Morgunblaðið - 17.08.2005, Blaðsíða 2

2 MIÐVIKUDAGUR 17. ÁGÚST 2005 MORGUNBLAÐIÐ
FRÉTTIR
BAUGSMÁL ÞINGFEST
Baugsmálið svonefnda verður
þingfest fyrir Héraðsdómi Reykja-
víkur í dag, og fá þá sakborningarnir
sex að tjá sig um sekt sína eða sak-
leysi við dómara, en þeir hafa allir
lýst yfir sakleysi opinberlega.
Gyðingar frá Gaza
Ljúka átti lokun gyðingabyggða á
Gaza í gærkvöldi. Nokkur þúsund
gyðingar höfðu neitað að verða við
tilmælum ísraelskra stjórnvalda að
yfirgefa heimili sín sjálfviljugir og
var því ætlunin að Ísraelsher fjar-
lægði fólkið með valdi. Var gert ráð
fyrir að byrjað yrði á því við sólar-
upprás í dag. Talsverður hópur gyð-
inga hafði komið frá Ísrael til að lið-
sinna íbúum gyðingabyggðanna í
gærkvöldi og sló í brýnu milli land-
nemanna og hermannanna.
Ljósabrýr á Miklubraut
Framkvæmdir við uppsetningu
fyrstu umferðarljósabrúa á landinu
eru nú að hefjast á gatnamótum
Miklubrautar og Kringlumýrar-
brautar. Brýrnar munu standa í
rúmlega 6 metra hæð og verða um
20 metrar á breidd.
160 fórust í flugslysi
160 manns biðu bana þegar kól-
umbísk flugvél fórst í Venesúela í
gær. Allir farþegar vélarinnar voru
frá eyjunni Martinique í Karíbahaf-
inu og franskir ríkisborgarar en átta
manna áhöfnin var frá Kólumbíu.
Tímalásar á lyfjaskápum
Verið er að taka í notkun nýja ör-
yggisskápa með tímalásum í versl-
unum lyfjakeðjunnar Lyfju, en þar
verða ávanabindandi lyf geymd. Eru
þetta viðbrögð við ránum í sumar.
Y f i r l i t
Í dag
Fréttaskýring 8 Viðhorf 22
Viðskipti 12 Umræðan 22/23
Erlent 14 Minningar 24/26
Minn staður 15 Myndasögur 28
Akureyri 16 Dagbók 28/32
Höfuðborgin 16 Víkverji 28
Suðurnes 17 Staður og stund 30
Landið 17 Bíó 34/37
Daglegt líf 18 Ljósvakamiðlar 38
Menning 19, 33/37 Veður 39
Forystugrein 26 Staksteinar 39
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Skarphéðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkju-
starf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is

 




 


 
 



  

 

  

 


 


 !

"
# 
$
%  



 
 

 
 

 

& 

 
 

'() *

 +,,,
 




 
 
 


 





 


 
 
 

 

