Fréttablaðið - 18.07.2003, Blaðsíða 14

14 18. júlí 2003 FÖSTUDAGUR
IAN THORPE
Ein helsta stjarnan í sundheiminum
er mætt á HM í Barcelona.
Sund
hvað?hvar?hvenær?
15 16 17 18 19 20 21
JÚLÍ
Föstudagur
Leikur Kristjáns í marki KR hlýtur lof:
Stórkostleg markvarsla
FÓTBOLTI Frammistaða Kristjáns
Finnbogasonar, markvarðar KR, í
leik í meistaradeild Evrópu gegn
Pyunik frá Jerevan er lofuð í hví-
vetna af þeim sem til sáu.
Á heimasíðu Knattspyrnusam-
bands Evrópu, UEFA, er sagt að
lið Pyunik hafi ráðið gangi leiks-
ins gegn KR en stórkostleg mark-
varsla Kristjáns hafi farið mikið í
taugarnar á sóknarmönnum þess.
Kristján lokaði markinu og varði
þrívegis glæsilega maður á móti
manni eftir gegnumbrot sóknar-
manna Pyunik.
Kristján varði að auki víta-
spyrnu í seinni hálfleik og á öðr-
um fremur þakkir skildar fyrir að
KR á góða möguleika á að komast
áfram í keppninni ef leikurinn hér
heima fer að óskum.
Ásgeir Sigurvinsson landsliðs-
þjálfari segir Kristján eiga jafn
góða möguleika og hvern annan á
að komast í landsliðið. „Kristján
er tvímælalaust einn af betri
markvörðum sem Íslendingar
eiga og býr yfir mikilli reynslu.
En það þarf meira en einn frábær-
an leik til að komast í landsliðs-
hópinn og Kristján er stundum
mistækur. Hins vegar á enginn
fast sæti í landsliðinu og við Logi
Ólafsson vitum vel af honum.“ ■
FIMLEIKAR Stór hópur fimleika-
stúlkna tekur þátt í einni stærstu
fimleikasýningu í Evrópu,
Gymnaestrada í Portúgal. Fim-
leikasýningarnar fara allar fram í
EXPO höllunum þar sem Heims-
sýningin 1998 var haldin.
Um er að ræða stúlkur úr ýms-
um félögum, alls 168 að tölu og er
þetta stærsti hópur Íslendinga
sem fer til útlanda á vegum sér-
sambands innan Íþróttasambands
Íslands. Um er að ræða hóp
stúlkna á aldrinum 15-23 ára frá
hinum og þessum fimleikafélög-
um, þar á meðal Fylki, Gerplu,
Gróttu, Hamri og Stjörnunni, auk
margra af landsbyggðinni. Stúlk-
urnar hafa æft stíft undanfarnar
vikur og eru staðráðnar í að gera
sitt besta.
„Það er mikill heiður að vera
boðið á þessa sýningu því það eru
margir um hituna,“ sagði Jón
Finnbogason hjá Fimleikasam-
bandinu. „Hópurinn flýgur út í
dag og kemur til baka aðfaranótt
mánudagsins 28. júlí. 25 þúsund
manns koma að þessari sýningu
með einum eða öðrum hætti, að-
sókn að henni er mikil og ekki
komast allir að.“
Hópurinn mun hafa nóg fyrir
stafni. Stúlkunum verður raðað
niður í smærri hópa og hver
þeirra mun sýna sitt framlag. Auk
þessara sýninga er sýning hjá
sameinuðum hópi frá Skandinavíu
og munu íslenskar stúlkur koma
fram ásamt norrænum stallsystr-
um sínum á miðvikudagskvöldið.
Íslenskur hópur hefur einnig
verið valinn til að sýna atriði sitt
á aðalhátíðarsýningunni FIG
Gala og hafa Stella Rozenkrans
Hilmarsdóttir og Hrafnhildur
María Gunnarsdóttir samið nýja
dansa sérstaklega fyrir hópinn af
því tilefni. Aðalsýningin sjálf fer
fram á laugardaginn 26. júlí og
það sama kvöld lýkur hátíðinni
formlega. ■
GOLF Ein af stjörnunum í golfheim-
inum undanfarin ár hefur verið
Spánverjinn Sergio Garcia. Hann
þótti mikið efni á sínum tíma en á
enn eftir að sigra á stórmóti og
koma nafni sínu fyrir alvöru á
spjöld golfsögunnar. Garcia á held-
ur ekki góðar minningar frá Opna
breska meistaramótinu því hann
tárfelldi þegar hann yfirgaf
Carnoustie-völlinn 1999 eftir að
hafa spilað fyrsta hring á 89 högg-
um.
„Ég hef bætt leik minn til
muna, ég er mun þroskaðri og þol-
inmóðari leikmaður en ég var
áður,“ sagði Garcia. „Þroski hefur
mikið að segja á golfvellinum en
það verður líka að hafa í huga að
þetta er einungis leikur eftir allt
saman. Ég vinn hörðum höndum
að því að vinna til meistaratitils
og finnst það vera tímaspursmál
hvenær þetta fer að smella saman
hjá mér.“
Garcia hefur bætt árangur sinn
ár frá ári síðan 1999. Hann varð ní-
undi 2001 og áttundi á síðasta ári við
erfiðar aðstæður á Muirfield-vellin-
um. ■
Sergio Garcia æfði stíft fyrir Opna breska:
Stutt í stóran sigur
Fjölmenni á
fimleikahátíð
Hópi íslenskra stúlkna hefur verið boðið á eina
stærstu fimleikahátíð í Evrópu. Býðst þeim tæki-
færi á að vekja athygli á íslenskum hópfimleikum.
JÓNAS OG SIF
Fara ekki á sýninguna í Portúgal en halda
brátt á heimsmeistaramótið í fimleikum.
HÓPFIMLEIKAR
Hluti hópsins sem sýnir á hátíðinni
í Portúgal.
„EL NINO“
Sergio Garcia á enn eftir að vinna stórmót í golfi.
KRISTJÁN FINNBOGASON
Fær hvarvetna frábæra dóma fyrir leik sinn gegn Pyunik.

