Fréttablaðið - 03.05.2003, Blaðsíða 8
3. maí 2003 LAUGARDAGUR
Bráðabirgðauppgjör sveitarfélaga gefa tilefni til bjartsýni:
Dregur úr skuldaaukningu
SVEITARFÉLÖG „Það er greinilegt að
það er að draga örlítið úr skulda-
aukningu sveitarfélaga,“ segir Vil-
hjálmur Þ. Vilhjálmsson, formaður
Sambands íslenskra sveitarfélaga.
„Skuldaaukningin gæti orðið um
tveir milljarðar á þessu ári, jafn-
vel minni.“ Skuldir sveitarfélaga
námu 70 milljörðum í ársbyrjun.
Þó skuldaaukning dragist sam-
an hefur hún ekki verið stöðvuð.
Vilhjálmur segir að farið verði í
viðræður við stjórnvöld um heild-
arendurskoðun á tekjustofnum
sveitarfélaga. Hann segir að það
þurfi ekki að þýða meiri skatta.
Það geti einfaldlega þýtt að sveit-
arfélög fái hlutdeild í tekjustofn-
um ríkisins á borð við fjármagns-
tekjuskatt. Vegna breytinga á
skattalögum hafa sveitarfélög
tapað útsvarstekjum sem hafa að
hluta skilað sér í auknum fjár-
magnstekjuskatti.
Samkvæmt úttekt Sambands
íslenskra sveitarfélaga á bráða-
birgðauppgjörum ársreikninga
sveitarfélaga var fjögurra millj-
arða halli á rekstri þeirra á síð-
asta ári. Dregið hefur úr fjárfest-
ingum sveitarfélaga og er líklegt
að enn dragi úr þeim í ár. Þær
voru ellefu milljarðar á síðasta ári
en gert er ráð fyrir að fjárfesting-
ar sveitarfélaga nemi níu til tíu
milljörðum í ár. ■
VILHJÁLMUR Þ. VILHJÁLMSSON
Skoða verður tekjustofna sveitarfélaga.
Sum sveitarfélög verða líka að sníða sér
þrengri stakk.
110 þúsund
tonna kvóti
Leyfilegur heildarafli íslenskra skipa úr norsk-
íslenska síldarstofninum byggir á ráðgjöf
Alþjóðahafrannsóknaráðsins.
SJÁVARÚTVEGUR Árni Mathiesen
sjávarútvegsráðherra gaf í gær út
reglugerð um stjórn veiða íslenskra
skipa úr norsk-íslenska síldarstofn-
inum árið 2003. Verður leyfilegur
heildarafli íslenskra skipa í ár
110.344 lestir. Stjórnvöld þurftu nú í
fyrsta skipti að ákveða einhliða
stjórnunaraðgerðir fyrir íslensk
skip úr þessum stofni. Á síðasta ári
var heildarkvóti íslensku skipanna
132.000 tonn. Veiðarnar í ár má
hefja frá og með fimmta maí.
Forsaga málsins er að
Norðmenn neituðu að framlengja
samning milli Íslands, Færeyja,
Rússlands, Evrópusambandsins og
Noregs um heildstæða stjórnun á
stofninum. Hafa Rússar, Fær-
eyingar og Evrópusambandið und-
irritað tvíhliða samning við Nor-
ðmenn um veiðarnar sem felur í
sér verulega yfirfærslu veiðiheim-
ilda frá Færeyjum og Evrópusam-
bandinu til Noregs. Árni Mathiesen
sagði íslensk stjórnvöld ekki hafa
verið tilbúin til að undirrita slíkt
samkomulag þar sem forsendur
samningsins frá 1996 hefðu í engu
breyst. Byggir ákvörðun ráðherra
um leyfilegan heildarafla á ráðgjöf
Alþjóðahafrannsóknarráðsins um
710.000 tonna heildarafla og helst
hlutdeild Íslands sú sama og ef
samningurinn við Noreg hefði ver-
ið framlengdur. Vegna ákvörðunar
Noregs munu íslensk skip hvorki
hafa heimildir til veiða innan lög-
sögu Noregs né Jan Mayen. Að
öðru leyti helst aðgangur til veiða
óbreyttur. Íslensk skip náðu að
veiða útgefinn kvóta í fyrra og var
meirihluti hans veiddur innan lög-
sögu Jan Mayen og Svalbarða. Árni
sagðist bjartsýnn á að íslensku
skipin næðu að veiða útgefinn
kvóta, þrátt fyrir að mega ekki
veiða innan lögsögu Jan Mayen og
Noregs.
hrs@frettabladid.is
ÁRNI MATHIESEN
Sjávarútvegsráðherra kynnti reglugerð um stjórn veiða úr norsk-íslenska síldarstofninum.
■ Evrópa
AÐDÁUN „Ingibjörgu Sólrúnu var
skilað og fæ ég hana lánaða fram
yfir kosningar,“ segir Guðmundur
Þór Kristjánsson sem stjórnar
kosningaskrifstofu Samfylkingar-
innar á Ísafirði. Um síðustu helgi
var stórri mynd af Ingibjörgu Sól-
rúnu sem prýddi vegg skrifstof-
unnar stolið. Guðmundur var
ánægður með þessa aðdáun þjóf-
anna og bauðst til að fá myndina
áritaða fyrir viðkomandi.
Tvær stúlkur gáfu sig fram.
„Þetta er engin glæpamennska
heldur óbilandi aðdáun stúlkn-
anna á Ingibjörgu Sólrúnu. Þær
ætla að lána mér myndina fram
yfir kosningar, en að þeim loknum
fá þær hana aftur áritaða í sínar
hendur,“ segir Guðmundur Þór. ■
MYNDIN AF INGIBJÖRGU SÓLRÚNU
Stúlkurnar skiluðu Guðmundir Þór mynd-
inni af Ingibjörgu Sólrúnu, en fá hana aft-
ur áritaða eftir kosningar.
Ísafjörður:
Skiluðu
Ingibjörgu
Sólrúnu
SAUTJÁN SLASAST Sautján rúm-
enskir ferðamenn slösuðust þegar
lítil rúta lenti í árekstri við fólksbíl
og valt á hraðbraut í suðurhluta
Frakklands. Ökumaður og farþeg-
ar í fólksbílnum sluppu ómeiddir.
SKOTÁRÁS Fimm létust þegar
ítalskur karlmaður hóf skothríð á
bæjarskrifstofum í þorpinu Aci
Castello skammt frá Catania á
Sikiley. Maðurinn lagði á flótta og
er hans nú ákaft leitað. Á meðal
fórnarlambanna var bæjarstjórinn.