Morgunblaðið - 16.07.2005, Blaðsíða 33
MORGUNBLAÐIÐ LAUGARDAGUR 16. JÚLÍ 2005 33
UMRÆÐAN
Í FLESTUM jafnréttisumræðum
er reynt að finna blóraböggul fyrir
það sem hefur misfarist í baráttunni
um jafnan rétt einstaklingsins. Oftar
en ekki er fjölmiðlum, ríkinu og
einkafyrirtækjum kennt um. Of mik-
ið klám, auglýsingar „steríótýpa“
konur og karla, fyrirtæki borga ekki
jöfn laun og halda launum leyndum,
síðast en ekki síst þá „eru“ allar
stöður innan ríkisins klíkuráðningar.
Mín skoðun á jafnréttisumræðunni í
dag er sú að hún sé að missa vægi á
meðal almennings og þykir mörgum
hún vera eilífðarnöldur. Umræðan
er búin að hringsólast síðastliðin ár í
kringum sömu aðila. Það er tími
kominn á umræðu þar sem allir ein-
staklingar eru teknir til ábyrgðar en
ekki bara ríkið, fjölmiðlar og einka-
fyrirtæki.
Hvort sem þú ert kona eða karl,
móðir eða faðir, dóttir eða sonur,
áttu stóran þátt í því að markmið
jafnréttis náist. Ástæðan fyrir því að
misrétti er ennþá við lýði er sú að þú
ert ekki að gera nóg til að fólkið í
kringum þig njóti jafnréttis. Hvað
ert þú t.d. að gera sem
foreldri til að fræða
börnin þín um „kynja-
hlutverk“ og jafna
þátttöku stráka og
stúlkna í samfélaginu?
Hvað ert þú að gera
sem framkvæmda-
stjóri á vinnustað þín-
um til að fylgja full-
komnu jafnrétti? Hvað
ert þú gera sem jafn-
ingi gagnvart öðrum
til að jafnrétti náist?
Fyrirtæki og stofnanir
sem ég nefndi hér fyrr
stjórna sér ekki sjálf heldur eru kon-
ur og karlar þar við völd. Öll eruð
þið ábyrg fyrir því að
traðka ekki á rétti ann-
ars fólks, fræða starfs-
menn og viðskiptavini
um jafnréttismál. Þú
ert líka ábyrg/ur fyrir
því að fræða börnin þín
og ala þau upp sem ein-
staklinga en ekki kyn-
verur.
Mikilvægasta atriðið
er samt sem áður að
einstaklingar þurfa að
breyta viðhorfi sínu og
gömlum venjum til að
við náum fram jafnrétti
á meðal einstaklinga. Ef þú ert ein af
þeim konum sem leitar einungis til
karlkyns starfsmanna þegar þig
vantar hjálp við að kaupa tæknivör-
ur, eða mælir út frama-/fjölmiðla-/
stjórnmálakonur í sjónvarpinu og
lætur allt gossa um útlitið þá þarftu
að breyta viðhorfi þínu. Ef þú ert
einn af þessum körlum sem spáir
ekkert í því hvort börnin þín verða
sótt í leikskólann því að konan þín
gerir það hvort sem er eða dettur
ekki í hug að bjóða samstarfskonu
með í fótbolta einu sinni í viku þó svo
að þú vitir að hún spilaði fótbolta í
mörg ár þá þarftu að breyta viðhorfi
þínu.
Dæmin hér á undan virðast létt-
væg í augum margra en með hverri
viðhorfsbreytingu náum við lengra í
átt að fullkomnu jafnrétti. Við
gleymum okkur of oft í því að finna
einhvern til að skella skuldinni á. Í
staðinn þurfum við að hvetja ein-
staklinga til aðgerða. Settu þig í
spor einstaklingsins og breyttu við-
horfi þínu. Þú hefur áhrifamikla
rödd sem þarf að heyrast á meðal
okkar, nýttu hana!