 
LAGALEG staða samkynhneigðra verður sú sama
og gagnkynhneigðra verði frumvarp ríkisstjórnar-
innar um málefni samkynhneigðra samþykkt á Al-
þingi í haust, að mati Hrafnhildar Gunnarsdóttur,
formanns Samtakanna ’78. Hún segir að það eina
sem eftir standi séu hjónavígslur hjá trúfélögum
landsins.
Halldór Ásgrímsson forsætisráðherra kynnti
frumvarp sem verið er að semja á ríkisstjórnar-
fundi í gær, og var samþykkt að frumvarpið yrði
lagt fram á haustþingi. Á minnisblaði, sem lagt var
fram á fundinum, kemur fram að forsætisráðuneyt-
ið hafi undanfarið haft til athugunar hvernig fylgja
beri eftir skýrslu nefndar um réttarstöðu samkyn-
hneigðra sem lauk störfum haustið 2004.
Meðal þess sem nefndin lagði til var að samkyn-
hneigð pör geti skráð sig í óvígða sambúð með sömu
réttaráhrifum og gagnkynhneigð pör. Einnig var
lagt til að þar sem sambúð konu og karls hefur sér-
stök réttaráhrif, t.d. á vettvangi vinnumarkaðsrétt-
ar, skattamála, almannatrygginga og félagslegrar
aðstoðar, yrði lögum breytt þannig að þau næðu
einnig til samkynhneigðra para í sambúð. Einnig að
fellt yrði niður búsetuskilyrði laga um staðfesta
samvist þess efnis að annar einstaklinganna þurfi
að vera íslenskur ríkisborgari með fasta búsetu hér
á landi.
Nefndin klofin
Nefndin gerði það einnig að tillögu sinni að sam-
kynhneigðum pörum í staðfestri sambúð yrði heim-
ilað að frumættleiða íslensk börn, en klofnaði í af-
stöðunni til þess hvort gera ætti samkynhneigðum
kleift að ættleiða börn frá útlöndum. Einnig klofn-
aði nefndin í afstöðu sinni til þess hvort heimila ætti
tæknifrjóvgun tveggja kvenna í staðfestri sambúð.
Þrátt fyrir að nefndin hafi klofnað í tveim mála-
flokkum verður það gert að tillögu ríkisstjórnarinn-
ar í frumvarpi hennar að réttindi samkynhneigðra
verði hin sömu og gagnkynhneigðra í öllum ofan-
töldum atriðum, að því er fram kemur á minnis-
blaðinu sem kynnt var í ríkisstjórn í gær.
„Það er mjög ánægjulegt að ríkisstjórnin ætli að
taka af skarið með að leiðrétta þetta lagalega mis-
rétti sem viðgengst enn gagnvart samkynhneigð-
um,“ segir Hrafnhildur. Hún segir að frá því
skýrsla nefndarinnar kom fram hafi verið beðið eft-
ir þessu frumvarpi, enda ekki víst hvaða afstöðu
ríkisstjórnin myndi taka, t.d. hvað varðar þau atriði
sem ekki var samkomulag um í nefndinni.
Fullnaðarsigur unninn
Hrafnhildur segir mjög mikilvægt að forsætis-
ráðherra hafi tekið af skarið með að öll réttindi
verði að vera jöfn. „Það þarf að ganga hreint til
verks vegna þess að ef það er tvískinnungur ein-
hvers staðar er ennþá grundvöllur fyrir því að búið
sé að fordómum í þessu samfélagi, og þeim viljum
við eyða.“
Ef frumvarp á þeim nótum, sem forsætisráð-
herra kynnti í gær, verður að lögum er fullnaðarsig-
ur unninn í baráttunni fyrir því að samkynhneigð-
um sé ekki mismunað í lögum, segir Hrafnhildur.
Það eina sem standi eftir þá séu hjónavígslur hjá
trúfélögum í landinu, og því sé um að gera að taka af
skarið í þeim málum líka.
Stjórnarfrumvarp sem jafnar stöðu samkynhneigðra lagt fram á haustþingi
Lagaleg staða fólks verði
hin sama óháð kynhneigð
Eftir Brján Jónasson
brjann@mbl.is
ÞÝSKA skákforritið Shredder varði
í gærkvöldi heimsmeistaratitil sinn í
hraðskák á Heimsmeistaramóti
skákforrita sem fram fer í Háskól-
anum í Reykjavík þessa dagana.
Forritið tapaði reyndar fyrstu
skák mótsins vegna mannlegra mis-
taka höfundar þess, sem færði vit-
lausan hrók á skákborðinu, og var
