Fréttablaðið - 15.05.2003, Blaðsíða 2

2 15. maí 2003 FIMMTUDAGUR
„Já, í öllum þjóðþingum er raðað
eftir stærð þingflokka.“
Þingflokksherbergi Samfylkingarinnar er orðið of
lítið. Framsóknarflokkurinn situr hins vegar í næst-
stærsta herberginu í Alþingishúsinu. Jóhann Ár-
sælsson er varaformaður þingflokks Samfylkingar-
innar.
Spurningdagsins
Jóhann, viljið þið herbergi
Framsóknarflokksins?
Launaþróun síðustu fjögurra ára:
Ráðamenn hækka umfram almenning
KJARAMÁL Laun ráðherra og al-
þingismanna hafa hækkað um
nærri 50% frá árinu 1999.
Á sama tíma hafa laun á al-
mennum vinnumarkaði hækkað
um 27%. Laun opinberra starfs-
manna og starfsfólks í bönkum
hafa hins vegar hækkað talsvert
meira, eða um 38%.
Kjaradómur gerði nokkrar
breytingar til að einfalda upp-
byggingu launa þingmanna í maí
1999. Eftir það námu laun al-
þingismanna 295 þúsund krón-
um. Eftir nýjustu hækkun
Kjaradóms frá því á kjördag eru
launin komin upp í 438 þúsund
krónur.
Á sama tíma hafa laun forsætis-
ráðherra hækkað úr 584 þúsundum
í 871 þúsund.
Laun annarra ráðherra voru 531
þúsund krónur eftir hækkunina í
maí 1999. Nú eru mánaðarlaun
þeirra 786 þúsund krónur.
Af þessu sést að laun til ráða-
manna hafa hækkað um nærri
helming á sama tíma og laun á al-
mennum vinnumarkaði hækkuðu
um fjórðung. Forvígismenn laun-
þega hafa sagt að þeir telji eðlilegt
að miða við nýjustu hækkanir
Kjaradóms til handa ráðamönnum
við gerð kjarasamninga um næstu
áramót. Hækkunin nam tæpum
20%. ■
Heimildir til Flugmálastjórnar endurspegluðu ekki raunkostnað:
Ráðuneyti vanræktu skyldur
sínar í fjárlagasmíð
STJÓRNSÝSLA Samgönguráðuneytið
og fjármálaráðuneytið eru átalin
af Ríkisendurskoðun fyrir að hafa
ekki tryggt að beiðnir um fjár-
veitingar til Flugmálastjórnar
gæfu rétta mynd af kostnaði við
þau verkefni sem nefnd voru til
sögunnar hverju sinni.
Ofangreint kemur fram í nýrri
skýrslu Ríkisendurskoðunar um
Flugmálastjórn. Bent er á að bók-
hald Flugmálastjórnar á árinu
2001 endurspegli ekki framsetn-
ingu fjárlaga og að ársreikningar
hafi ekki verið í samræmi við þá
framsetningu.
Á sama tíma og 626 milljónir
hafi verið á ónotuðum fjárheim-
ildum Flugmálastjórnar hafi gjöld
vegna flugvalla stofnunarinnar
verið 660 milljónum hærri en
fjárheimildir. Alþingi verði að
ákveða hvernig eigi að greiða úr
þessu.
Ríkisendurskoðun gerir meðal
annars athugasemdir við fram-
kvæmdir á Reykjavíkurflugvelli;
skýra þurfi hvaða fjárheimildir
hafi legið að baki meiriháttar við-
gerðum á flugturninum á Reykja-
víkurflugvelli á árunum 2001 og
2002. ■
Ríkið hafni kröfum
flugumferðarstjóra
Ríkisendurskoðun vill að ríkið hætti að verða við ósanngjörnum launa-
kröfum flugumferðarstjóra og láti sverfa til stáls hóti þeir verkfalli.
STJÓRNSÝSLA Ríkisendurskoðun vill
að ríkið láta á það reyna næst þeg-
ar flugumferðarstjórar hóta verk-
falli hvort þeir séu tilbúnir að
fórna verðmætum alþjóðasamn-
ingi sem greiðir stærstan hluta
launa þeirra.
Í nýrri stjórnsýsluskoðun Rík-
isendurskoðunar á Flugmálastjórn
segir að flugumferðarstjórar fái
mun betri laun en aðrir starfs-
menn Flugmálastjórnar. Eins hafi
þeir fengið mun meiri launahækk-
anir á síðustu árum en aðrir ríkis-
starfsmenn.
Ríkisendurskoðun bendir á að
erlend flugfélög og alþjóðasamfé-
lagið greiði 84% af launum flug-
umferðarstjóranna samkvæmt
samningi um þjónustu á íslenska
flugumsjónarsvæðinu. Samning-
urinn sé hins vegar í hættu komi
til verkfalls flugumferðarstjóra.
Erlendir aðilar geti annað þjónust-
unni og því sé fyrirsjáanlegt að
hún komist í þeirra hendur kjósi
íslenskir flugumferðarstjórar
verkfallsvopnið.
„Sætti flugumferðarstjórar sig
ekki við sömu hækkanir og aðrir
ríkisstarfsmenn verður ríkisvald-
ið að gera það upp við sig hvort
slíkt er eðlilegt eða sanngjarnt.
Komist ríkisvaldið að því að svo sé
ekki verður það að láta á það
reyna hvort flugumferðarstjórar
eru tilbúnir til þess að ná fram
kröfum sínum með vinnudeilum.
