Morgunblaðið - 17.08.2005, Blaðsíða 32
32 MIÐVIKUDAGUR 17. ÁGÚST 2005 MORGUNBLAÐIÐ
DAGBÓK
9. sýn. sun. 21/8 kl. 14 nokkur sæti laus
10. sýn. sun. 28/8 kl. 16 sæti laus
11. sýn. fim. 1/9 kl. 19 sæti laus
Kabarett
í Íslensku óperunni
Næstu sýningar
Föstudaginn 19. ágúst - UPPSELT
Laugardaginn 20. ágúst kl. 20.00
Föstudaginn 26. ágúst kl. 20.00
Laugardaginn 27. ágúst kl. 20.00
Sunnudaginn 28. ágúst - Örfá sæti laus
Miðar í síma 511 4200, og á www.kabarett.is
Leikhópurinn Á senunni í samstarfi við SPRON
“Söngur Þórunnar
er í einu orði sagt
stórfenglegur...”
SH, Mbl.
Staðurogstund
http://www.mbl.is/sos
Félagsstarf
Bólstaðarhlíð 43 | Almenn handa-
vinna, böðun, fótaaðgerð, spilað
bridge/vist.
Dalbraut 18–20 | Kl. 9–11 kaffi og
dagblöð, kl. 9–16.45 hárgreiðslu-
stofan opin, kl. 11.15–12.15 matur, kl.
14.40 ferð í Bónus.
Ferðaklúbbur eldri borgara | 23.
ágúst er dagsferð í Landmannalaug-
ar. Uppl. í síma 892 3011.
Félag eldri borgara í Kópavogi |
Skrifstofan er opin í dag kl. 10 til 11.30
og viðtalstími í Gjábakka kl. 15 til 16.
Félagsvist er spiluð í dag í Gjábakka
kl. 13.
Félag eldri borgara, Reykjavík |
Dagsferð 25. ágúst: Reykjaness-
skagi. Ekið um Vatnsleysuströnd og
Voga, Jarðfræðisafnið Svartsengi
skoðað, og Saltfisksetrið, ekið að
Reykjanesvita, Garðskagavita. Dags-
ferð 30. ágúst: Krýsuvík, Selvogur,
Flóinn. Komið við m.a. í Krýsuvík,
Herdísarvík, Strandarkirkju og Þor-
lákshafnarkirkju. Uppl. í síma
588 2111.
Félagsstarf Gerðubergs | Kl. 9–16.30
vinnustofur opnar, frá hádegi spila-
salur opinn. Allar uppl. á staðnum og í
síma 575 7720.
Hraunbær 105 | Kl. 9 kaffi, spjall,
dagblöðin, kl. 9 fótaaðgerð, kl. 10
pútt, kl. 11 banki, kl. 12 hádegismatur,
kl. 13 brids, kl. 15 kaffi.
Hraunsel | Moggi, rabb og kaffi kl. 9.
Línudans kl. 11, Sigvaldi mætir. Pílu-
kast kl 13.30.
Hvassaleiti 56–58 | Samverustund
kl. 10.30. Böðun virka daga fyrir há-
degi. Hádegisverður. Bingó kl. 14, spil-
aðar 6 umferðir, kaffi og meðlæti.
Fótaaðgerðir 588 2320. Hársnyrting
517 3005.
Hæðargarður 31 | Félagsstarfið er
öllum opið. Púttvöllur alltaf opinn.
Listasmiðja og Betri stofa kl. 9–16.
Morgunkaffi, hádegisverður og síð-
degiskaffi. Dagblöðin liggja frammi.
Fótaaðgerðarstofa 897 9801. Hár-
greiðslustofa 568 3139. Skráningu er
að ljúka fyrir haustönn. Uppl.
568 3132.
Norðurbrún 1 | Kl. 9–16.30 opin
vinnustofa, kl. 9 smíði, kl. 9 fótaað-
gerð, kl. 14 félagsvist, kaffi, verðlaun.
Vesturgata 7 | Kl. 9–16 hárgreiðsla
og fótaaðgerðir. Kl. 10–12 sund. Kl.
11.45–12.45 hádegisverður. Kl. 12.15–
14 verslunarferð í Bónus, Holtagörð-
um. Kl. 13–14 videó/ Spurt og spjallað.
Kl. 14.30–15.45 kaffiveitingar.
Vitatorg, félagsmiðstöð | Smiðja kl.
8.45, handavinnustofan opin, böðun,
verslunarferð kl. 12.30.
Kirkjustarf
Bessastaðasókn | Foreldramorgnar
frá kl. 10–12. Förum gangandi kl. 10 frá
Haukshúsum í heimsókn á vinnustofu
leirlistakonunnar Steinunnar Helga-
dóttur í Leirkrúsinni, Hákotsvör 9,
Álftanesi.
Breiðholtskirkja | Kyrrðarstund alla
miðvikudaga kl. 12. Tónlist, hugvekja,
fyrirbænir. Kaffisopi eftir stundina.
