Morgunblaðið - 16.07.2005, Blaðsíða 15
MORGUNBLAÐIÐ LAUGARDAGUR 16. JÚLÍ 2005 15
ÚR VERINU
SJÁVARÚTVEGURINN er hvergi
betri í heiminum en á Íslandi.
Þetta er niðurstaða skýrslu stofn-
unar sem kallar sig Framtíð-
arráðið, en hún fjallar um sjálf-
bæra nýtingu fiskstofna. Frá þessu
er sagt í leiðara í norska blaðinu
Fiskaren, sem segir að þetta sé
ekki vegna þess að Íslendingar
stjórni veiðunum betur, heldur að
þeir hugsi meira um gæði og
kaupendur matvæla fái þann fisk
sem þeir vilji.
Framtíðarráðið er í tengslum
við alþjóðlega matvælarisann
Unilever og er skýrslan gerð að
beiðni þess. Meginniðurstaðan er
sú að fiskveiðum sé hvergi betur
stjórnað en á Íslandi og Nýja-
Sjálandi. Í Fiskaren segir að í út-
tektinni sé Unilever hrósað fyrir
að leggja áherzlu á sjálfbærar
veiðar í viðskiptum sínum með
fisk. Engu að síður sé það ljóst að
matvælarisinn nái ekki að fá nema
70% af þeim fiski sem hann notar
úr sjálfbærum veiðum. Unilever er
hætt að nota þorsk úr Norðursjó
og hefur dregið verulega úr kaup-
um á þorski úr Eystrasalti. Sam-
steypan kaupir mest af sínum
þorski úr Kyrrahafinu. Brezka
stórmarkaðakeðjan Waitrose telur
fiskveiðistjórnun á Íslandi þá
beztu á norðurhveli jarðar. Stjórn-
endur hennar segjast kjósa að
eiga viðskipti við einn birgi og
þeir vilji að hægt sé að rekja feril
afurðanna til baka til bátsins sem
veiddi þorskinn.
Mun tengdari markaðnum
Fiskaren segir að íslenzkur sjávar-
útvegur skilji sig frá hinum
norska með því að vera mun
tengdari markaðnum. Stærri sjáv-
arútvegsfyrirtæki geti betur
tryggt stöðugar afhendingar og
séu tengdari endanlegum neyt-
anda allt frá veiðum til markaðar.
Kvótakerfið á Íslandi hafi gert
einstökum fyrirtækjum kleift að
byggja sig upp og áhuginn og um-
hyggjan verði ekki eftir á bryggj-
unni, eins og í Noregi, heldur fylgi
fiskinum alla leið á markaðina.
Norskur sjávarútvegur verði að
átta sig á því að stórmarkaðakeðj-
urnar sækist eftir viðskiptum við
öflug fiskvinnslufyrirtæki. Sé það
ætlunin að halda sig við núverandi
samsetningu sjávarútvegsins í
Noregi, með mörg smá fyrirtæki
og strandveiðiflota sem aflar bróð-
urpartsins af þorski, ýsu og ufsa,
verði Norðmenn að finna svar við
þeirri þróun sem eigi sér stað á Ís-
landi. Hún byggist fyrst og fremst
á stöðugu flæði hráefnis, stöð-
ugleika í afhendingu afurða, en
einnig á því að afhenda úrvals
fisk. Það borgi sig og þeir sem
ekki geri það, beri skarðan hlut
frá borði.
Sjávarútvegur hvergi
betri en á Íslandi
Morgunblaðið/Hjörtur Gíslason
Karfinn handflakaður hjá Hamra-
felli í Hafnarfirði. Fyrirtækið sér-
hæfir sig í ferskum fiski og selur
beint til stórra kaupenda ytra.
ÞETTA HELST ...
VIÐSKIPTI
● STJÓRN Fjármálaeftirlitsins hefur
ráðið Jónas Fr. Jónsson forstjóra Fjár-
málaeftirlitsins frá
18. júlí að telja.
Jónas er fædd-
ur árið 1966.
Hann lauk emb-
ættisprófi í lög-
fræði frá Háskóla
Íslands, LL.M.-
prófi frá háskól-
anum í Cam-
bridge í Englandi
og MBA-prófi frá
Vlerick Leuven Gent Management
School í Belgíu. Þá hefur hann lokið
verðbréfamiðlaraprófi. Jónas hefur
mikla reynslu af alþjóðlegu samstarfi
og fimm ára reynslu sem fram-
kvæmdastjóri innra markaðssviðs
Eftirlitsstofnunar EFTA í Brüssel.
Jónas Fr. ráðinn
forstjóri FME
Jónas Fr. Jónsson
● HAGNAÐUR sænska fjárfestinga-
félagsins Carnegie á fyrri helmingi
ársins nam 346 milljónum sænskra
króna, sem samsvarar tæplega 2,9
milljörðum íslenskra króna. Eftir
skatt var hagnaður félagsins 239
milljónir, sem samsvarar tæplega 2
milljörðum íslenskra króna. Þetta
kemur fram í fréttatilkynningu frá fé-
laginu. Þar með jókst hagnaður á
fyrri helmingi ársins um 17% frá síð-
asta ári og hefur hann ekki verið
hærri síðan árið 2001 sem var besta
ár í sögu félagsins. Burðarás á
20,5% hlutafjár í Carnegie.
3 milljarða hagnaður
Carnegie
● ÚRVALSVÍSITALA Kauphallar Ís-
lands hækkaði í gær um 0,19% og er
nú 4.178,25 stig.
Heildarviðskipti í Kauphöllinni
námu 10,6 milljörðum króna, mest
með íbúðabréf fyrir um 6,7 milljarða.
Mestu hlutabréfaviðskiptin voru með
bréf KB banka fyrir tæpar 300 millj-
ónir.
Heildarvelta upp á
10,6 milljarða króna
● FORMLEGA hefur verið gengið frá
sölu á og greiðslu fyrir tæplega 2/3
eignarhlut Íslandsbanka í Sjóvá til
Milestone ehf, að því er segir í frétta-
tilkynningu. Hluthafafundur kaus
nýja stjórn Sjóvár en hana skipa
Bjarni Ármannsson, Benedikt Jó-
hannesson, Karl Wernersson, Guð-
mundur Ólason og Jón Scheving
Thorsteinsson.
Í tilkynningu frá Íslandsbanka seg-
ir að þar sem Sjóvá sé ekki lengur
dótturfélag bankans heldur hlut-
deildarfélag muni forstjóri Sjóvár,
Þorgils Óttar Mathiesen, ekki lengur
sitja í framkvæmdastjórn Íslands-
banka.
Formlega gengið frá
sölu Sjóvárhlutarins