnar hafa þar löngum verið góð
landkynning.
Ekki alls fyrir löngu var þýski
blaðamaðurinn Ulrich Greiner á
ferð hér á landi ásamt fleiri blaða-
mönnum í tilefni af Food and Fun
hátíðinni í Reykjavík. Ulrich, sem
er menningarritstjóri þýska blaðs-
ins Die Zeit, hafði lesið Nonnabæk-
urnar í æsku og heillast af landi
og þjóð. Ulrich gerði sér því sér-
staka ferð til Akureyrar enda
fannst honum ófært að koma alla
leið til Íslands án þess að skoða
æskuslóðir Nonna. Ulrich heim-
sótti Nonnahús og hitti þar konur
úr Zontaklúbbi Akureyrar sem
reka safnið. Hann gekk síðan um
Nonnaslóð í
fylgd safnvarðar
og heimsótti
prestshjónin á
Möðruvöllum í
Hörgárdal, en
þar fæddist
Nonni fyrir hart-
nær 150 árum.
Hinn 23. mars
síðastliðinn birt-
ist síðan löng
grein í Die Zeit þar sem Ulrich
fjallar um Nonna og heimkynni
hans.
Þrátt fyrir að 92 ár séu liðin frá
því að fyrsta Nonnabókin kom út í
Þýskalandi heldur Nonni sem sagt
áfram að kynna landið sitt og laða
hingað fólk sem heillast hefur af
landinu við lestur bókanna.
Grein um Nonna í Die Zeit
Jón Sveinsson,
Nonni.
SPÆNSKI samtímadansflokkurinn Megalo-Teatro Movil sýndi um helgina
verk eftir Nicolas Rambaud í Pradillo-leikhúsinu í Madríd en það er hluti
af nýjustu sýningu hópsins, „Miedo“. Meðfylgjandi mynd er tekin á aðal-
æfingu.
Reuters
Samtímadans á Spáni