Morgunblaðið - 28.12.2005, Blaðsíða 6
6 MIÐVIKUDAGUR 28. DESEMBER 2005 MORGUNBLAÐIÐ
FRÉTTIR
Eldaskálinn | Brautarholti 3 | 105 Reykjavík
sími: 562 1420 | eldaskalinn@eldaskalinn.is | www.invita.com
Áramótaskaupið á eldhúsflatskjánum
Gerum okkur glaðan dag og meðan birgðir endast
gefum við 20" Toshiba LCD flatskjái með Invita eldhúsinnréttingum.
Á www.invita.com sérðu enn fleiri innréttingalausnir.
Þetta er Invita
20" LCD
flatskjársjónvarp
25 ára afmælistilboð
kjaranefndar um laun kjörinna full-
trúa og ýmissa embættismanna. „Að
því gefnu að Kjaradómurinn hafi
farið að lögum, þá hlýtur hann að
hafa byggt þetta á einhverjum rök-
um sem ég samt átta mig ekki alveg
á,“ sagði Guðjón. „Ég hefði haldið að
við værum að tala um 6–7% launa-
breytingu og átta mig ekki alveg á
hvar þessi viðbót kemur.“
Guðjón kvaðst vera þeirrar skoð-
unar að endurskoða þyrfti kjör al-
þingismanna í heild sinni, lífeyr-
iskjörin þar með talin. „Eðli málsins
vegna hljóta alþingismenn að verða
að una því að kjör þeirra komi á eftir
öðrum stéttum. Þeir geta ekki leitt
launakröfur í landinu. Ég er hins
vegar ekki viss um að það sé til betra
fyrirkomulag en einhvers konar
kjaradómur til að ákvarða þetta. En
hann má ekki keyra þær stéttir, sem
setja landinu lög og reglur og tak-
mörk og annað slíkt, fram úr öðrum.
Það má ekki eiga sér stað.“
GUÐJÓN Arnar
Kristjánsson, for-
maður Frjálslynda
flokksins, sagðist
ekki hafa neitt á
móti því að málefni
kjaranefndar og
Kjaradóms yrðu
endurskoðuð. Guð-
jón er staddur er-
lendis og hafði ekki
haft tök á að kynna sér forsendur
nýlegrar ákvörðunar Kjaradóms og
Guðjón A. Kristjánsson
Endurskoða
þarf laun alþing-
ismanna í heild
Guðjón A.
Kristjánsson
ÖGMUNDUR Jón-
asson, formaður
þingflokks Vinstri-
hreyfingarinnar –
græns framboðs og
formaður BSRB,
kvaðst styðja ein-
dregið þá ákvörðun
Halldórs Ásgríms-
sonar forsætisráð-
herra að fara þess á
leit við Kjaradóm
að ákvörðun um laun þjóðkjörinna
fulltrúa verði endurskoðuð. „Ég tel
að það hefði átt að hafa inni í þessari
spyrðu dómara og alla aðra sem
heyrðu til þessarar ákvörðunar
Kjaradóms og endurskoða, en ég styð
þetta engu að síður,“ sagði Ögmund-
ur. „Eftir stendur að ákvörðun Kjara-
dóms er endurspeglun á launastefnu
ríkisins, sem segir okkur að topparnir
á píramídanum fái langt umfram það
sem gerist hjá launafólki almennt.“
Ögmundur kvaðst hafa flutt þing-
mál árið 1995 um að kjaranefnd og
Kjaradómur yrðu lögð niður. Þá hafi
hann ekki fengið mikinn stuðning við
málið á Alþingi, en telur að nú eigi að
taka þessa umræðu upp að nýju. „Ég
tel að það eigi að stokka allt þetta
kerfi upp á nýtt,“ sagði Ögmundur.
