Morgunblaðið - 17.08.2005, Blaðsíða 26

26 MIÐVIKUDAGUR 17. ÁGÚST 2005 MORGUNBLAÐIÐ
MINNINGAR
mömmu að passa hundana mína. Þá
sagði hann gjarnan að hann hefði
hunda í stað barnabarna. Ég er óum-
ræðilega fegin að hann hafði tæki-
færi til að njóta þess að eiga Alvin,
son minn, í 11 dýrmæta mánuði. Afi
og Alvin voru mestu mátar. Við
bjuggum hjá pabba og mömmu um
tíma, og það sem pabbi hugsaði um
allan daginn í vinnunni var að komast
heim og hitta Alvin. Um leið og hann
kom inn úr dyrunum var það fyrsta
sem hann sagði : „Hvar er Alvin?“
Svo fékk hann drenginn í fangið og
sat og spjallaði við hann, gekk með
hann um húsið og sýndi honum hitt
og þetta.
Hann var svo stoltur af litla
stráknum og það er ómetanlegt að
hann kom í heimsókn kvöldið áður en
hann féll frá, og sá afadrenginn stíga
fyrstu skrefin sín. Við erum þakklát
fyrir það.
Elsku pabbi. Takk fyrir að vera
svona góður faðir og takk fyrir allt
sem þú gerðir fyrir mig. Þú lifir í
hjarta mínu og víkur ekki úr huga
mínum eitt andartak. Ég elska þig,
pabbi minn. Siggi og Alvin biðja fyrir
góða kveðju.
Hlín Einarsdóttir.
Elsku bróðir, í dag kveðjum við þig
kæri Einar, sem lést langt um aldur
fram aðeins 57 ára gamall. Við systur
minnumst margra góðra stunda úr
æsku okkar, þegar þú áttir að passa
okkur og hvað þú hafðir miklar
áhyggjur af því að við færum okkur
að voða. Það var ekki alltaf auðvelt að
hafa hemil á tveimur yngri systrum,
en þú varst alltaf jafn ljúfur og góður
við okkur. Einar stríddi okkur oft á
því að hann hefði óskað eftir því að
eignast lítinn bróðir, en í staðinn fékk
hann tvær systur.
Þú varst mikill grúskari og hafðir
áhuga á ólíklegustu hlutum. Við
munum eftir módelsmíðunum og
þegar þú komst heim með fyrsta
plötuspilarann, sem þótti hin mesta
gersemi.
Einar átti góða vini, sem sakna
hans sárt. Við viljum þá sérstaklega
nefna Halla og Frímann, sem nú
kveðja góðan vin. Mikið var gaman
þegar við systkinin ásamt fjölskyld-
um okkar hittumst síðasta sumar í
Mosfellsbænum. Einar var þar hrók-
ur alls fagnaðar með sína góðu frá-
sagnarhæfileika og létta húmor. Ein-
ar átti mörg áhugamál, en þar bar
hæst starf hans með Flugbjörgunar-
sveitinni í Reykjavík, sem hann starf-
aði með í áratugi. Á hverjum einasta
laugardegi var hann mættur til að að-
stoða félagana. Alla sína starfsævi
vann hann hjá Símanum og var þar
traustur og góður starfsmaður.
Elsku Vala, Hlín, Anna Malín, Sig-
urður og litli Alvin, missir ykkar er
mikill við fráfall elskulegs eigin-
manns, föður og afa. Við systur og
fjölskyldur okkar sendum okkar
innilegustu samúðarkveðjur um leið
og við kveðjum góðan bróður.
Þínar systur.
Oddgerður og Ólöf.
Ég átti alls ekki auðvelt með að
trúa þeim fréttum sem ég fékk mið-
vikudaginn 10. ágúst, að Einar Odd-
geirsson, félagi minn í Flugbjörgun-
arsveitinni, væri látinn. Nei, mér
fannst það vera mjög óraunverulegt.
