Morgunblaðið - 16.07.2005, Blaðsíða 6
6 LAUGARDAGUR 16. JÚLÍ 2005 MORGUNBLAÐIÐ
FRÉTTIR
ÍS
LE
N
SK
A
AU
GL
†S
IN
GA
ST
OF
AN
/S
IA
.I
S
L
YF
2
84
55
06
/2
00
5
www.lyfja.is
- Lifið heil
EINU SINNI Á DAG Í EINA VIKU DREPUR FÓTSVEPPINN.
Lamisil gel
FÆST ÁN LYFSEÐILS
Lamisil er borið á einu sinni á dag í eina viku. Hreinsið og þurrkið sýkt svæði vel áður en borið er á. Bera skal
Lamisil á í þunnu lagi á sýkta húð þannig að það þeki allt sýkta svæðið. Lamisil er milt og veldur mjög sjaldan
húðertingu. Lamisil inniheldur terbinafin sem er sveppadrepandi (fungisid) efni og vinnur á sveppasýkingum í húð
af völdum húðsveppa, gersveppa og litbrigðamyglu (“lifrarbrúnir blettir”). Lamisil á ekki að nota gegn sveppa-
sýkingum í hársverði, skeggi eða nöglum nema samkvæmt læknisráði. Það má ekki nota ef þekkt er ofnæmi fyrir
terbinafini eða öðrum innihaldsefnum í Lamisil. Geymist þar sem börn hvorki ná til né sjá. Lesið vandlega
leiðbeiningarseðil sem fylgir hverri pakkningu.
Garðatorgi - Grindavík - Keflavík - Kringlunni - Lágmúla - Laugavegi - Setbergi - Smáralind - Smáratorgi - Spönginni -
Egilsstöðum - Höfn - Fáskrúðsfirði - Seyðisfirði - Neskaupstað - Eskifirði - Reyðarfirði - Ísafirði - Bolungarvík - Patreksfirði -
Borgarnesi - Grundarfirði - Stykkishólmi - Búðardal - Húsavík - Kópaskeri - Raufarhöfn - Þórshöfn - Sauðárkróki - Blönduósi -
Hvammstanga - Skagaströnd - Selfossi – Laugarási
ÞETTA er hærra ofan frá,“ segir
Karl Ingólfsson leiðsögumaður í
Adrenalíngarðinum sem verður opn-
aður í dag á Nesjavöllum við blaða-
mann og ljósmyndara Morgunblaðs-
ins. Þegar komið er upp í tíu metra
hátt trjávirkið, fetandi eftir tveimur
bitum sem titra undir skjálfandi
hnjánum verður blaðamanni sann-
leikur þessara orða ótvíræður. Tvö-
hundruð tonn af tré, steinsteypu og
stagvírum mynda öruggt umhverfi,
en blaðamaður er engu að síður
dauðskelfdur.
„Adrenalíngarðurinn er staður
þar sem fólki býðst virk afþreying,
en ekki bara að sitja og njóta. Hér er
fólk að vinna með sjálft sig. Það hef-
ur mikil áhrif á sálina að takast á við
óttann,“ segir Karl nokkrum mín-
útum áður, um leið og hann hjálpar
gestum að spenna á sig sigbelti og
hjálm. „Þetta er ekki endilega lík-
amlega erfitt, en þetta herðir all-
harkalega upp hugann.“
Rík áhersla á öryggi
Að loknum ítarlegum öryggisfyr-
irlestri er haldið upp súlu á pall, þar
sem taka við margar áhugaverðar og
miserfiðar þrautir. „Þetta er ekki
bara 100% öruggt heldur er þetta
vottað samkvæmt Evrópustaðli,“
segir Karl og bætir við að slysatíðnin
sé lægri en í fótbolta.
„Þetta væri ekkert mál ef þú vær-
ir að gera þessar þrautir niðri við
jörðina,“ segir Karl um leið og hann
lóðsar gesti sína um pallinn. Það er
án efa skondið að fylgjast með blaða-
manni feta hálfkjökrandi af loft-
hræðslu yfir bitana og faðma að lok-
um fagnandi eina af burðarsúlunum.