Breyttu viðhorfi þínu!
Camilla Ósk Hákonardóttir
fjallar um jafnrétti
’Dæmin hér á undanvirðast léttvæg í augum
margra en með hverri
viðhorfsbreytingu náum
við lengra í átt að full-
komnu jafnrétti.‘
Camilla Ósk
Hákonardóttir
Höfundur er nýkjörinn formaður
Hvatar – Sjálfstæðra kvenna í
Reykjavík.
Sturla Kristjánsson: Bráð-
ger börn í búrum eða á af-
girtu svæði munu naumast
sýna getu sína í verki; þeim
er það fyrirmunað og þau
munu trúlega aldrei ná þeim
greindarþroska sem líf-
fræðileg hönnun þeirra gaf
fyrirheit um.
Kristján Guðmundsson: Því
miður eru umræddar reglur
nr. 122/2004 sundurtættar af
óskýru orðalagi og í sumum
tilvikum óskiljanlegar.
Sigurjón Bjarnason gerir
grein fyrir og metur stöðu og
áhrif þeirra opinberu stofn-
ana, sem heyra undir sam-
keppnislög, hvern vanda þær
eiga við að glíma og leitar
lausna á honum.
Þorsteinn H. Gunnarsson:
Nauðsynlegt er að ræða þessi
mál með heildaryfirsýn og
dýpka umræðuna og ná um
þessi málefni sátt og með
hagsmuni allra að leiðarljósi,
bæði núverandi bænda og
fyrrverandi.
Dr. Sigríður Halldórsdóttir:
Skerum upp herör gegn
heimilisofbeldi og kortleggj-
um þennan falda glæp og
ræðum vandamálið í hel.
Svava Björnsdóttir: Til þess
að minnka kynferðisofbeldi
þurfa landsmenn að fyr-
irbyggja að það gerist. For-
varnir gerast með fræðslu al-
mennings.
Jóhann J. Ólafsson: „Lýð-
ræðisþróun á Íslandi hefur,
þrátt fyrir allt, verið til fyr-
irmyndar og á að vera það
áfram.“
Pétur Steinn Guðmunds-
son: „Þær hömlur sem settar
eru á bílaleigur eru ekki í
neinu samræmi við áður
gefnar yfirlýsingar fram-
kvæmdavaldsins, um að
skapa betra umhverfi fyrir
bílaleigurnar.“
Aðsendar greinar á mbl.is
www.mbl.is/greinar
Við erum sérfræðingar í útimálningu
Útsölusta›ir Málningar: Byko Kópavogi • Byko Hringbraut • Litaver Grensásvegi • Byko Hafnarfir›i • Málningarbú›in Akranesi
Byko Akranesi • Axel fiórarinsson, málarameistari, Borgarnesi • Verslunin Hamrar, Grundarfir›i • Litabú›in Ólafsvík
Núpur byggingavöruverslun Ísafir›i • Vilhelm Gu›bjartsson, málarameistari, Hvammstanga • Verslunin Eyri, Sau›árkróki
Byko Akureyri • Verslunin Valberg, Ólafsfir›i • Byko Rey›arfir›i • Verslunin Vík, Neskaupsta› • Byko Selfossi
Mi›stö›in Vestmannaeyjum • Byko Keflavík • Rúnar Sig. Sigurjónsson, málarameistari, Grindavík
KÓPAL STEINTEX er frábær málning til notkunar á múr og
steinsteypta fleti þar sem krafist er mikils veðrunarþols.
KÓPAL STEINTEX er fáanleg í þúsundum lita.
Hentar einkar vel til endurmálunar.
KÓPAL STEINTEX
Hörkutilboð
10 lítrar
aðeins
5.990 kr.
4 litir, hvítt, marmarahvítt, hrímhvítt og antikhvítt
Útimálning fyrir íslenskar aðstæður
Nýtt útilitakort á næsta sölustað