Morgunblaðið - 17.08.2005, Blaðsíða 6
6 MIÐVIKUDAGUR 17. ÁGÚST 2005 MORGUNBLAÐIÐ
FRÉTTIR
STEFÁN Jón Hafstein, formaður
menntaráðs, segir það ekki fyr-
irséð að ákvörðun um breytingu á
gjaldskrá Leikskóla Reykjavíkur
verði haggað enda hafi ekkert
breyst varðandi rökin að baki
ákvörðuninni síðan hún var tekin.
„Staðan er einfaldlega sú að þau
[stúdentar] fá námslán fyrir þessu
eins og annarri framfærslu. Þann-
ig liggur ekkert fyrir um breyt-
ingar á [ákvörðuninni] enda er
ekkert nýtt komið fram í málinu,“
segir Stefán en hann mun eiga
fund með fulltrúum Stúdentaráðs
Háskóla Íslands
næstkomandi
fimmtudag þar
sem breyting á
gjaldskrá Leik-
skóla Reykjavík-
urborgar, sem
taka á gildi hinn
1. september
næstkomandi,
verður rædd. Að
sögn Stefáns var
þessi dagsetning ákveðin fyrir
viku eða tíu dögum.
Eins og greint var frá í Morg-
unblaðinu í gær hefur umrædd
breyting í för með sér umtalsverða
hækkun á leikskólagjöldum fyrir
foreldra þar sem annað foreldri er
nemandi en hitt útivinnandi.
Hlustað á málflutning
stúdenta
„Fyrir síðustu áramót áttum við
Þorleifur Björnsson, þáverandi
formaður leikskólaráðs, ítarlegar
viðræður við stúdenta um þessi
mál og gjaldskrárbreytingum var
frestað í samráði við stúdenta.
Þetta mál var rætt í meirihluta
Reykjavíkurlistans og við sam-
þykktum að fresta breytingum á
gjaldskrá þegar við vorum búin að
hlusta á málflutning stúdenta.“
Stefán segir að ákveðið hafi ver-
ið að fresta breytingum á gjald-
skrá þannig að hún kæmi ekki í
bakið á neinum og öllum yrði ljóst
hvernig þeir stæðu í haust.
„Það er búið að fara yfir öll rök í
málinu en af minni hálfu er í lagi
að fara aftur yfir það og við það
mun ég standa á fimmtudaginn,“
segir Stefán og tekur það fram að
hlustað hafi verið á stúdenta og til-
lit verið tekið til þeirra málflutn-
ings.
„Það er vitað að fjöldi fólks býr
við mjög rúman heimilishag þar
sem annað foreldrið er í námi. Þeir
sem ekki búa við rúman heim-
ilishag geta tekið námslán fyrir
þessum framfærslukostnaði eins
og öðrum. Það er lykilatriði.“
Ólíklegt að hækkun á gjaldskrá Leikskóla Reykjavíkur verði haggað
Formaðurinn segir engin
ný rök komin fram í málinu
Eftir Þóri Júlíusson
thorirj@mbl.is
Stefán Jón
Hafstein
BJÖRN Bjarnason, dómsmála-
ráðherra, segir eðlilegt að taka
til skoðunar hvort setja þurfi
sérstök lög um aðgang fjölmiðla
að ákærum í dómsmálum.
Í Morgunblaðinu í gær benti
Bogi Nilsson, ríkissaksóknari, á
að engin laga- eða reglugerðar-
ákvæði hafi verið sett hér á landi
um þetta efni heldur sé aðeins
stuðst við leiðbeiningar sem
embætti ríkissaksóknara gaf út
árið 1998. Í þeim kemur m.a.
fram að þagnarskyldu um efni
ákæru ljúki í seinasta lagi þegar
ákæran er lesin upp í heyranda
hljóði við þingfestingu eða í upp-
hafi aðalmeðferðar máls.
Bogi telur æskilegt að sett
verði lög eða reglugerð um að-
gang fjölmiðla að efni ákæru-
skjala.
Björn Bjarnason segist hafa
rætt þetta við formann refsirétt-
arnefndar, Markús Sigur-
björnsson, og að eðlilegt sé að
taka þetta álitaefni til úrlausnar
við endurskoðun laga um með-
ferð opinberra mála sem nú er á
lokastigi hjá nefndinni. Stefnt er
að því að frumvarp að nýjum
lögum verði lagt fram á næsta
þingi.
Aðgangur
fjölmiðla að
ákærum til
skoðunar
ÞAÐ er yfirskattanefndar sem
stjórnsýslunefndar að ákveða hvort
einstakir nefndarmenn eru vanhæfir
til meðferðar máls ef á það reynir.