Ögmundur Jónasson
Stokka þarf
kerfið upp
að nýju
Ögmundur
Jónasson
INGIBJÖRG Sól-
rún Gísladóttir,
formaður Samfylk-
ingarinnar, segist
hafa kosið að Al-
þingi hefði verið
kallað saman að
nýju á milli jóla og
nýárs, líkt og for-
menn stjórnarand-
stöðuflokkanna
óskuðu eftir fyrir jól, til að ræða um
niðurstöðu Kjaradóms um launa-
hækkanir þjóðkjörinna embættis-
manna þjóðarinnar og dómara. Hún
sagði í samtali við fréttavef Morg-
unblaðsins í gær málið vera í bið-
stöðu en taldi víst að það yrði rætt
þegar Alþingi kemur saman 17. jan-
úar næstkomandi. Ingibjörg Sólrún
sagði að hún hefði kosið að Alþingi
hefði verið kallað saman á ný til að
ræða launahækkanirnar. „Það hefði
varpað ljósi á þá launaþróun hjá rík-
inu sem Kjaradómur hefur ákveðið í
gegnum tíðina,“ sagði Ingibjörg en
lagði áherslu á að málið yrði tekið
fyrir þegar Alþingi kæmi saman að
nýju.
Ingibjörg Sólrún Gísladóttir
Kalla hefði átt
Alþingi saman
Ingibjörg Sólrún
Gísladóttir
Forsætisráðherra hefur óskað eftir því við Kjara-
dóm að hann endurskoði ákvörðun frá 19. desem-
ber um laun er varða kjörna fulltrúa. Talsmenn
stjórnarandstöðunnar lýsa hér viðbrögðum sínum.
FAGURRAUÐ birta leikur við skammdegisrökkrið í
Húsavíkurhöfn þessa dagana, en eigendur báta á Húsa-
vík skreyttu báta sína með jólaljósum til að gæða
dimmustu daga ársins gleðiljóma. Á Húsavík var hið
prýðilegasta veður í gær og mikil stilla. Nutu Húsvík-
ingar því sannkallaðrar töfrastundar í síðdeginu.
Morgunblaðið/Hafþór Hreiðarsson
Dimmustu dagarnir líða í roðaljóma
ALÞJÓÐLEGA lyfjafyrirtækið
Novartis og líkamsræktarstöðin
World Class eiga í samstarfi um
kynningu á nýlegu blóðþrýstingslyfi
frá alþjóðlegum lyfjarisa, en þeir
sem kaupa lyfið fá afslátt af líkams-
ræktarkortum World Class. Óheim-
ilt er að auglýsa lyfseðilsskyld lyf
samkvæmt íslenskum lögum og hef-
ur Lyfjastofnun tekið málið til at-
hugunar.
Þeir sjúklingar sem fá ávísun á
lyfið frá lækni geta farið með lyfseð-
ilinn til eins af útibúum World Class
og fengið afslátt af líkamsrækt.
Varhugavert markaðsátak
Stjórn Félags íslenskra heimilis-
lækna telur markaðssetningarátak
Novartis og World Class varhuga-
vert og hefur sökum þessa ritað
landlækni bréf þar sem bent er á
ýmsar þær siðferðisspurningar sem
vakni í tengslum við átakið. Í sam-
tali við Morgunblaðið í gærkvöldi
sagði Elínborg Bárðardóttir, for-
maður félagsins, að átakið gæti tal-
ist vafasamt út frá persónuvernd-
arsjónarmiðum þar sem sjúklingar
þurfi að sýna starfsfólki líkamsrækt-
arstöðvarinnar kassakvittun fyrir
ákveðnu lyfi. Einnig sagði hún fag-
leg sjónarmið vakna, þar sem spurn-
ing væri hvort sjúklingar myndu
koma á stofu og panta ákveðin lyf
vegna fjárhagsávinnings sem því
fylgdi.
Rannveig Gunnarsdóttir, forstjóri
Lyfjastofnunar, segir þessa mark-
aðssetningu fyrirtækisins óhefð-
bundna, að beina athygli sinni að
sjúklingi en ekki lækni eins og
venjulega sé gert. Ákvörðunin sé þó
alltaf læknisins að ávísa lyfinu og
hann upplýsi sjúklinginn um afslátt
World Class. Ýmsar spurningar
vakni um réttmæti slíkrar markaðs-
setningar en að sama skapi megi
efast um hvort það sé siðferðislega
rétt að kynna lyf fyrir læknum með
ýmsum öðrum hætti, t.d. að bjóða
þeim í kynningar þar sem matur sé
á boðstólum eða gefa gjafir. Fyr-
irtækið sem um sé að ræða hér hafi
ákveðið að beina markaðssetningu
lyfsins frekar að sjúklingnum sjálf-
um.
