Morgunblaðið - 12.05.2005, Side 12

12 FIMMTUDAGUR 12. MAÍ 2005 MORGUNBLAÐIÐ
FRÉTTIR
T
íðindin um nýjan liðs-
mann Sjálfstæðis-
flokksins tóku að ber-
ast um sali Alþingis
undir lok síðasta
starfsdags vetrarins í gær og
vöktu nokkra athygli. Gunnar Örn,
sem er tæpra 34 ára, var kjörinn á
þing í síðustu kosningum fyrir
Frjálslynda flokkinn sem efsti
maður í Suðvesturkjördæmi, einn
fjögurra þingmanna flokksins.
Hann sat ekki á þingi fyrst um
sinn eða á meðan hann afplánaði
dóm fyrir bókhaldsbrot og brot á
lögum um stjórnun fiskveiða.
Gunnar gaf kost á sér til varafor-
mannskjörs á síðasta landsþingi
Frjálslynda flokksins en beið
lægri hlut fyrir sitjandi varafor-
manni, Magnúsi Þór Hafsteins-
syni. En af hverju tók hann þá
ákvörðun að yfirgefa félaga sína?
„Fyrir því eru einkum tvær
ástæður. Í fyrsta lagi er málefna-
legur ágreiningur milli mín og
þingflokksins og í öðru lagi eru
samstarfsörðugleikar milli mín og
varaformanns flokksins [Magnúsar
Þórs]. Þegar það fer saman við
málefnalegan ágreining eru ekki
lengur forsendur til frekara sam-
starfs.“
Frjálslyndir leiðitamir
við vinstri flokkana
– Hvers eðlis er þessi ágrein-
ingur? „Þegar flokkurinn var
kynntur fyrir mér fyrir rúmum
tveimur árum, var hann skil-
greindur sem mildur hægri flokk-
ur í íslenskri pólitík. Ef ég á að
skilgreina flokkinn í dag þá er
hann vinstri flokkur. Ég freistaði
þess á síðasta landsþingi að leggja
fram fjölmargar tillögur og álykt-
anir. Aðeins ein var samþykkt,
hugmyndir mínar í skattamálum
og húsnæðiskerfinu voru meðal
annars virtar að vettugi. Þegar lit-
ið er til þingstarfa undanfarna tvo
vetur kemur skýrlega í ljós að
flokkurinn hefur verið mjög leiði-
tamur við vinstri flokkana tvo.“
– Hvernig lýsirðu þessum sam-
starfsörðugleikum við varafor-
manninn?
„Ég hef ekki átt samtal við
Magnús um alllangt skeið. Engu
að síður hef ég óskað eftir fundum
með honum en án árangurs. Ég
óskaði meðal annars eftir fundi
okkar á milli stuttu áður en ég til-
kynnti áhuga minn fyrir varafor-
mannsembætti flokksins á síðasta
landsþingi Frjálslynda flokksins. Í
bréfi mínu til Magnúsar lagði ég
áherslu á mikilvægi þess að áhugi
okkar beggja fyrir embættinu
myndi fara fram með virðulegum
og málefnalegum hætti. Þessu
bréfi svaraði Magnús aldrei og
kaus að fara aðrar leiðir. Ég hef
kosið að starfa ekki lengur með
Magnúsi Þór, við eigum einfald-
lega ekki samleið. Í litlum þing-
flokki hlýtur kuldi af þessu tagi að
kalla á breytingar.“
– Hvað með formann flokksins,
Guðjón Arnar Kristjánsson, og
ykkar samskipti?
„Samskipti mín við Guðjón hafa
verið eðlileg. Ég á margra góðra
stunda að minnast með Guðjóni.“
– Hvernig tók hann þinni
ákvörðun?
„Að sjálfsögðu var hann leiður
yfir henni.“
Átti langan fund með Davíð
– Á hvaða tímapunkti ákvaðstu
að stíga þetta skref?
„Fyrir skemmstu tók ég þá
ákvörðun að leita eftir öflugri lið-
veislu sjálfstæðismanna. Úrsögn
mín úr Frjálslynda flokknum hef-
ur verið mér ofarlega í huga um
nokkurn tíma“
– Hvernig barstu þig að? Þú
hefur væntanlega orðið að banka
upp á hjá Sjálfstæðisflokknum?
