Morgunblaðið - 16.07.2005, Blaðsíða 2
2 LAUGARDAGUR 16. JÚLÍ 2005 MORGUNBLAÐIÐ
FRÉTTIR
HANDTAKA Í KAÍRÓ
Lögreglan í Kaíró hefur í haldi
mann sem talinn er hafa komið að
smíði sprengnanna sem notaðar voru
í hryðjuverkunum í London fyrir
rúmri viku, en þau kostuðu á sjötta
tug manna lífið. Maðurinn sætir nú
yfirheyrslum en mun halda fram sak-
leysi sínu. Í gærkvöldi fordæmdu
leiðtogar múslíma og íslamskir fræði-
menn í Bretlandi hryðjuverkin og
lögðu áherslu á að múslímar mættu
ekki líta svo á að ódæðismennirnir
hefðu dáið píslarvættisdauða fyrir trú
sína.
Miklar fjárfestingar
Fjárfestingar Íslendinga í útlönd-
um námu árið 2004 rúmum 192 millj-
örðum króna, sem er aukning upp á
581% frá árinu áður, þegar fjárfest-
ingar Íslendinga erlendis námu rúm-
um 28 milljörðum, samkvæmt bráða-
birgðatölum sem Seðlabanki Íslands
hefur birt.
Ekkert banaslys
Ekkert banaslys hefur orðið á
Reykjanesbraut frá því að opnað var
fyrir umferð um tvöfaldan hluta
hennar fyrir um fjórtán mánuðum.
Þetta kemur fram í grein Steinþórs
Jónssonar, hótelstjóra og bæjarfull-
trúa í Reykjanesbæ, í blaðinu í dag. Á
sama tímabili þar á undan létust sjö
einstaklingar í jafnmörgum banaslys-
um.
Harry Potter snýr aftur
Byrjað var að selja nýjustu bókina
um Harry Potter, en hún heitir á
ensku Harry Potter and the Half
Blood Prince, um heim allan á mið-
nætti í nótt en fullvíst þykir að hún
muni seljast í bílförmum. Börn voru í
biðröð fyrir framan bókabúðir víðs
vegar um heiminn, m.a. hér í Reykja-
vík, en Harry Potter og skapari hans,
rithöfundurinn breski J.K. Rowling,
eiga marga aðdáendur hér á landi.
Y f i r l i t
Í dag
Fréttaskýring 8 Kirkjustarf 35
Viðskipti 14 Skák 41
Úr verinu 15 Minningar 36/41
Erlent 18/19 Myndasögur 44
Akureyri 21 Víkverji 44
Landið 21 Dagbók 45
Suðurnes 24 Staður og stund 45
Árborg 24 Velvakandi 44
Daglegt líf 25 Menning 47/49
Ferðalög 26/27 Ljósvakamiðlar 54
Forystugrein 28 Staksteinar 55
Umræðan 30/34 Veður 55
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Skarphéðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkju-
starf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
!
"
#
$
%
&
'() *
+,,,
TVEIR Kínverjar, karl og kona um
þrítugt, voru í gær dæmdir í 45 daga
fangelsi fyrir að framvísa röngum
vegabréfum á Keflavíkurflugvelli.
Fólkið var á leiðinni til Bandaríkj-
anna þegar það var handtekið hinn 7.
júlí sl. ásamt meintum fylgdarmanni
sínum. Hann situr enn í gæsluvarð-
haldi og bíður dóms.
Vegabréf fólksins voru ekki fölsuð
heldur tilheyrðu þau sviplíkum Jap-
önum. Þegar verið er að smygla fólki
milli landa er algengt að notast sé við
ósvikin vegabréf fólks sem líkist
þeim sem verið er að smygla. Í dómi
Héraðsdóms Reykjaness kemur
fram að fólkið var búsett í Þýska-
landi og samkvæmt upplýsingum frá
sýslumanninum á Keflavíkurflug-
velli er talið að það hafi búið þar í 5–6
ár. Þáttur fylgdarmannsins er enn til
athugunar og beinist rannsóknin
helst að ferðum hans um Ísland fram
að því að hann var handtekinn.
Ferðaskilríki tilbúin
fyrir ungmenni
Kínversku ungmennin fjögur sem
voru stöðvuð í Leifsstöð í maí dvelja
enn á landinu. Að sögn Eyjólfs Krist-
jánssonar, fulltrúa sýslumannsins á
Keflavíkurflugvelli, eru ferðaskilríki
þeirra tilbúin og gerir hann ráð fyrir
að þau muni brátt óska eftir að verða
send til síns heima. Aðspurður sagði
hann að þau hefðu ekki sótt um hæli
hér á landi. Fylgdarmaður þeirra
var í júní dæmdur í sex mánaða fang-
elsi fyrir brot á útlendingalögum en
ekki tókst að sanna mansal.
