Morgunblaðið - 17.08.2005, Blaðsíða 18

18 MIÐVIKUDAGUR 17. ÁGÚST 2005 MORGUNBLAÐIÐ
DAGLEGT LÍF
Hellur
steinar
borðinu
skuluð þið þekkja þær
Á yfir-
HELLUR STEYPA RÖR MÚRVÖRUR EININGAR
Reykjavík: Malarhöf›a 10 - S. 540 6800
Hafnarfir›i: Hringhellu 2 - S. 540-6855
Selfossi: Hrísm‡ri 8 - S. 540 6881
www.steypustodin.is
Hellur og steinar fást einnig í
verslunum BYKO

 
 

  
F
A
B
R
I
K
A
N








       
Sumarið & garðurinn
Dóra Sigfúsdóttir býr íSmáranum og prjónarskemmtilegan fatnað.Hún hefur undanfarin
átta ár verið með bás á Hrafnagili í
Eyjafirði en þar hittist handverksfólk
alls staðar að af landinu og selur
vörur sínar eina helgina í ágúst.
Dóra komst þó ekki í ár. Hún selur
því fallegu ullarsjölin sín þeim sem til
hennar leita og hefur einnig verið
með vörur til sölu í
Víkurprjóni í
Hafnarstræti.
„Ég prjóna allt
mögulegt; vett-
linga, húfur,
skó, minni
sjöl og
hyrnur, allt
undir merkinu
mínu „Dora’s de-
sign“,“ segir Dóra og sýn-
ir mér bleika merkið sem er
að finna innan á hlýrri ull-
arhúfunni sem ég held á.
Hún tekur fram stóra tösku sem er
full af alls konar ullarvörum. „Ég hef
svolítið mikið af dóti núna þar sem ég
kemst ekki í Hrafnagil en sel það með
glöðu geði. Hingað komu tvær konur
að norðan um daginn og keyptu beint
af mér,“ segir hún.
Dóra segist hafa prjónað alveg frá
því hún var barn. „Ég lærði að prjóna
hjá systur minni þegar ég var sjö ára
og hef prjónað meira og minna síðan.
Fyrst prjónaði ég á sjálfa mig, svo á
börnin mín og nú er ég með mína eig-
in hönnun,“ segir hún.
Ullarsjöl Dóru eru ansi skemmti-
leg, enda eru þau blanda af ullarsjali
og hlýrri peysu en þau hannaði hún
sjálf. Hún hlaut þá viðurkenningu frá
samtökum hönnuða fyrir peysu sem
hún prjónaði fyrir nokkrum árum og
segist myndu vilja taka virkari þátt í
starfsemi samtakanna en það sé erfitt
þar sem hún noti ekki tölvu-
póst.
Dóru finnst lang-
skemmtilegast að
notast við íslenska
lopann þótt hún
prjóni líka úr öðr-
um efnum eins og
silki. „Íslenska ullin er
bara svo dásamleg,“ segir
hún sannfærandi.
Dóra er líka dugleg að
miðla kunnáttunni til annarra
enda finnst henni að allar konur ættu
að kunna eitthvað í handavinnu. „Ég
finn til þegar ég heyri konur segja að
þær kunni ekki að hekla,“ segir hún.
Sjálf hefur hún verið leiðbeinandi í
handavinnu á Vesturgötu 7 hjá Þjón-
ustumiðstöð aldraðra og heldur
prjóna- og heklunámskeið fyrir
áhugasama.

