Morgunblaðið - 09.07.2005, Page 27
MORGUNBLAÐIÐ LAUGARDAGUR 9. JÚLÍ 2005 27
MINNSTAÐUR
• Á Dalvík 1. júlí - 5. ágúst
• Vinningar að verðmæti 250.000
• Þátttaka ókeypis og öllum heimil
• Ný heimasíða Fiskidagsins mikla á www.julli.is
Komdu við á Dalvík og taktu þátt í fjölskylduratleik
Í tilefni af 5 ára afmæli Fiskidagsins mikla í Dalvíkurbyggð verður fjölskylduratleikur í
gangi í sumar þar sem þátttaka er ókeypis og öllum heimil. Fjölskyldan fær sér
göngutúr um Dalvík, leysir létta þraut í leiðinni og á möguleika á að vinna glæsilega
vinninga.
1. vinningur er úrvalsfiskur, nokkrar tegundir, að verðmæti
100.000 kr, frá Samherja og Landflutningar Samskip
flytja vinninginn heim að dyrum.
2. – 6. vinningur eru 65 lítra ferðakistlar frá Sæplasti,
frábærir ferðafélagar sem munu innihalda sýnishorn af matseðli
Fiskidagsins mikla 2005, að verðmæti 30.000 hver.
Hægt er að taka þátt í leiknum í allt sumar til kl 22.00 föstudaginn 5. ágúst, þátttökuseðlar
liggja frammi á helstu þjónustustöðum á Dalvík, upplýsingamiðstöðvum og víðar.
Ný heimasíða Fiskidagsins mikla á www.julli.is
Allar upplýsingar - Daglegar fréttir - Skráðu þig á póstlistann
5 ára
Selfoss | Bæjarstjórn Árborgar hefur fest
kaup á meginhluta jarðarinnar Bjarkar sem
er sunnan við þéttbýlið á Selfossi. Var þetta
samþykkt af fulltrúum í meirihluta bæj-
arstjórnar og jafnframt að taka 180 milljóna
kr. lán vegna kaupanna. Kaupin voru tekin
fyrir á síðasta fundi bæjarstjórnar. Fram
kom að jörðin er um 102 hektarar að stærð
en undanskildir eru 3 hektarar umhverfis
hús seljanda og kaupir Árborg því 99 ha.
Á fundinum gagnrýndu fulltrúar minni-
hlutans, Sjálfstæðisflokksins, kaupin og
greiddu atkvæði á móti. Í bókun Páls Leós
Jónssonar og Halldórs Vals Pálssonar kemur
fram að land sem sveitarfélagið á nú þegar
og land sem einstaklingar eru að skipuleggja
fyrir íbúðabyggð dugi til að tvöfalda íbúatölu
Selfoss. Vekja þeir athygli á því að niður-
stöður sameiningarkosninga í haust geti haft
áhrif á þróun byggðar. Einnig að mörg önnur
brýn verkefni bíði framkvæmdar. Því sé
hvorki skynsamlegt né tímabært að ráðast í
svo mikla lántöku til kaupa á landi sem ekki
þurfi að nýta næstu tuttugu árin.
Af hálfu meirihluta bæjarstjórnar var lýst
þeirri stefnu að eiga ávallt nóg af landi til að
byggja á. Sveitarfélagið hafi þannig verið í
samkeppni við einkaaðila um að bjóða land
fyrir nýbyggingar og sú samkeppni verið til
góðs. Kaupin á Bjarkarlandinu séu til að við-
halda jafnvæginu og veita sveitarfélaginu
svigrúm til þróunar í framtíðinni.
Árborg festir kaup
á landi Bjarkar
LANDIÐ
Dalir | „Mér datt í hug að breyta til,
fara að gera eitthvað nýtt,“ segir
Áslaug Finnsdóttir sem rekur
minjagripamarkað og kaffisölu í
stóru víkingatjaldi sem hún hefur
komið upp á Eiríksstöðum í Hauka-
dal. Þar er allt í víkingastílnum, eins
og hæfir fæðingarstað Leifs heppna.
Áslaug er sauðfjárbóndi á Hömr-
um í Haukadal. Þau hjónin voru áð-
ur einnig með kúabúskap en hættu
því fyrir fimm árum og Áslaug fór
að vinna á hjúkrunarheimilinu
Fellsenda. „Okkur fólkinu hér í
sveitinni hefur þótt vantað þjónustu
við ferðafólk hér á Eiríksstöðum.
Hugmyndin fæddist og ég ákvað að
breyta til,“ segir Áslaug um tildrög
þess að hún hóf rekstur á Eiríks-
stöðum. Hún tók sér ársleyfi frá
störfum á Fellsenda til að sinna
þessu og öðrum áhugamálum í vet-
ur.