Rannveig segir það vitað að hreyf-
ing og mataræði skipti fólk með há-
an blóðþrýsting miklu máli og því
komi markaðssetningin að gagni
fyrir sjúklinginn. Ekki sé heimilt að
auglýsa lyfseðilsskyld lyf fyrir al-
menningi en í þessu tilfelli séu það
læknarnir sem láta sjúklinga vita af
tilboðinu telji þeir ástæðu til. At-
hugasemdir hafi verið gerðar við
þennan þátt málsins en það sé nú til
athugunar hvort þetta samstarf
World Class og lyfjafyrirtækisins
hafi haft áhrif á sölu á lyfinu.
Samstarf Novartis og World Class um kynningu
á blóðþrýstingslyfi vekur blendin viðbrögð
„Óhefðbundin markaðs-
setning fyrirtækisins“
„LYFJAFYRIRTÆKI eru með
markaðspeninga til umráða og
eyða þeim í ýmsa hluti, þeirra á
meðal ferðir lækna til útlanda sem
oft hafa verið gagnrýndar. Okkur
langaði hins vegar að eyða okkar
markaðspeningum þannig að það
myndi nýtast sjúklingunum sem
best og bæta þannig meðferð
þeirra,“ segir Kristinn Grétarsson,
markaðsstjóri Novartis.
Segir hann samstarf fyrirtæk-
isins við World Class í beinu og rök-
réttu framhaldi af fræðslustarfi fé-
lagsins. „Við höfum verið að sinna
ákveðnu fræðslustarfi við meðferð
á háþrýstingi síðan í maí. Þar höf-
um við boðið háþrýstings-
sjúklingum, án tillits til lyfja-
meðferðar, að sækja opna
mánaðarlega fræðslufundi um mat-
aræði og næringu. En alþekkt er að
mataræði og hreyfing ásamt lyfja-
meðferð skili betri árangri við há-
þrýstingi heldur en bara lyfja-
meðferð ein og sér,“ segir Kristinn
og bendir á að bætt heilsa háþrýst-
isjúklinga geti aftur leitt til lægri
lyfjakostnaðar fyrir samfélagið
þegar til lengri tíma sé litið.
Aðspurður segir Kristinn gott
samráð hafa verið haft við fjölda
lækna áður en átakið fór af stað um
miðjan nóvember sl. Segir hann
ýmsar gagnlegar ábendingar hafa
borist vegna útfærslu átaksins, en
að enginn læknanna sem hann hafi
ráðfært sig við hafi gert alvarlega
athugasemd við það. Bendir hann á
að fyrirtækið hafi jafnframt borið
verkefnið undir Lyfjastofnun en
ekki fengið neinar athugasemdir.
Bætir heilsu
sjúklinga
JÓHANNES M. Gunnarsson, fram-
kvæmdastjóri lækninga á Landspít-
ala – háskólasjúkrahúsi, segir ljóst
að spítalinn muni ekki verða við
áskorun Læknafélags Íslands um að
draga til baka uppsögn Stefáns E.
Matthíassonar, fyrrverandi yfir-
læknis æðaskurðlækningadeildar
spítalans, og bíða átekta þar til nið-
urstaða hefur fengist í dómsmáli sem
höfðað hefur verið um gildi áminn-
ingar sem spítalinn hafði veitt Stef-
áni.
Jóhannes tekur fram að uppsögn-
in hafi átt sér langan aðdraganda og
allir tímafrestir þar að lútandi hafi
verið löngu liðnir. Ætti Læknafélag
Íslands að vera betur upplýst en svo
að það ætlist til að spítalinn taki ann-
arri eins áskorun og fyrr var getið.
Verður ekki við áskor-
un Læknafélagsins