Fréttablaðið - 18.07.2003, Blaðsíða 8

18. júlí 2003 FÖSTUDAGUR
VERSLUNIN
HÆTTIR
50%
70%
ALLT Á AÐ SELJAST
K R I N G L A N , S . 5 3 3 5 1 5 0
TIL
NÝJA DELÍ, AP Óttast er um líf á ann-
að hundrað starfsmanna í vatns-
orkuveri í norðurhluta Indlands
eftir að flóðbylgja hreif þá með
sér. Flestir mannanna eru farand-
verkamenn frá Nepal og héruðun-
um Bihar og Uttar Pradesh á Ind-
landi. Sjónarvottur segir að
skyndilega hafi komið steypiregn
með þeim afleiðingum að lítil á
skammt frá tjaldbúðum verka-
mannanna fylltist af vatni og
flæddi yfir bakka sína. Mennirnir
lágu sofandi í tjöldum sínum og
gátu enga björg sér veitt. Aðeins
hafa fundist lík sextán manna.
Talið er að hátt í 400 manns
hafi farist af völdum monsoon-
rigninga í Suður-Asíu á síðustu
vikum. Flóð og aurskriður hafa
eyðilagt þúsundir húsa og upp-
skeru, drekkt búfénaði og neytt
hátt í sjö milljónir manna til að yf-
irgefa heimili sín.
Í Bangladesh hafa fljót flætt
yfir bakka sína og skolað snákum
út úr fylgsnum sínum. Nú þegar
hafa fjórir Bangladessar látist
eftir að hafa verið bitnir af eit-
urslöngum í vatninu. Drykkjar-
vatn hefur einnig mengast af
völdum flóðanna. Af þeim sökum
breiðast sjúkdómar á borð við kól-
eru og niðurgang hratt út og er
talið að nú þegar séu yfir 250.000
manns smitaðir. ■
BEÐIÐ EFTIR UPPSTYTTU
Þorpsbúi við ánna Kata Khali í Bangladesh
breiðir yfir sig plast til þess að skýla sig fyr-
ir óblíðri rigningunni.
Flóð og aurskriður í Suður-Asíu:
Yfir hundrað verkamenn taldir af
VIÐSKIPTI Fimm manna sendinefnd
hélt, samkvæmt heimildum
Fréttablaðsins, á fund stjórnenda
Shell International í London síð-
ustu vikuna í maí til að semja um
kaup Haukþings á
21 prósenta hlut fé-
lagsins í Skeljungi.
Benedikt Jóhann-
esson, stjórnarfor-
maður Skeljungs,
fór fyrir sendi-
nefndinni en á
meðal þeirra sem
sóttu fundinn fyrir
hönd Kaupþings var Gunnar Karl
Guðmundsson, forstjóri Skelj-
ungs. Kaupin hafa verið umdeild
enda barst Kauphöllinni ekki
formleg tilkynning um þau fyrr
en fimm klukkustundum eftir að
þau áttu sér stað. Á þeim tíma áttu
sér stað gríðarleg viðskipti með
bréf í Skeljungi án þess að þeir
sem keyptu vissu að fimmtungs-
hlutur í félaginu hefði skipt um
hendur. Kaupþing keypti umrædd
bréf á gengi sem var á milli 15 og
16 en Shell seldi sinn hlut á geng-
inu 12. Innan viðskiptaheimsins
telja sumir að alþjóðlega félagið
hefði jafnvel getað selt sinn hlut á
genginu 18 og þannig hafi það
slegið af sér um 800 milljónir
króna. Fjármálaeftirlitið rannsak-
ar nú hvort lög hafi verið brotin
með því að sinna ekki tilkynning-
arskyldunni.