„Ég óskaði eftir fundi með for-
manni þingflokks sjálfstæð-
ismanna, Einari Kristni Guðfinns-
syni. Honum og tveimur öðrum
þingmönnum gerði ég grein fyrir
áhuga mínum á samstarfi við
Sjálfstæðisflokkinn. Vitanlega
ræddum við ítarlega saman um
mínar áherslur, þá sérstaklega
þær sem snúa að sjávarútvegi,
skattamálum og húsnæðiskerfinu.
Einar Kristinn, Guðlaugur Þór
Þórðarsson og Einar Oddur Krist-
jánsson eru þingmenn sem vilja
auka samkeppni á vísindasviði er
snýr að hafrannsóknum. Orð
þeirra og metnaður fyrir sömu
áherslum veittu mér kjarkinn til
að taka þessa stóru ákvörðun. Í
kjölfarið átti ég langan og góðan
fund með Davíð Oddssyni, for-
manni Sjálfstæðisflokksins, sem
bauð mig velkominn í hópinn.
Ég hlakka til samstarfsins með
þessum öfluga flokki.“
– Sjálfstæðismenn hafa ekki
bankað á öxlina á þér og boðið þér
að koma yfir?
„Sjálfstæðismenn höfðu óbeint
sýnt mér áhuga.“
– Var þetta þá ekki svo erfið
ákvörðun?
„Ég finn að þetta er rétt
ákvörðun og mér er afskaplega
létt. Ég er sannfærður um að mín-
um baráttumálum er betur borgið
á nýjum slóðum frekar en í þing-
flokki Frjálslynda flokksins.“
– Af hverju telurðu þínum mál-
um betur borgið innan Sjálfstæð-
isflokksins?
„Málefnalegur samhljómur milli
mín og þingflokks sjálfstæð-
ismanna er langtum skýrari. Það
gefur auga leið að samstarf og
skilningur innan þingflokks er lyk-
ilforsenda að árangri í ólíkum
málaflokkum.“
Betur borgið innan
Sjálfstæðisflokksins
– Fyrir síðustu kosningar gagn-
rýndir þú Sjálfstæðisflokkinn
harðlega fyrir kvótakerfið og rit-
aðir m.a. grein í Morgunblaðið um
að sjálfstæðismenn vildu hækka
kvótaþakið. Er ekkert erfitt í ljósi
þessa að skipta yfir í þennan sama
flokk?
„Ég tel mikil tækifæri fólgin í
frjálsri samkeppni á vísindasvið-
inu. Ég trúi því staðfastlega að
hægt sé ná betri árangri með rétt-
um áherslum. Aukinn afli af Ís-
landsmiðum mun opna á ný og
spennandi tækifæri, bæði fyrir fé-
lög, einstaklinga og dreifbýlið. Þá
er það staðreynd að kvótinn hefur
svo til að öllu leyti skipt um hend-
ur. Með öðrum orðum hafa út-
gerðarmenn í dag langflestir þurft
að kaupa sig inn í greinina og
tryggja sér veiðiréttinn. Það er
með öllu ógerlegt að snúa blaðinu
við. Reynsla mín úr sjávarútvegi
mun vonandi vega þungt í störfum
mínum hjá Sjálfstæðisflokknum.
Ég mun vinna að þörfum breyt-
ingum í íslenskum sjávarútvegi
innan frá.“
– Hvað með þína kjósendur í
Suðvesturkjördæmi, ertu ekki að
svíkja þá með því að skipta um
flokk?
