Fréttablaðið - 08.10.2003, Blaðsíða 10

10 8. október 2003 MIÐVIKUDAGUR
Í DÝRLINGATÖLU
Jóhannes Páll páfi II tók um helgina þrjá
trúboða í dýrlingatölu. Ítalinn Daniele
Comboni, Þjóðverjinn Arnold Janssen og
Austurríkismaðurinn Josef Freinademetz
hlutu allir blessun páfa við hátíðlega at-
höfn á sunnudag.
Söfnuðu undirskriftum:
Vilja aukið öryggi í umferðinni
ÁSKORUN Tvær stúlkur, átta og níu
ára, gengu á fund Þórólfs Árnason-
ar borgarstjóra og fóru þess á leit
við hann að umferðaröryggi yrði
aukið á Holtavegi. Kveikjan að för
stúlknanna eru tvö umferðarslys á
götunni í sumar.
Í öðru slysanna var keyrt á
Kareni Ákadóttur. Þegar keyrt var
á aðra stúlku á svipuðum slóðum
nokkru síðar tóku hún og Sóley
Mist Hjálmarsdóttir, vinkona
hennar, sig til og hófu undirskrifta-
söfnun í næsta nágrenni. Á annað
hundrað íbúar skrifuðu undir
áskorun til borgaryfirvalda um að
auka öryggi gangandi vegfarenda
þegar þeir fara yfir götuna.
Á mánudag gengu Karen og
Sóley Mist svo á fund borgar-
stjóra, afhentu honum undir-
skriftirnar og fóru þess á leit að
sett væru upp gönguljós eða kom-
ið fyrir þrengingu í götunni til að
draga úr hraða bíla sem fara um
hana. „Hann lofaði að athuga mál-
ið,“ sagði Karen eftir fund þeirra
með borgarstjóra. ■
PEKÍNG, AP Wen Jiabao, forsætis-
ráðherra Kína, segir að Kínverjar
muni senda mann út í geiminn
mjög fljótlega.
„Það verður mjög bráðlega,“
sagði ráðherrann við blaðamenn
við upphaf leiðtogafundar Asíu-
og Kyrrahafsríkjabandalagsins
sem hófst í Balí á Indónesíu í gær.
Undirbúningur hefur staðið í
11 ár en Kínverjar eru þöglir sem
gröfin um geimferðaáætlun sína.
Geimskotið gæti orðið um næstu
helgi en ætlunin er að skjóta
geimfarinu á loft frá Gobi eyði-
mörkinni. Ekki er ljóst hvort einn
maður verður um borð, tveir eða
jafnvel þrír. Þá gæti ferðin tekið
allt frá örfáum klukkustundum
upp í nokkra sólarhringa.
Shenzou-flaug þeirra Kínverja
tekur allt að þrjá geimfara og kín-
verskar fréttastofur greina frá
því að settur hafi verið saman 20
máltíða matseðil og benda á að
það henti þremur geimförum í
heila viku. Fjórum ómönnuðum
Shenzou-flaugum hefur verið
skotið á loft síðustu misseri og
voru þær á braut umhverfis jörðu
í tæpa viku hver.
Sérfræðingar telja líklegt að
geimskotið verði um miðjan þenn-
an mánuð. Þá segja sérfræðingar
að líklegt sé að einn geimfari
verði um borð og ferðin taki innan
við sólarhring.
Kínverjar verða þriðja þjóðin
sem býr yfir tækni til að senda
mann út í geiminn en fyrir eru
Bandaríkjamenn og Rússar.
Kínverjar senda mann út í
geiminn réttum 42 árum eftir að
Sovétmenn sendu Yuri Gagarín á
braut umhverfis jörðu.
Stjórnvöld hafa enn ekki upp-
lýst hver verður fyrsti Kínverjinn
sem fer út í geim en 12 úrvals-
flugmenn úr hernum voru valdir
úr hópi 2000 umsækjenda. Einn
þeirra að minnsta kosti fer út í
geiminn í þessum mánuði.
Geimferðaáætlun Kínverja
kostar um milljarð dollara eða
tæpa 77 milljarða íslenskra króna.
Almenningur í Kína telur
geimferðaáætlunina sóun á pen-
ingum en meðaljóninn í Kína þén-
ar rúmar 50.000 krónur á ári.
the@frettabladid.is
Umboðsmaður Alþingis:
Hafnar
kvörtun ASÍ
KJARAMÁL Umboðsmaður Alþingis
hefur hafnað að taka til efnis-
legra afgreiðslu kvörtun ASÍ að
ríkið mismuni starfsmönnum
sínum hvað varðar lífeyrisrétt-
indi eftir því hvort þeir eigi að-
ild að félögum opinberra starfs-
manna eða félögum innan ASÍ.
Magnús M. Norðdahl, lög-
fræðingur ASÍ, segir niðurstöð-
una vonbrigði en fyrirsjáanlega.
„Það er skoðun ASÍ að umboðs-
maður hafi verulegt tilefni til að
kanna málið og það án þess að
þurfa til þess formlega kvör-
tun.“ ■
BARÓNESSA VALERIE AMOS
Fyrst blökkukvenna til að setjast í lávarða-
deild breska þingsins og einnig fyrst
blökkukvenna til að gegna embætti forseta
lávarðadeildarinnar.
