Morgunblaðið - 18.10.2005, Blaðsíða 8

8 ÞRIÐJUDAGUR 18. OKTÓBER 2005 MORGUNBLAÐIÐ
FRÉTTIR
Sölu áskriftarkorta ámenningarviðburðisýningarveturinn
2005 til 2006 fer senn að
ljúka ef ekki hefur verið
lokað fyrir sölu nú þegar.
Svo virðist sem almenn
aukning sé í sölu slíkra
korta og að meira sé sóst í
opin kort en þegar dag-
skráin er þegar njörvuð
niður. Líklega hefur aukn-
ingin verið hvað mest á
Akureyri en mun meiri
eftirspurn hefur verið hjá
Leikfélagi Akureyrar eftir
áskriftarkortum undan-
farin tvö ár en árin þar á undan og
ljóst að stefna leikfélagsins að laða
til sín yngri sýningargesti hefur
margborgað sig. Leikfélagið hefur
átt í samstarfi við Landsbanka Ís-
lands um að bjóða þeim sem yngri
eru en 25 ára að kaupa áskrift-
arkort með helmingsafslætti og
hefur það vakið stormandi lukku
meðal yngra fólks í bænum sem
flykkist nú í leikhús á sannkölluðu
kvikmyndahúsaverði eða 3.450
krónur fyrir fjórar sýningar. Seld
ungmennakort nema um fjórð-
ungi af heildarsölu áskriftarkorta.
Lára Gunnarsdóttir, miðasölu-
stjóri Leikfélags Akureyrar, segir
mikla ánægju ríkja innan leik-
félagsins með aukinn fjölda sýn-
ingargesta undanfarin tvö ár en í
fyrra var metár hjá félaginu þegar
rúmlega níu hundrað áskriftar-
kort voru seld – sem er sjöföldun
frá árinu þar á undan – og verður
að þykja gott miðað við stærð
markaðarins. Lára segir söluna í
ár vera á svipuðu róli og í fyrra en
ekki hefur verið hætt sölu áskrift-
arkorta. Hún segir að miklu máli
hafi skipt fyrir leikfélagið að hafa
virkan markaðsfulltrúa á síðasta
ári og sé það enn að njóta góðs af
starfi hans. Þar að auki ríkti al-
mennt mikil ánægja meðal Akur-
eyringa með sýningarárið í fyrra
og það hefur skilað sér út í sam-
félagið, enda beri nokkuð á nýjum
sýningargestum í ár.
Njóta góðs af síðasta leikári
Í Borgarleikhúsinu hefur sala
áskriftarkorta gengið vel og að
sögn Guðrúnar Stefánsdóttur,
miðasölustjóra þar á bæ, er salan
betri en á síðasta ári. Hún segir
það líklega helgast fyrst og fremst
af árangri leiksýninga síðasta
leikárs en þær þóttu takast afar
vel.
Sýningargestir hafi verið mjög
ánægðir með þær sýningar sem
boðið hafi verið upp á og það skili
sér í sölu áskriftarkorta í haust.
Guðrún getur ekki opinberað töl-
una yfir seld kort en ljóst sé að
aukningin frá því í fyrra nemi að
minnsta kosti 15% og því ríki
nokkur ánægja með söluna. Frek-
ar sé það yngra fólk sem sé að
bæta við sig kortum nú en alltaf
séu einhverjar sveiflur á milli ára,
leikhúsið hafi svo sína tryggu sýn-
ingargesti sem endurnýja kort sín
ár eftir ár.
Borgarleikhúsið bauð upp á
tvær gerðir af áskriftarkortum í
ár, föst kort sem gilda á fimm sýn-
ingar en þar af eru fjórar fyrir-
fram valdar, á Stóra sviðinu, og
ein valfrjáls. Á hinn bóginn er
hægt að kaupa átta miða kort sem
eru opin og kaupandinn stjórnar
ferðinni og velur hvenær og hvað
hann vill sjá. Aðspurð segir Guð-
rún skiptinguna hafa verið nokkuð
jafna á milli korta en frekar beri á
því að yngra fólk kaupi opnu kort-
in og virðist sem erfiðara sé að fá
fólk til að skuldbinda sig fram í
tímann. Ekki fengust í gær upp-
lýsingar um sölu áskriftarkorta
hjá Þjóðleikhúsinu.
Hætt að smala á haustin
Sváfnir Sigurðarson, kynning-
arfulltrúi hjá Sinfóníuhljómsveit
Íslands, segist einnig sjá breyt-
ingu á áskriftarforminu og sér
kaupendur í meira mæli kaupa sér
áskriftir þar sem þeir ráða sér
meira sjálfir og taka síður við dag-
skrá sem þeim er rétt fullbúin.
Þar af leiðandi hafi verið ákveðið
að hætta svokallaðri smölun að
hausti og leggja þess í stað meiri
áherslu á að kynna einstaka við-
burði og gera það vel.
Hann segir að meira sé selt af
áskriftarkortum í svokallaðri
Regnbogaröð þar sem kaupand-
inn getur valið tónleika af allri
efnisskrá hljómsveitarinnar og
sett saman eigin dagskrá. Verðið
fer þá eftir fjölda tónleika en einn-
ig er veittur afsláttur til náms-
manna og fólks undir 25 ára.