„Hver einasti þingmaður er
bundinn sinni sannfæringu. Það er
sannfæring mín að baráttumálum
mínum sé án efa betur borgið í
þingflokki Sjálfstæðisflokksins. Í
annan stað ber að minnast þess að
Frjálslyndi flokkurinn hlaut 2.890
atkvæði í Suðvesturkjördæmi í
síðustu alþingiskosningum. Hvergi
á landinu fékk flokkurinn jafn-
mörg atkvæði. Við þetta fólk og
aðra stuðningsmenn vil ég ítreka
að ég er sannfærður um að bar-
áttumálum mínum og áherslu-
málum í pólitík er betur borgið
hjá Sjálfstæðisflokknum. Ég mun
ekki láta staðar numið í mínum
baráttumálum. Ég vona innilega
að fólk treysti á mín störf þó að
ég sé í öðrum þingflokki. Ég er
enn sami maðurinn. Ég er enn
Gunnar Örn Örlygsson.“
Verð að sanna mig
– Hyggstu bjóða þig fram sem
þingmaður Sjálfstæðisflokksins
fyrir næstu þingkosningar?
„Ég hef áhuga fyrir því en það
eru að sjálfsögðu flokksmenn sem
ákveða hverjir eru í framboði fyrir
flokkinn hverju sinni.“
– Telurðu þig eiga góða mögu-
leika á að ná kjöri í nýjum flokki?
„Ég hef kynnst mörgum ein-
staklingum í Suðvesturkjördæmi á
kjörtímabilinu og fundið fyrir góð-
um stuðningi. Hvað Suður-
kjördæmið varðar þá kem ég úr
Reykjanesbæ úr stórum hópi
systkina, er vinamargur á þeim
slóðum, hef tekið þátt í fé-
lagslífinu þar í mörg ár og er al-
inn upp í íþróttunum. Margir af
mínum bestu vinum eru sjálfstæð-
ismenn enda kaus ég alltaf flokk-
inn hér áður, líkt og mínir for-
eldrar. Þrátt fyrir þessa
viðkynningu verð ég að sjálfsögðu
að sanna mig sem öflugan þing-
mann eftir breytingarnar. Ég vil
ekki leggja dóm á mína möguleika
– það getur beðið. Nú bíður mín
ærinn starfi hjá öflugum þing-
flokki, það er mér efst í huga á
þessari stundu.“
– Með brotthvarfi þínu úr
Frjálslynda flokknum eru eftir
þrír þingmenn. Hefurður áhyggjur
af flokknum og framtíð hans?
„Vissulega hef ég áhyggjur af
honum en mín hugsun er sú, fyrst
og fremst, að allir þessir 63 þing-
menn vilji nú vinna af heilindum
fyrir þjóð sína. Menn deila hins
vegar um leiðir. Vinstri menn hafa
viljað hækka skatta og tryggja
með þeim hætti ákveðinn jöfnuð í
þjóðfélaginu. Hægri menn hafa
kosið að stilla sköttum í hóf, vilja
tryggja hvatann og fram-
kvæmdaþróttinn í atvinnulífinu,
bæði fyrir fyrirtæki og ein-
staklinga, og búið þannig til gott
velferðarkerfi. Ég aðhyllist hægri
leiðina og tel að sífellt fleiri muni
gera það á næstu misserum. Sé
litið til stjórnmálanna í dag er að-
eins einn flokkur hægra megin við
miðju, Sjálfstæðisflokkurinn. Þar
á ég heima.“
Gunnar Örn Örlygsson alþingismaður yfirgefur Frjálslynda
flokkinn og gengur til liðs við þingflokk Sjálfstæðisflokksins
Kuldi í litlum þingflokki
kallaði á breytingar
Þingflokkur Sjálfstæð-
isflokksins fékk óvænt-
an liðsauka í gær í
Gunnari Erni Örlygs-
syni, þingmanni Frjáls-
lynda flokksins í Suð-
vesturkjördæmi. Björn
Jóhann Björnsson hitti
Gunnar að máli í nýjum
herbúðum og komst
m.a. að því að málefna-
ágreiningur við frjáls-
lynda og samstarfsörð-
ugleikar skiptu mestu
um ákvörðun þing-
mannsins.
bjb@mbl.is
Morgunblaðið/Golli
Gunnar Örn Örlygsson er nýr þingmaður Sjálfstæðisflokksins, sá 23., og
þar með verða stjórnarliðar orðnir 35 þegar Alþingi kemur saman á ný í
haust og stjórnarandstæðingar orðnir 28 talsins.