HANDAVINNA | Hannar prjónaðar flíkur af ýmsum gerðum
Finnur til þegar hún heyrir kon-
ur segjast ekki kunna að hekla
Toppur og húfa úr gylltu silkigarni
sem Dóra fékk á Spáni.
Morgunblaðið/Árni Torfason
Ekki verður manni kalt á tánum í hlýjum ullarskóm.
Ullarhúfa með fallegri rós, en rósin
er eitt aðalsmerki Dora’s design.
Dóra Sigfúsdóttir í eigin hönnun –
sjölin eru flott og funheit.
Heimaprjónaðar flíkur settu óneitanlega lengi svip
sinn á klæðaburð landans, þó að þeim hafi nú fækk-
að mikið sem leggja stund á þessa handavinnu.
Sara M. Kolka hitti konu sem prjónar af lífi og sál.
sara@mbl.is
„FÓLK treystir þessum bað-
sætum allt of mikið og heldur
að þetta sé öryggisbúnaður,
sem þetta er ekki því þessi bað-
sæti eru aðeins til að aðstoða
fólk við að baða börnin,“ segir
Herdís L. Storgaard hjá Lýð-
heilsustöð. Nýlega var fimm
mánaða gamalt barn hér
á landi nærri
drukknað þeg-
ar litið var
af því þar
sem það
sat í bað-
sæti. Bað-
sætið, sem fest
er við baðkarið með
sogkoppum, losnaði
með þeim afleið-
ingum að barninu
hvolfdi ofan í
vatnið. Herdís
segir sogkopp-
ana á sætunum
alls ekki halda
vel. „Það þarf litla
hreyfingu hjá barninu
svo þeir losni frá og annað,
sem fólk áttar sig ekki á, er að
sogkopparnir verða sápumett-
aðir með tímanum og missa sog-
kraftinn. Það er þess vegna sem
það má ekki undir nokkrum
kringumstæðum skilja barnið
eftir eitt augnablik.“
Sætin aðeins hjálparbúnaður
Slysið sem átti sér stað um
daginn er fyrsta alvarlega slysið
sem Herdís fær fregnir af en
hún veit hins vegar að það hafa
orðið dauðaslys vegna svona
baðsæta í nágrannalöndunum.
„Það er mikil umræða í Evrópu
um þennan búnað því að notkun
hans hefur svo mikla hættu í för
með sér. Og hættan felst fyrst
og fremst í því að fólk treystir
vörunni of mikið og víkur frá
barninu eitt augnablik eins og
gerðist í tilfellinu hér á landi,“
segir Herdís.
Ekki er mælt með því að börn
sem ekki geta setið óstudd noti
baðsætið, oft er miðað við að
barnið sé orðið sex mánaða.
Hætta skal notkun baðsætis
þegar barnið getur staðið upp
án hjálpar. Ástæða þess er sú
að börn sem geta staðið upp
óstudd eru orðin það styrk að
þau geta haft áhrif á virkni sog-
koppana með þeim afleiðingum
að þeir losna frá baðkarinu.
Herdís segir slysin í baðsæt-
um gerast á tvenns konar hátt;
barnið buslar mikið eða hallar
sér fram svo sætið losnar og
barnið steypist fram fyrir sig.
Og fólk setur of ung börn í sæt-
in svo þau renna niður úr þeim
og ofan í vatnið. Herdís leggur
áherslu á
að
sætin séu
aðeins hjálparbúnaður við böð-
un og séu þau notuð rétt og
undir stöðugu eftirliti eigi þau
að vera í lagi.
Henta ekki í öll baðkör
Fjóla Guðjónsdóttir hjá Neyt-
endastofu segir að það eigi að
fylgja leiðbeiningar með öllum
keyptum baðsætum og þar komi
fram hvernig á að nota þau, fyr-
ir hvaða aldursflokka þau eru,
hvernig á að hreinsa þau og
upplýsingar um eftirlit. Á flest-
um baðsætum eru líka strik sem
sýna hvað vatnið má ná hátt
upp á þau. Hún segir þó að því
miður séu leiðbeiningarnar yf-
irleitt ekki á íslensku.
Þegar baðsæti er notað er
mikilvægt að baðkarið og sog-
kopparnir á sætunum séu
hreinsaðir með efni sem ekki
skilur eftir sig fitu- eða sápulag.
Aldrei má nota baðsæti á hálu
yfirborði eða í halla og hafa ber
í huga að ekki er hægt að nota
baðsæti í öllum baðkörum.
Hætta á að nota baðsætið um
leið og virkni sogkoppana
minnkar eða þeir skemmast. En
fyrst og fremst ber fólki að hafa
í huga að baðsæti eru ekki ör-
yggisbúnaður og ekki má sleppa
augunum af börnum í sætunum.

BAÐSÆTI |Ekki má líta af börnunum
Röng notkun baðsæta
getur verið hættuleg
Eftir Ingveldi Geirsdóttur
ingveldur@mbl.is