Lávarðadeild breska
þingsins:
Blökkukona
í forsetastól
LONDON, AP Valerie Amos baró-
nessa, sem fædd er í Gvæana,
varð fyrst þeldökkra kvenna til
að gegna embætti forseta lá-
varðadeildarinnar, efri deildar
breska þingsins. Barónessan tek-
ur við sem forseti lávarðadeild-
arinnar af Williams lávarði af
Mostyn sem lést í september.
Amos varð fyrir sex árum fyrst
þeldökkra kvenna til að fá rétt til
setu í lávarðadeildinni ævilangt.
Hún varð í maí síðastliðnum
fyrsta blökkukonan til að taka
sæti í ríkisstjórn á Bretlandi þeg-
ar hún tók við að Claire Short
sem ráðherra þróunarmála. ■
Landlæknir:
Harmar
umræðu um
barnslát
HEILBRIGÐISMÁL Landlæknisemb-
ættið hefur sent frá sér yfirlýs-
ingu vegna umræðu um andlát
barns sem lést úr heilahimnu-
bólgu í vor og fjallað hefur verið
um í fjölmiðlum.
Landlæknir hefur haft málið til
meðferðar og sendi drög að áliti
til málsaðila sem hafa tiltekinn
frest til að gera athugasemdir við
þau. Landlæknir telur að með op-
inberri umræðu um málið sé um
rof á eðlilegri málsmeðferð að
ræða þar sem andmæli og athuga-
semdir hafa enn ekki borist frá
öllum þeim er að málinu komu og
því liggi endanlegt álit ekki fyrir.
Landlæknir harmar fjölmiðla-
umræðu um viðkvæm mál af
þessu tagi áður en meðferð þeirra
er lokið af hálfu embættisins, seg-
ir í yfirlýsingunni. ■
Sigurstund hjá
Kínverjum nálgast
Kínverjar skjóta fyrsta mannaða geimfari sínu á loft einhvern næstu daga. Forseti Kína er
þögull um geimferðaáætlunina. Kínverjar verða þriðja þjóðin sem býr yfri tækni til
að skjóta mönnuðum geimförum á loft.
SHENZOU FLAUGIN
Líkan af fyrsta mannaða geimfarinu sem
Kínverjar skjóta á loft á næstunni.
GEIMBÚNINGURINN
Kínverskur drengur virðir fyrir sér eftirlík-
ingu af búningnum sem fyrsti kínverski
geimfarinn mun klæðast.
KAREN OG SÓLEY MIST
Vilja fá gönguljós eða þrengingar á Holtavegi til að auka öryggi gangandi vegfarenda.
FR
ÉT
TA
B
LA
Ð
IÐ
/V
IL
H
LE
M
Fjórtán þingkonur:
Frumvarp gegn
klámi og vændi
ALÞINGI Fjórtán þingkonur úr öllum
þingflokkum nema Sjálfstæðis-
flokki hafa lagt fram frumvarp til
laga frá Alþingi um breytingu á al-
mennum hegningarlögum.
Breytingarnar kveða á um refs-
ingar fyrir þá sem kaupa sér kyn-
lífsþjónustu, allt að tveggja ára
fangelsi. Eins að hver sá sem hafi
tekjur af milligöngu um vændi ann-
arra skuli sæta fangelsi í allt að
fjögur ár. Konurnar vilja að Alþingi
samþykki allt að fjögurra ára fang-
elsi fyrir þá sem ginna, hvetja eða
aðstoða barn, yngra en 18 ára, til að
stunda vændi eða aðra kynlífsþjón-
ustu. Að sama skapi verður það
refsivert að stuðla að því að fólk sé
flutt úr landi eða til landsins í þvi
skyni að það taki þátt í hvers kyns
klám- eða kynlífsiðnaði og hver sem
stuðlar að því að aðrir hafi samræði
gegn greiðslu eða hefur tekjur af
kynlífsþjónustu annarra með því til
dæmis að leigja út húsnæði. Þeir
sem brjóta af sér á þennan hátt geta
átt yfir höfði sér fjögurra ára fang-
elsi verði frumvarpið að lögum. ■
KOLBRÚN HALLDÓRSDÓTTIR
Fyrsti flutningsmaður að frumvarpi um klám og vændi. Þingkonur standa saman um
frumvarp um bann á kaupum á vændi.
FR
ÉT
TA
B
LA
Ð
IÐ
/V
IL
H
EL
M
Ármann Kr. Ólafsson, bæjarfull-
trúi Sjálfstæðisflokks í Kópavogi,
vill taka fram að hann fór ekki á
vegum Kópavogsbæjar á sjávar-
útvegssýningu í Vigo á Spáni eins
og sumir kunni að hafa lesið út úr
frétt Fréttablaðsins á mánudag.
Ármann var í Vigo vegna starfs
síns sem aðstoðarmaður sjávarút-
vegsráðherra.
■ Leiðrétting