Morgunblaðið - 15.09.2005, Síða 33

MORGUNBLAÐIÐ FIMMTUDAGUR 15. SEPTEMBER 2005 33
HESTAR
MIKIL fjölgun varð í Hestamanna-
félaginu Freyfaxa á Fljótsdalshér-
aði á síðasta aðalfundi þess í sum-
ar. Á fundinum voru 65 nýir
félagar teknir inn í félagið og eru
þeir nú tæplega 200 talsins. Hesta-
menn á Egilsstöðum og á héraði
hafa nú fengið nýtt hesthúsahverfi
við Fossgerði inn á
skipulag og þar er
verið að byggja upp
aðstöðu. Góður
keppnisvöllur er á
Stekkhólma og verð-
ur þar áfram.
Í Fossgerði, sem er
gamalt kjúklingabú,
hefur húsum verið
breytt í hesthús sem
rúma um 100 hross.
Sveitarstjórnin hefur
komið að þessari upp-
byggingu og rekur 10
tveggja hesta stíur
þar sem börn og ung-
lingar geta haft að-
stöðu. Bergur Már
Hallgrímsson formað-
ur Freyfaxa segir þetta strax hafa
haft mikil áhrif á nýliðun í félag-
inu. Það hafi komið í ljós á mótum
félagsins að undanförnu.
Bætt aðstaða á nýju svæði
„Það er búið að standa til í þrjá-
tíu ár að færa svæði hestamanna,
enda var það byggt til bráðabirgða
á sínum tíma. Þarna voru ekki sér-
lega glæsileg hús og plássleysið
held ég að hafi komið í veg fyrir
nýliðun í félaginu því ekki fékkst
leyfi til að byggja fleiri hús,“ sagði
Bergur. „Aðstöðumunurinn er
gríðarlegur með þessu nýja svæði,
en stofnað hefur verið sérstakt
hesteigendafélag um þessi hús og
geta félagar í því ýmist keypt eða
leigt sér pláss í þeim. Nú er þetta
svæði komið á deiliskipulag og ein-
staklingar geta byggt sér hús
þar.“
Engin reiðhöll er á svæðinu og
sagði Bergur það mjög bagalegt,
t.d. væri þetta eina svæðið á land-
inu þar sem haldin er kynbótasýn-
ing og ekki hægt að bygg-
ingadæma hross innanhúss. „Við
erum vongóð um að byggð verði
reiðhöll hér, sérstaklega eftir að
viðurkennd var þörf fyrir slík hús í
skýrslu landbúnaðarráðherra um
hestamennsku á landsbyggðinni,“
sagði hann.
Bygging reiðhallar og betri
reiðvegir eru brýn mál að mati
hestamanna á Héraði eins og víðar
á landinu. Brýnt er að bæta reið-
vegina í kringum hesthúsasvæðið
og víðar að mati Bergs. Umferð
hefur aukist gífurlega á vegunum
á Fljótsdalshéraði eftir að farið
var að vinna við Kárahnjúkavirkj-
un. Nú fara stórir flutningabílar
um veginn og sagði Bergur mjög
bagalegt að þurfa að ríða eftir
þessum vegum, sérstaklega á vet-
urna þegar vegirnir eru ruddir og
allur snjórinn af þeim lendir ofan á
reiðvegunum svo þeir verða ófærir
á eftir.
Byrjað að undirbúa
Ístöltmót næsta árs
En félagslífið er með blóma hjá
hestafólki á Héraði. Í vetur efndi
útreiðarnefnd Freyfaxa til útreið-
artúra á sunnudögum.
Farið var frá Foss-
gerði og lagt af stað
kl. 14.00. Bergur
sagði þetta hafa tekist
vel og að þátttaka hafi
verið ágæt. Þó nokkuð
var um mótahald hjá
félaginu, bæði á
heimaslóðum og einn-
ig víða á Norðurlandi
því félagsmenn tóku
þátt í „Tekið til kost-
anna“ á Sauðárkróki,
bikarmóti Norður-
lands og Ein-
arsstaðamótinu. Hæst
bar þó Ístöltmótið á
Lagarfljóti í febrúar.
„Þetta var í annað
sinn sem við héldum þetta mót.
Fyrsta mótið var mun minna í snið-
um og við auglýstum það aðallega
hér á svæðinu. En mótið í vetur
var vel sótt og fengum við ýmsa
góða knapa að sunnan til að taka
þátt. Mótið er haldið í Egils-
staðavík á Lagarfljóti og auðvitað
skiptir miklu máli hvernig veðrið
er. Við þurfum frost til að fá ís á
fljótið, en líka gott veður svo ein-
hver komi. Við höfum verið heppin
hingað til og nú erum við að hefja
undirbúning fyrir næsta Ístölt
Austurlands á Lagarfljóti sem lík-
lega verður í lok febrúar eða byrj-
un mars. Uppskeruhátíð hesta-
manna var haldin um kvöldið og
flestir gestanna tóku þátt í henni
líka. Mótinu var sjónvarpað í gegn-
um netið í samvinnu við 847.is en
það gekk ekki nógu vel þar sem
mun fleiri reyndu að horfa á það
en við bjuggumst við, eða um 2000
manns. Þessu ætlum við að kippa í
lag fyrir næsta mót, en jafnframt
búumst við við fleiri áhorfendum.“
Bergur segir að fjölgunina í fé-
laginu megi þakka ýmsum þáttum.