„Þetta snýst um að sigrast á tak-
mörkunum sínum, bæði líkamlegum
og ekki síður andlegum.“
Adrenalíngarðurinn, sem líkja má
við fullorðinsleikvöll í tíu metra hæð,
skiptist í tvennt. Annars vegar eru
einstaklingsþrautir en hins vegar er
hópeflisbraut. „Þrautirnar í hópefl-
isbrautinni er ekki hægt að leysa
einn, þá stranda menn bara og kom-
ast ekkert,“ segir Karl. „Í hópefl-
isþrautunum reynir á samvinnu allra
í hópnum. Hópefli er sérfag þar sem
maður er að vinna með hóp á mark-
vissan hátt að fyrirfram skilgreindu
markmiði. Það er ekki endilega það
að vera settur í þriðja bekk í Nissan
Patrol og hristast þar í sex tíma.“
Blaðamaður er óttaleg rola og læt-
ur sér nægja tvær léttar þrautir, en
ljósmyndari hreinlega gengur af
göflunum í þrautabrautunum og
þrammar hverja hindrunina á fætur
annarri af slíku öryggi að Karl vill
helst bjóða honum starf sem leið-
beinandi.
Að loknum þrekraununum fá fé-
lagarnir að prófa nokkurs konar
risarólu, þar sem viðkomandi er
hífður upp og sleppir síðan sjálfur.
Það er óhjákvæmilegt að öskra
„Yiha“.
Fjölbreytt afþreying
Samhliða Adrenalíngarðinum er
einnig boðið upp á kajakferðir, fjalla-
hjólaferðir, hellaferðir, fjalla- og ís-
klifur og ýmiss konar virka útivist.
Þá er boðið upp á nokkra mismun-
andi pakka, allt frá nokkrum einföld-
um þrautum og leikjum, sem taka
tæpa tvo klukkutíma upp í heilan
adrenalíndag með öllum pakkanum.
Adrenalíngarðurinn verður sem
áður segir opnaður í dag kl. 13 og er
14 ára aldurstakmark og 150 cm
hæðartakmark í herlegheitin.
Nýr „Adrenalíngarður“ verður opnaður á Nesjavöllum í dag
Morgunblaðið/Eyþór
Dagný B. Indriðadóttir tekst á við eina erfiðustu þrautina í Adrenalíngarð-
inum, en þar ríður á að vera aldrei á aðeins einu dekki.
Morgunblaðið/Eyþór
Karl Ingólfsson leiðsögumaður glímir við „Stundaglasið“, en í þeirri þraut
er glímt við afar lúmska breytingu á aðstæðum á miðri leið.
„Fullorðinsleikvöllur“ í tíu metra hæð
Eftir Svavar Knút Kristinsson
svavar@mbl.is
TENGLAR
.....................................................
www.adrenalin.is
BARNAGRAUTAR frá bandaríska
framleiðandanum Gerber eru nú
uppseldir í flestum verslunum
landsins. Í kjölfarið hefur innflytj-
andanum Íslensk-Ameríska borist
fjöldi fyrirspurna frá foreldrum.
Sölu á grautunum verður hætt af
þeirri ástæðu að mismunandi regl-
ur gilda um járnbætingu í barna-
mat í Bandaríkjunum og Evrópu.
Engar undantekningar eru veittar
frá reglunum.
Barnamatur í krukkum sem
Gerber framleiðir verður áfram
seldur hérlendis, þar sem samsetn-
ing hans er leyfileg samkvæmt
reglum Evrópusambandsins. Í stað
grautanna frá Gerber verða seldir
grautar frá Beauvais í Danmörku
en þeirrra má vænta í verslanir um
miðjan ágúst.
Gerber-grautar
bannaðir
LÖGREGLAN í Reykjavík lagði í
upphafi vikunnar hald á talsvert
magn af amfetamíni og e-töflum
þegar húsleit var gerð í íbúð í mið-
borginni.
