Fréttablaðið - 26.08.2002, Blaðsíða 22

22 26. ágúst 2002 MÁNUDAGUR
VIKUNESTIÐ
Þakklát örlögunum
Bryndís Schram ætlar að gleðja áhorfendur Stöðvar 2 í vetur og vera þar umsjónarmaður
þáttarins Einn, tveir og elda. Þáttastjórnunin leggst vel í Bryndísi, enda vanur dagskrárgerð-
armaður. Hún er svo á leið til Finnlands þar sem bíða hennar ný ævintýr.
TÍMAMÓT
PERSÓNAN
Æ, ég veit það ekki, jú, annars,það er náttúrlega hálfhégóm-
legt að ekki megi spjalla við mann
af því maður á afmæli,“ segir
Steinunn Sigurðardóttir, rithöf-
undur, sem er 52 ára í dag. „En ég
er alls ekki viss um hvað ég geri,
það kemur til greina að skipta um
verustað, en ég hef haft um allt
annað að hugsa að undanförnu.“
Steinunn heldur yfirleitt ekki upp
á afmælin sín en segist vilja hafa
sína allra nánustu nálægt sér.
„Ég er alltaf að gera það
sama,“ segir Steinunn. „Ég er að
skrifa bækur og alltaf fleiri en
eina í einu. Svo er ég búsett úti á
landi og nýt þeirrar gæfu að geta
verið á Íslandi í sumrin og París á
veturna og vona að það verði þan-
nig áfram. Ég er algjör Sunnlend-
ingur, er ýmist í húsinu okkar á
Selfossi eða austur í Skaftafells-
sýslu, algjör Paradís.“ Steinunn
segir lífið í Frakklandi líka yndis-
legt. „París er uppáhaldsborgin
mín í öllum heiminum, hún er svo
óútskýranlega, brjálæðislega,
sjarmerandi og svo er hún miklu
heillegri en aðrar borgir.“ Stein-
unn segir líka að sögur um ókurt-
eisi Frakka við ferðamenn séu sér
óskiljanlegar. „Það er tóm lygi að
þeir séu óþolinmóðir gagnvart
þeim sem tala bjagaða frönsku, ég
þekki ekkert nema það sem er já-
kvætt í fari þeirra.“
Stærsti viðburðurinn í lífi
Steinunnar um þessar mundir
fæðing dóttursonar 31. júlí síðast-
liðinn. „Þetta er fyrsta ömmu-
barnið og mikil birta og hamingja
yfir þessu.“ Steinunn segist þó
ekki kvíða því að hverfa af landi
brott frá litla dóttursyninum.
„Mér finnst ekkert vera erfitt
þegar allir eru glaðir og ham-
ingjusamir,“ segir amman og
skáldkonan að lokum.

Steinunn Sigurðardóttur á afmæli í dag.
Hún nýtur þess að búa á mörgum stöðum.
Afmæli
París óútskýranlega og brjálæðislega sjarmerandi
AFMÆLI
Þorsteinn Thorarensen, bókaútgefandi,
er 75 ára í dag.
Helgi Hrjóbjartsson, kristniboði er 65
ára í dag.
Steinunn Sigurðardóttir, rithöfundur, er
52 ára í dag.
Illugi Gunnarsson, aðstoðarmaður for-
sætisráðherra, er 35 ára í dag.
JARÐAFARIR
13.30 Benedikt Snorri Sigurbergsson
verður jarðsunginn frá Hjalla-
kirkju.
13.30 Lilja Hannesdóttir frá Skefilsstöð-
um í Skefilsstaðahreppi verður
jarðsungin í Dalvíkurkirkju.
13.30 Sigurður Benediktsson, Bústaða-
vegi 105, verður jarðsunginn frá
Bústaðakirkju.
14.00 Ellinor Kjartansson, Kumbara-
vogi, verður jarðsungin frá Skál-
holtsdómkirkju.
15.00 Guðbjörg María Hlynsdóttir,
Rofabæ 31, verður jarðsungin frá
Árbæjarkirkju.
15.00 Sigmundur Þorsteinsson,
Strandaseli 6, verður jarðsunginn
frá Seljakirkju.
ANDLÁT
Sigríður Valborg Sigurðardóttir, ljósmóð-
ir, andaðist á líknardeild Landaspítalans
Landakoti aðfaranótt föstudagsins 23.
ágúst.
FÓLK Í FRÉTTUM
Ígærkvöld var sýndur heimild-arþáttur í ríkissjónvarpinu um
Færeyjar. Umsjónarmaður þátt-
arins var Árni
Johnsen, fyrrver-
andi alþingismað-
ur. Samkvæmt
dagskrárlýsingu
sigldu þáttagerð-
armennirnir á
gúmmíbát á milli
byggða í Færeyj-
um til að skoða
sérstæða staði. Sumir sjónvarps-
áhorfendur munu hafa velt því
fyrir sér hvort Árni hefði með
för sinni verið að leita sér að nýj-
um heimkynnum eftir erfið
hneykslismál á heimavelli. Þátt-
urinn er aðkeyptur og var afhent-
ur ríkissjónvarpinu í sumar.
KR-ingar eru ekkert yfir sighrifnir af að þurfa að sækja
FRAM heim í Símadeildinni í
knattspyrnu á Laugardalsvelli á
mánudagskvöld. Það er þó ekki
kvíði vegna fótbóltaleiksins sjálfs
heldur dýralífsins í Laugardaln-
um. Á þessum tíma árs eru geit-
ungar í essinu sínu, ráðast á allt
sem fyrir er og nóg mun af geit-
ungum í kringum stúkuna í Laug-
ardalnum. Spennandi leikur í
Laugardalnum á mánudag og
ekki verður síður spennandi að
sjá hvort vesturbæingar mæta
með flugnanet í stúkuna.
MEÐ SÚRMJÓLKINNI
Að gefnu tilefni skal tekið fram að
víkingskipinu Íslendingi verður ekki beitt
í kafbátaleit NATO vestur af landinu.
Leiðrétting
Maður kom inn á skrifstofulögfræðings og spurði um
gjaldskrána.
„Þrjár spurningar kosta 10
þúsund kall,“ sagði lögfræðingur-
inn.
„Er það ekki svolítið mikið?“
spurði þá maðurinn.
„Jú,“ svaraði lögfræðingurinn.
„En hver er þriðja spurningin?“