Þá hafi fjölskyldukort Sinfóníu-
hljómsveitarinnar náð miklum
vinsældum en þetta er aðeins ann-
að árið þar sem boðið er upp á þau.
Um 270 fjölskyldukort voru seld í
fyrra en þau eru komin upp í 350 í
ár og segir Sváfnir að það sé mun
betra en menn gerðu sér vonir um
og ljóst að með kortunum sé verið
að svara þörf sem til staðar var.
Með fjölskyldukortunum kemur
einnig mikið af ungu fólki á tón-
leikana sem Sváfnir segir góðs viti
enda séu það viðskiptavinir fram-
tíðarinnar.
Heildarfjöldi seldra áskriftar-
korta er svipaður í ár og undan-
farin fimm, sex ár eða ríflega tvö
þúsund kort, en Sváfnir segir
lausamiðasölu hafa aukist jafn-
hliða. Alltaf sé traustur hópur
fólks sem endurnýjar á hverju ári
og margir hverjir hafa verið með
áskrift í áratugi, jafnvel frá því
hljómsveitin var stofnuð.
Fréttaskýring | Sala áskriftarkorta á
menningarviðburði eykst á milli ára
Áhersla lögð á
fjölskylduna
Almenn ánægja ríkir með fjölda
seldra áskriftarkorta fyrir veturinn
Dynjandi lófatak áhorfenda í lok leiksýningar.
Yngra fólk vill fá að setja
sína dagskrá sjálft saman

Nokkuð ber á aukningu í sölu
áskriftarkorta á menningar-
viðburði á milli ára. Hjá Borgar-
leikhúsinu jókst sala um alla
vega fimmtán prósent frá síðasta
ári og hjá Leikfélagi Akureyrar
hefur orðið sprengja í sölu
áskrifta undanfarin tvö ár.
Breyting hefur orðið á neyslu-
mynstrinu en sala eykst stöðugt
á svokölluðum opnum kortum
þar sem kaupandinn setur sína
dagskrá sjálfur saman.
Eftir Andra Karl
andri@mbl.is
„ÉG ætla að bíða“ er yfirskrift aug-
lýsingaherferðar gegn vímuefnum
sem kynnt var í gær við upphaf
vímuvarnarviku, en markmið henn-
ar er að hvetja unglinga til þess að
taka ákvörðun um að bíða með að
prófa áfengi, tóbak eða vímuefni
þar til þau hafa þroska til að velja.
Unglingar eru virkir þátttak-
endur í auglýsingaherferð sem
verður beitt, en þar gefa ungling-
arnir sínar ástæður fyrir því að
bíða með neyslu vímugjafa og
tóbaks, sagði Helga Margrét Guð-
mundsdóttir, talsmaður vímu-
varnarviku, þegar henni var hleypt
af stokkunum í Áslandsskóla í
Hafnarfirði í gær. Í gær var einnig
opnaður vefur vímuvarnarvikunnar,
www.vvv.is
Helga sagði að á vímuvarnarvik-
unni í ár verði áherslan lögð á að ná
til ungra krakka, á þeim aldri sem
algengt er að krakkarnir prófi
áfengi, tóbak eða jafnvel eiturlyf,
þó augljóslega sé það ekkert nátt-
úrulögmál að allir eigi einhvern
tímann eftir að prófa áfengi. „Eins
og einn unglingurinn sagði við okk-
ur um daginn; „ég ætla bara að bíða
nógu lengi, þá kannski kemst ég að
því að ég þarf ekki að byrja“.“
Í gær rituðu forsvarsmenn þeirra
19 samtaka sem hafa komið að
undirbúningi vímuvarnarviku undir
sameiginlega yfirlýsingu, þar sem
segir m.a.: „Komum í veg fyrir
áfengis- og vímuefnaneyslu barna
og ungmenna. Neysla áfengis og
annarra vímuefna raskar uppvexti
og ógnar velferð margra barna.
Sum bíða ævarandi tjón. Það er bit-
ur reynsla foreldra og annarra að-
standenda að sjá barn sitt lenda í
fjötrum vímuefnaneyslu og villast á
brautir glæpa og ofbeldis. Það er
átakanleg sjón sem snertir okkur
öll.“
Börn berskjölduð fyrir áróðri
Þar segir enn fremur: „Börn og
ungmenni eru berskjölduð fyrir
áróðri og hvatningu til neyslu
áfengis og annarra vímuefna. Rann-
sóknir sýna að því seinna sem ungt
fólk byrjar neyslu áfengis og
tóbaks, því minni líkur eru á að það
leiðist í neyslu vímuefna, hætti í
skóla eða lendi í öðrum erfiðleikum.