Kona sem var handtekin í
tengslum við málið á mánudag var
úrskurðuð í átta daga gæslu-
varðhald en var sleppt í gær. Á mið-
vikudag var karlmaður handtekinn
grunaður um aðild að málinu og í
kjölfarið úrskurðaður í gæslu-
varðhald til 22. júlí.
Ásgeir Karlsson, yfirmaður fíkni-
efnadeildar lögreglunnar í Reykja-
vík, sagði í gær að ótímabært væri
að greina frá því hversu mikið
magn fíkniefna fannst við húsleit-
ina.
Lögðu hald
á amfetamín
og e-töflur
HREFNUVEIÐIBÁTURINN Dröfn
RE veiddi seint að kvöldi miðviku-
dags sjöttu hrefnuna sem fengist
hefur í sumar vegna hrefnurann-
sókna Hafrannsóknastofnunar-
innar. Síðdegis á fimmtudag
veiddi svo Halldór Sigurðsson ÍS
aðra hrefnu og hafa því alls feng-
ist sjö hrefnur.
Samkvæmt upplýsingum frá
Hafrannsóknastofnuninni var
hrefnan sem Dröfn RE veiddi 7,75
metra löng kýr og fékkst hún á
Faxaflóamiðum. Hrefnan sem
Halldór Sigurðsson ÍS veiddi var
5,99 metra löng kýr og veiddist á
Vestfjarðamiðum.
Slæmt veður var á miðunum í
gær og hamlaði það hrefnuveið-
um.
Sjö hrefnur
veiddar
TVEIR fulltrúar frá brasilíska
málmvinnslufyrirtækinu Rio Tinto
voru á ferðinni um Norður- og
Austurland í vikunni að skoða staði
undir álver og virkjanir. Fyrirtæk-
ið er meðal nokkurra sem sýnt hafa
því áhuga að reisa álver á Norður-
landi.
Embættismenn úr iðnaðarráðu-
neytinu og frá Landsvirkjun, þeir
Sveinn Þorgrímsson, Bjarni Már
Júlíusson og Garðar Ingvarsson,
voru með fulltrúum Rio Tinto í för
og sýndu þeim aðstæður í Mý-
vatnssveit, á Húsavík og við Kára-
hnjúka.
Samkvæmt upplýsingum úr iðn-
aðarráðuneytinu hafa engar form-
legar viðræður hafist við Rio Tinto
heldur var fyrst og fremst um
skoðunarferð að ræða. Starfsmenn
fyrirtækisins voru hér á landi á ál-
ráðstefnu í fyrra og vildu kynna sér
aðstæður betur frá fyrstu hendi.
Morgunblaðið/BFH
Fulltrúar frá Rio Tinto
skoðuðu álverskosti
FLEST bendir til þess að Verka-
lýðsfélag Akraness muni vísa deilu
félagsmanna sem starfa hjá fyr-
irtækinu Fangi til félagsdóms. Í
vikunni var haldinn fundur í
kjaradeilunni hjá ríkissáttasemj-
ara en hann var árangurslaus.
Fang ehf. var stofnað fyrir
þremur árum í þeim tilgangi að
sjá um ræstingu, mötuneyti, þrif
og launavinnslu hjá Íslenska járn-
blendifélaginu á Grundartanga.
Samtök atvinnulífsins telja að
kjarasamningur á hinum almenna
markaði, sem undirritaður var í
mars 2004, gildi fyrir starfsmenn
Fangs. Af þeirri ástæðu neita þeir
að gera sjálfstæðan kjarasamning
við starfsmenn Fangs eins og
verkalýðsfélagið hefur krafist. Fé-
lagið bendir á að starfsmennirnir
hafi unnið eftir kjarasamningi Ís-
lenska járnblendifélagsins í ára-
raðir og sá samningur sé útrunn-
inn. Starfsmenn hafa verið
boðaðir til fundar nk. mánudag
þar sem endanleg ákvörðun um að
vísa málinu til félagsdóms verður
væntanlega tekin.
Ætla að vísa deilu
til félagsdóms