Þegar ég byrjaði að starfa sem ný-
liði árið 1996 var Einar einn af þeim
sem alltaf voru sýnilegir í starfsem-
inni. Glaðlegur og góður var hann og
hafði svör á reiðum höndum fyrir þá
sem til hans leituðu. Eftir því sem ég
fór að starfa meira og vera í þeim
verkefnum sem komu upp, sérstak-
lega fyrstu árin mín, þá var Einar
þar. Sama á hvaða tíma maður var
þarna, hann var þarna eða þá bara
rétt ókominn. Ég starfaði sem
spjaldskrárritari í nokkur ár og gott
var að leita til þeirra sem mundu
lengra aftur í tímann. Einar varð oft
fyrir svörum. Hann hafði safnað í
gegnum árin mjög miklum upplýs-
ingum um sögu sveitarinnar, mynd-
um o.fl. o.fl. Við ræddum oft um hvað
væri gaman að geta komið þessu bet-
ur frá okkur og gera efnið aðgengi-
legra fyrir félaga okkar sem og aðra.
Á heimasíðu Flugbjörgunarsveitar-
innar var hann búinn að skrifa um
fyrstu árin. Hann átti efni í heila bók
ef ekki meira og var langtímamark-
miðið að það yrði gerð bók.
Þegar spjaldskrárkerfi sveitarinn-
ar tók breytingum, settumst við nið-
ur og fórum í gegnum öll nöfnin sem
þar voru. Við fórum vandlega yfir allt
saman og lagði Einar mikla áherslu á
vandvirkni. Það sem við vorum ekki
viss um var sett til hliðar og þeir
spurðir sem þekktu betur til. Oftar
en ekki voru til hinar ýmsu sögur
með nöfnunum. Einar sagði
skemmtilega og lifandi frá, eins og
honum er lagið. Það voru teknar
reglulega pásur því að pípunni og
kaffinu varð að sinna ásamt því að
spjalla við þá sem voru í húsi. Stund-
um vorum við svo þaulsætin yfir
þessu verkefni að við vorum spurð að
því hvort við færum ekkert heim. En
tíminn flaug bara frá okkur og við
sátum eins og við þurftum.
Einar var alltaf svo afslappaður og
þægilegur. Við gátum spjallað um
heima og geima og það kom líka fyrir
að við ræddum um önnur málefni en
Flugbjörgunarsveitina og þótti mér
mjög vænt um að hann skyldi vilja
ræða við mig um það sem honum lá á
hjarta. Eins fann ég að ég gat alveg
létt á mér líka og sagt honum frá einu
og öðru. Ég hafði stundum áhyggjur
af því að hafa ekki gefið mér tíma í
verkefnið um sögu sveitarinnar nú-
verið vegna anna í skólanum. Hann
hvatti mig alltaf til að sinna náminu
vel, við tækjum bara á skrifunum síð-
ar. Svona var hann, góður, rólegur og
ekkert stress.
Einar var hluti af Lávörðunum í
Flugbjörgunarsveitinni og þar er
mikið einvala lið af góðum félögum.
Hef ég sjaldan fundið eins mikla
hlýju og væntumþykju frá nokkrum í
sveitinni og frá þeim. Þeir voru alltaf
hressir og kátir, hittust reglulega á
laugardagsmorgnum yfir kaffi og
kökum og spjölluðu mikið og gera
enn. Einnig komu þeir saman á
kvöldin þegar hin ýmsu verkefni lágu
fyrir. Ég minnist þess hvað Lávarð-
arnir tóku einu sinni vel í að grilla
fyrir stóran hóp af björgunarmönn-
um eftir viðamikla björgunaræfingu.
Þeir gerðu það með mikilli ánægju.
Þótti okkur, sem stóðum að þessari
æfingu, mjög vænt um framlag
þeirra.
Einar var vel að sér í fjarskipta-
málum og var oft fenginn til að vera
með fyrirlestra fyrir nýliða sveitar-
innar, a.m.k. á mínum nýliðaárum.