Mikil fólksfjölgun á sér stað á Eg-
ilsstöðum um þessar mundir, betri
aðstaða er fyrir börn og unglinga
til að byrja í hestamennsku og
einnig hafa bæst í félagið hesta-
menn úr nágrannasveitarfélög-
unum.
„Við höfum þó þurft að sjá á eft-
ir öflugu hestafólki núna. Ragn-
heiður Samúelsdóttir á Útnyrð-
ingsstöðum, sem oft hefur séð um
námskeið hjá okkur er farin að
Hólum til að kenna þar og fleiri
hafa farið þangað til náms,“ sagði
Bergur og viðurkenndi að þetta
sýndi ákveðinn metnað í austfirsk-
um hestamönnum, en hann vonaði
jafnframt að þau sneru öll til baka.
Hestamennska
í uppsveiflu á
Fljótsdalshéraði
Eftir Ásdísi Haraldsdóttur
asdish@mbl.is
Bergur Már
Hallgrímsson
WORLDFengur, upprunaættbók
íslenska hestsins, er í sífelldri þró-
un. Nú geta áskrifendur, sem
dreifast víða um heim, valið á milli
sjö tungumála, íslensku, dönsku,
ensku, finnsku, hollensku, norsku
og þýsku.
Önnur nýjung felst í því að
ræktendum er nú boðið upp á að
kaupa tengil á heimasíðu sína í
WorldFeng, en í frétt frá Bænda-
samtökunum kemur fram að
áhugasamir ræktendur hafi farið
fram á þessa þjónustu um skeið.
Tákn fyrir heimasíðu ræktandans
kemur þá upp við öll hross sem við-
komandi er skráður ræktandi eða
eigandi að. Heimasíða rækt-
unarbúsins opnast í nýjum glugga
þegar smellt er á heimasíðutáknið.
Með þessu móti er auðveldað til
muna að komast í samband við
ræktendur og eigendur þeirra
hrossa sem áskrifendur eru að
skoða hverju sinni.
Á næstu vikum verður svo bætt
um 300 ljósmyndum í WorldFeng
af helstu kynbótahrossum sem
sýnd voru á þessu ári. Flestar ljós-
myndirnar tók Eiríkur Jónsson.
Nýjungar í WorldFeng
FRÉTTIR
ÍSLANDSBANKI verður að-
alstyrktaraðili íþróttafélagsins
Gróttu næstu þrjú árin. Markmið
Íslandsbanka er að styðja félagið
við þjálfun barna- og unglinga í hin-
um ýmsu íþróttagreinum.
Allir keppendur á vegum Gróttu
munu klæðast keppnisbúningum
merktum Íslandsbanka á næstu
þremur keppnistímabilum. Eins
mun Grótta standa fyrir Íslands-
bankadeginum og bankinn mun
styrkja uppskeruhátíðir Gróttu.
Skrifað var undir styrktarsamning-
inn í útibúi Íslandsbanka við Eið-
istorg sl. fimmtudag að viðstöddum
gestum.
Myndin er tekin við undirskrift
en undir samninginn rituðu talið
frá vinstri, Bjarni Torfi Álfþórsson,
formaður Gróttu, Hildur Krist-
mundsdóttir, útibússtjóri Íslands-
banka á Eiðistorgi, og Bjarni Ár-
mannsson, forstjóri Íslandsbanka.
Íslandsbanki
styrktaraðili Gróttu
Umdæmisþing
Kiwanis í
Garðabæ
35. UMDÆMISÞING Kiwanis verð-
ur haldið föstudaginn 16. og laug-
ardaginn 17. september í Kirkju-
hvoli í Garðabæ og fer fram
þingsetning í Vídalínskirkju.
Á þinginu fer fram fræðsla vænt-
anlegra embættismanna og kynn-
ing á stofnun unglingaklúbbs á veg-
um Kiwanis auk umræðna um
stefnumótun næstu stjórnar, K-dag
o.fl.
Nánari upplýsingar um þingið,er
að finna á www.kiwanis.is
Ræða öldrun á Alzheimersdaginum
ALÞJÓÐLEGI Alzheimersdag-
urinn, fræðslu- og baráttudagur í
þágu Alzheimerssjúklinga, verður
haldinn 17. september. Í tilefni
hans heldur FAAS Félag aðstand-
enda Alzheimerssjúklinga og ann-
arra skyldra sjúkdóma fræðsludag
á laugardaginn kl. 13.30, í safn-
aðarheimili Langholtskirkju að Sól-
heimum 13. Flutt verða erindi um
vandamál öldrunar og það sem því
fylgir, m.a. í tengslum við heilabil-
un. Boðið verður upp á veitingar.