Dómkirkjan | Bænastund alla mið-
vikudaga kl. 12.10–12.30. Léttur há-
degisverður á kirkjuloftinu á eftir.
Garðasókn | Foreldramorgnar hvern
miðvikudag í sumar kl. 10 til 12.30.
Gott tækifæri fyrir mömmur og börn
að hittast og kynnast. Allir velkomnir,
pabbar og mömmur, afar og ömmur.
Alltaf heitt á könnunni.
Hallgrímskirkja | Morgunmessa kl. 8
árdegis alla miðvikudaga. Hugleiðing,
altarisganga. Einfaldur morg-
unverður í safnaðarsal eftir messuna.
Hjálpræðisherinn á Akureyri | Bæn
miðvikudaga kl. 12. Allir velkomnir.
Hvítasunnukirkjan Fíladelfía |
Bænastund kl. 20. Einnig er bæna-
stund alla virka morgna kl. 07–08.
Allir velkomnir. www.gospel.is.
Kristniboðssalurinn | Samkoma í
Kristniboðssalnum, Háaleitisbraut
58–60, miðvikudagskvöld kl. 20.
Ræðumaður er Ragnar Gunnarsson.
Kaffi eftir samkomuna. Allir eru vel-
komnir.
1. e4 c5 2. Rf3 e6 3. d4 cxd4 4. Rxd4
Rc6 5. Rc3 Dc7 6. Be3 Rf6 7. Dd2
Bb4 8. f3 Rxd4 9. Dxd4 Bxc3+ 10.
bxc3 b6 11. Bc1 e5 12. Dd2 O-O 13.
Ba3 He8 14. Bb5 a6 15. Bd6 Da7 16.
Bc4 b5 17. Bb3 Bb7 18. O-O-O a5 19.
a3 Hac8 20. g4 Hc6 21. g5 Rh5
Staðan kom upp á öflugu al-
þjóðlegu móti sem lauk fyrir skömmu
í Biel í Sviss. Andrei Volokitin (2671)
hafði hvítt gegn Yannick Pelletier
(2603). 22. Bxe5! Dc5 22… Hxe5
gekk ekki upp vegna 23. Dxd7 Db8
24. Bxf7+ og hvítur vinnur. 23. Dxd7
Dxe5 24. Bxf7+ Kf8 25. Bxe8 Hc7
26. Dd8 Df4+ 27. Kb1 Hc8 28. Db6
og svartur gafst upp enda staða hans
að hruni komin.
SKÁK
Helgi Áss Grétarsson | dagbok@mbl.is
Hvítur á leik.
ELVAR Logi Hannesson heldur í
dag fertugustu sýninguna á einleik
sínum um Gísla Súrsson.
Sýningin byggist á Íslendingasög-
unni vinsælu en leikritið samdi Elv-
ar ásamt Jóni Stefáni Kristjánssyni
sem jafnframt er leikstjóri verksins.
„Við höfum sýnt verkið frá því um
miðjan febrúar,“ segir Elvar sem
hefur miðstöð á Ísafirði. „Við höfum
sýnt einleikinn víða, síðast á Egils-
stöðum og Stokkseyri. Ég hef líka
flutt sýninguna á ensku fyrir ferða-
menn sem hafa sótt okkur heim
hingað á Ísafjörð. Svo hef ég flutt
leikritið hér fyrir vestan og flutt það
í öllum grunnskólum á Vest-
fjörðum.“
Þó sagan sé löng hefur Elvar
komið henni í stuttan og lifandi bún-
ing: „Það er mikill hraði á sýning-
unni, hún er aðeins 55 mínútur, en
allt kemur þarna fram. Ég færi sög-
una nær nútímafólkinu, en sýningin
þykir höfða mjög vel til ungs fólks.
Við reynum að segja frá Gísla á
mannamáli, poppa frásögnina svolít-
ið upp, án þess þó að það bitni á sög-
unni sjálfri.“
Útlegð í haust
Með haustinu hyggur Elvar á „út-
legð“ eins og hann orðar það sjálfur,
en hann heldur í leikför um skóla á
Norðurlandi og loks á höfuðborg-
arsvæðinu í október.
Saga Gísla Súrssonar er fjórði ein-
leikurinn sem Elvar flytur. „Síðan
2001 hef ég eingöngu leikið í ein-
leikjum með leikhúsinu mínu, Kóme-
díuleikhúsinu, sem er eina atvinnu-
leikhúsið á Vestfjörðum. Ég hef
alltaf fengist við vestfirska sögu; tók
meðal annars Mugg fyrir, og síðast
Stein Steinarr og nú var hoppað aft-
ur í fornöld og Gísli Súrsson tekinn
fyrir.“
Fertugasta sýning á Gísla sögu
verður í Edinborgarhúsinu á Ísafirði
kl. 20.30 í kvöld. Í tilefni dagsins er
aðgangseyrir 1.000 krónur en til
heiðurs aðalsöguhetjunum fá allir
sem heita Auður og Gísli aðgang
ókeypis.
Fertugasta sýning Gísla sögu
Gísli og Auður
fá ókeypis
Morgunblaðið/Helgi Bjarnason
Elfar Logi Hannesson leikari.
