Fréttablaðið - 03.05.2003, Síða 24

26 3. maí 2003 LAUGARDAGUR
Vorinu fylgja útskriftarpróf ítónlistarskólunum. Í Söng-
skóla Reykjavíkur eru fimmtán
verðandi söngvarar að klára átt-
unda stigið í námi sínu, sem er
lokastig í hefðbundnu söngnámi.
Þau halda öll tónleika á næstu
vikum, yfirleitt tvö og tvö saman,
og fá gjarnan til liðs við sig úr-
vals hljóðfæraleikara.
Lára Bryndís Eggertsdóttir er
ein þessara fimmtán söngnema.
Hún er ekki nema 23 ára, en þrátt
fyrir ungan aldur hefur hún auk
söngsins lokið áttunda stigi í
bæði píanóleik og orgelleik, auk
þess að hafa klárað fjórða stigið í
fiðluleik.
„Það má því segja að ég sé að
klára 28. stigið í vor ef þetta er
allt tekið saman,“ segir hún með
bros á vör.
Lára Bryndís byrjaði sex ára
að læra á píanó í Tónlistarskóla
Kópavogs. „Ég tók fiðluna líka
með og tókst að klára fjórða stig-
ið en gafst þá upp. Þetta var frek-
ar erfitt samband milli mín og
fiðlunnar.“
Betur gekk hins vegar með
píanóið. Hún var hins vegar ekki
fyrr búin með áttunda stigið þar
en hún skráði sig í Tónskóla þjóð-
kirkjunnar í orgelnám, sem hún
kláraði líka.
„Svo lauk ég einleikaraprófi á
orgelið í fyrra og kantorspróf tók
ég í hittifyrra.“
Í góðum gír í orgelinu
Á sumrin hefur Lára leikið á
orgel í messum bæði í Hallgríms-
kirkju og Langholtskirkju. Einnig
hefur hún leikið á tónleikum, með-
al annars á vegum Listvinafélags
Hallgrímskirkju.
Á síðasta ári hélt Lára til Sví-
þjóðar þar sem hún sótti tíma í
orgelnámi við tónlistarháskóla
þar. Hún komst að í konsert-
organistadeild í þeim skóla og hóf
nám þar síðastliðið haust.
„Ég var í ofsalega góðum gír í
orgelinu. Venjulega eru gerðar
kröfur um þriggja ára nám í
kirkjutónlist áður en maður
kemst inn í konsertdeildina, en ég
fékk að sleppa því. Síðan var ég
búin að fá styrk til framhalds-
náms en varð síðan bara að sitja
heima og spila ekki neitt.“
En þá dundi ógæfan yfir.
Þegar hendurnar bregðast
„Ég þurfti að bila í höndunum
og hef verið óspilafær í allan vet-
ur. Olnboginn er búin að vera í
einhverri vitleysu. Það er tennis-
olnbogi og golfolnbogi og ég veit
ekki hvað. Þetta byrjaði síðasta
vor og var svo að malla í mér yfir
sumarið. Um vorið var ég að spila
stykki eftir Cesar Franck sem
gerir ráð fyrir einhverjum ofur-
höndum. Ég er hins vegar ekki
með stærstu hendur í heimi
þannig að þetta var vont álag.
Orgelið er heldur ekki heppileg-
asta hljóðfæri í heimi, maður er
alltaf að teygja hendurnar eitt-
hvað upp fyrir sig. Síðan var ég
sennilega allt of dugleg að æfa
mig. Þar á ofan var ég að gera ým-
islegt óskynsamlegt, fór í flúða-
siglingar og þvíumlíkt.“
Hellti sér í söngnámið
„Í vetur hef ég því ekkert get-
að gert nema að syngja. Þetta er
samt hægt og rólega að koma, ég
er aðeins farin að byrja að spila
aftur. Planið er að halda áfram
með orgelið ef þetta lagast, ég
ætla að reyna að fara aftur út í
haust.“
Lára Bryndís hefur hins vegar
notað tímann vel í vetur til þess að
klára söngnámið, sem hún byrjaði
á fyrir aðeins fjórum árum.