Höfum það í huga. Tökum höndum
saman um það að skapa börnum
þroskavænlegri skilyrði. Styðjum
börn og ungmenni í að hafna neyslu
áfengis og annarra vímuefna.“
Þau samtök sem komið hafa að
undirbúningnum eru: Heimili og
skóli, Vímulaus æska – Foreldra-
hús, UMFÍ, Bandalag íslenskra
skáta, Brautin – bindindisfélag öku-
manna, IOGT – barnahreyfing, ÍSÍ,
KFUM og K, IOGT á Íslandi, Sam-
fés, Biskupsstofa, IOGT – ung-
mennahreyfing, Náum áttum,
Lions-Quest á Íslandi, Kvenfélaga-
samband Íslands, ÍUT forvarnar-
samtök, Samtök skólamanna um
bindindisfræðslu og Krabbameins-
félag Reykjavíkur, en umsjónaraðili
er Samstarfsráð um forvarnir.
Vímuvarnarviku ýtt úr vör með þátttöku unglinga
Morgunblaðið/Golli
Unglingar úr Áslandsskóla í Hafnarfirði fylgdust með þegar vímuvarnarvikan var sett og sýndar voru auglýsing-
ar sem eiga að fá unglinga til að bíða með að prófa áfengi og tóbak. Þær verða áberandi á næstu dögum.
Unglingar bíði með að
prófa áfengi eða tóbak
 Meira á mbl.is/ítarefni
NÆSTU daga, þ.e. vikuna 17.–23.
október, stendur Hjálparsími
Rauða krossins, 1717, fyrir átaks-
viku um málefnið samkynhneigð/
tvíkynhneigð. Tilgangurinn er að
vekja athygli á stöðu samkyn-
hneigðra og reyna að höfða til
þeirra sem eru að velta fyrir sér
kynhneigð sinni, benda á leiðir, fé-
lagasamtök og hvetja til opinnar
umræðu.
Frá því að 1717 hóf starfsemi
sína hafa borist mörg símtöl frá
ungu fólki sem er hrætt við að
koma út úr skápnum vegna ótta við
viðbrögð aðstandenda og sam-
félagsins, segir í tilkynningu.
Eitt af markmiðum 1717 eru for-
varnir gegn sjálfsvígum en nýlegar
tölur frá Landlæknisembættinu
sýna að þeir hópar sem hafa ekki
viðurkennt og komist í sátt við kyn-
hneigð sína eru í meiri sjálfsvígs-
hættu en aðrir. Tilgangur átaksvik-
unnar er því m.a. að reyna að ná til
þessa hóps sem og aðstandenda
þeirra. Sem liður í undirbúningi
átaksvikunnar var haldið fræðslu-
kvöld fyrir símsvarendur 1717. Þar
voru m.a. innlegg frá fulltrúum
Samtakanna 78, Félagi samkyn-
hneigðra/tvíkynhneigðra, Félagi
aðstandenda samkynhneigðra og
Landlæknisembættinu, segir í
fréttatilkynningu.
Átaksvika um
samkynhneigð
Borgarnes | Lögreglan hefur rætt við
fjölda rjúpnaveiðimanna síðan veiði-
tímabilið hófst á laugardag. Eftir því
sem næst verður komist hafa veið-
arnar gengið áfallalaust, a.m.k. frá
sjónarhóli veiðimannanna.
Á laugardaginn, fyrsta rjúpna-
veiðidaginn, hófst sameiginlegt átak
lögreglunnar í Borgarnesi, Búðardal
og ríkislögreglustjóra á því að rætt
var við 90 veiðimenn og þeir beðnir
um framvísa byssuleyfum og veiði-
kortum. Langflestir voru með allt
sitt í lagi en lögreglan lagði hald á
tvær haglabyssur sem ekki voru rétt
skráðar. Almennt höfðu veiðimenn
sýnt mikla hófsemi við veiðarnar og
voru með frá einni og upp í 12 rjúpur
á mann í Borgarfirðinum. Heldur
meiri veiði var hjá þeim sem voru í
Dalasýslunni en þar voru menn að fá
frá 8 og upp í 30 rjúpur af þeim 15
veiðimönnum sem þar voru teknir
tali. Í Dölunum voru menn nokkuð
að villast á almenningi og eignar-
löndum og fengu tiltal fyrir. Að sögn
veiðimanna var rjúpan stygg en tölu-
vert sást af fugli sem hélt hún sig
nokkuð hátt í fjöllunum.
Lögreglan á Selfossi fékk um
helgina þrjár tilkynningar um leyf-
islausa rjúpnaveiðimenn; við Brúar-
hlöð, Miðdal við Laugarvant og Þór-
arinsstaði í Hrunamannahreppi.
Líkt og lögreglan á Vesturlandi nutu
Selfyssingar aðstoðar ríkislögreglu-
stjóra við eftirlitið. Tvær rjúpna-
skyttur villtust í myrkri og svarta-
þoku við Gæsafell, norðaustur af
Mývatni, seinnipartinn á sunnudag.
Það varð þeim til happs að þeir náðu
símasambandi og gátu tilkynnt um
villurnar og að ráði björgunarmanna
skutu þeir upp í loftið þar til hjálp-
arsveit rann á hljóðið.
Lögregla ræðir við fjölda veiðimanna
Hafa almennt
sýnt hófsemi
Morgunblaðið/Ómar