Morgunblaðið - 22.04.2005, Blaðsíða 20

20 FÖSTUDAGUR 22. APRÍL 2005 MORGUNBLAÐIÐ
MENNING
256Mb kr. 3.490,-
512Mb kr. 5.990,-
1.0Gb kr. 9.990,-
PQI SD minniskort
ALDREI þessu vant var bara eitt
aukalag á tónleikum Kristins Sig-
mundssonar og Jónasar Ingimund-
arsonar í Salnum í Kópavogi á þriðju-
dagskvöldið. Það var hin ódauðlega
vögguvísa eftir Brahms, sennilega
vinsælasta spiladósalag sögunnar.
Ástæðan? Jú, þeir félagar þurftu að
fara snemma að sofa til að vakna
hressir daginn eftir. Þá átti nefnilega
að hefjast Ljóðaakademía Salarins,
tveggja daga meistaranámskeið fyrir
nokkra af efnilegustu söngnem-
endum landsins. Námskeiðið var í
túlkun íslenskra sönglaga og þýskra
ljóðasöngva og á tónleikunum fengu
áheyrendur að hlýða á rjómann af því
síðarnefnda, lög eftir Mahler,
Beethoven, Schubert, Wolf, Loeve og
Richard Strauss, auk Brahms.
Ef marka má túlkunina á vöggu-
vísunni ætti námskeiðið að hafa geng-
ið ágætlega og veitt upprennandi
söngvurum ómældan innblástur.
Söngur Kristins var unaðslega þýður
og tilfinningaríkur; leikur Jónasar
var sömuleiðis hástemmdur og mjúk-
ur. Þótt píanóröddin hefði mátt vera
safaríkari í sumum lögunum eftir
Brahms og einnig í Heimliche Auffor-
derung eftir Strauss – sem þarfnast
voldugs undirleiks – var annað prýði-
legt og sumt frábært. Edward eftir
Loeve var gætt viðeigandi spennu,
Morgen eftir Strauss var þrungið
innlifun og Nicht wiedersehen eftir
Mahler var hápunktur tónleikanna,
svo skáldlegt og fullt af sannfæring-
arkrafti að unaður var á að hlýða. Og
mikið svaf maður vel á eftir vöggu-
vísunni í lokin!
Ómþýð
vögguvísa
TÓNLIST
Salurinn í Kópavogi
Kristinn Sigmundsson og Jónas Ingi-
mundarson fluttu tónlist eftir Mahler,
Beethoven, Schubert, Wolf, Loeve,
Brahms og Strauss. Þriðjudagur 19. apríl.
Ljóðatónleikar
Jónas Sen
Morgunblaðið/Sverrir
Jónas Ingimundarson píanóleikari
og Kristinn Sigmundsson söngvari.
Sinfóníuhljómsveit Íslandsheldur tvenna tónleika undirstjórn aðalhljómsveitarstjór-
ans Rumons Gamba, á Flúðum í
dag. Klukkan 17 hefjast skóla-
tónleikar, þar sem öllum börnum
er boðið að koma og hlýða á
spennandi efnisskrá í kynningu
leikarans góðkunna Atla Rafns
Sigurðarsonar og þar munu einnig
koma fram Sameinaðir barnakórar
Árnessýslu. Klukkan 20 verða svo
hefðbundnir Sinfóníutónleikar með
fjölbreyttri efnisskrá. Fram koma:
Miklos Dalmay píanóleikari, Sam-
einaðir kirkjukórar úr uppsveitum
Árnessýslu og Karlakór Hreppa-
manna, en kórstjóri hans er Edit
Molnar, en Edit hefur öðrum frem-
ur unnið að undirbúningi tón-
leikanna, allt frá upphafi.
