Fréttablaðið - 15.05.2003, Blaðsíða 12

12 15. maí 2003 FIMMTUDAGUR
EFTIRLAUN MORGUNDAGSINS
Ungir sem aldnir tóku þátt í kröfugöngum
víðs vegar um Frakkland til að sýna stuðn-
ing sinn við yfirstandandi verkfall í landinu.
Verkfallinu er ætlað að þrýsta á yfirvöld að
endurskoða áætlanir um breytingar á eftir-
launakerfinu.
ÚTHAFSKARFI „Mest er veitt af út-
hafskarfa snemma sumars, skipin
reyna að klára kvótann sem fyrst,“
segir Ari Arason, verkefnastjóri
upplýsingasviðs Fiskistofu.
Ari segir skipin sem eru á þess-
um veiðum vera úti í um og yfir
mánuð í einu. „Ef nú væru til dæm-
is tuttugu skip á þessum veiðum og
kæmu öll inn í lok mánaðarins gæti
aflinn verið kominn í tuttugu þús-
und tonn. Allt of snemmt er að
segja að stofninn sé hruninn. Þó
hljóðið í einhverjum skipstjórum sé
ekki gott núna í upphafi veiðitíma-
bils getur það gjörbreyst á einni
viku.“ Ari segir enga ástæðu til að
ætla að stofninn sé hruninn út frá
fyrirliggjandi upplýsingum. Hann
segir fiskinn vera um fimmtán til
átján ára gamlan þegar hann er
veiddur, þar af leiðandi hverfi hann
ekki allt í einu. Til dæmis hafi veið-
in í fyrra verið góð. ■
ÚTHAFSKARFAVEIÐI
Úthafskarfinn er gamall þegar hann er veiddur og þar af leiðandi hverfur hann ekki allt í
einu.
Fiskistofa:
Of snemmt að
reikna með hruni
AFLI ÚTHAFSKARFA
2001 42.472.571
2002 44.429.720
Það sem af er árs 2003 6.115.733
SÁDI-ARABÍA, AP/WASHINGTON POST
Talsmenn bandarískra stjórnvalda
óttast að miklar líkur séu á fleiri
hryðjuverkum, svipuðum þeim og
urðu 30 manns að bana í höfuð-
borg Sádi-Arabíu. „Við höfum
grun um að al Kaída og fólk tengt
samtökunum séu langt komin með
skipulagningu fleiri slíkra árása,“
sagði ónefndur talsmaður Banda-
ríkjastjórnar.
Sjálfsmorðsárásirnar sem áttu
sér stað í Riyadh urðu a.m.k. 30
manns að aldurtila og særðu 200
aðra, flesta lítillega. Á tímabili var
óttast að tala látinna væri nær
hundrað en það reyndist rangt.
Lögregluyfirvöld í borginni
liggja undir mikilli gagnrýni, en
þeim mistókst að handsama 19
þekkta stuðningsmenn al Kaída
sem voru undir stöðugu eftirliti
þangað til í síðustu viku. Líkur
benda til að hluti þess hóps hafi
staðið að þessum nýjustu spreng-
ingum.
Bandaríski sendiherrann er
sagður hafa sagt Bandaríkja-
mönnum í Sádi-Arabíu að koma
sér burt úr landinu sem fyrst af
ótta við frekari árásir, sem virðist
aðallega beint gegn bandarískum
þegnum.
„Eingöngu skrímsli eru fær um
svona voðaverk,“ sagði Abdullah,
krónprins Sádi-Arabíu í sjón-
varpsávarpi til þjóðar sinnar. „Það
er engin afsökun fyrir svona
hryðjuverkum. Þessir menn enda
í helvíti.“ ■
BJÖRGUNARSVEIT Í RÍYADH
Enn er leitað að fólki sem gæti hafa grafist undir rústunum.
Hryðjuverkin í Sádi-Arabíu:
Óttast fleiri árásir
ÍRAK, AP/GUARDIAN/BBC Það andar-
tak í stríðinu í Írak sem helst
vakti athygli áhorfenda um víða
veröld var þegar styttan af
Saddam Hussein
var felld af stalli
sínum í Bagdad.
Atvikið markaði
djúp spor í þjóðar-
sál Íraka, sem þol-
að höfðu fleiri ára
harðstjórn hans án þess að hafa
nokkuð um það að segja.
Eftirvæntingin þann daginn
hefur dvínað mikið og nú má finna
orðsendingu til bandamanna
skrifaða með þykku rauðu letri á
þessum sama stalli og hélt áður
upp líkneski Saddams; „Þetta er
komið, farið heim!“
Það er hægari sagt en gert að
byggja upp Írak aftur eins og
bandamenn hafa stefnt að síðan
stríðinu lauk, sérstaklega fyrir
þær sakir að töfralausnir banda-
manna um skjóta lausn á mörgum
vandamálum hafa reynst gagnlitl-
ar. Vegakerfið í Írak reyndist vera
í mun verra ástandi en vonir stóru
til. Aðgengi að hreinu vatni og raf-
magni var nánast ekkert á stórum
svæðum og skipulagningu banda-
manna var ábótavant. Sem dæmi
varð fyrsta flutningaskipið sem
flutti lífsnauðsynlegar vörur til
Basra í suðurhluta Íraks að bíða
nokkra daga í flóanum á meðan
gengið var úr skugga um að skipa-
skurðir til Basra væru lausir við
sprengjur.
Embættismenn hafa verið dug-
legir við að óska eftir meiri tíma
til að koma landinu á réttan kjöl á
ný en því lengur sem hersveitir
bandamanna prýða helstu borgir
og bæi verða Írakar óþolinmóðari.
„Það hefur ekkert lagast eftir
að Saddam fór,“ sagði Abdul
Wahed Shukri Hamadi, íraskur
lyfjafræðingur, eftir að hann
beið hálfan dag eftir að fylla
tankinn á bíl sínum í sama landi
og geymir aðrar stærstu olíulind-
ir heimsins.
Aðrir Írakar benda á þá stað-
reynd að hvorugt af markmiðum
Bandaríkjastjórnar í landinu hafi
náðst. Hvorki sé búið að hand-
sama Saddam Hussein né hafa
uppi á gereyðingarvopnum. „Ég
skil vel að fólk sé ennþá hrætt,“
sagði Adnam Mohammed Sayeed,
íraskur flugstjóri á eftirlaunum.
„Saddam Hussein er ófundinn
ennþá og hann á marga stuðn-
ingsmenn í Írak.“ ■
FRÁ BAGDAD
Landsmenn farnir að huga að öðrum hlutum en áður.
Þetta er komið, farið heim!
Uppbyggingarstarfið í stríðshrjáðu Írak gengur hægar en vonast var eftir. Bandamenn biðja
um meira tíma en þolinmæði Íraka er að renna út.
■
Það hefur ekk-
ert lagast eftir
að Saddam fór.