45 daga fangelsi
fyrir að framvísa
röngu vegabréfi
FJÖGURRA sæta Cessna-flugvél
hlekktist á í flugtaki í Fljótavík á
Hornströndum í gær. Um borð voru
þrír farþegar auk flugmanns en eng-
an sakaði. Vélin lenti á vinstri hlið og
skemmdist mikið. Óhappið varð síð-
degis í gær og fékk lögreglan á Ísa-
firði tilkynningu um málið um kl. 18.
Fóru lögreglumenn á vettvang
ásamt fulltrúa rannsóknanefndar
flugslysa og flugmálastjórnar. Málið
er í rannsókn og liggja orsakir
óhappsins ekki fyrir.
Landhelgisgæslan aðstoðaði rann-
sóknarlið með því að flytja það á TF
LIF, þyrlu Gæslunnar, og stóð til að
þyrlan flytti flugvélina um borð í
varðskip sem tæki hana til Reykja-
víkur í frekari rannsókn.
Hlekktist á
í flugtaki
ALEXANDER Rannikh, sendiherra
Rússlands á Íslandi, afhjúpaði í gær
í Neðstakaupstað á Ísafirði minn-
isvarða um liðlega 200 sjómenn sem
fórust þegar skipalest lenti í tund-
urduflabelti undan Straumnesi 5.
júlí 1942. Var þetta gert í tilefni af
því að 60 ár eru liðin frá lokum síð-
ari heimsstyrjaldar.
Viðstaddir athöfnina voru
fulltrúi frá breska sendiráðinu og
bandaríska sjóhernum auk fulltrúa
Ísafjarðarbæjar. Þá fylgdist fjöldi
bæjarbúa og ferðamanna með en
öllum var velkomið að sækja at-
höfnina. Gestirnir komu vestur með
rússnesku herskipi og lögðu fyrr
um daginn blómsveig á sjávarflöt-
inn nálægt staðnum þar sem atvikið
átti sér stað. Þeir voru síðan ferj-
aðir í land á Ísafirði til að vera við-
staddir athöfnina.
Á minnisvarðanum er áletrun á
þremur tungumálum, rússnesku, ís-
lensku og ensku. Honum hefur ver-
ið valinn staður í námunda við
húsaþyrpinguna í Neðstakaupstað
en þar er m.a. sjóminjasafn.
Sjómennirnir sem fórust voru á
skipum í skipalestinni QP-13 sem
var á leið frá Rússlandi. Kaupskipin
voru bandarísk, bresk og rússnesk
og sigldu undir vernd breska flot-
ans. Fyrir slysni sigldi skipalestin
inn í tundurduflabelti þegar hún
var á vesturleið út af Straumnesi.
Morgunblaðið/Sverrir
Látinna sjómanna minnst
Alexander A. Rannikh, sendiherra Rússlands á Íslandi, afhjúpar minn-
ismerkið. Að baki honum sést Mark S. Laughton, yfirmaður flotastöðvar
varnarliðsins á Keflavíkurflugvelli.
ÚTFLUTNINGUR á mjólkur-
afurðum, aðallega smjöri, hefur
aukist mikið á síðustu árum. Í
fyrra voru flutt út 657 tonn af
mjólkurafurðum en árið 1995
voru flutt út 89 tonn. Ástæðan
fyrir þessum aukna útflutningi
er að neysla á fitusnauðum
mjólkurvörum er stöðugt að
aukast og því verður að flytja
mjólkurfituna úr landi. Horfur
eru á að útflutningurinn aukist
enn á þessu ári. Verð á smjöri á
heimsmarkaði er lágt.
Snorri Sigurðsson, fram-
kvæmdastjóri Landssambands
kúabænda, segir að unnið sé að
því að komast inn á markað í
Bandaríkjunum með hágæða-
smjör. Hann segir að það sé
langtímaverkefni að komast
inn á þennan markað. Það sé
hins vegar óhjákvæmilegt að
selja talsvert af smjöri úr landi
því að neysla á fitusnauðum
mjólkurvörum sé alltaf að
aukast hérlendis.
Í fyrra voru flutt inn 222 tonn
af mjólkurvörum, aðallega ost-
um. Innflutningurinn hefur
minnkað síðustu ár, en hann
var mestur árið 2000 þegar
hann nam 556 tonnum. Það ár
var flutt inn mikið af jógurt frá
Spáni en sala á þessari vöru
hefur minnkað mikið. Innflutn-
ingur á ostum hefur hins vegar
verið að aukast síðustu ár.
Stöðugt
meira flutt
út af smjöri
Fá 45–50 kr./8