Hann var alltaf að brasa eitthvað
með tölvur, prófa sig áfram, hanna og
þróa. Hann tók að sér hin ýmsu verk-
efni úr vinnunni sinni sem hann sagð-
ist oft geta unnið heima. Mér fannst
hann alltaf að vera gera eitthvað og
hugsaði oft hvernig hann hefði tíma
fyrir þetta allt saman. Einnig sinnti
hann fjölskyldunni sinni vel og var
greinilegt hvað hún skipti hann
miklu máli.
Flugbjörgunarsveitin og hennar
málefni skiptu Einar miklu máli og
lagði hann sig alltaf fram í öllu sem
hann kom nálægt og ekki síður við
byggingu nýs skála í Tindfjöllum
sem sendur yfir núna. Það var hon-
um mikið áhugamál.
Þegar ég hitti Einar síðast fyrr í
sumar, töluðum við um að fara nú að
hittast og setja eitthvað á blað af til-
efni afmælisárs sveitarinnar. En
hann sagði alltaf að það væri nógur
tími. Það fór nú svo að við náðum
ekki að klára það verk sem við ætl-
uðum okkur.
Mér finnst ég hafa lært mikið af
Einari. Hann var einstaklega góður
maður sem var alltaf boðinn og búinn
að veita aðstoð. Þó að ég hafi ekki
verið eins virk í starfi núna undanfar-
ið kom ég þó stundum niðrí sveit og
Einar var þar yfirleitt. Hann var
fastapunkturinn þar (að öðrum ólöst-
uðum).
Ég kveð því Einar með miklu
þakklæti fyrir allar góðar stundir í
starfinu og tel mig ríka af því að hafa
kynnst honum.
Ég votta fjölskyldu hans mína
innilegustu samúð og bið guð að vera
með þeim á erfiðum stundum.
Kristbjörg (Kitta).
Flugbjörgunarsveitinni í Reykja-
vík.Fyrir viku bárust þær fréttir að
góður vinur og félagi okkar væri lát-
inn. Þegar við kvöddum hann síðast
átti enginn okkar von á því að það
væri í síðasta sinn.
Einar hóf störf hjá Símanum ung-
ur að aldri og hafði því starfað nær
sleitulaust hjá fyrirtækinu í nálægt
40 ár. Hann lærði rafeindavirkjun
hjá fyrirtækinu og vann við ýmis
störf tengd faginu hjá ýmsum deild-
um fyrirtækisins. Á þessum langa
ferli sínum hjá Símanum kynntist
hann mörgu fólki, bæði innan sem ut-
an fyrirtækisins, og kom alstaðar vel
fyrir, enda góður í viðkynningu og
tilbúinn að veita góða þjónustu.
Einkar gott minni og góður húmor
einkenndi Einar og mátti iðulega
heyra góðar sögur frá honum. Hann
hafði næmt auga fyrir spaugilegum
hliðum lífsins og sagði hann
skemmtilega frá, enda sagnamaður
góður. Sjálfur hafði hann einnig
ánægju af að hlusta á góðar sögur af
mönnum og málefnum.
Hann hafði gott vald á íslenskri
tungu og nýttist það vel í starfi hans
hjá Símanum. Samstarfsmenn Ein-
ars í gegnum tíðina leituðu oft til
hans til að yfirfara texta. Vegna
hæfni hans í tungumálum og texta-
gerð var hann fyrir mörgum árum
fenginn til þess að þýða erlenda
bæklinga fyrir símabúnað og vann
hann enn að þýðingum fram á síðasta
dag samhliða sínu venjubundna
starfi.
Einars verður sárt saknað og
minning um góðan félaga mun lifa.
Við sendum fjölskyldu Einars okkar
dýpstu samúðarkveðjur og megi góð-
ur Guð veita ykkur styrk og blessun
sína á erfiðum tímum.
Samstarfsfólk,
Talsímasviði Símans.
EINAR
ODDGEIRSSON
Smáauglýsingar 569 1100 www.mbl.is/smaaugl
Mótorhjól
Ural reynsluaksturshjól með af-
slætti. Ural Tourist reynsluakst-
urshjól eru til sölu, ekin 170/120
km. Verð kr. 950.000. Tilboð kr.
