Morgunblaðið - 15.09.2005, Blaðsíða 10

10 FIMMTUDAGUR 15. SEPTEMBER 2005 MORGUNBLAÐIÐ
FRÉTTIR
Bílar á morgun
Sá aflmesti
frá BMW

Úr Fáguðum
limma í villidýr
MÖRGUM íbúum á höfuðborgar-
svæðinu brá í brún þegar þeir sáu
snjó í hlíðum Esju í gærmorgun.
Trausti Jónsson, veðurfræðingur
hjá Veðurstofu Íslands, segir
mönnum ætíð bregða þegar þeir
sjái snjó í hlíðum fjallsins. Síðast
féll snjór í Esjunni á þessum tíma
fyrir sex árum. Það var 11. sept-
ember og var hann horfinn tveimur
dögum síðar. Snjórinn sé hins veg-
ar neðar nú en fyrri ár en það hafi
litla merkingu. „Gamlir menn
sögðu að því fyrr sem snjóaði í fjöll
því betri yrði veturinn. Ekki bendir
til að svo sé,“ sagði Trausti í sam-
tali við Fréttavef Morgunblaðsins.
Trausti benti á, að nokkrum
sinnum hefði snjóað í Esjunni á
svipuðum tíma, eða árin 1997 til
1999.
Einu sinni hefur orðið alhvítt á
götum Reykjavíkur um þetta leyti.
Það var 9. september árið 1926 og
er talið, að snjór hafi aldrei fyrr
fallið jafn snemma á götur borgar-
innar.
Morgunblaðið/Ásdís
Snjór kominn í Esjuna
ALLNOKKUR samlegðaráhrif yrðu
af sameiningu sveitarfélaganna
Garðs, Reykjanesbæjar og Sand-
gerðisbæjar, sérstaklega á sviði fé-
lagsþjónustu, og þjónusta sameinaðs
sveitarfélags getur orðið í senn öfl-
ugri og samræmdari. Þetta er meðal
þess sem fram kemur í mati á hugs-
anlegum áhrifum sameiningar sveit-
arfélaganna, sem fyrirtækið ParX
vann fyrir samstarfsnefnd um und-
irbúning kosninga um sameiningu
sveitarfélaganna þriggja.
Skýrslan var kynnt fjölmiðlum á
þriðjudag en liggur nú fyrir í raf-
rænu formi á vefsíðum allra sveitar-
félaganna og einnig á bæjarskrif-
stofum í pappírsformi.
Á fundinum kváðust allir nefnd-
armenn afar ánægðir með störf
ParX, burtséð frá persónulegum
skoðunum hvers og eins, enda hefði
skýrslan verið fagleg lýsing á stöð-
unni eins og hún er og þeim mögu-
leikum sem við blasa.
Í skýrslu ParX kemur m.a. fram
að ljóst sé að sveitarstjórnarmönn-
um muni fækka, líklega um fjórtán,
úr 25 í ellefu. Þannig megi gera ráð
fyrir umtalsverðri fækkun nefndar-
manna í sameinuðu sveitarfélagi.
Þetta geti valdið því að aðgengi bæj-
arbúa að kjörnum fulltrúum minnki.
Á móti vegi að sá rekstur sem nú er í
höndum byggðarsamlaga muni nú að
mestu heyra beint undir bæjarstjórn
og áhrif kjörinna fulltrúa á þann
rekstur verða meiri og beinni. Þá
muni slíkt minnka þann lýðræðis-
halla sem byggðarsamlög hafi haft í
för með sér.
Andstaða í Garði og Sandgerði
Talsmenn ParX sögðu aðspurðir
að fyrir svæðið í heild væri samein-
ing skynsamleg, að út frá rekstrar-
forsendum yrði afkoma stærra sveit-
arfélags á svæðinu betri. Hins vegar
væru ýmsir þættir í rekstri hvers
sveitarfélags fyrir sig sem vektu
spurningar, sérstaklega persónuleg-
ar skoðanir íbúar sveitarfélaganna.
Í kjölfar kynningarinnar hófust
samræður manna á milli um kosti og
galla sameiningar sveitarfélaganna.
Bæjarstjórnir bæði Sandgerðis og
Garðs hafa lýst yfir andstöðu við
sameiningu sveitarfélaganna.
Heyrðist það nefnt að samkeppni
væri sveitarfélögunum holl og auk
þess ættu sveitarfélögin náið sam-
starf á ýmsum sviðum á grundvelli
Sambands sveitarfélaga á Suður-
nesjum. Þá var það nefnt að Reykja-
nessvæðið ætti í raun í samkeppni
við önnur landsvæði á Íslandi og
ættu því íbúar þess að snúa bökum
saman. Í þessu skyni var bent á þá
stærðarhagkvæmni sem næst með
sameiningunni. Vitnaði Árni Sigfús-
son, bæjarstjóri Reykjanesbæjar, í
því samhengi í danska rannsókn þar
sem kom í ljós að stærðarhag-
kvæmni sveitarfélaga ykist alveg
upp í fimmtíu þúsund manna sveit-
arfélög en þá færi hún að minnka
sökum annarra vandamála.