ÞJÓÐMENNINGARHÚSIÐhefur orðið tilefni mikillar
gagnrýni. Af ýmsum ástæðum.
Samt er ekki úr
vegi að kíkja
þangað og skoða
hvaða mynd við
viljum birta af
okkur sjálfum.
Þar fyrir utan er
vel heppnuð ljós-
myndasýning úr
leiðangri sem far-
inn var til að kanna lagningu sæ-
strengs árið 1860. Það er alltaf
forvitnilegt að skoða skattpening-
ana sína.
KVIKMYND Róberts Douglas,Maður eins og ég, passar vel
eftir heimsókn í Þjóðmenningar-
húsið. Svona til þess að átta sig
aftur á hvernig við erum. Svo er
ekki vitlaust að sjá hana áður en
maður fer að heyra úr annarra
munni fleygar setningar úr
myndinni.
HEIÐMÖRK er perla í ná-grenni Reykjavíkur. Nú í
vætutíðinni er hún að fyllast af
sveppum. Villtir sveppir eru úr-
vals hráefni í matargerð. Hægt
er að geyma þá frosna eða þurrk-
aða og hafa með veislumat langt
fram eftir vetri. Ef maður er
hræddur við eitraða sveppi eða
sveppi sem bregða öðru sjónar-
horni á tilveruna, þá er víst alveg
óhætt að tína þá sem eru með
gula svampinum undir. Þeir eru
matarmiklir og hættulausir.

Þetta leggst þokkalega í mig,“segir Bryndís Schram, nýr
umsjónarmaður þáttarins Einn,
tveir og elda, en Bryndís er auð-
vitað enginn nýgræðingur í
þáttagerð og kvíðir því hvergi að
feta í fótspor Sigga Hall, sem
stjórnaði þættinum röggsamlega
síðastliðinn vetur. „Þetta er
svona nýtt/gamalt starf. Ég hafði
aldrei séð þennan þátt, en vissi
að hann er að evrópskri fyrir-
mynd og að Siggi stjórnaði hon-
um“. En er Bryndís sjálf mikið
fyrir matargerð? „Ég hef gaman
af að elda og er praktísk húsmóð-
ir. Það eru meðmæli með þættin-
um að fólk þarf að huga að verði
þegar það kaupir inn. Fá mikið
fyrir lítið.“
Bryndís verður í stúdíói
næstu daga þar sem upptökur á
þættinum eru hafnar, en svo fer
hún aftur til Washington þar sem
búslóð og persónulegir munir
bíða þess að verða pakkað niður,
því nú hyggja sendiherrahjónin í
Washington á ný ævintýr í Finn-
landi. „Ég hlakka óskaplega til að
fara til Finnlands. Ég er svo mik-
ill sígauni í mér að mér finnst
alltaf jafn spennandi að prófa
eitthvað nýtt,“ segir Bryndís.
Hún er afskaplega ánægð með
árin í Bandaríkjunum, en segist
ekki myndi vilja búa þar til fram-
búðar.“ Þetta hefur verið yndis-
legt og ég er þakklát örlögunum
að hafa spunnið mér þessa þræði.
Bandaríkin eru óskaplega ólík
því sem við eigum að venjast, en
það er gaman að kynnast þessu.
Finnar eru auðvitað líka örlítið
framandi þótt þeir standi okkur
kannski nær. Og þeir skera sig úr
hvað varðar aðrar þjóðir hér í
Washington. Þeir reka til dæmis
sendiráðið sitt með allt öðrum
hætti og leggja ofuráherslu á að
kynna land sitt og menningu.
Þeir skilja gildi góðrar landkynn-
ingar á erlendri grund og setja í
það fjármagn,“ segir Bryndís,
kveður hlýlega og fer að búa sig
undir ný verkefni í nýju landi þar
sem hún mun verða landi og þjóð
til sóma sem endranær.

BRYNDÍS SCHRAM
Segir einkenni á Bandaríkjamönnum hvað
fjölskyldutengsl eru á undanhaldi. Sjálf
segist hún aðhyllast stórfjölskylduformið
þar sem kynslóðirnar búi saman.
STEINUNN SIGURÐARDÓTTIR
Er nýbökuð amma lítils strákanga og hefur
notið samvista við hann að undanförnu.
Drengurinn hefur enn ekki fengið nafn.
FR
ÉT
TA
B
LA
Ð
IÐ
/B
IL
LI