850.000. Aðeins 2 eintök með
þessum afslætti. Upplýsingar á
www.ural.is og 864 3633.
Til sölu Suzuki Intruder 800
árgerð 1996, ekið 9.400 mílur. Á
hjólinu er forward contro, töskur,
gler og ný dekk. Verð 650 þúsund.
Upplýsingar í síma 862 1167.
Hjólhýsi
Dethleffs Rondo hjólhýsi.
8,5 m að lengd og 2,5 m á breidd.
Sk. 06.2003. Lítið notað. Með raf-
magnskælingu og hitun. Einnig
gashitun.
Kaldasel ehf.,
s. 544 4333 og 820 1070.
Kerrur
Skoðaðu úrvalið hjá:
Bæjardekk Mosfellsbæ, 566 8188
Hyrnan Borgarnesi, 430 5565
Gúmmíbátaþjónustan Ísafirði,
470 0836
Bílaþjónustan Vogum, 424 6664
Smáauglýsingar
sími 569 1100
Bikarkeppni BSÍ –
Dregið í fjórðu umferð
Dregið hefur verið í fjórðu umferð
bikarkeppninnar og mætast eftir-
taldar sveitir:
Skeljungur – Ferðask. Vesturlands
Sparisj. Norðlendinga – Hermann Friðriks.
Vinabær – Eykt
Grant Tornton/Esso – Allianz
Grant Thornton og Esso frestuðu
sínum leik og var hann spilaður í
gærkvöld.
Síðasti spiladagur fjórðu umferð-
ar er 11. september.
Bridsdeild FEB í Reykjavík
Tvímenningskeppni spiluð í
Stangarhyl 4, fimmtud. 11.8. Spilað
var á 9 borðum. Meðalskor 216 stig.
Árangur N-S
Jón Hallgrímsson – Helgi Hallgrímsson 267
Magnús Oddsson – Magnús Halldórss. 257
Bragi Jónsson – Halla Ólafsdóttir 215
Júlíus Guðm.son – Rafn Kristjánsson 215
Árangur A-V
Soffía Theodórsdóttir – Elín Jónsdóttir 281
Alda Hansen – Jón Lárusson 268
Bragi Björnsson – Albert Þorsteinsson 240
Tvímenningskeppni var spiluð á
10 borðum mánud. 15.08. Meðalskor
216 stig og besti árangur í N/S:
Halla Ólafsdóttir - Sigurður Pálsson 266
Helgi Hallgrímsson - Jón Hallgrímsson 260
Júlíus Guðm.son - Rafn Kristjánsson 249
Árangur A-V
Ragnar Björnsson - Eysteinn Einarsson 256
Guðm. Vestmann - Magnús Þorsteinss. 244
Alda Hansen - Jón Lárusson 241
Sex borð í Gjábakkanum
Spilaður var Howell-tvímenningur
á sex borðum í Gjábakkanum sl.
föstudag og urðu úrslitin þessi í N/S:
Rafn Kristjánsson - Oliver Kristófersson 141
Eysteinn Einarsson - Ragnar Björnsson 134
A/V:
Auðunn Guðm.son - Bragi Björnsson 141
Jón Hallgrímsson - Bjarni Þórarinsson 136
Spilað er alla föstudaga.
Frá eldri borgurum
í Hafnarfirði
Föstudaginn 12. ágúst var spilað á
sex borðum og urðu úrslit þessi í
N/S:
Sveinn Jensson – Jóna Kristinsdóttir 121
Guðrún Gestsdóttir – Ólafur Gíslason 116
Bjarnar Ingimarss. – Friðrik Herm.son 102
A/V
Sófus Berthelsen – Haukur Guðm.son 111
Jón Sævaldsson – Þorvarður S. Guðmss. 101
Jón R. Guðm.son – Kristín Jóhannsd. 101
BRIDS
Umsjón Arnór G.
