Fréttablaðið - 08.10.2003, Blaðsíða 2

2 8. október 2003 MIÐVIKUDAGUR
„Svalur.“
Sean Connery sá Rómeó og Júlíu í London. Gísli
Örn Garðarsson er leikstjóri sýningarinnar.
Spurningdagsins
Gísli Örn, hvernig var James Bond?
Eru sammála um
þróunarsamvinnu
Samhugur meðal þingmanna stjórnar og stjórnarandstöðu um að auka
þurfi framlög til þróunarhjálpar og -samvinnu. Í nýrri skýrslu er lagt til
að framlög verði tvöfölduð til ársins 2006.
ALÞINGI Þingmenn úr öllum flokk-
um virtust sammála um það á Al-
þingi að Íslandi bæri að auka
framlög sín til þróunarhjálpar og
þróunarsamvinnu. Utandag-
skrárumræða fór fram um málið í
gær.
Þórunn Sveinbjarnardóttir,
þingmaður Samfylkingar, hóf um-
ræðuna og ræddi vanda fátækra
þjóða og ábyrgð ríkra þjóða. Hún
gerði að umtalsefni nýlega
skýrslu sem Jónas Haralz og Her-
mann Ingólfsson unnu fyrir utan-
ríkisráðuneytið um Ísland og þró-
unarlöndin. Í skýrslunni kemur
fram að Íslendingar leggja mun
minna hlutfallslega til þróunar-
mála en nágrannalöndin.
Þórunn spurði utanríkisráð-
herra um hvernig stjórnvöld ætl-
uðu sér að taka þátt í að ná þúsald-
armarkmiðunum um þróun sem
samþykkt voru á aldamótafundi Sameinuðu þjóðanna sumarið
2000. Hún spurði einnig hvort ráð-
herra hyggðist beita sér fyrir þvi
að framlög Íslendinga til þróunar-
mála yrðu tvöfölduð til ársins
2006 eins og Jónas og Hermann
leggja til í skýrslu sinni.
Halldór Ásgrímsson utanríkis-
ráðherra sagðist fagna umræðu
um málið á Alþingi. Hann sagði að
framlög Íslands til þróunarmála
hefðu aukist mjög mikið síðustu
árin og að stefnan væri að auka
þau til muna. Hvernig það yrði
gert, sagði hann of snemmt að
segja til um og það markaðist
meðal annars af umræðum á Al-
þingi um málið.
Hann sagði að þróunarmálin
yrðu lykilþáttur í utanríkisstefnu
Íslendinga á næstu árum og að Ís-
lendingar sem rík og siðmenntuð
þjóð bæru skyldur gagnvart fá-
tækum þjóðum og ættu að leggja
sitt af mörkum. Hann nefndi þar
bæði marghliða og tvíhliða þróun-
arsamvinnu og gerði einnig inni-
hald samvinnunnar að umfjöllun-
arefni. Málið væri flókið, undir-
búningur yrði að vera góður og
verkefnin yrðu að vera á forsend-
um móttökulandsins.
Nokkrar umræður spunnust
um hvort eðlilegt væri að telja
borgaralega friðargæslu til þró-
unaraðstoðar en ráðherrann sagði
stjórnvöld fylgja alþjóðlegum
reglum um hvernig aðstoðin sé
reiknuð.
kgb@frettabladid.is
Ekkert mótframlag vegna viðbótarlífeyrissparnaðar:
Virða ekki kjarasamninga
ATVINNUMÁL „Gagnvart okkur snýst
þetta um réttmætt mótframlag að
séreignalífeyrissjóðum og að stað-
ið sé við kjarasamningana frá ár-
inu 2001,“ sagði Guðmundur Guð-
mundsson, trúnaðarmaður hjá
Strætó bs. Reykjavíkurborg neitar
að greiða mótframlag í séreignalíf-
eyrissjóð eins og tíðkast á almenn-
um vinnumarkaði og hjá ríkinu.