Benedikt Jóhannesson hefur
ekki svarað ítrekuðum skilaboð-
um Fréttablaðsins undanfarna
daga. Hann veitti Morgunblaðinu
í gær viðtal um gang mála þann
30. júní. Þar lýsir hann því að taf-
ir hafi orðið á tilkynningunni
vegna þess að gjaldeyrisyfir-
færsla vegna kaupanna hafi tekið
svo langan tíma. Benedikt segir
við Morgunblaðið að Gunnar
Karl Guðmundsson, forstjóri
Skeljungs, hafi um morguninn
hringt í Kauphöllina að sinni
beiðni til að láta vita að tíðinda
væri að vænta af Skeljungi.
Benedikt segir að eftir á að hyg-
gja hefði hann átt að hringja
sjálfur.
„Það má hins vegar vera, eftir
á að hyggja, að betra hefði verið
að ég hefði hringt sjálfur í Þórð
Friðjónsson og tilkynnt um söl-
una, í stað þess að láta Gunnar
gera það, enda hafði hann ekki
vitneskju um umfangið,“ segir
Benedikt og vísar þar með
ábyrgð að einhverju leyti á for-
stjóra Skeljungs.
Mörgum finnst þessi yfirlýs-
ing hans undarleg í því ljósi að
hann og Gunnar Karl fóru saman
til London þar sem unnið var að
samningi um kaupin. Gunnar
Karl staðfestir að hann hafi farið
á fund Shell International en seg-
ist ekki hafa vitað um kaupin á
21. prósenta hlutnum.
„Ég tók aldrei þátt í viðræðum
vegna kaupa á umræddum hlut í
Skeljungi,“ segir Gunnar Karl.
Engar fréttir er að hafa af
rannsókn Fjármálaeftirlitsins.
rt@frettabladid.is
SKELJUNGUR
Baráttan um yfirráðin hefur tekið á sig ýmsar myndir. Nú er rannsakað hvort um lögbrot
hafi verið að ræða þegar ekki var tilkynnt í Kauphöllinni að fimmtungshlutur hefði skipt
um eigendur.
Forstjóri Skeljungs
sótti fund með Shell
■
Mörgum finnst
þessi yfirlýsing
hans undarleg í
því ljósi að
Benedikt og
Gunnar Karl
fóru saman til
London.
Sendinefnd núverandi meirihlutaeigenda Skeljungs fór til London til
fundar við Shell. Benedikt Jóhannesson stjórnarformaður segir Skelj-
ungsforstjóra hafa hringt í Kauphöllina vegna tilkynningarinnar.
VIÐSKIPTI „Við fengum ekki nægi-
legar upplýsingar sem gáfu okk-
ur kost á því að leggja mat á
hvort það væri rétt að loka fyrir
viðskipti eða ekki,“ segir Páll
Harðarsson, staðgengill for-
stjóra Kauphallarinnar, spurður
út í orð Benedikts Jóhannesson-
ar í Morgunblaðinu í gær þess
efnis að hann hafi látið Gunnar
Karl Guðmundsson, forstjóra
Skeljungs, hringja í talsmenn
Kauphallarinnar og segja þeim
að stór viðskipti með bréfin
væru væntanleg. Ekki hefur
náðst í Benedikt síðustu daga
þrátt fyrir ítrekaðar tilraunir.
„Við erum ennþá með málið í
skoðun. Ég get ekki sagt ná-
kvæmlega að hverju það bein-
ist,“ segir Páll um athugun
Kauphallarinnar á viðskiptunum
30. júní.
Gunnar Karl segist hafa sinnt
þeirri skyldu sinni að láta vita af
því að viðskipti væru í aðsigi.
„Ég miðlaði þeim upplýsing-
um sem ég fékk og sagði að um-
talsverður hlutur í Skeljungi
væri á hreyfingu,“ segir Gunnar
Karl. ■
KAUPHÖLLIN
Fékk ekki nægilegar upplýsingar til að geta
lokað fyrir viðskipti með bréf í Skeljungi.
Forstjóri Skeljungs hringdi í Kauphöllina:
Lýsti umtalsverðum viðskiptum
ATHUGIÐ!
Laugardagslokun
19. júlí, 26. júlí, 2. ágúst og 9. ágúst.
Munið að föstudagar
eru tilboðsdagar.
8