Morgunblaðið - 16.07.2005, Qupperneq 26
26 LAUGARDAGUR 16. JÚLÍ 2005 MORGUNBLAÐIÐ
DAGLEGT LÍF | FERÐALÖG
G
uðlaug Pétursdóttir starfar hjá
Orkuveitunni og er meðlimur í
félagsskapnum VIMA sem er
vináttu- og menningarfélag Mið-
Austurlanda.
Í maí síðastliðnum fór hún ásamt tuttugu
og tveimur öðrum úr VIMA-félagsskapnum
til Jemens og Jórdaníu undir stjórn Jóhönnu
Kristjónsdóttur sem er formaður VIMA.
Hvað var skoðað í ferðinni?
„Fyrst fórum við til Jemen og dvöldum þar
í höfuðborginni Sana’a.
Þar skoðuðum við gamla bæinn sem er ein-
staklega fallegur. Síðan fórum við til miðhluta
Jemens, Taiz. Í ökuferð, einn daginn, upp Sa-
ber-fjall sáum við mörg gömul og áhugaverð
fjallaþorp. Einnig lá leiðin til hafnarborg-
arinnar Hodeidah við Rauða hafið, þar var
margt að sjá en merkilegast var skrautlegur
og skemmtilegur fiskmarkaður.“
Mesta ævintýrið fannst Guðlaugu þó að
fara út í eyðimörkina. „Úti í henni er bærinn
Sjibam sem kemur eins og skrattinn úr sauð-
arleggnum og er kallaður „Manhattan eyði-
merkurinnar“ og er hann samsettur af mikl-
um háhýsum.“
„Síðan fórum við yfir til Jórdaníu og vorum
þar í nokkra daga. Það sem stendur upp úr í
sambandi við Jórdaníu er Wadi Rum. Það er
eyðimörk og þar var hægt að sjá allskonar
kynjamyndir út úr landslaginu, birtan lék þar
við fjöll og sandhóla. Að skoða rósrauðu borg-
ina Petru var líka hreint ævintýri.
Við fórum einnig að Dauðahafinu og á
Nebo-fjall, þar sem sagt er að Móses hafi
horft yfir til fyrirheitna landsins og sé graf-
inn. Seinasta daginn skoðuðum við svo Jerash
sem er borg frá tímum Rómverja.
Annars var svo margt gert og mikið skoðað
að ferðasagan gæti verið endalaus.“
Hvernig var ferðin?
Guðlaug segir að ferðin hafi alveg staðið
undir væntingum hjá sér. „Þessi ferð til Jem-
ens og Jórdaníu var afskaplega góð, hún var
það góð að við værum til í að fara aftur eftir
nokkur ár til að meðtaka allt sem er þar í
boði. Við komumst nú yfir að skoða mikið en
samt fær maður bara smá nasasjón af lífinu
þarna.“
Hún segist hafa heillast meira af Jemen en
Jórdaníu en fólkið og náttúrufegurðin þar
komu henni á óvart. „Það tala allir um araba-
heiminn eins og hann sé ein heild en hann er
það ekki. Þetta er eins og segja að öll lönd
innan Evrópu séu eins.“
Árið 2003 fór Guðlaug til Sýrlands og Líb-
anon. Næsta land á stefnuskránni hjá henni
er Óman en þangað er hún að spá í að fara
ásamt vinkonum sínum á næsta ári.
HVAÐAN ERTU AÐ KOMA? | Guðlaug Pétursdóttir fór í vináttu- og menningarferð til arabalanda
Ferðasagan sem gæti verið endalaus
Vinkonur og ferðafélagar Guðlaugar í rós-
rauðu borginni Petru. Edda Ragnarsdóttir,
Þóra Jónsdóttir og Jóhanna Kristjónsdóttir.
Guðlaug Pétursdóttir með eyðimerkurborgina Sjibam, eða „Manhattan eyðimerkurinnar“ eins
og hún er kölluð, í baksýn. Enda fjöldi háhýsa sem prýðir þessa jemensku borg.
ingveldur@mbl.is
14.–17. júlí
Ísafjörður
Útivistarhátíð hófst á fimmtudag og
stendur alla helgina.
15.–17. júlí
Hrísey
Fullveldishátíð í Hrísey. Sjálfstæði lýst
yfir í eynni á fjölskylduhátíðinni eins og
venja er um þessa helgi.
15.–17. júlí
Blönduós
Fjölskylduhátíðin Matur og menning. 16.
júlí er svo Blönduhlaup.
16. júlí
Sauðárkrókur
Hafnardagur.
16. júlí
Drangnes
Bryggjuhátíð.
16.–17. júlí
Ólafsfjörður
Nikulásarmótið í knattspyrnu.
17. júlí
Strandir
Sauðfjársetrið á Ströndum stendur fyrir
sumarhátíð í Félagsheimilinu Sævangi
við Steingrímsfjörð.
17. júlí
Laufás
Starfsdagur. Heyskapur og fleira.
17. júlí
Árbæjarsafn
Harmonikkuhátíð.
18.–24. júlí
Vopnafjörður
Vopnaskak á Vopnafjarðardögum.
Á FERÐ UM LANDIÐ
Matarmenn-
ing og full-
veldishátíð
Morgunblaðið/Billi
Fullveldishátíð er í Hrísey um helgina.