Allir velkomnir.
UTANRÍKISMÁLANEFND Al-
þingis fundaði í gær með Schen-
gen-nefnd ítalska þingsins um mál-
efni Schengen-samningsins. „Þeir
lýstu yfir að Ísland væri í raun af-
ar mikilvægt að heimsækja þar
sem Ísland væri í Schengen en
ekki í Evrópusambandinu,“ segir
Sólveig Pétursdóttir, formaður ut-
anríkismálanefndar Alþingis.
Að hennar sögn var fundurinn
ánægjulegur og Ítalirnir afar
áhugasamir. Rætt var um ýmis
mál að sögn Sólveigar þ.á m.
hvernig Schengen-samningurinn
hefði reynst báðum þjóðum, en
ítölsku þingmennirnir kváðu
reynslu sína af samningnum vera
góða. Sólveig upplýsti þingmenn-
ina um að góð samvinna væri í
löggæslumálum í gegnum Europol.
Að auki voru þingmennirnir upp-
lýstir hvers vegna Ísland sé í
Schengen án þess að vera í ESB.
„Við kynntum fyrir þeim eins og
var með norræna vegabréfa-
samstarfið sem er miklu eldra en
Schengen-samstarfið.“ Þá var rætt
um þann útbúnað og þá fjárfest-
ingu sem lagst var í á Keflavík-
urflugvelli vegna inngöngu Íslands
í Schengen. „Það hefði líka haft
mikil áhrif á okkar stöðu eftir
árásina á tvíburaturnana. Þannig
að okkar öryggismál væru í mjög
góðu lagi.“
Rætt var um málefni ólöglegra
innflytjenda sem er allnokkuð
vandamál á Ítalíu sökum land-
fræðilegrar legu landsins.
Hún segir utanríkismálanefnd
hafa lýst því yfir að Íslendingar
teldu sig vera evrópubúa þrátt fyr-
ir að vera ekki í ESB, en auk þess
hafi komið fram að Ísland væri í
mjög góðum tengslum við Banda-
ríkin og mikilvæg brú milli Evr-
ópu og Bandaríkjanna. „Jafnframt
að við teldum að það væri mik-
ilvægt að hér væru strangar regl-
ur bæði inn og út úr landinu.“
Einnig var rætt um persónu-
verndarsjónarmið t.a.m. upplýs-
ingaskráningu. En ítölsku þing-
mennirnir bentu á að á Ítalíu væri
starfandi nokkurskonar umboðs-
maður sem gætir þess að persónu-
réttindi séu tryggð.
Ítölsku þingmennirnir kynntu
sér húsnæði alþingis og áttu auk
þess fundi með lögregluyfirvöldum
á Keflavíkurflugvelli, í utanríkis-
og dómsmálaráðuneytinu.
Morgunblaðið/Þorkell
Sólveig Pétursdóttir, formaður utanríkismálanefndar Alþingis, tók á móti
ítölsku þingmönnunum í gær. Fundarefnið var Schengen-samstarfið.
Fundað með
Schengen-
nefnd ítalska
þingsins
BRYNHILDUR Ólafsdóttir hefur
tekið við starfi sem forstöðumað-
ur Alþjóðamálastofnunar og
Rannsóknaset-
urs um smáríki
við Háskóla Ís-
lands og mun
gegna starfinu á
meðan Ásthild-
ur Elva Bern-
harðsdóttir, sem
hefur veitt
stofnununum
forstöðu síðustu
þrjú ár, er í rannsóknarleyfi í
Bandaríkjunum.
Brynhildur hefur undanfarin
17 ár starfað við fjölmiðla, bæði á
dagblöðum sem og í útvarpi og
sjónvarpi og hefur síðustu árin
verið yfirmaður erlendra frétta á
fréttastofu Stöðvar 2. Brynhildur
hefur jafnframt sinnt stunda-
kennslu við stjórnmálafræðiskor
félagsvísindadeildar HÍ og kennt
á námskeiði um stjórnmál þriðja
heimsins og hryðjuverk.
Brynhildur nýr
forstöðumaður
Viskulind hefur
starfsemi
HEIMSPEKISKÓLINN Viskulind
hefur starfsemi að nýju 17. sept-
ember nk., en þar gefst börnum
kostur á að stunda heimspekilegar
samræður í hóp með jafnöldrum
sínum. Þau ræða heimspekileg mál
með eigin orðaforða og átta sig bet-
ur á hvað það þýðir að vera hugs-
andi manneskja, og þá hvað hugsun
er. Dæmi um hugtök sem börn
ræða: uppfinning, uppgötvun, feg-
urð, þekking, reynsla, manneskjan,
málið, heimurinn, tíminn, rúmið,
veruleikinn, möguleikar, hugsunin.
Nánari upplýsingar má finna á
vefsíðunni: www.viskulind.com