08.00 RÚV
Bein útsending frá Opna breska meist-
aramótinu í golfi.

18.30 Sýn
Trans World Sport. Íþróttir um allan
heim.

19.30 Sýn
Football Week UK. Vikan í enska boltan-
um.

20.00 Kópavogsvöllur
Breiðablik og ÍBV leika í undanúrslitum
VISA-bikarkeppni kvenna.

20.00 Akureyrarvöllur
Þór og Breiðablik mætast í 10. umferð
1. deildar karla.

20.00 Stjörnuvöllur
Stjarnan fær Keflavík í heimsókn í 10.
umferð 1. deildar karla.

20.00 Sýn
Gillette-sportpakkinn. Þáttur um íþrótta-
viðburði um allan heim.
FORMÚLA 1 Silverstone-brautin í
Englandi er vettvangur Formúlu 1
kappakstursins um helgina en
völlurinn er einmitt heimavöllur
fjögurra þeirra liða sem þátt taka
í F1.
Ralf Schumacher getur hér
haldið sigurgöngu sinni áfram en
hann hefur sigrað í tveimur síð-
ustu mótum og er í þriðja sæti í
stigakeppni ökumanna. Bróðir
hans, Michael, heldur forystu en
hún er einungis átta stig á
Räikkönen, sem vermir annað
sætið.
„Við erum sannarlega reiðu-
búnir fyrir þennan slag,“ sagði
Michael Schumacher, en hann ótt-
aðist um líf sitt þegar hann keyrði
út af brautinni á Silverstone 1999
og fótbrotnaði illa. ■
RALF SCHUMACHER
Sækir hratt að bróður sínum Michael í
stigakeppni ökumanna.
Formúla 1:
Silverstone næsti
vettvangur
STIGAKEPPNI ÖKUMANNA Í FORMÚLU 1
Ökumaður keppnislið sigrar stig
1. Michael Schumacher Ferrari 4 64
2. Kimi Räikkönen McLaren 1 56
3. Ralf Schumacher Williams 2 53
4. Juan Pablo Montoya Williams 1 47
5. Rubens Barrichello Ferrari 0 39