„Ég er í séreignalífeyrissjóði og
greiði þar minn hluta en fæ ekkert
mótframlag. Fólk í starfsmanna-
félagi Reykjavíkurborgar á að
sjálfsögðu að geta nýtt sér kosti
þess að greiða viðbótar lífeyris-
sparnað eins og aðrir.“
Guðmundur segir ennfremur
að samkvæmt síðustu kjara-
samningum stóð til að gera sí-
menntunaráætlun og gera fólki
kleift að klífa launstiga hraðar
en ella með aukinni menntun.
„Það var unnið vel að því að und-
irbúa þessa áætlun en síðan
hætti sú vinna snögglega og
ekkert hefur gerst aftur í lang-
an tíma. Þetta er keppnismál
vegna þess að með það gæfi
stjórnendum tækifæri til að
umbuna sínum starfsmönnum
fyrir góð störf með því að
hækka viðkomandi um launa-
flokka.“ ■
Bjart er yfir bönkunum:
Hagnaðurinn sextán milljarðar
FJÁRMÁL Afkoma af bankarekstri
verður með besta móti þetta árið
að mati greiningardeilda Íslands-
banka og Kaupþings Búnaðar-
banka. Samanlagður hagnaður
bankanna miðað við spár slagar
hátt í 16 milljarða. Kaupþing
Búnaðarbanki spáir Íslands-
banka 5.450 milljóna hagnaði það
sem er um 60% meiri hagnaður
en fyrir árið í fyrra. Kaupþing
Búnaðarbanki spáir Landsbank-
anum rúmum þremur milljörðum
króna í hagnað fyrir árið. Ís-
landsbanki spáir bankanum 3,4
milljörðum það er 50-70% aukn-
ing hagnaðar miðað við árið 2002.
Mestur verður hagnaðurinn
hjá Kaupþingi Búnaðarbanka. Ís-
landsbanki spáir bankanum 6,7
milljarða hagnaði sem er ríflega
25% aukning hagnaðar frá því í
fyrra.
Mikill hagnaður er af verð-
bréfaeign bankanna. Mikill geng-
ishagnaður varð af skuldabréfa-
eign á fyrri helmingi ársins og
innlend hlutabréf hafa hækkað
mikið síðustu þrjá mánuði. Tölu-
verður vöxtur er í útlánum bank-
anna og dregið hefur úr vanskil-
um og gjaldþrotum. ■
Móar hf.:
Nauðasamn-
ingum hafnað
DÓMSMÁL Hæstiréttur sneri í gær
við úrskurði Héraðsdóms
Reykjavíkur frá því í lok júlí um
staðfestingu á nauðsamningum
Móa hf. fuglabúi við lána-
drottna.
Ágreiningur reis meðal
kröfuhafa um hvort frumvarp af
nauðasamningum væri ásættan-
legt. Það voru Hamar ehf., og
Reykjagarður hf. sem skutu úr-
skurði héraðsdóms, þar sem
nauðsamningar voru staðfestir,
til hæstaréttar. Líkur eru til þess
að Móar óski eftir gjaldþrota-
skiptum úr því nauðasamnings-
frumvarpið var ógilt. ■
Viðræður í uppnámi:
Vilja útiloka
Japana
BALÍ, AP Norður-Kóreumenn segj-
ast ekki munu leyfa Japönum að
taka þátt í viðræðum um kjarn-
orkuáætlun sína.
„Japan þvælist bara fyrir frið-
samlegri lausn deilu okkar og
Bandaríkjamanna um kjarnorku,“
sagði talsmaður Norður-Kóreu-
stjórnar.
Rán Norður-Kóreumanna á
nokkrum Japönum á áttunda og ní-
unda áratug síðustu aldar hefur
verið bitbein Japana og Norður-
Kóreumanna og notuðu Japanar
tækifærið í kjarnorkuviðræðunum
í ágúst til þess að ræða það mál.