Ákvað að eyða sumrinu hér
Hún lét sauma fyrir sig fjörutíu
fermetra tjald og reisti það á Eiríks-
stöðum í síðasta mánuði. Þar hefur
hún til sölu minjagripi, ekki síst
muni sem tengjast víkingatímanum.
Þar eru meðal annars handverks-
munir sem heimafólk hefur gert og
félagar í íslensku víkingafélögunum
sem heimsótt hafa staðinn. Þá geta
gestir sest niður og fengið sér kaffi
og heimabakaðar kleinur, einnig
harðfisk og fleira góðgæti. „Við
reynum að hafa þetta sem mest í
víkingastílnum eins og tilheyrir á
Eiríksstöðum,“ segir Áslaug.
Hún þarf að pakka öllum vörun-
um niður að kvöldi og taka með sér
heim. „Þetta er sannkallað markaðs-
líf. Maður venur sig á þetta og þarf
bara að vera jákvæður,“ segir hún.
Áslaug er með opið alla daga vik-
unnar og viðurkennir að starfið sé
nokkuð bindandi. Segir þó að dóttir
sín leysi sig stundum af. „Ég ákvað
að eyða sumrinu hér. Svo gerir mað-
ur eitthvað skemmtilegt í vetur,“
segir hún og upplýsir að þá hyggist
hún fara í nám. Áslaug er fædd og
uppalin í Keflavík en hefur búið í
sveitinni í 21 ár. Segist hún ekki
hafa nennt að læra þegar hún var
ung. Nú sé orðið auðveldara að bæta
úr slíku og hyggst hún reyna að ná
sér í stúdentspróf með fjarnámi.
Alltaf gaman í sveitinni
Ekki væsir um Áslaugu á Eiríks-
stöðum. „Hér er mikið af góðu og
skemmtilegu fólki og yndislegt að
vera. Það er alltaf gaman í sveit-
inni.“
Töluverður gestagangur er á Ei-
ríksstöðum. Á síðasta sumri greiddu
um 10 þúsund gestir aðgangseyri að
tilgátubænum og er talið að 13 til 15
þúsund manns hafi komið á staðinn.
Áslaug segir að töluverð umferð sé í
sumar og flestir komi í tjaldið til
hennar. Fólk sé forvitið um þetta
stóra og mikla tjald.
Framundan er aðalhelgi sumars-
ins, Leifshátíðin á Eiríksstöðum, og
gerir Áslaug sér vonir um að í dag
verði mikið að gera í víkingatjald-
inu.
Áslaug Finnsdóttir á Hömrum í Haukadal söðlaði um og hóf rekstur á víkingatjaldi á Eiríksstöðum
Hugmynd fæddist og ég ákvað að breyta til
Eftir Helga Bjarnason
helgi@mbl.is
Morgunblaðið/Helga H. Ágústsdóttir
Vattarsaumur Áslaug Finnsdóttir stendur við borðsendann við að kenna áhugasömum víkingum úr Dölunum vatt-
arsaum. Hópurinn er að stilla saman strengina fyrir Leifshátíðina sem haldin er í Haukadal um helgina.
ÁRBORGARSVÆÐIÐ
Hveragerði | Fyrirtækið Byr hefur flutt í eigið
húsnæði, að Austurmörk 4 í Hveragerði. Á
þeim tímamótum var opnað þar svokallað
skrifstofuhótel. Bætist það í fjölbreytta flóru
starfsemi sem rekin er undir hatti Byrs.
„Þetta er nú eiginlega Soffíu að kenna,“ seg-
ir Bryndís Sigurðardóttir, annar eigandi Byrs,
þegar fréttaritari spyr um tilurð fyrirtækisins.
Og Bryndís segir söguna: „Soffía hafði nýlokið
námskeiði til löggildingar fasteignasala, þegar
hún kom að máli við mig.“ „Og mamma getur
allt,“ heyrist þá í Lottu, dóttur Bryndísar.“ „Já
og ég get allt, þannig að mig vantaði einhvern
félaga.“ Þær stöllur Soffía Theódórsdóttir og
Bryndís slógu til og stofnuðu fyrirtækið Byr í
júní 2003.
