Morgunblaðið - 28.12.2005, Blaðsíða 15
MORGUNBLAÐIÐ MIÐVIKUDAGUR 28. DESEMBER 2005 15
ERLENT
Brasilíu. AFP. | Leiðtogi Ka-
iowa-Guarani-indíánaætt-
bálksins í Brasilíu hefur verið
myrtur en nokkrum dögum
áður hafði hann verið þving-
aður til að yfirgefa skika
lands, sem ættbálkurinn gerir
tilkall til.
Maðurinn, hinn 39 ára
gamli Dorvalino Rocha, hélt
ásamt um 500 öðrum indíán-
um til við veg einn í í ríkinu
Mato Grosso du Sul þegar
þrír menn óku upp að honum
og skutu hann til bana. Rocha
og menn hans höfðu dvalist á
staðnum í um tíu daga eftir að
hafa fengið fyrirskipun um að
yfirgefa land það, sem þeir
gera tilkall til.
Katólskir trúboðar
fordæma morðið
Svæðið, sem um ræðir, hef-
ur verið skilgreint sem heima-
land indíána í Brasilíu. Hins
vegar hafði dómari einn gefið
fyrirskipun um að Rocha og
menn hans yrðu fluttir á brott
þar til lokið hefði verið við að
marka svæðið og ákveða bæt-
ur til handa fyrri eigendum.
Samtök katólskra trúboða,
sem þarna starfa fordæmdu
morðið og kröfðust þess að
ættbálkum indíána yrði þegar
í stað leyft að snúa aftur til
heimkynna sinna. Sögðu sam-
tökin að Rocha væri 38. indí-
áninn, sem myrtur hefði verið
í Brasilíu á árinu.
Í Brasilíu búa um 734.000
indíánar og eru þeir um 0,4%
þjóðarinnar, meira en þriðj-
ungur landamanna er ættaður
frá Afríku.
Leiðtogi
indíána
í Brasilíu
myrtur
London. AFP. | Tíu af þeim fimmtán
aðildarríkjum Evrópusambands-
ins (ESB), sem aðild eiga að
Kyoto-bókuninni, munu ekki ná
settum markmiðum hvað varðar
minnkun útblásturs gróðurhúsa-
lofttegunda án þess að grípa til
tafarlausra aðgerða.
Þetta er álit sérfræðinga við
rannsóknarstofnun um opinbera
stjórnsýslu (IPPR), sem birt var í
gær.
Á meðal þeirra landa, sem ekki
munu uppfylla ákvæði Kyoto-bók-
unarinnar að óbreyttu eru Írland,
Ítalía og Spánn. Frakkland,
Grikkland og Þýskaland hafa
fengið vægari viðvörun frá stofn-
uninni þess efnis að þau muni
ekki ná settu marki nema þau
hrindi í framkvæmd þeirri stefnu,
sem stjórnvöld í þessum ríkjum
hafa mótað í þessu skyni.
Bretar og Svíar munu einir
þjóða ESB ná að uppfylla kröfur
um minni útblástur árið 2012 en
þá renna ákvæði bókunarinnar út.
Lönd ESB sem aðild eiga að
Kyoto-bókuninni frá árinu 1997
skuldbinda sig samkvæmt henni
til þess að draga úr losun gróð-
urhúsalofttegunda þar til hún
verður 8% minni en losun var árið
1990.
Á fundi í Kanada fyrr í þessum
mánuði náðu þær 159 þjóðir, sem
aðild eiga að Kyoto-bókuninni,
samkomulagi um að hefja í maí á
næsta ári viðræður um frekari
minnkun útblásturs eftir árið
2012.
Tíu ESB-ríki munu ekki
uppfylla Kyoto-bókunina
Lissabon. AFP. | Skýrsla, sem yf-
irvöld á Austur-Tímor hafa látið
gera, sýnir að á 24 ára tímabili
þegar Indónesar hernámu landið
voru að minnsta kosti 183.000
manns á svæðinu drepnir. Voru
það öryggissveitir Indónesíu-
stjórnar og innlendir vígamenn
sem Indónesar gerðu út sem stóðu
fyrir um 70% morðanna.
Skýrslan var gerð af nefnd inn-
lendra og erlendra sérfræðinga
sem á að stuðla að sáttum með því
að rannsaka og upplýsa atburði
fortíðarinnar, einkum mannrétt-
indabrot Indónesa á Austur-Tím-
or.
Um milljón manns býr nú á
Austur-Tímor sem varð sjálfstætt
ríki 2002 eftir þjóðaratkvæða-
greiðslu fyrir milligöngu Samein-
uðu þjóðanna 1999. Það var öldum
saman portúgölsk nýlenda en
Indónesar, sem ráða vesturhluta
eyjarinnar Tímor, réðust inn í
landið og hernámu árið 1975 þegar
Portúgalar héldu á brott.
Vígamennirnir sem störfuðu fyr-
ir Indónesa hófu mikla herferð í
tengslum við þjóðaratkvæða-
greiðsluna 1999, kveikt var í hús-
um og um 1.400 stuðningsmenn
sjálfstæðis voru myrtir. Margir
voru pyntaðir, einnig var fólk rek-
ið frá heimilum sínum.
Að sögn portúgölsku fréttastof-
unnar Lusa, sem komst yfir
skýrsluna og skýrði frá henni ný-
verið, eru sumir af brotamönnun-
um nafngreindir í skýrslunni. Xan-
ana Gusmao forseti, sem stýrði
frelsisbaráttu Austur-Tím-
ormanna, hefur verið gagnrýndur
fyrir að birta ekki skýrsluna. Er
hann sagður vilja forðast að reita
Indónesa til reiði.
Ódæðum Indón-
esa á A-Tímor
lýst í skýrslu
Fáðu fréttirnar
sendar í símann þinn
Fréttir á SMS