Talsmaður Norður-Kóreu segir það
mál hafa verið leyst í fyrra. ■
Gagnrýnir ráðherra:
Impregilo
veitt skjól
ATVINNUMÁL „Ráðherra er með
þessari framsetningu að segja að
verkalýðshreyfingin fari með bull
og vitleysu í sínum málflutningi,“
segir Þorbjörn Guðmundsson, tals-
maður Samráðsnefndar iðn- og
verkalýðsfélaganna. Er hann þar
að vitna í svör ráðherra varðandi
Impregilo, þess
efnis að eftirlits-
stofnanir hafi
ekki fundið nein
dæmi um að ís-
lenskum lögum
og reglum hafi
ekki verið fylgt
eftir.
„Það er
dæmalaust að
heyra slíkt frá
félagsmálaráð-
herra sjálfum
og reyndar öðrum þingmönnum
Framsóknarflokksins. Ein aðal-
forsenda þess að stórfyrirtæki á
borð við Impregilo hagi sér svona
er einmitt vegna þess skjóls sem
stjórnvöld veita. Þetta er þekkt
frá þriðja heims ríkjunum.“ ■
GUÐMUNDUR GUÐMUNDSSON
Segir fólki í starfsmannafélagi Reykjavíkur-
borgar mismunað.
HALLDÓR ÁSGRÍMSSON
Segir Íslendinga hafa skyldum að gegna
gagnvart fátækjum ríkjum.
ÞÓRUNN SVEINBJARNARDÓTTIR
Hóf utandagskrárumræðu um Ísland og þróunarlöndin. Segir Samfylkinguna styðja tvö-
földun framlaga Íslands til ársins 2006.
FR
ÉT
TA
B
LA
Ð
IÐ
/V
IL
H
EL
M
ÞORBJÖRN
GUÐMUNDSSON
Segir málflutning fé-
lagsmálaráðherra
með ólíkindum.
FR
ÉT
TA
B
LA
Ð
IÐ
/
AL
D
A
LÓ
A
METHAGNAÐUR
Góðærið er komið í bankanna og nú stefnir í að samanlagður hagnaður stóru bankanna
þriggja verði hátt á sextánda milljarð.
ÁÆTLAÐUR ÁRSHAGNAÐUR
BANKANNA 2003
Kaupþing Búnaðarb.* 6.723 milljónir
Landsbankinn* 3.492 milljónir
Íslandsbanki** 5.450 milljónir
Samtals: 15.665 milljónir
*samkvæmt spá Íslandsbanka
** samkvæmt spá Kaupþings Búnaðarbanka
FR
ÉT
TA
B
LA
Ð
IÐ
/B
IL
LI
Forstjóri Eimskips:
Kristinn í
myndinni
FORSTJÓRAR Kristinn Geirsson,
framkvæmdastjóri Íslenska sjón-
varpsfélagsins sem rekur Skjá 1,
er inni í myndinni sem framtíðar-
forstjóri Eimskipafélagsins. Engin
ákvörðun hefur verið tekin um
slíkt enda á eftir að kjósa nýja
stjórn félagsins. Það verður gert á
morgun. Stjórnin mun síðan taka
ákvörðun um hvaða breytingar
verða gerðar meðal stjórnenda fé-
lagsins.
Kristinn hefur reynslu af flutn-
ingastarfsemi eftir störf hjá Sam-
skipum. Hann var framkvæmda-
stjóri Goða áður en hann kom til
Skjás 1. ■
LÁTBRAGÐ LEIÐTOGANNA
Junichiro Koizumi, forsætisráðherra Japans,
og Kim Jong-Il, leiðtogi Norður-Kóreu.
Fyrrum forsætisráðherra:
Sakaður um
fjármála-
svindl
NANTERRE, AP Fyrrverandi forsæt-
isráðherra Frakklands, Alain
Juppé, á yfir höfði sér allt að
fimm ára fangelsi vegna spilling-
armála.
Málið snýst um greiðslur frá
borgaryfirvöldum og einkafyrir-
tækjum sem greiddu laun fjölda
starfsmanna flokks Jacques
Chiracs. Forsetinn er sjálfur
flæktur í málið en nýtur sem for-
seti, friðhelgi frá saksókn. Verði
Juppé sakfelldur á hann yfir höfði
sér allt að fimm ára fangelsi. ■