ÓLAFUR Ragnar Grímsson, forseti
Íslands, hefur þegið boð um að vera á
næstu þremur árum þátttakandi í
Samráðsþingi um loftslagsbreytingar
sem Jeffrey Sachs, sérstakur fulltrúi
Kofis Annans
framkvæmda-
stjóra Sameinuðu
þjóðanna, hefur
skipulagt.
Þátttakendur í
samráðsþinginu
eru vísindamenn,
forystumenn í al-
þjóðamálum og
stjórnendur fjöl-
margra stórfyrir-
tækja, einkum í
Evrópu og Bandaríkjunum.
Fyrsti fundur Samráðsþingsins var
í New York í gær. Þar hélt Ólafur
Ragnar ræðu þar sem hann fjallaði
um loftslagsbreytingar á norðurslóð-
um og þá lærdóma sem draga má af
þeim.
Fram kemur á heimasíðu forseta-
embættisins, að markmiðið með Sam-
ráðsþingi um loftslagsbreytingar sé
að reyna að ná samstöðu meðal for-
ystumanna í viðskiptalífi, vísindum og
á alþjóðavettvangi um mat á yfirvof-
andi hættu á loftslagsbreytingum og
hvaða aðgerðir séu vænlegastar til
hamla gegn þeim.
Stjórnendur rúmlega 50 stórfyrir-
tækja tóku þátt í þinginu og voru
þeirra á meðal yfirmenn frá General
Electric, Shell, BP, Norsk Hydro,
Toyota og Coca-Cola. Ýmsir fremstu
vísindamenn á þessu sviði, m.a. frá
Harvard-háskólanum og Columbia-
háskólanum, taka þátt í störfum sam-
ráðsþingsins á komandi árum. Meðal
frummælenda í gær var Wally Broec-
ker, einn helsti sérfræðingur heims í
rannsóknum á hafstraumum og haf-
straumabeltinu sem liggur umhverfis
Ísland.Samráðsþingið mun halda
reglulega fundi á næstu þremur árum
og ýmsir hópar sérfræðinga og ráð-
gjafa vinna með þinginu á þeim tíma.
Ólafur Ragnar
tekur þátt í
þingi um lofts-
lagsbreytingar
Ólafur Ragnar
Grímsson
♦♦♦
„ÞETTA er mjög alvarlegt mál.
Þetta eru einhver áhættusömustu
störf á hverjum vinnustað, að vinna
með vinnupalla af þessu tagi,“ sagði
Eyjólfur Sæmundsson, forstjóri
Vinnueftirlitsins, um vinnuslysið við
Kárahnjúka á mánudag þegar fjórir
menn féllu 9–11 metra eftir að
vinnupallar sem þeir voru á féllu
niður.
Eyjólfur sagði að á þessum stað
hefðu aðstæður verið afar erfiðar
enda slúti veggurinn, sem vinnupall-
urinn voru við, fram. Vinnubrögð,
kennsla og þjálfun verði því að vera í
fullkomnu lagi. Aðspurður sagði
hann að eftir slysið hefði þeim til-
mælum verið beint til yfirmanna hjá
Impregilo að verkið yrði einungis
unnið eftir fullnægjandi verklags-
reglum og það væri nú gert. Hann
sagðist þó ekkert geta fullyrt um
hvort farið hefði verið eftir verk-
lagsreglum í aðdraganda slyssins.
Slysið við Kára-
hnjúka litið al-
varlegum augum
LÖGREGLAN á Hvolsvelli segir að
nokkur brögð séu að því að öku-
menn stórra pallbíla geri sér ekki
grein fyrir hraðatakmörkunum sem
gilda fyrir stærstu bílana. Lög-
reglan bendir á að leyfilegur há-
markshraði bíla, sem eru yfir 3.500
kíló að heildarþyngd, sé 80 km/klst.
Á tímabilinu 3.–11. maí kærði lög-
reglan á Hvolsvelli 27 fyrir of hrað-
an akstur. Flestir voru stöðvaðir á
Suðurlandsvegi og ók sá sem hrað-
ast fór um á 138 kílómetra hraða.
80 km hámarks-
hraði fyrir
stóra pallbíla