„Í fyrra ræddi ég við Ísólf Gylfa
Pálmason sveitarstjóra hér um
möguleikann á því að halda svona
tónleika hér. Hann ræddi við for-
svarsmenn Sinfóníuhljómsveit-
arinnar, og fékk það svar að
hljómsveitin væri tilbúin að koma
núna. Hljómsveitin vildi halda sér-
staka tónleika fyrir skólabörn, og
þess vegna kom upp sú hugmynd
að halda tvenna tónleika.“
  
Edit segir að allir þeir sem áannað borð séu í kórstarfi í
Hrunamannahreppi og víðar séu
búnir að undirbúa tónleikana og
æfa frá því í haust. „Þetta eru
fimm barnakórar, tveir frá Sel-
fossi, Barnakór Biskupstungna,
Kór Þjórsárskóla og Kór Flúða-
skóla. Kórarnir syngja tvö lög eftir
Jón Leifs með hljómsveitinni, Sigl-
ingavísur og Dýravísur.“
Á kvöldtónleikunum mæðir mest
á Karlakór Hreppamanna sem
stofnaður var fyrir sjö árum, og
Edit hefur stjórnað frá upphafi.
„Það verður stór stund fyrir okkur
að syngja með Sinfóníuhljómsveit-
inni. Kórinn syngur tvö lög einn
með hljómsveitinni, Hermannakór-
inn úr Fást eftir Gounod og Suð-
urnesjamenn eftir Sigurð Ágústs-
son í Birtingarholti, en það var
útsett sérstaklega fyrir hljómsveit
og karlakór fyrir þessa tónleika.
Þá syngur sameinaður kirkjukór
Árnessýslu með hljómsveitinni, en
kjarni hans er kirkjukórinn okkar,
Kirkjukór Hrunaprestakalls, og ég
er organisti þar. Okkur datt í hug
að flytja Kórfantasíu eftir Beet-
hoven, vegna þess að Miklos
Dalmay, maðurinn minn er píanó-
leikari hér á Flúðum, og í því verki
var hægt að sameina bæði píanó-
leik og kórsöng með hljómsveit-
inni. Miklos vinnur líka mikið með
kórunum og er píanóleikari með
okkur þegar með þarf.“
  
Edit segir að menningar-samstarf af þessu tagi sé
mjög mikilvægt fyrir landsbyggð-
arfólkið, og skapi mikla stemmn-
ingu og gleði. „Fólk mætir á allar
æfingar, alla daga, og þeir sem
ætla bara að koma að hlusta eru
líka spenntir yfir að þetta skuli
standa til. Venjulega erum við með
tónleika í Félagsheimilinu, en það
er ekki nógu stórt, og því notum
við Íþróttahúsið. Karlarnir okkar
eru að smíða svið fyrir kórana og
hljómsveitina og það má segja að
allir hér sinni einhverjum verk-
efnum sem tengjast þessu. Það er
mikil stemmning hér í undirbún-
ingnum. Rumon Gamba hljómsveit-
arstjóri kom hingað á mánudaginn
til að æfa með kórunum, og það
var alveg stórkostlegt. Fólk hér
var mjög ánægt með það hvað
hann tók okkur vel og almenni-
lega, vann vel með kórunum – og
lét okkur á engan hátt finna að við
værum bara sveitakór. Hann var
mjög spenntur fyrir tónleikunum
með okkur og þetta var virkilega
gaman.“
Kynnir á barnatónleikunum
verður Atli Rafn Sigurðarson leik-
ari, en á efnisskrá þeirra verður
auk söngs barnanna atriði úr ball-
ettinum Þyrnirós eftir Tsjaí-
kovskíj, Nornin Baba Jaga eftir
Liadov, Enigma tilbrigði númer 11
eftir Elgar, þriðji þáttur ballettsins
Sylvíu eftir Delibes, og loks Á
Sprengisandi, eftir Sigvalda
Kaldalóns í útsetningu Páls P.
Pálssonar.
Á kvöldtónleikunum verða auk
þess sem fyrr er nefnt tveir dansar
úr óperunni Fordæmingu Fásts
eftir Gounod og Nimrod-þátturinn
úr Enigmatilbrigðunum. Í tónleika-
lok verður flutt lagið Árnesþing
eftir Sigurð Ágústsson.
