Morgunblaðið - 25.11.2005, Síða 71

Jólablað Morgunblaðsins 2005 71
Magni tekur undir þetta, „þá var
ekki þetta stress og lífsgæðakapp-
hlaup,“ segir hann.
„Hjá mömmu á Sjónarhóli, það hét
húsið okkar, varð allt að vera hreint
úr út dyrum, maður var að skúra og
bóna stigann á Þorláksmessu. Á jóla-
dag fórum við til Pálínu frænku í
Hraungerði, þar fengum við ham-
borgarhrygg.
Í desember fengum við systurnar
yngstu eina appelsínu og eitt epli á
kvöldin. Þetta var árið 1950. Pabbi lét
okkur líka taka lýsi, ef við gleymdum
því elti hann okkur í skólann með lýs-
isflöskuna. Við fengum gjarnan
súkkulaði á eftir.
Hitti Magna á dansleik í Lídó
Ég ætlaði alltaf að vera dansmær
og dansaði niður úr nokkrum gólf-
teppum í stofunni heima. Ég dansaði
við hurðarhúna og myndir hvað þá
annað.
Ég fór frá Eyrarbakka 17 ára göm-
ul, óðfús að komast til Reykjavíkur.
Ég leigði mér herbergi og fékk vinnu
í Parísarbúðinni.
Það var einmitt á dansleik sem við
Magni hittumst, það var í Lídó þegar
ég var 19 ára, hann bauð mér upp.“
„Fyrsta setningin sem ég sagði var
„má ég horfa niður dalinn“, hún var í
svo flegnum kjól,“ segir Magni.
„Við giftum okkur fjórum árum
seinna,“ segir Steinunn.
„Árið 1964 hætti hún að segja nei,“
bætir Magni við.
„Mamma sagði; „passaðu þig á
strákunum, Steinunn mín.“
„Ég varð að kyssa hana í gegnum
bréfalúgu, þess vegna er ég svona til
munnsins,“ segir Magni og grettir sig
dálítið svo við hlæjum öll.
„Mamma sagði ekki mikið en því
sem hún sagði tók maður mark á,“
segir Steinunn og lætur orðræðu
Magna ekki trufla sig.
Líkast til hefur móðir hennar átt
þátt í þeirri ákvörðun Steinunnar að
fara í húsmæðraskóla í einn vetur.
„Ég lærði þar heilmikið í matargerð,“
segir hún.
Gaf nágrannanum allar kökurnar
En hvernig voru fyrstu jólin þeirra
Steinunnar og Magna?
„Þau voru skrítin, ég var ófrísk en
hafði bakað mjög mikið. Svo var ég
svo lasin að ég vildi komast til Huldu
upp á Fæðingarheimili og gaf bara
konunni uppi á lofti allar kökurnar,“
svarar Steinunn.
En hvað með jólin núna?
„Við erum boðin til dóttur okkar.
Eftir að við vorum orðin tvö hefur
það verið svo. Hún sá hvað við vorum
orðin þreytt. Við ætlum að þiggja boð
hennar á aðfangadagskvöld en nú
langar mig til að gera eitthvað fyrir
börnin mín á jóladag. Bjóða þeim
hingað.“
Magni skýtur inn í að 1. desember
eigi þau hjónin 44 ára trúlofunar-
afmæli, en þá verður Steinunn úti á
Kanaríeyjum í leikfimiferð með Ást-
björgu Gunnarsdóttur. „En ef ég
verð hress þegar ég kem frá Kanarí
tek ég kannski upp gömlu siðina,“
segir Steinunn, örlítið dreymandi
„Fer að baka og sækja kannski ein-
hverja tónleika. Nú verða þetta allt
öðruvísi jól.“
Eplakakan hennar mömmu
½ kg ný epli eða 125 g
þurrkuð epli
75 g sykur
vanilla
4–5 dl vatn, ef notuð eru
þurrkuð epli
100 g brauðmylsna
50 g sykur
50 g smjörlíki
¼ l rjómi
berjamauk
Eplin eru þvegin og flysjuð, skorin í bita
og soðin með sykri og litlu vatni, þangað
til þau eru komin í mauk. Séu notuð
þurrkuð epli, eru þau látin liggja í bleyti
yfir nóttina í 4 dl af vatninu og soðin
með sykri í því vatni. Brauðmylsnunni
er blandað saman við sykurinn. Smjör-
líkið er brúnað á pönnu, brauðmylsnan
látin á og bökuð, þangað til hún er orðin
hörð og brún. Kæld á pappír. Eplin sett
á fat eða í skál, brauðmylsna neðst, því
næst eplamauk, þá brauðmylsna o.s.frv.
Skreytt með þeyttum rjóma og berja-
mauki. Brauðmylsnu er stráð yfir
þeytta rjómann. Í staðinn fyrir nokkuð
af brauðmylsnunni er gott að hafa kók-
osmjöl.
Eplabakan hennar mömmu,
lítið breytt
½ kg epli (helst bragðmikil)
t.d. græn
75 g sykur
vanilla
150 g brauðmylsna
50 g sykur
50 g smjör
¼ l rjómi
rifs og rifið súkkulaði (sem skraut)
Sama aðferð og hér að ofan.
Morgunblaðið/Sverrir
Fréttir í tölvupósti
Ynja • Hamraborg 7, Kópavogi • sími: 544 4088 • www. ynja.is
Útsölustaðir: Esar á Húsavík og Dalakjör í Búðardal.
undirfataverslun fyrir allar konur
Frábært verð og gæði.
Persónuleg þjónusta.
Frábært úrval
fyrir jólin.