Ragnarsson
FRÉTTIR
ALMENNUR félagsfundur Dýra-
læknafélags Íslands, haldinn á Hall-
ormsstað laugardaginn 13. ágúst sl.,
samþykkti eftirfarandi ályktun:
„Fundurinn tekur heilshugar und-
ir ályktun stjórnar Dýralæknafélags
Íslands frá 10. ágúst sl. um staðsetn-
ingu væntanlegrar Landbúnaðar-
stofnunar og ráðningu forstjóra
hennar. Jafnframt undrast fundurinn
ómálefnaleg viðbrögð landbúnaðar-
ráðherra við faglegri gagnrýni
stjórnar D.Í.
Landbúnaðarstofnun er ætlað að
sameina og efla starfsemi þeirra aðila
sem vinna að landbúnaðar- og dýra-
heilbrigðismálum. Nú blasir við að
reyndin verður önnur. Ákvörðun
landbúnaðarráðherra varðandi ráðn-
ingu forstjóra án sérþekkingar á
stærsta málaflokki stofnunarinnar og
staðsetningu hennar fjarri helstu
samstarfsaðilum er til þess fallin að
veikja það starf sem unnið hefur ver-
ið á undanförnum árum og áratugum
á sviði dýraheilbrigðis og dreifa þeim
kröftum sem vinna að þeim málum.
Náið samstarf Embættis yfirdýra-
læknis og Tilraunastöðvar Háskóla
Íslands í meinafræði að Keldum er
grunnur faglegrar ákvarðanatöku og
stefnumörkunar á sviði dýrasjúk-
dóma og hefur tryggt heilbrigði ís-
lenskra dýrastofna og matvælaör-
yggi sem er með því besta sem gerist.
Með flutningi sérfræðinga yfirdýra-
læknisembættisins er verið að rjúfa
tengsl þeirra sem vinna að dýraheil-
brigði, rannsóknum og forvörnum á
sviði dýrasjúkdóma og splundra þeim
vísi að faglegu umhverfi sem byggt
hefur verið upp í landinu.
Fundurinn skorar á stjórnvöld að
draga til baka vanhugsaðar ákvarð-
anir varðandi væntanlega Landbún-
aðarstofnun og taka málið til gagn-
gerrar endurskoðunar með aðkomu
fagaðila sem gerst þekkja til.
Dýralæknar vilja endurskoða
Landbúnaðarstofnun
Í MORGUNBLAÐINU á laugar-
daginn var sagt frá þátttöku nokk-
urra Íslendinga í Arctic Team Chall-
ence á Grænlandi. Nöfn íslensku
keppendanna vantaði í greinina, en
íslensku garparnir heita Erlendur
Birgisson, Pétur Ásbjörnsson, Pétur
Helgason og Trausti Valdimarsson.
Beðist er velvirðingar á þessu.
LEIÐRÉTT
Nöfn féllu niður
BORGARSKÁKMÓTIÐ fer fram
á afmælisdegi Reykjavíkur á
morgun, 18. ágúst, og hefst kl. 15.
Mótið er hluti af mikilli skákhátíð
og fer fram í Háskólanum í
Reykjavík, Ofanleiti 2, samhliða
Skákþingi Íslands, og standa
Reykjavíkurfélögin, Taflfélag
Reykjavíkur og Taflfélagið Hellir
að mótinu.
Mótið er öllum opið og er þátt-
taka ókeypis. Borgarstjórinn í
Reykjavík, Steinunn Valdís Ósk-
arsdóttir, mun setja mótið og
leika fyrsta leik þess. Skráning
fer fram á www.skaknet.is.
Skráning á Borgarskákmótið
LÖGREGLAN í Reykjavík lýsir eft-
ir vitnum að umferðarslysi mánu-
daginn 15. ágúst kl. 9.48 á gatnamót-
um Geirsgötu, Kalkofnsvegar og
Lækjargötu. Þar rákust þá saman
tvær fólksbifreiðir, Mercedes Benz
og Honda. Vitni eru beðin um að hafa
samband við lögregluna í síma
444 1130.
Lýst eftir
vitnum