Aðrir nefndarmenn bentu enn-
fremur á að ekki væri hægt að skilja
eftir sameiningu og nefndu dæmi
Svarfdælinga sér til stuðnings.
Sögðu þeir það óhæfu að ekki væri
hægt að kljúfa sig aftur frá vondri
sameiningu þótt 90% íbúa vildu út.
Skýrsla um sameiningu sveitarfélaga á Suðurnesjum birt
Aukin hagkvæmni
en færri fulltrúar
Eftir Svavar Knút Kristinsson
svavar@mbl.is
Ljósmynd/Víkurfréttir
Tillaga um sameiningu Reykjanesbæjar, Garðs og Sandgerðis var kynnt á blaðamannafundi um sameiningu.
ENGAR kröfur hafa verið gerðar til
Og fjarskipta um að nota kerfi Sím-
ans til að koma upplýsingum um
staðsetningu farsímanotenda Og
Vodafone til Neyðarlínunnar. Unnið
er að lausn málsins af Neyðarlínu og
Og fjarskiptum, og er gert ráð fyrir
að lausn liggi fyrir á næstunni.
„Í apríl árið 2002 var tekið í notk-
un hjá Neyðarlínunni sérhæft upp-
lýsingakerfi í þeim tilgangi að auka
öryggi borgara sem hringja í
Neyðarlínuna úr farsímum. Kerfið
hefur frá upphafi reynst afar gagn-
legt, stytt viðbragðstíma og gert út-
kall neyðar- og björgunaraðila
markvissara,“ segir í tilkynningu frá
Neyðarlínunni.
Frá árinu 2002 hefur Neyðarlínan
beitt sér fyrir því að önnur síma-
fyrirtæki en Síminn veiti sömu upp-
lýsingar, og hafa viðræður á milli
Neyðarlínunnar og Og fjarskipta
verið í gangi um nokkurt skeið, að
frumkvæði Neyðarlínunnar og Fjar-
skiptamiðstöðvar lögreglu. Bæði
Neyðarlínan og Og fjarskipti vinna
nú að lausn málsins, og er gert ráð
fyrir því að lausn muni liggja fyrir á
næstu dögum.
„Engar kröfur hafa verið gerðar
til Og fjarskipta um að nota þá lausn
sem Síminn hefur þróað. Lykilatriði
er að upplýsingarnar skili sér með
sjálfvirkum hætti með innhringing-
unni, í rauntíma, annars er lítið gagn
af þeim nema í undantekningartil-
fellum,“ segir í tilkynningunni.
Neyðarlínan um staðsetningu í síma
Gert ráð fyrir
lausn á næstunni
FYRR í þessum mán-
uði lést í Beijing Ís-
landsvinurinn Lin Hua,
fyrrverandi starfsmað-
ur kínverska utanríkis-
ráðuneytisins. Lin var
fæddur 17. júní 1927.
Hann stundaði nám í
enskri tungu og bók-
menntum. Árið 1949
gerðist hann starfs-
maður tungumála-
stofnunarinnar í borg-
inni og starfaði þar í
þrjú ár þegar hann hóf
störf í utanríkisráðu-
neytinu. Lin starfaði í
mörg ár við sendiráð Kínverska al-
þýðulýðveldisins í Danmörku. Árið
1972 var hann sendur til Íslands til
þess að stofna kínverskt sendiráð á
Íslandi. Hann dvaldi hér um rúmlega
tveggja ára skeið og gegndi síðan
ýmsum störfum í utanríkisþjónustu
Kínverja og menningarstofnun rík-
isins allt fram til 1988.
Lin Hua kom fyrst
hingað til lands með
Pekingóperunni árið
1955, en margir minn-
ast þeirrar sýningar
enn þann dag í dag. Á
árunum þar á eftir var
mörgum sendinefndum
boðið til Kína og kín-
verskir fræði- og lista-
menn sóttu Íslendinga
heim. Var Lin þýðing-
armikill milliliður í
starfi Kínversk-ís-
lenska menningar-
félagsins og stuðlaði
mjög að samskiptum Íslendinga og
Kínverja á þessum árum.
Lin þýddi nokkrar Íslendingasög-
ur á kínversku og síðustu árin vann
hann að útgáfu norrænnar goða-
fræði. Hann hafði lokið við að þýða
Snorra-Eddu og Konungsbók Eddu-
kvæða þegar hann lést.
Andlát
LIN HUA