Morgunblaðið - 25.11.2005, Side 42

42 Jólablað Morgunblaðsins 2005
„ÉG NOTA engan unninn sykur,
bara sjálfar döðlurnar og nátt-
úrulegt hráefni. Kosturinn við þetta
konfekt er hvað það er fljótlegt,“
segir Sólveig Eiríksdóttir, sérlegur
sérfræðingur í grænum og vænum
kosti, sem hefur sett saman nokkrar
uppskriftir að heilnæmum jóla-
bakstri fyrir jólablaðið. „Ég tók bara
smáspuna í eldhúsinu og skrifaði
niður það sem tókst vel hjá mér. Það
er svo gaman að gera eitthvað nýtt.“
Í stað þess að baka hluti í bakarofn-
inum setur Sólveig kökurnar í fryst-
inn til að þétta þær saman svo þær
haldi lögun sinni.
Þrjú hestöfl í eldhúsinu
Eitt helsta hjálpartæki þeirra sem
vinna með hráfæði er mat-
vinnsluvélin. „Mín er alveg æðisleg,
hún er þrjú hestöfl!“ segir Sólveig
um leið og hún gefur blaðamann-
inum sýnikennslu og þeytir saman
mangókremið á súkkulaðikökuna.
Sólveig er hámenntaður textílhönn-
uður sem fór að vinna á veit-
ingastaðnum Á næstu grösum með
náminu í Myndlista- og handíðaskól-
anum. „Ég var að vinna að lokaverk-
efninu mínu í samvinnu við Álafoss
þegar það fór á hausinn og þá ákvað
ég bara að skipta út ullinni fyrir kál-
ið,“ segir hún og hlær við. „Ég
breytti alveg um mataræði fyrir um
tuttugu og sex árum vegna ofnæmis
og þurfti þá að sjálfmennta mig í
þessum fræðum. Og ég áttaði mig á
því að það var mun meiri eftirspurn
eftir fólki með kunnáttu á því sviði
heldur en textílhönnuninni. Mennt-
un mín úr Myndlistar- og hand-
íðaskólanum hefur nýst mér ótrú-
lega vel, þar lærði ég hvernig maður
getur fylgt eftir skapandi hugmynd
frá fæðingu hennar að fullsköpuðu
verki. En svo er ég á stöðugum nám-
skeiðum út um allan heim og held
líka námskeið sjálf hér heima og var
að skrifa bók fyrir Hagkaup.“
Kasjú- og kókoshnetukonfekt
1 b kasjúhnetur
1 b kókosmjöl
1½ bolli döðlur
½ bolli lífrænt hrátt kakóduft
2 msk agave
smásjávarsalt
Allt sett í matvinnsluvél og blandað vel
saman.
Mótið litlar kúlur og setjið í plastbox.
Það er sniðugt að setja bökunarpappír
á milli laga svo auðvelt sé að ná kon-
fektinu í sundur. Geymist best í frysti –
en einnig 2–3 vikur í kæli.
Furuhnetuhjörtu
1 bolli furuhnetur
1 bolli kasjúhnetur
1 bolli ljósar rúsínur
1 bolli döðlur
½ tsk vanilluduft
Allt sett í matvinnsluvél og maukað
saman í deig. Þegar deigið er orðið vel
klístrað saman er það flatt út með
kökukefli og skorin út lítil hjörtu með
hjartamóti (álíka og notað er við pip-
arkökubakstur), sett í plastbox, það er
sniðugt að setja bökunarpappír á milli
laga svo auðvelt sé að ná konfektinu í
sundur. Geymið í frysti.
Gómsætar hrákökur
Enginn sykur, ekkert lím
eða hveiti. Það er ekki
einu sinni notaður bak-
araofn við baksturinn.
Dagur Gunnarsson fékk
að kynnast hráköku-
bakstri hjá Sólveigu
Eiríksdóttur.
Morgunblaðið/Brynjar Gauti
Sólveig og duglega aðstoðarstúlkan Aþena Elíasdóttir.
Fáðu fréttirnar
sendar í símann þinn
Slakaðu á fyrir
Nú sér Pósturinn líka um að
Pósturinn býður nýja þjónustu sem gerir þér kleift að hanna vandað
jólakort með eigin mynd og senda til vina og vandamanna á einfaldan
og ódýran hátt.
Búðu til heimilisfangalista
sem uppfærist sjálfkrafa
Þú getur búið til þinn eigin heimilisfangalista og vistað á vef
Póstsins. Þar safnarðu saman á einn stað heimilisföngum vina og
vandamanna sem þú vilt geyma. Listinn uppfærist sjálfkrafa og þú
hefur því alltaf aðgang að réttum upplýsingum um heimilisföngin.
Pósturinn sér um að láta prenta jólakortin í frábærum gæðum,