Í KVÖLD og annað kvöld mun tríóið
Flís halda útgáfutónleika vegna nýju
plötunnar, Vottur.
Á plötunni leika þeir Helgi S.
Helgason, Davíð Þór Jónsson og
Valdimar Kolbeinn Sigurjónsson lög
sem Haukur Morthens gerði fræg:
Sumir myndu kalla plötuna djass-
plötu en þeir félagar eru ekki hrifnir
af skilgreiningum: „Fyrir okkur er
þetta ekkert endilega djassplata. Við
höfum verið að vasast í alls konar
stefnum og erum allir sammála um
eitt: ofurskilgreining á hvort tónlist
er djasstónlist, popp eða klassík lokar
ofboðslega mikið augunum á fólki,“
segir Davíð. „Fólk fer að afskrifa tón-
list vegna þess að það gefur henni
fyrirfram eitthvert ákveðið gildi.“
Saman í sjö ár
Leiðir þremenninganna lágu fyrst
saman í Tónlistarskóla FÍH, fyrir
hálfgerða tilviljun eins og Helgi segir
frá: „Við hittumst þar fyrir sjö árum.
Við vorum fljótlega sendir þaðan
saman til Færeyja, í einhvers konar
skandinavíska ungliðadjasskynningu.
Svo höfum við bara spilað meira eða
minna stanslaust síðan þá.“
Þeir Helgi, Davíð og Valdimar hafa
síðan spilað hver í sínu horni, og tekið
þátt í alls kyns verkefnum og stundað
nám erlendis svo oft hefur tognað á
samstarfinu. „Við höfum náð að spila
á sumrin og í jólafríinu. Þessi plata er
einmitt afraksturinn af einu svoleiðis
jólafríi.“
Platan er þeirra fyrsta plata sam-
an, þótt þeir hafi allir komið að öðrum
plötum undir öðrum formerkjum.
Reggí, rapp og allt hitt
Flís mætti kannski kalla djasstríó
af víðari sortinni: „Það er erfitt að
segja nákvæmlega til um hvað við
spilum. Við byrjuðum á að spila
djass-standarda, og eitthvað sem
tengdist námi okkar. Það þróaðist
síðan út í að verða opnara, því eftir
því sem við kynntumst betur djass-
músík, því opnara varð það sem við
vorum að skoða sjálfir,“ segir Helgi.
„Við fórum að spila allt sem vakti
áhuga okkar; drum-n-base-músík,
elektróníska músík, reggí, hipp-hopp
og alls konar. Við höfum spilað undir
hjá röppurum, fyrir leikhús, fyrir
auglýsingar, stuttmyndir og gert alls
kyns tilraunir.“
„Þetta þróaðist gjörsamlega í allar
áttir,“ segir Davíð, „og þessi plata
hefði þess vegna getað orðið reggí-
plata!“ „Þetta er bandið sem veitir
okkur hið fullkomna frelsi, í raun-
inni,“ skeytir Helgi aftan við. „Við er-
um bara þrír litlir karlar sem elska að
spila og gerum það alveg for-
dómalaust. Þegar við þrír hittumst og
spilum þá gerum við bara nákvæm-
lega það sem kemur. Við gerð þess-
arar plötu fórum við inn í stúdíó og
æfðum ekkert eða gerðum einhverjar
sérstakar útsetningar. Heldur var
bara talið í hvert lag fyrir sig og það
kom eins og það kom. Lögin fengu
hálfpartinn að segja okkur hvernig
þau vildu vera. Sumt kom skýrar en
annað, kom rétt við fyrstu töku, en
önnur lög mótuðust.“
Enginn kemur í
staðinn fyrir Hauk
Það gerðist síðan fyrir hálfgerða
tilviljun að þeir félagar voru allir að
hlusta á tónlist Hauks Morthens og
varð úr að gera plötu af þessu tagi:
„Þessi tónlist hefur alltaf fylgt okkur,
eins og öllum, alveg frá því við vorum
litlir. Hver man ekki eftir Hauki?“
segir Davíð.
En platan er alveg ósungin – ein-
göngu leikin með hljóðfærum. Um
það hefur Valdimar að segja: „Við
gætum ekki fundið einhvern sem
kæmi í staðinn fyrir Hauk. Við lögð-
um ekki upp með það að fara í ein-
hvern Hauk Morhens-pakka og afrita
hann, heldur vildum við eitthvað
dýpra. Það hefur líka endalaust af
fólki gert það áður og það hefur
heppnast misvel. Við fórum okkar
leið að þessu.“
Tríóið Flís heldur útgáfutónleika vegna nýrrar plötu
Bara þrír litlir karlar
sem elska að spila
Morgunblaðið/Kristinn
Tríóið Flís: Helgi, Valdimar og Davíð.
Eftir Ásgeir Ingvarsson
asgeiri@mbl.is
Útgáfutónleikar Flís verða í Iðnó í
kvöld og annað kvöld og hefjast kl.
20. Miðaverð er kr. 1.000.