skákin því sjálfkrafa töpuð. Shredd-
er tókst hins vegar að vinna alla and-
stæðinga sína eftir það, og var loka-
skákin við forritið Zappa frá
Bandaríkjunum úrslitaskákin.
Forritin berjast enn um heims-
meistaratitilinn í kappskák, en
keppni í þeirri grein lýkur ekki fyrr
en á sunnudag.
Skákforrit ver heimsmeistaratitil
Morgunblaðið/ÞÖK
„ÞAÐ kom ekkert annað til greina
af minni hálfu og ég geri ráð fyrir
því að flestir félaga minna í lögregl-
unni hefðu gert hið sama í mínum
sporum,“ segir lögreglukona sem
hljóp uppi töskuþjóf við Háteigsveg
í fyrradag eftir að hann hrifsaði
tösku af óléttri konu við veitinga-
stað í Skipholti.
Umrædd lögreglukona hefur ver-
ið í lögreglunni í á annan áratug en
er nú í barneignarleyfi og var –
óeinkennisklædd eins og vænta
mátti – fyrir tilviljun stödd við veit-
ingastaðinn þegar hún veitti pilti um
tvítugt fyrir utan staðinn eftirtekt.
„Hann var í annarlegu ástandi og
mér fannst hann vera að reyna að
ná axlartösku af konu á leið inni í
verslun þarna. Hún slapp þó inn og
hann fór á eftir henni en staðnæmd-
ist í anddyrinu og kom strax út aft-
ur. Skömmu seinna lögðu maður og
kona bíl sínum nálægt bílnum mín-
um,“ sagði hún en nafn hennar verð-
ur ekki tilgreint að hennar ósk. Um-
ræddur lögregluþjónn sagði konuna
greinilega hafa verið ólétta og pilt-
urinn hafi undið sér að henni og
byrjað að toga í tösku hennar. „Ég
hljóp þá öskrandi út úr bílnum mín-
um og elti manninn þegar hann tók
til fótanna.“ Með í eftirförinni var
eiginmaður konunnar og stuttu
seinna játaði piltur sig sigraðan.
„Ég náði taki á honum og tókst að
klóra símann upp úr töskunni á
meðan á stimpingunum stóð og
hringdi í lögregluna.“ Pilturinn
reyndi að brjótast um en varð ekki
ágengt. Ekki var um alvarlega mót-
spyrnu að ræða. Einkennisklæddir
lögreglumenn komu stuttu síðar á
vettvang og tóku piltinn í sína
vörslu.
Lögregluþjónninn segir að ekkert
annað hafi komið til greina en að
bregðast við með þeim hætti sem
gert var og bætti því við að flestir
hefðu líklega gert hið sama, lög-
reglumenn jafnt sem borgarar.
Hljóp öskrandi út úr bíln-
um og elti töskuþjófinn
JÓN Ásgeir Jóhannesson, forstjóri
Baugs, sagði í viðtali í fréttaþættin-
um Kastljósi í Sjónvarpinu í gær-
kvöldi að hann
teldi engar líkur á
því að hann eða
aðrir sakborning-
ar í Baugsmálinu
yrðu sakfelldir.
„Ég treysti
dómstólum,“
sagði Jón Ásgeir.
Aðspurður hvort
hann treysti því
að hann fengi
sanngjarna meðferð fyrir dómi sagði
Jón Ásgeir: „Já, ég ætla að vona
það.“ Spurður um hvort það sama
ætti við um Hæstarétt, þar sem Jón
Steinar Guðlaugsson hæstaréttar-
dómari situr, sagði Jón Ásgeir: „Þar
er ég ekki eins viss.“ Hann sagði þó
ljóst að Jón Steinar væri óhæfur í
þessu máli, en alltaf væri tortryggi-
legt þegar einn eða tveir dómarar
þyrftu að víkja úr Hæstarétti vegna
mála sem dómurinn þyrfti að fjalla
um.
Treystir
héraðsdómi
en síður
Hæstarétti
Jón Ásgeir
Jóhannesson
ALDREI hafa verið fleiri flett-
ingar og innlit á mbl.is heldur en í
síðustu viku, frá 8. til 14. ágúst.
Alls voru flettingar 11.152.369 í
1.281.170 innlitum. Notendur voru
169.026 og hafa áður verið ívið
fleiri.
Mest notaði vefhluti mbl.is er
forsíðan, en 145.216 stakir notend-
ur lásu hana í vikunni.
Metaðsókn
að mbl.is
STAÐAN á toppnum á Skákþingi Ís-
lands hélst óbreytt eftir skákir gær-
dagsins.
Stefán Kristjánsson og Hannes
Hlífar Stefánsson unnu báðir skákir
sínar og eru efstir og jafnir með
fimm vinninga.
Óbreytt staða
efstu manna
♦♦♦
♦♦♦