Smálönd
Asa Herrgård sunnan við Jönköpin, en sagan segir
að þar hafi sjálfur Óðinn búið og að þar sé hann graf-
inn. www.asaherrgard.se
Möckelsnäs Herrgård á rætur að rekja til ridd-
aratímans, en byggt var við herrasetrið árið 1908. 22
herbergi eru í gömlu byggingunni og 32 í tveimur við-
byggingum. www.mockelsnasherrgard.se
Vestur-Gautland
Håveruds Herrgård er lítið 13 herbergja herra-
garðshótel með útsýni yfir Dalalandsskipaskurðinn.
www.mockelsnasherrgard.se
Vermaland
Sikfors Herrgård var reistur árið 1849 og er veit-
ingastaðurinn þekktur fyrir að matreiða úr vistvænu
hráefni samkvæmt uppskriftum úr héraðinu.
www.sikforsherrgard.se
Hennickehammars Herrgård er einn þekktasti
herragarður héraðsins fyrir margverðlaunaða matar-
gerð kokkanna í eldhúsinu.
www.hennickehammar.se
Vestmannaland
Kohlswa Herrgård er rétt norðan við Köping og á
rætur allt frá 16. öld, en núverandi aðalbygging var
reist í kringum 1860. Hliðarálman frá um 1700 var áð-
ur veiðihús Wallenbergs-fjölskyldunnar. www.ko-
hlswa-herrgard.se
Surhammars Herrgård líkist einna helst höll með
tveimur turnum og enskum garði. Boðið er upp á golf,
útreiðartúra og veiði. www.surhammarsherrgard.se
Suðurmannaland
Dufweholms Herrgård, rétt utan við Katrineholm
sunnan við Eskilstuna, er frá 14. öld. Herbergin eru 26
í tveimur byggingum, aðalbyggingu og eldri viðbygg-
ingu.
www.dufweholm.se
Ulvhälls Herrgård var reistur í lok 17. aldar við
Mälaren vestur af Stokkhólmi. Þar er, auk gistingar
og veitinga, boðið upp á súkkulaði- og viskísmökkun að
ógleymdri morðgátu sem gestir taka þátt í að leysa.
www.ulvhall.se
Í SVÍÞJÓÐ er víða boðið upp á gistingu
á óðalssetrum, þar sem stjanað er við
gestina. Við komuna er gjarnan boðið
upp á hressingu í djúpum stólum fram-
an við logandi eldstóna og ekki eru
rúmin af lakari gerðinni, stórar himna-
sængur. Í matsalnum bíða marg-
réttaðar máltíðir innan um gömul mál-
verk af virðulegum herramönnum.
Þessi lýsing á að sjálfsögðu ekki við um
öll óðalssetur sem taka á móti gestum,
en mörg þeirra.
Um 50–60 óðalssetur í Svíþjóð hafa
gengið í endurnýjun lífdaga og verið
gerð upp, og eru nú nýtt ýmist sem hót-
el, veitingastaðir og/eða ráðstefnuset-
ur á virkum dögum en um helgar er
boðið upp á rómantík, ævintýri, veiðar
og golf. Sum setrin hafa haldið í fyrri
glæsileika en önnur bera frekar svip-
mót af nýtískuhótelum eins og kemur
fram í ferðablaði í Aftenposten. Bent er
á nokkur óðalsetur og gefin upp net-
föng.
SVÍÞJÓÐ | Gisting á óðalssetrum
Himnasæng og marg-
réttaðar máltíðir
Hennickehammars Herrgård býður upp á gistingu í fallegu umhverfi.
Á SVÆÐINU milli Þjórsár og Ytri Rangár er
fjölmargt áhugavert að finna fyrir ferðafólk,
bæði gististaði og afþreyingu. Þar er hægt að
fara á s.k. Rúnt um Rangárþing og byrjar hann
þá við Þjórsá þar sem komið er inn í sýsluna.
Svo má rekja sig eftir bæjum og áhugamálum
og Rúnturinn endar svo inni á hálendinu.
Hægt er að staldra við á hinum ýmsu sveita-
bæjum, ýmist til að kynna sér hefðbundinn bú-
skap, ullarvinnu, fara í stangveiði, skoða gallerí,
trítla eftir kortlögðum gönguleiðum, skoða
huldufólksbyggð, nátttröll og álfabyggð, svo
fátt eitt sé nefnt.
Hestamennskan er allsráðandi í Rangárþingi
og margir bjóða upp á styttri útreiðartúra í
byggð eða lengri hestaferðir á hálendinu og
jafnvel er hægt að komast í þriggja daga
kvennaferð á hestbaki sem kallast Valkyrjuferð.
Einnig er boðið upp á ævintýraferðir ætlaðar
vel reiðfærum krökkum á aldrinum 10–14 ára.
Hestasala og reiðkennsla eru einnig í boði og
hinir dansglöðu geta lært grunnsporin í línu-
dansi. Sundlaug með öllum þægindum er á
Laugalandi og enginn má láta þrjá manngerða
hella framhjá sér fara, sem eru í Landsveitinni
fyrrverandi sem nú heitir Land, en í Hellnahelli
ku vera góður hljómburður og er hann því tilval-
inn staður til tónleikahalds eða söngs.
Rúnturinn í
Rangárþingi
Nánari upplýsingar á:
www.atvinnuferda.is