„Ég var reyndar búin að fara í
nokkra einkatíma áður en ég byrj-
aði á söngnáminu fyrir alvöru,“
segir hún. „Svo er ég búin að
syngja í kórum síðan ég veit ekki
hvenær. Söngnámið gengur líka
hraðar af því ég er með þennan
tónlistarlega bakgrunn úr hljóð-
færanáminu.“
Fyrsti kórinn var barnakór
Hjallasóknar, sem Friðrik Krist-
insson stjórnaði. Að því búnu lá
leiðin í Gradualekórinn í Lang-
holtskirkju.
„Ég söng með honum frá því ég
var ellefu ára, og er ennþá í þrem-
ur kórum í Langholtskirkju. Ólöf
Kolbrún Harðardóttir var radd-
þjálfari í öllum kórunum og hún
hefur verið kennari minn hér í
Söngskólanum. Hún er alveg
þrusugóð.“
Fyrir utan allt annað er Lára í
kvartett sem kallast Djúsí.
„Við erum fjórar stelpur sem
vorum í Gradualekórnum og fór-
um allar í MR. Það var reyndar
pabbi einnar okkar sem ýtti okkur
af stað. Við tókum þrisvar þátt í
söngkeppni MR, fyrst þegar við
vorum í þriðja bekk, sextán ára
mýslur í jakkafötum með hatt. Síð-
an unnum við loks í síðasta sinnið
sem við tókum þátt í keppninni.“
Lára segir kvartettinn Djúsí
ennþá í fullu fjöri, þótt starfsemin
liggi reyndar niður í augnablikinu
vegna þess að ein þeirra er stödd í
Danmörku. En þær hafa verið að
syngja í saumaklúbbum, afmælum
og fleiri samkomum. Árið 2001
tóku þær líka upp geisladisk.
„Hann fór að vísu ekkert á topp
tíu, hann er meira bara gerður fyr-
ir okkur sjálfar og okkar nánustu.
Við vorum fengnar til þess að
kynna á söngkeppninni í MR eftir
að við vorum hættar, og þá sung-
um við líka aðeins með hljómsveit.
Við fengum þessa stráka síðan til
þess að spila með okkur inn á
þennan disk.“
Barokkið heillar
Útskriftartónleikar Láru
verða 25. maí.
„Við verðum tvær saman með
tónleika hér í skólanum. Það er
búið að hóa í klarinettuleikara,
fiðluleikara og sellóleikara.“
Lára er í þremur kórum með-
fram söngnáminu, svo væntan-
lega kemst fátt annað að hjá
henni.
„Þetta er bara einhver tegund
af ofvirkni sem beinist í þessa
átt frekar en eitthvert annað. Ég
hef verið hrikalega dugleg að
æfa mig.“
Í söngnum segist hún sér-
staklega hafa gaman af því að
syngja barokktónlist. Hún við-
urkennir að reynslan af kirkju-
tónlistinni eigi væntanlega
drjúgan þátt í þeim áhuga.
„Ég spila náttúrlega mikið af
barokktónlist á orgelið. Ég er
heilmikið inni í þeirri tónlist og
barokkið er bara svo stór hluti
af þessum orgeltónbókmenntum
að maður kemst varla hjá því að
fá áhuga á því. Það er engin sér-
þekking hér innan skólans á
barokktónlist. Annars hef ég
gaman af að syngja svo til hvað
sem er sem hentar minni rödd.“
Til útskýringar segist hún
vera með létta sópranrödd, sem
„passar í allt sem er með ein-
hvers konar kóleratúr og ekkert
voðalega dramatískt. Ég er að
minnsta kosti ekki með rödd í að
syngja Wagner.“
gudsteinn@frettabladid.is
Einhver
tegund af
ofvirkni
Lára Bryndís Eggertsdóttir er ein fimmtán
nemenda sem ljúka lokastigi, eða því áttunda,
í söng nú í vor. Lára hefur einnig lokið áttunda
stigi bæði í píanó- og orgelleik, auk þess sem
hún hefur tekið fjórða stig á fiðlu.
Á BÓLAKAFI Í TÓNLIST
Fátt kemst að í lífi Láru annað en tónlistin.
FR
ÉT
TA
B
LA
Ð
IÐ
/R
Ó
B
ER
T
LÁRA BRYNDÍS EGGERTSDÓTTIR
Hefur notað tímann í vetur til að klára
söngnám, en stefnir á framhaldsnám í org-
elleik.