Fréttablaðið - 02.05.2003, Blaðsíða 29
FJÖLMENNING Fréttablað náði tali af
fimm krökkum sem hafa verið
þátttakendur í verkefninu Adrena-
lín gegn rasisma.
„Ég er tiltölulega nýbyrjaður,”
segir Eyþór Ingason og lætur vel
af þátttöku í starfinu. „Ég tók þátt
í ferðalögunum sem farin hafa
verið og undirbúningi Alþjóða-
dagsins í Ráðhúsinu. Mér finnst ég
kannski helst hafa lært að það er
ekki bara hvítt fólk sem er
skemmtilegt,“ segir hann, og við-
urkennir að áður en hann kynntist
krökkum af ólíkum litarhætti hafi
hann jafnvel haldið það.
„Ég var ekki sáttur við að inn-
flytjendur kæmu til landsins, en ég
veit ekki beint af hverju, ég hugs-
aði ekki út í það. Maður er dóm-
harðari á það sem maður þekkir
ekki og ég hugleiddi aldrei af
hverju þetta fólk kom hingað. Nú
veit ég meira og ekki síst að þetta
er skemmtilegt fólk og alveg eins
og við.“
Íslendingar fínir
Rafak Rudnik kemur frá Pól-
landi, en hann er nemandi í Hjalla-
skóla og er búinn að vera á Íslandi
í tvö ár. Hann segir að honum hafi
verið vel tekið og eignast marga
vini. „Íslendingar eru fínir,“ segir
Rafak, en hann segist aldrei hafa
orðið fyrir aðkasti vegna uppruna
síns. Honum gengur vel í skólan-
um, en er að fara aftur til Póllands.
Vinur hans, Viktor Alexander, sem
er hálfíslenskur og hálfpólskur, er
hjálplegur Rafak með tungumálið,
en Viktor er tvítyngdur og talar
bæði pólsku og íslensku. Hann hef-
ur þó búið á Íslandi alla ævi. „Ég
held að kynþáttafordómar séu að
minnka á Íslandi. „Ég held að fólk
geri sér núna far um að skilja
hvert annað betur,“ segir Viktor.
Stöllurnar Snædís Björt Agn-
arsdóttir og Matthildur Bjarna-
dóttir eru úr Laugarnesskóla. Snæ-
dís Björt er nýkomin frá Svíþjóð
þar sem hún bjó í þrjú ár og hún
segist hafa orðið vör við kynþátta-
fordóma þar, þó ekki í eigin garð.
„Ég er auðvitað ljóshærð og gæti
hæglega verið Svíi,“ segir hún
hlæjandi, „en ég lærði tungumálið
fljótt og var fljót að aðlagast. Þeir
sem líta öðruvísi út verða frekar
fyrir aðkasti og eiga oft mjög
erfitt. Hér heima finnst mér að Ís-
lendingar séu hræddir við að
kynnast einhverju nýju sem þeir
þekkja ekki.”
Erum öll eins í grundvallar-
atriðum
Ísland er svo lítið land og þess
vegna miklu minna af innflytj-
endum, en þess heldur ættum við
að geta tekið vel á móti þeim og
komið í veg fyrir að þeir verði
fórnarlömb fordóma. Matthildur
segist ekki þekkja marga inn-
flytjendur fyrir utan þennan hóp,
en verkefnið hafi kennt henni
margt. „Ég hafði auðvitað heyrt
svona frasa eins og að þetta fólk
væri að taka af Íslendingum vinn-
una og svoleiðis bull, en það er
auðvitað bara frábært að fá inn-
flytjendur inn í landið og læra af
þeim.”
Stelpurnar segja innflytjend-
um hafa verið vel tekið í Laugar-
nesskóla. „Við erum reyndar ekki
með útlendingadeild eins og Aust-
urbæjarskóli en við tökum vel á
móti þeim sem koma, tölum við
þá og reynum að gera þá að þátt-
takendum í því sem við erum að
gera, þannig að fólki finnist það
velkomið. Við erum öll eins í
grundvallaratriðum,“ segja
krakkarnir hressileg að lokum.
31FÖSTUDAGUR 2. maí 2003
ADRENALÍN GEGN RASISMA
Söngur á alþjóðalegum degi gegn rasisma.
Verkefnið snýst um að brúa menningar-
heima með vináttu og gagnkvæmum
skilningi.
FR
ÉT
TA
B
LA
Ð
I/
RÓ
B
ER
THRESSIR KRAKKAR OG VERKEFNASTJÓRI
Viktor Alexander, vekefnisstjórinn Jóna Hrönn,
Snædís Björt og Matthildur. Á myndina vantar
Rafak og Eyþór.
Burt með bullið og fordómana
Krakkarnir í verkefninu Adrenalín gegn fordómum vilja skera upp herör gegn fáfræði og skilningsleysi.
FRÉTTAB
LAÐ
I/RÓ
B
ERT