Ef flugumferðarstjórar eru tilbún-
ir í slíkar aðgerðir verða þeir hins
vegar að axla ábyrgð á því hvort
þessi þjónusta verður veitt héðan í
framtíðinni,“ segir Ríkisendur-
skoðun.
Meðallaun 81 flugumferðar-
stjóra voru 610 þúsund krónur í
júní í fyrra. Á sama tíma voru
meðallaun 114 félaga í Félagi flug-
málastarfsmanna 264 þúsund
krónur.
Loftur Jóhannsson, formaður
Félags íslenskra flugumferðar-
stjóra, segir launasamanburð Rík-
isendurskoðunar óraunhæfan. Í
júní vinni flugumferðarstjórar
mjög mikla yfirvinnu. Það eigi
ekki við um flesta aðra starfs-
menn Flugmálastjórnar.
„Því er ekki að neita að okkur
hefur gengið betur í samningum
en flestum öðrum. En okkar kröfur
hafa byggst á niðurstöðu sem náð-
ist í samvinnu við ríkið árið 1997.
Aðal inntakið í því var að flugum-
ferðarstjórar yrðu bornir saman
við flugmenn,“ segir Loftur.
gar@frettabladid.is
FUNDUR HJÁ SÞ
Sameinuðu þjóðirnar hafa áhyggjur af
smygli á fólki.
Texas:
Átján deyja
úr hita
BANDARÍKIN, AP Lögreglumenn
fundu 18 lík í tengivagni flutn-
ingabíls sem lagt hafði verið utan
vegar í Suður-Texas. Talið var að
um ólöglega innflytjendur væri
að ræða, líklega frá Mexíkó.
Einhverjir lögðu á flótta þegar
lögregla kom að og því ljóst að
tekist hafði að opna hurð tengi-
vagnsins en þó ekki fyrr en 18
höfðu látið lífið, úr hita, að því er
talið. Tólf manns í viðbót voru
sendir á spítala, þar af tveir á
gjörgæslu.
Ekki er langt síðan starfsmenn
fyrirtækis í Iowa fundu ellefu illa
farin lík í tengivagni fullum af
hveitikorni. Höfðu þau verið föst
þar í fjóra mánuði.
Sameinuðu þjóðirnar standa nú
fyrir fundi í Austurríki þar sem
ræða á hina miklu aukningu sem
orðið hefur á smygli á fólki und-
anfarin ár. ■
HÉRAÐSDÓMUR REYKJAVÍKUR
Ríkissaksóknara bárust í aprílmánuði fimm
dómar þar sem ákært var fyrir kynferðis-
brot. Var sakfellt í þeim öllum. Þar af voru
fjórir vegna vörslu á barnaklámi og einn
vegna brots á blygðunarsemi.
Ríkissaksóknari:
Hátt í 170
manns
sakfelldir
DÓMSTÓLAR Ríkissaksóknara bár-
ust í aprílmánuði 174 dómar og
viðurlagaákvarðanir frá héraðs-
dómstólum þar sem 189 einstak-
lingar voru ákærðir. Af þeim voru
fimm alfarið sýknaðir en 169 sak-
felldir að öllu leyti eða hluta.
Þyngsta refsingin sem var
ákveðin var sex mánaða fangelsi.
Um var að ræða tvítugan karl-
mann sem réðist á annan mann og
sló hann í andlitið með bjórglasi.
Við höggið brotnaði glasið og
hlaut fórnarlambið nokkur
skurðsár. Hafði árásaraðilinn með
þessu broti rofið skilorð og
ákvarðaðist dómurinn í samræmi
við það.
Sextán einstaklingar voru
dæmdir í óskilorðsbundið fang-
elsi en þrjátíu og fimm í skilorðs-
bundið fangelsi að öllu leyti eða
hluta. Hinir voru dæmdir til að
greiða sekt og námu heildarsektir
tæplega 16,5 milljónum króna. ■
REYKJAVÍKURFLUGVÖLLUR
„Því er ekki að neita að okkur hefur gengið betur í samningum en flestum öðrum. En
okkar kröfur hafa byggst á niðurstöðu sem náðist í samvinnu við ríkið árið 1997,“ segir
Loftur Jóhannsson, formaður Félags íslenskra flugumferðarstjóra.
LAUN ALÞINGISMANNA
OG RÁÐHERRA
Maí 1999 Maí 2003 Hækkun
Forsætisráðherra 584 þúsund 871 þúsund 49,2%
Aðrir ráðherrar 531 þúsund 786 þúsund 48,0%
Alþingismenn 295 þúsund 438 þúsund 48,4%
SAMGÖNGURÁÐHERRA
Ríkisendurskoðun átelur bæði samgöngu-
ráðuneytið og fjármálaráðuneytið í nýrri
skýrslu sinni um Flugmálastjórn.
Íslenska lögreglan:
Smyglhringur
upprættur
LÖGREGLA Þýska lögreglan handtók
í fyrradag í Hamborg fimm menn
sem grunaðir eru um stórfellda
fíkniefnasölu og smygl hingað til
lands.
Samkvæmt Ríkisútvarpinu
handtók þýska lögreglan mennina
eftir samvinnu við íslensku lög-
regluna. Þýskur karlmaður var
handtekinn í tengslum við málið á
Keflavíkurflugvelli síðastliðið
haust eftir að hafa reynt að
smygla hassi og amfetamíni til
landsins. Í framhaldinu voru tveir
Íslendingar handteknir. Annar Ís-
lendingana og Þjóðverjinn eru
enn í gæsluvarðhaldi hérlendis. ■
FR
ÉT
TA
B
LA
Ð
IÐ
/R
Ó
B
ER
T