Skrifstofuhótel opnað
Þetta eru tvö fyrirtæki, segir Soffía, en Byr
er samheiti beggja. Soffía rekur Byr fast-
eignasölu en Bryndís er með skrifstofuþjón-
ustu, skrifstofuhótel, útibú frá Bílaleigu Ak-
ureyrar og saman hafa þær umboð fyrir Vörð
vátryggingafélag. Skrifstofuhótel er nýtt af
nálinni í Hveragerði. Fyrir er slíkt skrifstofu-
hótel á Selfossi en það er verkefnið Sunnan3 –
rafrænt samfélag sem hefur forgöngu um
stofnun hótelanna. Þar getur fólk fengið leigða
vinnuaðstöðu. Nú þegar er pláss fyrir fjóra á
hótelinu, en hægt er að bæta fleirum við, eins
og Bryndís segir gestum þegar hún kynnir
nýja hótelið. Fyrsti leigjandinn er kominn, það
er Guðrún Tryggvadóttir, sem meðal annars
er að vinna verkefnið grasagudda-
.is, sem fæst við allt náttúruvænt
og verkefnið Fósturlandsins freyj-
ur.
Hversu lengi ætli þær hafi geng-
ið með hugmyndina um fyrirtækið
áður en draumurinn varð að veru-
leika? „Frá því að hugmyndin
fæddist og þar til við opnuðum liðu
tveir til þrír mánuðir. Það er því á
tveggja ára afmæli fyrirtækisins
sem við opnum í okkar eigin hús-
næði,“ segja þær Soffía og Bryndís
brosandi. Og það er svo sannarlega
ástæða fyrir þær að brosa, því hús-
næðið hefur tekið stakkaskiptum
eftir að þær fengu það í hendur.
Þær keyptu hvor sinn hlut í hús-
inu sem er á tveimur hæðum og
stendur við Austurmörk 4. Fast-
eignasalan er á neðri hæðinni en
skrifstofuþjónustan á þeirri efri.
„Við keyptum húsnæðið í apríl og
höfum verið að endurnýja það síð-
an,“ segir Soffía. Hér er búið að leggja nýtt
rafmagn, skipta um gler, setja ný gólfefni og
allar innréttingar. Það má því segja að allt hafi
verið rifið út og endurnýjað. Breytingarnar
hafa tekist mjög vel sem er ekki síst að þakka
glerveggjum sem skipta rýminu þannig að alls
staðar er bjart. Auk eigendanna, þeirra Bryn-
dísar og Soffíu, vinnur Hafrún Einarsdóttir á
fasteignasölunni en sameiginlegur ritari
beggja fyrirtækjanna er Hugrún Ólafsdóttir.
Fyrirtækið Byr flytur í eigið húsnæði og opnar nýtt skrifstofuhótel
„Mamma
getur allt“
Eftir Margréti Ísaksdóttur
Morgunblaðið/Margrét Ísaksdóttir
Nýr vinnustaður Eigendur og starfsfólk
Byrs, Bryndís Sigurðardóttir og Soffía Theodórsdóttir
sitja og fyrir aftan standa Hugrún Ólafsdóttir og Hafrún
Einarsdóttir.
Selfoss | Bæjarráð Sveitarfélagsins
Árborgar hefur ákveðið að hefja
uppbyggingu íþróttamannvirkja við
Engjaveg á Selfossi með byggingu
nýs gervigrasvallar en fjármagn til
þess verkefnis er á fjárhagsáætlun
ársins. Áður hafði bæjarstjórn slegið
á frest uppbyggingu við Engjaveg
vegna stórfelldra framtíðaráforma
um uppbyggingu íþróttamannvirkja
neðarlega við Eyraveg.
Á bæjarráðsfundinum var eft-
irfarandi bókun samþykkt: Meiri-
hluti bæjarstjórnar Árborgar tók
ákvörðun í vetur um að kanna stór-
fellda uppbyggingu íþróttamann-
virkja, m.a. fjölnotaíþróttahús, þar
sem tekið er mið af hinni gríðarlegu
íbúafjölgun og uppgangi sem er í
sveitarfélaginu. Í nýju aðalskipulagi
er framtíðaruppbyggingu íþrótta-
mannvirkja markaður staður vestan
Eyravegar og sunnan Hagalands.
Þar er mikið landrými sem býður
upp á fjölbreytta möguleika á sviði
íþrótta, menningar og hvers kyns af-
þreyingar fyrir gesti og gangandi.
Nú er ljóst að þessi uppbygging er
flóknari og tímafrekari í undirbún-
ingi en sérfræðingar bæjaryfirvalda
töldu í upphafi. Þess vegna hefur
meirihlutinn ákveðið að jafnhliða
verði nú þegar hafin uppbygging á
nýjum gervigrasvelli á íþróttasvæð-
inu við Engjaveg á Selfossi í sam-
ræmi við fjárhagsáætlun 2005.“
Jafnframt var ákveðið að skipa
verkhópa með fulltrúum bæjaryf-
irvalda og íþróttahreyfingarinnar til
að forgangsraða og móta framtíð-
aruppbyggingu íþróttamannvirkja í
sveitarfélaginu.
Nýr gervigrasvöllur
byggður á Selfossi