Sinfónían á Flúðum
’Fólk mætir á allar æf-ingar, alla daga, og þeir
sem ætla bara að koma
að hlusta eru líka
spenntir yfir að þetta
skuli standa til.‘
AF LISTUM
Bergþóra Jónsdóttir
begga@mbl.is
Morgunblaðið/Sigurður Sigmundsson
Karlakór Hreppamanna með stjórnanda sínum, Edit Molnár, en kórinn er einn margra sem syngja á tónleikunum.
Einleikari á píanó í Kórfantasíu Beethovens er Miklos Dalmay.
ER REYKJAVÍK tíminn? spyr Jón-
as Þorbjarnarson í nýrri ljóðabók
sinni, Hvar endar maður? Þetta er
aðlaðandi skáldskapur fullur með
vangaveltur um lífið og tílverunna.
Segja má að bókin sé eins og til-
brigði við stef tímans og tilvist-
arinnar. Jónas hefur gott vald á
þeirri list að grípa augnablikið og
flétta úr því mynd þar sem hvers-
dagsleikinn fær á
sig heimspeki-
legan blæ. Þann-
ig vekur borgin
með honum slíkar
hugrenningar en
einnig landið,
náttúran og fæð-
ingarbærinn. Nú-
tíðin er eitt meg-
inviðfangsefnið,
hvernig hún birt-
ist í senn sem misfrestun, nútíð sem
skotið er á frest og gröf fortíðar-
innar, hvernig tíminn heldur okkur
föngnum og skapar angist okkar,
einsemd og neind. Í Nowhereman
1990 segir: „að baki er mín glóru-
lausa saga / og framundan mín
glórulausa saga / ég er nokkurnveg-
inn hvergi“. Í kvæðunum er sú til-
finning sterk að lífið hafi verið spila-
borg því að allt sem kemur fari og
skilji eftir lítil: en ógræðandi spor …
óbreytanlega sögu, það finnst mér
hart, ég sem vil endurskrifa allt en
tíminn innsiglar, hann er hér þótt
hann sjáist aldrei, bara Reykjavík,
linnulaus Reykjavík – tíminn er Guð
á meðal vor. En bók Jónasar á sér
einnig tilfinningalega hlið, söknuð,
þrá og sorg. Umfram allt tjáir hún
þó hina rómantísku tilfinningu fyrir
sérleikanum andspænis tíma og um-
hverfi og jafnframt upplausn sjálfs-
ins og óvissu andspænis forgengi-
leikanum. Í kvæði sem nefnist
Uppstilling segir: „maður er einhver
sem veit ekki“. Stíll Jónasar er ein-
faldur og tær og ljóð hans jafnan
aðgengileg og stutt. Skáldið leitar
svara því að lífið er því spurning en
það gefur einnig svör. Jafnvel í dap-
urleikanum veiðir Jónas upp úr hug-
arfylgsnum sínum „eitt og eitt já“.
Mér finnst vel þess virði að setjast
með þessa bók í hönd og takast á við
hugsun Jónasar. Hún er í senn íhug-
ul og aðlaðandi enda þótt henni sé
ekki ætlað að hrista fjöll.
Tíminn er Guð á meðal vor
BÆKUR
Ljóð
eftir Jónas Þorbjarnarson, JPV-útgáfa.
2005 – 58 s.
Hvar endar maðurinn?
Skafti Þ. Halldórsson
Jónas
Þorbjarnarson
JPV útgáfa hefur sent frá sér nýjar
bækur um hina sívinsælu Herra-
menn. Nýju bækurnar heita Herra
Kjáni og Herra Djarfur.
„Bækur um
Herramenn komu
fyrst út á íslensku
fyrir um aldarfjórð-
ungi og nutu gíf-
urlegra vinsælda
hjá íslenskum
börnum. Þættir
byggðir á sögunum voru sýndir í Sjón-
varpinu. Einungis hluti bókanna komu
út á sínum tíma en JPV útgáfa hefur
endurútgefið þær síðustu misseri
ásamt þeim bókum sem ekki hafa
komið út áður á íslensku. Bækurnar
njóta enn gífurlegra vinsælda víða um
heim,“ segir í tilkynningu frá útgef-
anda.
Guðni Kolbeinsson og Þrándur
Thoroddsen þýddu en verð er 490 kr.
Börn
♦♦♦