Haft var eftir formanni yfirskatta-
nefndar í Morgunblaðinu í gær að
Jónatan Þórmundsson lagaprófessor
hefði verið fyllilega hæfur til að sitja í
yfirskattanefnd í máli 365 ljósvaka-
miðla.
Samkvæmt 5. grein stjórnsýslu-
laga úrskurðar stjórnsýslunefnd um
hæfi eða vanhæfi nefndarmanna, þ.e.
ákveður hvort nefndarmönnum, ein-
um eða fleiri, beri að víkja sæti. Þeir
nefndarmenn, sem ákvörðun um van-
hæfi snýr að, skulu ekki taka þátt í
ákvörðun um það. Þetta gildir þó ekki
ef það leiðir til þess að stjórnsýslu-
nefndin verður ekki ályktunarhæf.
Skulu þá allir nefndarmenn taka
ákvörðun um hæfi nefndarmanna.
Yfirskatta-
nefndar að úr-
skurða um hæfi
TVEIR aldursforsetar í flota Landhelgisgæsl-
unnar, varðskipið Óðinn og flugvélin TF-Sýn,
voru í Stakksfirði í fyrradag, þar sem áhöfn flug-
vélarinnar æfði sig í að kasta út björgunarbátum í
námunda við varðskipið. Samanlagður aldur þess-
ara tveggja farkosta er 76 ár, en Óðinn tók til
starfa árið 1958 og TF-Sýn árið 1976. Flugvélin
fylgir stundum þyrlu Landhelgisgæslunnar þegar
hún heldur í langar björgunar- eða sjúkra-
flugferðir, og þykir mikilvægt öryggisatriði að
hægt sé að varpa úr henni björgunarbátum. Sama
gildir þegar TF-Sýn er send til leitar að bátum
sem sent hafa út neyðarkall. Það var Guðmundur
St. Valdimarsson, bátsmaður á Óðni, er tók þessa
skemmtilegu mynd af öldungunum í starfi.
Aldursforsetar í lofti og á legi
RYÐ á hreggstaðavíði hefur gert
vart við sig í mörgum görðum á
Selfossi en að sögn Halldórs Sverr-
issonar, plöntusjúkdómafræðings,
hefur ryðið breiðst hratt út og
mörg limgerði orðin gul og visin.
Ryð er sveppasjúkdómur sem
leggst á blöð á trjám en undanfarin
ár hefur ýmiss konar ryð borist
milli trjáa hér á landi. Hregg-
staðavíðir hefur þó hingað til verið
laus við ryð.
Halldór segir að hugsanlega sé
þetta nýtt afbrigði af gamla víðis-
sveppnum sem alltaf hefur verið á
Íslandi. Þó geti verið að þarna sé
sjaldgæft afbrigði á ferðinni sem
hefur ekki breiðst út áður eða þá
nýtt afbrigði sem hefur borist til
landsins. „Það sem er alvarlegt
með hreggstaðavíðinn er að þetta
var orðið slæmt í mörgum görðum
strax í byrjun ágúst. Ryðið drepur
blöðin. Sprotarnir eiga að lifa þetta
af en ef þetta er mikið getur orðið
kal í sprotunum í vetur.“
Halldór bendir á að sveppirnir
framleiði gró sem fjúki auðveldlega
og þess vegna geti ryðið dreift sér
hratt. „Þetta virðist koma upp á
Selfossi en er farið að finnast víðar
á Suðurlandi,“ segir Halldór og
bætir við að sveppurinn leggist
helst á klippt limgerði í görðum.
„Þar sem runnarnir eru þéttir
skapast góð skilyrði fyrir ryðið.
Hreggstaðavíðir er sums staðar
notaður í skjólbeltarækt og það eru
minni líkur á að ryðið verði eins
slæmt þar sem víðirinn vex meira
óhindrað og opið.“
Runnarnir verða gulir
Ryðið er auðkennanlegt og að
sögn Halldórs verða runnarnir gul-
ir. „Ef þú tekur á blöðunum færðu
gulan lit á fingurna en það eru gró-
in.“
Halldór segir að til séu varn-
arefni gegn ryðsveppum en þau
virki ekki þegar ryðið er orðið
slæmt. „Ef þetta er mjög alvarlegt
er lítið annað að gera en að skipta
út þessum limgerðum,“ segir Hall-
dór.
Ryð gerir vart við sig í
hreggstaðavíði á Selfossi
Ljósmynd/Halldór Sverrisson
Sé tekið utan um laufblað sem er
með ryð kemur gulur litur á fing-
urna. Það eru gróin sem valda því.